مهم للادارة والاخوة الاعضاء

[قطرنت]

السلام عليكم ورحمة الله وبركاته

الموضوع يا اخواني انه ملاحظ كثرة الشكاوي على بعض التجار الي ينصبون على بعض الاخوان الي يتعاملون معهم عن طريق المنتدى لثقتهم بالمصداقيه الي يتميز فيها المنتدى والي الاحظه انه صارت عملية النصب علنيه دون اي ردع والي اتمناه من الاخوان الي يتعاملون مع هالنوعيه من التجار انهم يتخذون الحيطه ولا يسلمون فلوسهم مقدما من غير مايستلم بضاعته واحب انوة وانه يوجد تجار في المنتدى يشكرون على مصداقيتهم وحسن تعاملهم مع زباين المنتدى
والي ودي اقوله للاخوان القائمين على المنتدى انه يجب التعامل مع التجار المرضى بمرض النصب والاحتيال بصرامه ويكون لهم ردع شديد من قبلهم بالتعاون مع الاخوان في ادارة البحث والمتابعه قسم الجرائم الاقتصاديه الي يسعدون في خدمة وطنهم في هذا المجال

هذي ملاحظتي وانا ماطرحت هالملاحظه الا لاني ما ابي المنتدى يفقد مصداقيته لدى روادة بعد ما اصبح رمز من رموز دولة قطر
واسمحو لي على الاطاله واترك الامر لكم وشكرا

[نووون]

الله يجزيك خير على موضوعك وعلى حرصك
بس اشلون الزبون مايسلم فلوسه مقدم ؟؟؟ عيل التاجر يجيب بضاعته وتطيح بجبده !!!
اذا بتضمن حق الزبون لازم تضمن حق التاجر
مثل مافي تجار مرضى نفوس ونصابين بعد فيه زباين اللهم لك الحمد والشكر فنانين استعراض بالطلبات ولي حزة الحزة ماتشوفهم ولا تسمع حسهم .. ويااااا كثرهم
الله يصلح الحال .. وامنياتي بالتوفيق والرزق والبيع الحلاااال الحلااااال الحلااااال للجميع

[الكايـــده]

الله يعيييينكم

[هذلان]

السلام عليكم

ملاحظه جيده و حرص تشكر عليه .

احب اضيف فكره مهمه و ان شالله تكون هي الحل . باذن الله
تضع الاداره خدمه للتجار فقط يقوم التاجر بطلب هذه الخدمه و هي :
رابط يوضع في توقيع التاجر . في حال ضغط العضو على الرابط ينقله الـى صفحه مخصصه للتاجر في هذه الصفحه تعليق وتقييم للتاجر من كل شخص تعامل معاه .
مثلا انا اشتريت غرض من تاجر في المنتدى بعد ما اسلم الفلوس و استلم البضاعه اروح لصفحه التاجر و اقيم التاجر و يكون اسم العضو ظاهر ، واضيف انطباعي عن التاجر من حيث السرعه في الاستلام و الثقه و جوده البضاعه و ايضا وصف او مدح التاجر لبضاعته هل هي تستاهل ولا بعد ما شريت اكتشفت انه بالغ في الوصف و المدح
وهالخطوه مهمه لكل من الطرفين . قبل لا ادفع فلوسي ادخل على صفحه التاجر بالمنتدى و اشوف هل هو ثقه او لا ، و التاجر اذا كان فنان و بضاعته مميزه و اسعاره زينه راح تكون تعليقات الناس ممتازه و تصنيفه عالي وهالشي بيساعده في البيع

[QTR-SOUL]

السلام عليكم

ملاحظه جيده و حرص تشكر عليه .

احب اضيف فكره مهمه و ان شالله تكون هي الحل . باذن الله
تضع الاداره خدمه للتجار فقط يقوم التاجر بطلب هذه الخدمه و هي :
رابط يوضع في توقيع التاجر . في حال ضغط العضو على الرابط ينقله الـى صفحه مخصصه للتاجر في هذه الصفحه تعليق وتقييم للتاجر من كل شخص تعامل معاه .
مثلا انا اشتريت غرض من تاجر في المنتدى بعد ما اسلم الفلوس و استلم البضاعه اروح لصفحه التاجر و اقيم التاجر و يكون اسم العضو ظاهر ، واضيف انطباعي عن التاجر من حيث السرعه في الاستلام و الثقه و جوده البضاعه و ايضا وصف او مدح التاجر لبضاعته هل هي تستاهل ولا بعد ما شريت اكتشفت انه بالغ في الوصف و المدح
وهالخطوه مهمه لكل من الطرفين . قبل لا ادفع فلوسي ادخل على صفحه التاجر بالمنتدى و اشوف هل هو ثقه او لا ، و التاجر اذا كان فنان و بضاعته مميزه و اسعاره زينه راح تكون تعليقات الناس ممتازه و تصنيفه عالي وهالشي بيساعده في البيع

:nice::nice::nice::nice:

[السموك]

وازيد على كلام اخوي هذلان

في وايد مواقع اجنبية تسوي نفس الشي

يعني الواحد يقدر يعرف مصداقية اللي يتعامل معاه من خلال تقييم الزبائن

[غناتي1]

سووا ونفذوا فكرة هذلان اشوفها مناسبة

وانا واحد من المنصوب عليهم

[ذيبه مزاجيه]

السلام عليكم

ملاحظه جيده و حرص تشكر عليه .

