بعد أنريكي اجليسيس قطر فيشين تحضر لنا المغني الشهير akon

[جمال اليافعي]

أخواني وأخواتي , للأسف لم نتستطع ان نوقف حفله أنريكي وللأسف يبدو ان هناك شركه تشجعت عندما رأت ان الشارع القطري لم يتحرك لأيقافهم فهم الأن يحضرون للحفل الثاني وهو بأعتقادي أسوأ من أنريكي الا وهو حفل المغني " akon " في الانتركونتينانتل .. حسبي الله ونعم الوكيل ..

الحفل في الربع الثالث من هذا الشهر ..


http://www.qatarvision.com/upcoming_events.htm

[فراغ]

من هم ذول الرجاجيل الي مستدعتهم قطر

[فراغ]

معليش اليوم الأكسنت عندي بداوي

[بومحمد911]

ذول الله يسلمك حذالة المجتمع الغربي والي جابوهم البلد ايضا حذاله

[لولو80]

http://www.************/watch?v=qd1D9T1koCI

هذا ردي عليهم

شوف تفكيرهم عنا

يستاهلون خل يجيبون هالاشكال علشان ياخذون فلوسهم وعقب يستهزؤون فيهم ويخلونهم بيزة مايسوون

[لولو80]

حاولت انزل الرابط ما يستوي المهم الاغنية أسمها arab money على اليوتيوب

[boooooon]

ترى akon واصل من اشهر المغنيين عادي بكره الامم المتحدة تدين قرار الغاء الحفل

[لولو80]

شوفوا اكون يرقص معاهم

[ليث العرين]

الأمر مافيه أي شي

لا حول ولا قوه الا بالله منكم


يعني يسوون حفل حق المطربين الخليجيين ونشوف شباب كلن متلثم ويرقص أحسن من ال**** وبالمقابل ما يكون في أي رده فعل لهل شيء


انا مب ضده بس أدعو ان نكون واقعين ومنصفين

المطربين كلهم نفس الحثاله كانو من مكه ولا نيو يورك


و انا عن نفسي لو جابو بوب مارلي بكون اول الحاضرين

[دلة الرسلان]

لا تستغرب عندنا سيمفونية قطرية ما تبغي مدري شسمه يجينا ؟؟

السيفونية لنا ياشيبان قطر وعجايزها وانتوا يا الشباب لكم (اكون او لا اكون ) اكيد في حفله

مطامر وصريخ :shy:

[ورقــة أمــل]

:( والله شي مؤسف

[جلمود]

لا تستغرب عندنا سيمفونية قطرية ما تبغي مدري شسمه يجينا ؟؟

السيفونية لنا ياشيبان قطر وعجايزها وانتوا يا الشباب لكم (اكون او لا اكون ) اكيد في حفله

مطامر وصريخ :shy:

والله أختي مافهم شي شنهي السينفونيا حنا ماعندنا اله العرضه وبس !

:rolleyes2:

[hich]

الأمر مافيه أي شي

لا حول ولا قوه الا بالله منكم


يعني يسوون حفل حق المطربين الخليجيين ونشوف شباب كلن متلثم ويرقص أحسن من ال**** وبالمقابل ما يكون في أي رده فعل لهل شيء


انا مب ضده بس أدعو ان نكون واقعين ومنصفين

المطربين كلهم نفس الحثاله كانو من مكه ولا نيو يورك


و انا عن نفسي لو جابو بوب مارلي بكون اول الحاضرين

هدانا وهداك الله وأحسن خاتمتك و خاتمتنا ياليث العرين ليت لأسمك منك نصيب

[ولد النواخذه]

يالله بحسن الخاتمه يارب
من رأى منكم منكرا فليغيره ولو بقلبه وهذا أضعف الأيمان

[Arab!an]

هدانا وهداك الله وأحسن خاتمتك و خاتمتنا ياليث العرين ليت لأسمك منك نصيب


الاخ يقصد ان من المستحيل يجيبون بوب مارلي لأنه ميت :nice:

وبالتالي مستحيل يحضر الحفله


صح والا لا ياليث العرين ؟

[!الشايمه!]

[QUOTE=ليث العرين;4086726]الأمر مافيه أي شي

لا حول ولا قوه الا بالله منكم


يعني يسوون حفل حق المطربين الخليجيين ونشوف شباب كلن متلثم ويرقص أحسن من ال**** وبالمقابل ما يكون في أي رده فعل لهل شيء


انا مب ضده بس أدعو ان نكون واقعين ومنصفين

المطربين كلهم نفس الحثاله كانو من مكه ولا نيو يورك

............


:nice::nice:

الله لا يسامح من دفع المئات والمئات لاجل عين.....نانسي...ونجوى كرم..واليسا..

حتى الرقاصة دينا....جات ترفه عن شبيبة الوطن ........ :)

وكله في سبيل الوطن والتثقيف الفني.

