سكارى الحفل (قصيدة جابت العيد)!

[حبر سري]

مساكم الله بالخير
القصيدة سياسية وتعبّر عن واقع , قد لايكون دقيقا 100% , لكنه موجود وملموس , صاحب القصيدة بصراحة ماعرفته , بس من القصيدة الظاهر ان اسمه جابر , وبصراحة القصيدة روعة , واخليكم معاها





اليكم هالقصيدة ياجماهيري وهي خطرة
وخلوا الرقابة تسجن الشاعر وجمهوره

هدوء ايها السادة حضور الحفل والسهرة
مسا الخير عالصاحي واشوف الناس مخمورة

انا اسف عالازعاج ولكن طارت السكرة
ذكرت اني قبل ساعات اصير لعزوتي نوره

على فكرة الكرفتة عجزت افكها عسرة
ابي واحد ينزلها او اي وحدة ومشكورة

وابي ثوبي جيبوا لي ثوبي الاشهب مع الغترة
قبل والله لا اطربقها على هالحفل بحضوره

ولا واحد يتكلم قبل لا اخلص النشرة
ومن يحكي قسم بالله لادوس برجلي حنجوره

تراها قفلت ياسادة بلادي وياستره
وهي مادامها خربت بقول الليلة الثورة

انا بحكي من اول يوم جيت لدنيا قذرة
وتكرم عن قذارتها بيوت الله ومعمورة

انا مولود في ليلة شتا مع بردها مطرة
في خيمة وسط صحرا مابها سستر ودكتورة

انا ياحضرة السادة غريب وضاع من صغره
لعن جدي زماني بين مدهورة ومهجورة

حملت من الشقا مالايطاق وجايكم ذكره
ولاني عاجز اتحمل واموت بنفس مقهورة

وانا ادري يذبح الرجال كثر الصبر في القهرة
وعن قهر الرجال المصطفى حذر ومذكورة

وهم قالوا مفاتيح الفرج للحي في صبره
وانا اشوف الصبر مفتاح ضاع وزاد طابوره

تعبت الملم ايامي بيدين الهم والحسرة
تعبت المع البرواز وامسح غبرة الصورة

تعبت ابوس كف الجوع وخشم الفقر طال عمره
تعبت اكذب على الحاجة واقول الحال ميسورة

تعبت احمس من القهوة واحط السمن والتمرة
تعبت ودلتي وحدة وكل شوي منثورة

احس بالعز بالدلة وبيت النذل به عشرة
دلاله اكثره ملعون ومليانة ومسطورة

انا بحكم البداوة انزرع بداخلي بذرة
عن علوم المراجل الف بذرة فيني مبذورة

تربينا على الدين ونطيع الله مع شكره
تعلمنا نصلي ونحفظ القران وكل سورة

تعلمنا نحب الضيف وفينا الكرم فطرة
تعلمنا نقول الصدق لا لفة ولا دورة

تعلمنا نحلب النوق ونعرف وش هي البكرة
تعلمنا الظما وحنا بيدينا البير محفورة

تعلمنا وكثير اللي تعلمناه وشكثره
اخذنا درس بالدنيا بلادفتر وسبورة

وانتم ياسكارى الحفل عفوا ايها الزمرة
منو فيكم عرف ظلم الزمان وقهره وجوره

منو فيكم وطاه الجوع وذله وصفقه فقره
منو فيكم عرف يحتاج للقمة ونشف زوره

منو فيكم من الضيقة حفر باصابعه قبره
منو فيكم رقد ليله وسط اجساد مقبورة

منو فيكم مشى حافي برمضا كنها الجمرة
منو فيكم سهر بين الظلام بدون اباجورة

منو فيكم ماطاح الفين مرة وسلمت الجرة
وانا من قبل اطيح وجرتي بيديني مكسورة

لكم الماء والوجه الحسن والمال والخضرة
ولنا حنا الظما والجوع وفقر وشيفة عورة

ولامرة حظي ضحك في وجهي واشكره مرة
وغيري مبتسم حظه وكل ايامه مسرورة

كتبت الشعر من صغري وبيوتي مابها كسرة
وانتم تبرزون اللي كتب بيتين مكسورة

انا ياحضرة السادة فقير(ن)مااغتنى بشعره
مادام المومس اللي تشتري الاشعار مشهورة

وانا ياحضرة السادة هنا الليلة وعلى فكرة
تراها البدلة مسروقة ورجلي بجزمة محشورة

ولكن قلت ابحضر هالحفل والعمر ابختصره
وابي ابدع معاكم وسط ليلة انس ومحظورة

واذا كانت رجولتكم في كاس الثلج والخمرة
انا بشرب بدون الكاس وثلجه الف قارورة

ابويه قال لي مرة دسم شاربك في الغبرة
مايدري بالشنب محلوق وجابر فاقد شعوره

انا بمشي مادام الليل ودع وابتدى فجره
بروح ارد هالبدلة على هالمعلاق مزرورة

وانا ادري ياكلاب الحفل اني بالسجن بكرة
مادام الليلة جبت العيد بهذا الحفل وحضوره

[جاكم الأعصار]