احب اضيف فكره مهمه و ان شالله تكون هي الحل . باذن الله
تضع الاداره خدمه للتجار فقط يقوم التاجر بطلب هذه الخدمه و هي :
رابط يوضع في توقيع التاجر . في حال ضغط العضو على الرابط ينقله الـى صفحه مخصصه للتاجر في هذه الصفحه تعليق وتقييم للتاجر من كل شخص تعامل معاه .
مثلا انا اشتريت غرض من تاجر في المنتدى بعد ما اسلم الفلوس و استلم البضاعه اروح لصفحه التاجر و اقيم التاجر و يكون اسم العضو ظاهر ، واضيف انطباعي عن التاجر من حيث السرعه في الاستلام و الثقه و جوده البضاعه و ايضا وصف او مدح التاجر لبضاعته هل هي تستاهل ولا بعد ما شريت اكتشفت انه بالغ في الوصف و المدح
وهالخطوه مهمه لكل من الطرفين . قبل لا ادفع فلوسي ادخل على صفحه التاجر بالمنتدى و اشوف هل هو ثقه او لا ، و التاجر اذا كان فنان و بضاعته مميزه و اسعاره زينه راح تكون تعليقات الناس ممتازه و تصنيفه عالي وهالشي بيساعده في البيع

احلى راي و ان شاء الله يتطبق ..

تحياتي ,,

[خوخه وحلو]

ونعم الراي

[عيون أصايل]

ونتمنى ان تتحقق مثل هذه الأفكار .. وننتظر راي الأداره

للاسف احيانا يكون التاجر اكثر مصداقيه من المشتري . !
وبالفعل جميل ان يترك المشتري تعليق بسيط خاصه عندما يستفيد من تجربته . ليفيد غيره كذلك .
ويقدر تعب التاجر .

وفقكم الله لما يحب ويرضى

[اموووله]

فكرة ممتازه وياليت العمل بها

الله يعين الجميع

[عنابية قمر]

جزاك الله خير يا صاحب الموضوع و كل الشكر للأعضاء و اداره المنتدى و مشرفيها علىراسنا من فوق و الله العالم ان تعاملنا على ذمه الله و احنا بعد نتمنا من الاعضاء الى تعاملوا معانا بعد ما يستلموا بضاعتهم يكرمونا بتعليق بسيط سواء بالايجابيه او السلبيه و بهالطريقه را يفيدون نفسهم و اعضاء المنتدي قبل ما نستفيد احنا و الله جزاكم الله الف خير


على فطره حتى التاجر ممكن ينصب عليه اذا طلبنا الغرض و تكلفنا اجرة الطلب و التوصيل خاصه اذا كانت السلعه ماركه غاليه و من ثقتنا با العضوه نأجل التسلم للفلوس مع التسلم للغرض و في الأخير العضوه ما تستلمها باهطريقه بيكون صعب نلقا لها مشتري

كل الى نتمناه المصداقيه في العرض من قبل التاجر و المصداقية في الطلب من قبل الأعضاء
و اسمحولى على الأطاله و شكرا

[بـن عدوان]

كلامك صحيح يااخوي

وعندي حل من الحلول انه الواحد على طول يبلغ الادارة باسم العضو والادارة تتصرف


بس يااخوي مانقدر احنا نطلب له البضاعه وبعدين يدفع

انا صارت لي سالفة

كذا واحد من المنتدى طلب مني اشياء

قالي اطلب ولا يهمك

طلبت ودفعت والبضاعه اوصلت ولما اتصل فيهم يقولون بنتصل بعد شوي وولا يتصلون

شسوي في هالحالة ؟

الله كريم

طلباتي كانت بالدفع المقدم والحمدلله الطلبات وصلت وسلمتها للمشتري ^_^

[مشتاقة لقطر]

الله ييسر
بعد حلوة فكرة التقييم

[لوردغاليري]

اي والله انا خسرت مبلغ ولا حد من الادارة خذ الاجراء معا التاجرة النصابة حسبي الله عليها

[qatarlands]

فكره حلوه \
وياليت يكون فيه نسبة لمصداقية التاجر

[00soma00]

السلام عليكم

ملاحظه جيده و حرص تشكر عليه .

احب اضيف فكره مهمه و ان شالله تكون هي الحل . باذن الله
تضع الاداره خدمه للتجار فقط يقوم التاجر بطلب هذه الخدمه و هي :
رابط يوضع في توقيع التاجر . في حال ضغط العضو على الرابط ينقله الـى صفحه مخصصه للتاجر في هذه الصفحه تعليق وتقييم للتاجر من كل شخص تعامل معاه .
مثلا انا اشتريت غرض من تاجر في المنتدى بعد ما اسلم الفلوس و استلم البضاعه اروح لصفحه التاجر و اقيم التاجر و يكون اسم العضو ظاهر ، واضيف انطباعي عن التاجر من حيث السرعه في الاستلام و الثقه و جوده البضاعه و ايضا وصف او مدح التاجر لبضاعته هل هي تستاهل ولا بعد ما شريت اكتشفت انه بالغ في الوصف و المدح
وهالخطوه مهمه لكل من الطرفين . قبل لا ادفع فلوسي ادخل على صفحه التاجر بالمنتدى و اشوف هل هو ثقه او لا ، و التاجر اذا كان فنان و بضاعته مميزه و اسعاره زينه راح تكون تعليقات الناس ممتازه و تصنيفه عالي وهالشي بيساعده في البيع

فكرة اتمنى انها تتطبق فى اسرع وقت :victory:

[قطرنت]

اشكر مروركم وفكرة اخوي هذلان ممتازة وتستاهل التنفيذ واتمنى احد من الادارة يهتم بالموضوع
وشكرا لكم