لندن والوباء

[gxr o.z]

السلام عليكم ورحمة الله وبركاته
اخواني انا مسافر الى باريس ولندن في اخر ٦ تنصحوني اكنسل رحلتي؟؟ ولا اتوكل على الله
تحياتي

[وطن]

لحد الحين مو واضح اخوي
نراقب الاخبار ونشوف شلون الأوضاع في العالم كله
مو بس اوروبا

الله يستر

[النهار]

السلام عليكم ورحمة الله وبركاته
اخواني انا مسافر الى باريس ولندن في اخر ٦ تنصحوني اكنسل رحلتي؟؟ ولا اتوكل على الله
تحياتي

ياخوي خلك في ديرتك هالسنه لين ماالله يفرج الامور

[البدر 8]

ابعد عن الشر وغنيلة

[مافيا قطر]

والله اخوى ابلادك ابرك لك لين ما تتضج الامور
روح مكه المدينه تمشيه شوى فى جده ولا الطائف وعندك عسير تسوى اوربا ومافيها

[بدور]

اخوي توكل على الله وروح المهم ابتعد عن كنتاكي وهارديز ومكدونالد لانهم يستخدمون دهن الخنزير

وادخل المطاعم العربيه المسلمه وابتعد عن اللحوم بكل انواعها حاول تتحول الى نباتي في الاكل

والله احنا عندنا حالة طواريء ولد اخوي في ريدينج ونحاتيه وهو يطمنا والجامعه نبهوههم عن عدة مطاعم

اللي ذكرتهم لك وعن الاختلاط في الاماكن المزدحمه ... خلال الاسبوع بنروح لندن ان شاء الله

خايفين على الولد وضروري نكون معه لان المرض وصل اسكوتلندا

[الراقي18]

السلام عليكم ورحمة الله وبركاته
اخواني انا مسافر الى باريس ولندن في اخر ٦ تنصحوني اكنسل رحلتي؟؟ ولا اتوكل على الله
تحياتي

والله ياخوي المفروض انا اكلمك من لندن الحين

لكن كنسلت قبل الطياره بخمس ساعات فلوسي راحت علي:eek5: بس الصحه اهم من كل شي

نصيحتي لك تكنسل والوقاية خير من العلاج انا ما اعتقد انك مضطر تروح اذا واحد من الربع مودي بنته علاج رجع امس

خلك في بلادك ما تسوى عليك هالسفره والله وخيرها بغيرها

[وطن]

اخوي توكل على الله وروح المهم ابتعد عن كنتاكي وهارديز ومكدونالد لانهم يستخدمون دهن الخنزير

وادخل المطاعم العربيه المسلمه وابتعد عن اللحوم بكل انواعها حاول تتحول الى نباتي في الاكل

والله احنا عندنا حالة طواريء ولد اخوي في ريدينج ونحاتيه وهو يطمنا والجامعه نبهوههم عن عدة مطاعم

اللي ذكرتهم لك وعن الاختلاط في الاماكن المزدحمه ... خلال الاسبوع بنروح لندن ان شاء الله

خايفين على الولد وضروري نكون معه لان المرض وصل اسكوتلندا


لين أمس اللي وصلني
حالتين في لندن نفسها

واحد جاي من المكسيك
وطفلة عمرها 12 سنة من ديفون مدرستهم كانت جايه من المكسيك

و 8 حالات في بريطانيا ككل

الله يستر

[قطرية بعيون]

كنسل لانه اذا طحت مريض لاقدر الله من بيباريك في غربتك والله بيقطونك ولاعليهم منك خلك عند هلك احسن لك

[الغالي غالي]

الطاعون وعلاجه والاحتراز منه


في الصحيحين عن عامر بن سعد بن أبي وقاص عن أبيه أنه سمعه يسأل أسامة بن زيد ماذا سمعت من رسول الله في الطاعون فقال أسامة قال رسول الله الطاعون رجز أرسل على طائفة من بني إسرائيل وعلى من كان قبلكم فإذا سمعتم به بأرض فلا تدخلوا عليه وإذا وقع بأرض وأنتم بها فلا تخرجوا منها فرارا منه0( صدق رسول اللة الكريم )

[بدور]

لين أمس اللي وصلني
حالتين في لندن نفسها

واحد جاي من المكسيك
وطفلة عمرها 12 سنة من ديفون مدرستهم كانت جايه من المكسيك

و 8 حالات في بريطانيا ككل

الله يستر

الله يستر على الطلبه اللي هناك ويحفظهم المشكله الامتحانات هالشهر وينتظرون النتائج

تقريباً آخر 6 الله يحفظهم المرض ينتشر بسرعه مضطرين نتناوب عند ولد اخوي والله خايفين عليه وصغير :(

[sulai6i]

السلام عليكم ورحمة الله وبركاته
اخواني انا مسافر الى باريس ولندن في اخر ٦ تنصحوني اكنسل رحلتي؟؟ ولا اتوكل على الله
تحياتي