تحية

[بوحارب]

سخيفين

[فزعـــــ قطر ـــــة]

http://pic.do7a.com/data/media/134/do7a_154.gif
حسبي الله عليهم ونعم الوكيل
http://pic.do7a.com/data/media/134/do7a_154.gif

[OTOsan]

اكون .. او لا اكون ..؟؟

تلك هي المشكله :)

[بوحارب]

اكون .. او لا اكون ..؟؟

تلك هي المشكله :)

حلاته يجيبون بوعلوي

والله ماتلقى لك موقف من الزحمة :secret:

[OTOsan]

حلاته يجيبون بوعلوي

والله ماتلقى لك موقف من الزحمة :secret:

الحل ان احنا نعطي اكون هذا، كلمات اغنية بوعلوي اللي تقول :

oh flowers oh nice smell
oh bananan oh meshmesh and 3anbrood
oh moon of the valley

ويلحنها بلحن انجليزي ،،
بتلاقي لها مبيعات غير طبيعية :)

[لاداعي]

الحل ان احنا نعطي اكون هذا، كلمات اغنية بوعلوي اللي تقول :

oh flowers oh nice smell
oh bananan oh meshmesh and 3anbrood
oh moon of the valley

ويلحنها بلحن انجليزي ،،
بتلاقي لها مبيعات غير طبيعية :)

ماظن يتقن الأغنيه أخوي OTOsan شلون بيقول ياغصني البنا..:secret:

أنا من وجهة نظري أنه يغني(( فراشه وعدت زهره )) وااايد مناسبه له..:shy:

[thefoox]

انا باروح من بيي وياي اووه نسيت ان ممنوع دخول العرب

[ANONYMOUS]

الاخ يقصد ان من المستحيل يجيبون بوب مارلي لأنه ميت :nice:

وبالتالي مستحيل يحضر الحفله


صح والا لا ياليث العرين ؟


لحول

متى مات

:rolleyes2:

[سداوي&مدريدي]

ذول الله يسلمك حذالة المجتمع الغربي والي جابوهم البلد ايضا حذاله

:nice:

[قـطـر]

وقع العريضة وسجل موقفك من الحفل الموسيقي الذي تعتزم مؤسسة قطر للتربية والعلوم وتنمية المجتمع إقامته للمغني أنريكي اجليسيس الماجن

رابط العريضة (http://www.stop.ae/petition/pet/qatar/)

[genesis]

I’m totally against organizing pop concerts in Qatar. It is well known, that such concerts have no organized surveillance, Which makes it a place for teen drinking. If we to promote culture, At least we shall imitate Abu Dhabi by organizing international Classic music concerts, Operas & musicals. It’s really a pity when we try to imitate dubai in everything. We are not Dubai, nor we will ever be

[مرتبش]

اربشتونا من الصبح

الظاهر الاهتمام بيكون على السياحة الغنائية

[Q6RI-001]

اللهم لا تأخذنا بما عمل السفهاء منا

لا حول ولا قوه الا بالله منكم

اللهم ارحمنا اللهم ارحمنا يا ارحم الراحمين

ولا تعليق على الموضوع والفيديو على اليوتوب

[وتبقى الدنيا حلوه]

مع الاخت لولو في اغنية عرب ماني قاعدين يتطنزون على العرب و على الله

[وتبقى الدنيا حلوه]

اتوقع الشهر الجاي بيجيبون مايكل جاكسون

[جمال اليافعي]

مايكل مره وحده هههههههههه خلاص يجيبون بعد Red Hot Chili Pepper

[]ام جاسم[]

http://www.************/watch?v=qd1d9t1koci

هذا ردي عليهم

شوف تفكيرهم عنا

يستاهلون خل يجيبون هالاشكال علشان ياخذون فلوسهم وعقب يستهزؤون فيهم ويخلونهم بيزة مايسوون

لاحول ولا قوة الا بالله انا ماعرف انجليزي للامانه لكن من ظمن الالحان يقولون( الله) جعل السنتهم اجيها القراح
الشرهه مو على المطرب ولا على قطر فونديشن ماقول الا حسبنا الله ونعم الوكيل

[امل الحب]

لقد ناديت لو اسمعت حيا ولكن لاحياة لمن تنادي..

اقلها الانتباه لعيالنا واخواننا وخواتنا ..

وردعهم عن الحضور .. لان محد يسمعني او يسمعكم

[كيفـي]

لا حول ولا قوة الا بالله العلي العظيم..

مادري وش النفع اللى بتستفيده دولة قطر من احضار هذه الاشكال المنحلة اخلاقياً..

والله المستعــــــــــــان..!!!

[**قطـــــر**]

لا حول ولا قوة الا بالله العلي العظيم..

مادري وش النفع اللى بتستفيده دولة قطر من احضار هذه الاشكال المنحلة اخلاقياً..