ولا واحد يتكلم قبل لا اخلص النشرة
ومن يحكي قسم بالله لادوس برجلي حنجوره



اشهد انه رجال .....سكران

[حبر سري]

ولا واحد يتكلم قبل لا اخلص النشرة
ومن يحكي قسم بالله لادوس برجلي حنجوره



اشهد انه رجال .....سكران

:secret:

[..er..]

الشاعر الكويتي :جابر هايف العتيبي



:)


مضيع الطريق :p

يصير احط رابط القصيده " صوت"

[حبر سري]

الشاعر الكويتي :جابر هايف العتيبي



:)


مضيع الطريق :p

يصير احط رابط القصيده " صوت"

افا عليك اخوي

حط الرابط ولا يهمك
الموضوع موضوعك

وتسلم على الاضافة , انا ماكنت اعرف الشاعر لان القصيدة مطرشينها لي اصلا مقطع بلوتوث صوتي ,

والله يعطيك العافية

[..er..]

عزيز وغالي اخوي حبر :)

http://www.sa6e.com/download.php?id=737

قصيده " الخمره "

جابر العتيبي :nice:

[بنت ذياب]

هههههههههههههههههههههههههههههههه

الللله يهديه هالشاعر

شيخربط عالناس ههههههههههههههههههههه


مشكور اخوي حبر سري :)

ومشكور er عالرابط

لاهنتوا ,

[بوحارب]

صح السانه

تسلم يمينك حبر سري ^ ــ ^

[حبر سري]

هههههههههههههههههههههههههههههههه

الللله يهديه هالشاعر

شيخربط عالناس ههههههههههههههههههههه


مشكور اخوي حبر سري :)

ومشكور er عالرابط

لاهنتوا ,

الله يهدي الجميع يابنت ذياب

بس مااشوف ان الشاعر يخربط

بالعكس , يحكي عن واقع باايحاءات بعضها مباشرة

والف شكر عالمرور يابنت ذياب ولا هان من قال

[سيدة اعمال فلسطنية]

انا مولود في ليلة شتا مع بردها مطرة
في خيمة وسط صحرا مابها سستر ودكتورة

انا ياحضرة السادة غريب وضاع من صغره
لعن جدي زماني بين مدهورة ومهجورة



فعلا قصيده حلوة وغير اتجاه !!!

بحب اشوف قصائد غير عن الحب شي جديد

يعطيك العافيه :)

[حبر سري]

صح السانه

تسلم يمينك حبر سري ^ ــ ^

وصح ابدنك يابوحارب

ومن قال سالم

[حبر سري]

فعلا قصيده حلوة وغير اتجاه !!!

بحب اشوف قصائد غير عن الحب شي جديد

يعطيك العافيه :)

التنويع مطلوب دائما ياسيدة اعمال فلسطينية
والقصيدة عجبتني فحبيت انقلها لكم
وان شا الله تعجبكم

الله يعافيج وشكرا عالمرور

[qatari1]

صح لسان الشاعر ولسانك أخوي حبر سري..

عجبني هالبيت:-

تعبت الملم ايامي بيدين الهم والحسرة
تعبت المع البرواز وامسح غبرة الصورة

على فكرة في بعض التعديلات على النص بعد مطابقته مع الملف الصوتي، وشكراً للأخ ..er...

[حبر سري]

صح لسان الشاعر ولسانك أخوي حبر سري..

عجبني هالبيت:-

تعبت الملم ايامي بيدين الهم والحسرة
تعبت المع البرواز وامسح غبرة الصورة

على فكرة في بعض التعديلات على النص بعد مطابقته مع الملف الصوتي، وشكراً للأخ ..er...

وصح ابدنك اخوي قطري1

والسموحة عالقصور لاني كنت اسمع المقطع واكتب

ولا هنت عالمرور , والشكر موصول حق اخونا er

[!الشايمه!]