اخوي تابع اخبار المرض في هالموقع

http://en.wikipedia.org/wiki/2009_swine_flu_outbreak

اللي ما ينعرض في الأخبار .. يعرضونه في هالموقع والتحديث يومي فيه

ولو تلاحظ في الجدول على اليمين تحت كلمة ( Cases ) بتلاقي في حالات مسجلة
وفي حالات مشتبه فيهم ( Suspected) وفي حالات محتملة ( probable )

انت شوف العدد كيف يتزايد .. وهذا ما يعرضونه في الأخبار


مع العلم بأن : The Mexican government stopped reporting suspected cases and deaths on April 30, 2009

لطفك يارب

[نورFROM قطر]

والله هلي اللي برع ف لندن وامريكا يقولون اشفيكم متخرعين ومسوين سالفه واحنا هني ماعندنا شي

بس عندكم ؟؟؟؟

[راعي القالات]

نصيحتي لك اخوي انك تستخير هالصيف تراك ان ماسافرت مب اخر الدنيا
لكن نصيحتي لك انك تتعوذ من ابليس وتمسك ارضك ولا تروح لهالبلدان الاوروبية
وفوق هذا والاهم عندك مطار دبي انتبه انتبه انتبه من هالمطار بالذات لأنه ملايين مسافرين فيه
وعندك مطار البحرين بعد انتبه ومطار الدوحة

انا نصيحتي لك انك هالصيف تجلس في البلاد وان سافرت للخليج سافر بسيارة يستحسن لك
لين الله يسلمك شهر 12 يكونون احتتوا الوباء ويصير خير حزتها

راجعوا هالرابط للاخبار اللي فيه اللي تخوف

http://qatarshares.com/vb/showthread.php?t=259278

[عيش سفاري]

الوقاية خيرٌ من العلاج احنا بعد حاجزين بس شكلنا بنلغ الحجز ونروح دولة عربية

[المخفي]

انت رايح تستانس و لا تعيش نفسك في قلق

[وطن]

الله يستر على الطلبه اللي هناك ويحفظهم المشكله الامتحانات هالشهر وينتظرون النتائج

تقريباً آخر 6 الله يحفظهم المرض ينتشر بسرعه مضطرين نتناوب عند ولد اخوي والله خايفين عليه وصغير :(


ماعليه شر
لا تحاتونه وايد هو ريال وبيهتم في نفسه صار له فتره هناك واكيد يقدر يدبر اموره

وترى في خط ساخن مسوينه في بريطانيا تتصلين عليهم وتقولين لهم عن الاعراض اللي عندج وهم يقولون لج لو انفلونزا الخنازير او زكام عادي
لا توسوسون وايد ماعليهم شر ان شاء الله



والله هلي اللي برع ف لندن وامريكا يقولون اشفيكم متخرعين ومسوين سالفه واحنا هني ماعندنا شي

بس عندكم ؟؟؟؟

ايه
اهلي اللي هناك يقولون لنا نفس الحجي
يقولون مافي شي
ومسوين لهم في بريطانيا خط ساخن
وموقع ع الانترنت تحلين اسئلة معينه وتشوفين شنو حالتج

:victory:

[PoBox]

اخوي توكل على الله وروح المهم ابتعد عن كنتاكي وهارديز ومكدونالد لانهم يستخدمون دهن الخنزير

وادخل المطاعم العربيه المسلمه وابتعد عن اللحوم بكل انواعها حاول تتحول الى نباتي في الاكل
والله احنا عندنا حالة طواريء ولد اخوي في ريدينج ونحاتيه وهو يطمنا والجامعه نبهوههم عن عدة مطاعم
اللي ذكرتهم لك وعن الاختلاط في الاماكن المزدحمه ... خلال الاسبوع بنروح لندن ان شاء الله
خايفين على الولد وضروري نكون معه لان المرض وصل اسكوتلندا



للتوضيح اختي المرض ماينتقل بالاكل
لان الفيروس يموت تحت درجة حرارة الطهي العادية
يعني حتى لو شخص اكل خنزير مصاب
ماراح يصيده شي لان الفيروس يكون انعدم بالحرارة

الخطر هو الانتقال بالاختلاط ( انسان حامل للفيروس الى انسان آخر )
والله يسلم عيالكم ان شاء الله وعيال المسلمين




بخصوص الموضوع
ماانصح بالسفر الصراحة ، الواحد ماتسوى عليه سياحة مرعبة بهالطريقة



*
*
*


في ما يلي بعض الحقائق عنه:

- تصيب فيروسات إنفلونزا الخنازير في العادة الخنازير وليس البشر. وتحدث معظم الحالات حين يقع اتصال بين الناس وخنازير مصابة أو حين تنتقل أشياء ملوثة من الناس إلى الخنازير.

- يمكن أن تصاب الخنازير بإنفلونزا البشر أو إنفلونزا الطيور. وعندما تصيب فيروسات إنفلونزا من أنواع مختلفة الخنازير يمكن أن تختلط داخل الخنزير وتظهر فيروسات خليطة جديدة.

- يمكن أن تنقل الخنازير الفيروسات المحورة مرة أخرى إلى البشر ويمكن أن تنقل من شخص لآخر. ويعتقد أن الانتقال بين البشر يحدث بنفس طريقة الإنفلونزا الموسمية عن طريق ملامسة شيء ما به فيروسات إنفلونزا ثم لمس الفم أو الأنف ومن خلال السعال والعطس.