مساكم الله بالخير
القصيدة سياسية وتعبّر عن واقع , قد لايكون دقيقا 100% , لكنه موجود وملموس , صاحب القصيدة بصراحة ماعرفته , بس من القصيدة الظاهر ان اسمه جابر , وبصراحة القصيدة روعة , واخليكم معاها






انا بحكي من اول يوم جيت لدنيا قذرة
وتكرم عن قذارتها بيوت الله ومعمورة

انا مولود في ليلة شتا مع بردها مطرة
في خيمة وسط صحرا مابها سستر ودكتورة

انا ياحضرة السادة غريب وضاع من صغره
لعن جدي زماني بين مدهورة ومهجورة

حملت من الشقا مالايطاق وجايكم ذكره
ولاني عاجز اتحمل واموت بنفس مقهورة

وهم قالوا مفاتيح الفرج للحي في صبره
وانا اشوف الصبر مفتاح ضاع وزاد طابوره

تعبت ابوس كف الجوع وخشم الفقر طال عمره
تعبت اكذب على الحاجة واقول الحال ميسورة
<<<<كثيرين ضاعوا بسبة هذا الشئ..يمكن

مانقدر نستفيض لهم في اللوم......ولكن للأسف كنا نرى اصناف واصناف من الضياع
من امور اخلاقية ...وكسر لكل العادات والتقاليد...اليوم نرى شر اكبر حين يكون التوجه
للضرب في الدين.....باسم الحرية...يالهذه الحرية التي اصبحت مسمار الشيطان
لدي كل ذي لب مريض!!!!


انا بحكم البداوة انزرع بداخلي بذرة
عن علوم المراجل الف بذرة فيني مبذورة

تربينا على الدين ونطيع الله مع شكره
تعلمنا نصلي ونحفظ القران وكل سورة

تعلمنا نحب الضيف وفينا الكرم فطرة
تعلمنا نقول الصدق لا لفة ولا دورة

تعلمنا نحلب النوق ونعرف وش هي البكرة
تعلمنا الظما وحنا بيدينا البير محفورة

تعلمنا وكثير اللي تعلمناه وشكثره
اخذنا درس بالدنيا بلادفتر وسبورة

وانتم ياسكارى الحفل عفوا ايها الزمرة
منو فيكم عرف ظلم الزمان وقهره وجوره


منو فيكم من الضيقة حفر باصابعه قبره
منو فيكم رقد ليله وسط اجساد مقبورة

منو فيكم ماطاح الفين مرة وسلمت الجرة
وانا من قبل اطيح وجرتي بيديني مكسورة

لكم الماء والوجه الحسن والمال والخضرة
ولنا حنا الظما والجوع وفقر وشيفة عورة

انا ياحضرة السادة فقير(ن)مااغتنى بشعره
مادام المومس اللي تشتري الاشعار مشهورة

وانا ياحضرة السادة هنا الليلة وعلى فكرة
تراها البدلة مسروقة ورجلي بجزمة محشورة

ولكن قلت ابحضر هالحفل والعمر ابختصره
وابي ابدع معاكم وسط ليلة انس ومحظورة

واذا كانت رجولتكم في كاس الثلج والخمرة
انا بشرب بدون الكاس وثلجه الف قارورة

ابويه قال لي مرة دسم شاربك في الغبرة
مايدري بالشنب محلوق وجابر فاقد شعوره

انا بمشي مادام الليل ودع وابتدى فجره
بروح ارد هالبدلة على هالمعلاق مزرورة

وانا ادري ياكلاب الحفل اني بالسجن بكرة
مادام الليلة جبت العيد بهذا الحفل وحضوره


اعترافات شجاعه.....من شجاع......حين يسعى البعض لغاية ومع هذه الغاية
يترك الكل يدوس على كل مبادئه ومايؤمن به....يكون لصاحب الوعي موت بطئ..
البعض ...يعي مايحصل ويتألم.....ومع الزمن..يصيبه تخدير..
فيصبح كل شئ عادي...ذهاب كرامته..الدوس عليه..
ان يصبح انسان آخر..نسخه منهم منهن.......
ليرضي الآخرين....الكلمة الوحيدة
التي تبقى امام البقية من عقولهم.........

وكأنها الحل الامثل...........عادي

تحية لهذا الاختيار الذي ارغمني ان اقرأ

[عابر سبيل]

اخوي حبر سري...

والله قصيدتك محيره...

يعني...حد في وسط كلامه ايقول:
"تربينا على الدين"

و لكن القصيده من اولها لين اخرها
فيها
" السكره"
"المخموره"
"دنيا قذره"
"لعن جدي"
" ملعون"
"مومس"
"كاس الثلج و الخمره"
"كلاب الحفل"

شوي و ايقول ان كل منهو غني
او الله منعم عليه او عنده ربع
او شله...شوي
و ايقول عنهم

" انك قلب كافرحاقد اسود يهودي":omg:

يعني في مسلم ايقول عن حد مسلم هالكلام!.

اعتقد ان القصيده فيها - و اسمح لي اخوي-
من البذائه و سلاطة اللسان و حقارة الالفاظ ما ينبغي
لاي مسلم ان يترفع عنها و عن كل من يتمادى
في الكلام بمثل هالاسلوب المنحط - في وجهة نظري-



و بالتوفيق...