الأعراض
- أعراض إنفلونزا الخنازير في البشر مماثلة لأعراض الإنفلونزا الموسمية وتتمثل في ارتفاع مفاجئ في درجة الحرارة وسعال وألم في العضلات وإجهاد شديد. ويبدو أن هذه السلالة الجديدة تسبب مزيدا من الإسهال والقيء أكثر من الإنفلونزا العادية.

- هناك لقاحات متوفرة تعطى للخنازير لتمنع إنفلونزا الخنازير، ولكن لا يوجد لقاح يحمي البشر من إنفلونزا الخنازير رغم أن مراكز السيطرة على المرض والوقاية الأميركية تضع صيغة لأحدها. وربما يساعد لقاح الإنفلونزا الموسمية في تقديم حماية جزئية ضد إنفلونزا الخنازير "أتش 3 أن 2"، لكن لا يوجد لفيروسات أتش 1 أن 1" مثل اللقاح المتداول حاليا.

- لا تنتقل العدوى للأشخاص من أكل لحم الخنزير أو منتجاته. ويقتل طهي لحم الخنزير داخل حرارة 71 درجة مئوية فيروس إنفلونزا الخنازير كما هو الحال مع بكتيريا وفيروسات أخرى.

[PoBox]

الطاعون وعلاجه والاحتراز منه


في الصحيحين عن عامر بن سعد بن أبي وقاص عن أبيه أنه سمعه يسأل أسامة بن زيد ماذا سمعت من رسول الله في الطاعون فقال أسامة قال رسول الله الطاعون رجز أرسل على طائفة من بني إسرائيل وعلى من كان قبلكم فإذا سمعتم به بأرض فلا تدخلوا عليه وإذا وقع بأرض وأنتم بها فلا تخرجوا منها فرارا منه0( صدق رسول اللة الكريم )

بارك الله فيك اخوي على الانتباه لهالحديث

[أمة الله]

كلمت رفيجتي في أمريكا أمس....قالت ان السفارة حذروهم وقالوا لهم لا تطلعون الا للضروره وابتعدوا عن أكل المطاعم والأماكن المزدحمه........وعليه عليهم الواحد يقعد يحاتي اللي هناك والله

الله يحفظهم ويشفي مرضاهم ويرجعهم لنا سالمين وغانمين ان شالله

[الرصاصي]

انا كنت بسافر بداية 7 للندن وبعض الدول الاوربيه بس شكلي بكنسل السفره لان اكثر الناس مكنسلين سفراتهم واللي بيسافر بيروح صلاله او ابها ومكه وخصوصآ ان شهر رمضان في شهر 8 وانا انصح اللي بيسافرون وماعندهم ضروره للسفر يكنسلون لان الوقايه خير من العلاج والحذر مطلوب في اي مكان .

[دلوليانوز]

كــــــــــــــــــــنــــــــــــــــــــــســـــ ــــــــــــــــــــلــــــــــــــــــوا اروربا + امريكا الشماليه والجنوبيه + جنوب شرق اسيا+ افريقيا


في الصحيحين عن عامر بن سعد بن أبي وقاص عن أبيه أنه سمعه يسأل أسامة بن زيد ماذا سمعت من رسول الله في الطاعون فقال أسامة قال رسول الله الطاعون رجز أرسل على طائفة من بني إسرائيل وعلى من كان قبلكم فإذا سمعتم به بأرض فلا تدخلوا عليه وإذا وقع بأرض وأنتم بها فلا تخرجوا منها فرارا منه0



خلكم في الوطن العربي بس

[الطيبة كلها]

المفروض قطر توقف ارسال موظفين قطريين بالدوله لدول العالم علشان بعض الاشغال هناك خاصه اذا مب مهمة وايد

[وحش قطر]

الله يستر على الطلبه اللي هناك ويحفظهم المشكله الامتحانات هالشهر وينتظرون النتائج

تقريباً آخر 6 الله يحفظهم المرض ينتشر بسرعه مضطرين نتناوب عند ولد اخوي والله خايفين عليه وصغير :(


شلون يعني بتناوبون علية

اذا صغير ليش مطرشينة

ولكم في عائلة الماجد عبرة

[سداوي&مدريدي]

الله يستر

[VIP-QATAR]

انا اشوف الي غرضه السياحه يقعد في بلادة احسن له

لاكن

الي عنده ظروف دراسة أو علاج يروح والله يحفظه

مايصير يضيع دراسته والعالم هناك يدرسون وعايشين حياتهم عادي

[Chambray]

انا حالياً في لندن وكل الامور تمام :)

[بدور]

شلون يعني بتناوبون علية

اذا صغير ليش مطرشينة

ولكم في عائلة الماجد عبرة

لظروف خاصه الولد موجود هناك اخوي وضروري يكون برفقته احد منا

وبنفس الوقت يدرس والاسباب مقدر اذكرها الله يوفقه ويحفظه ان شاء الله

[A bin M]

خلك في ديرتك

[بوخالد911]

استخيير

ولا تستعجل