والله المستعــــــــــــان..!!!

مش قطـــــر ياكيفى لأن قطر كـ دوله ماتتطلع للكسب من هؤلاء

وإنما اللى مستفيد اللجنه المنظمه للحفل :)

[OTOsan]

لمن اختلط عليهم الامر ..

الدعوه هذه المرة موجهه من (قطر فيجن) .. وليت من (قطر فاونديشن) ..

كلهم ينتهون بالنون .. والمطرب بعد ينتهي بالنون .. ويقولون .. كلها فنون

والحفل ماراح ينلغي ولايحزنون !!

فاهمون ..؟؟

[جمال اليافعي]

فاهمون يا بابا :)

[Only Me]

لا تعليق
كل واحد عقله براسه ويعرف الصح والغلط

نفس ما سمحتوا للعرب والخليجين يغنون عندنا ليش مانسمح للاجانب ايش الفرق يعني مااشوف اي فرق

ويعطيك العافية اخوي

[hamoor4ever]

رزق الهبل على المجانين ، خلهم يترزقون لا هو من جيبنا ولا شي الفلوس طايره طايره على الاقل تطير على الوناسه الا اقول متى الحفله وشلون اللي يبي يحضر ؟ خخخخ

[الخير كله]

لمن اختلط عليهم الامر ..

الدعوه هذه المرة موجهه من (قطر فيجن) .. وليت من (قطر فاونديشن) ..

كلهم ينتهون بالنون .. والمطرب بعد ينتهي بالنون .. ويقولون .. كلها فنون

والحفل ماراح ينلغي ولايحزنون !!

فاهمون ..؟؟

هههههههههههههههههههههههههه

[العداله]

الناس طول الوقت تتشكى من الديون الحين صار عندها فلوس تصرفها على حفلات وخرابيط
ما أقول غير اللهم لاتؤاخذنا بما فعل السفهاء منا

[بوردح لمتد]

حسبي الله ونعم الوكيل

مشكور على الخبر الي يغث

[المستثمر]

لعنة الله عليهم , ظهر الفساد في البر والبحر

امس شفت الكتور / يوسف القرضاوي وحبيت راسه صدقوني حسيت بسعادة غير طبيعيه والله لو يجيبون علماء دين بينصلح حالنا , الله يهديهم .

[biz-qtr]

((لكم دينكم ولي دين ))

مع احترامي لصاحب الموضوع

اول شي المطرب اكون متطنز ع العرب والمسلمين عامه وللعلم كل الاجانب ما يدانون العرب ولا احنا ندانيهم لكن اهم يصرحون واحنا كالعاده من وراهم نتكلم

ثاني شي : المشكله ان الدوله فاهمه تنميه السياحه في قطر بهالطريقه وعشان بعد ما يخسرون الاجانب اللي يشتغلون فالشركات ويسون لهم جو
ينضمون هذي الحفلات لهم .

ثالث شي: في قطر فيه كذا شي ما يستسيغه العقل ومنها الكنايس اللي مفتوحه للاجانب وليس للقطري ,, الخمور فالفنادق ع اساس انها للاجانب وليست للقطري .. اتوقع الهدف من هذي الحفلات الاجانب مش القطري

واذا انتو مب مستحبين ان يجيبون مغنين اجانب عشان الدين تري الاغاني كلها سواء كانت اجنبيه او خليجيه او عربيه حرااااام

يعني مافيه فرق يعني حتي لو سوو حفلات خليجيه لازم تكون رده فعلكم نفس هذي بالضبط
فليش التناقض ياجماعه الخير؟!؟!؟!؟

الهدف من الاجانب واضح وكلنا فهمنا الاعيبهم جابو اكون جابو بوب مارلي احنا فاهمين وعارفين واللي لين الحين ما وعا مرده بيوعا

وكلكم راع وكلكم مسول عن رعيته

خلو الاجانب الحين فكرو في حالنا احنا اللي كل شي نقلده ونغير مذاهبنا عشان يحبونا اهنيه البلا مب البلا في انريكي واكون ومايكل البلا في المسلم اللي ينسا عاداته ودينه

وسوري اذا ردي ما عجب حد لكن خلكم واقعيين شوي !!

[عبد الرحمن77]

:( يا الربع خافوا من هذه الآية في سورة الإسراء .....


(( وَإِذَا أَرَدْنَا أَنْ نُهْلِكَ قَرْيَةً أَمَرْنَا مُتْرَفِيهَا فَفَسَقُوا فِيهَا فَحَقَّ عَلَيْهَا الْقَوْلُ فَدَمَّرْنَاهَا تَدْمِيرًا )) (16) .

[الفريق أول ركن]

ليش مانعمل حملة لمنع دخول هالاشكال الى قطر لاقامة الحفلات الصاخبه في هذا البلد الاسلامي


لازم نتحرك ونقوول صوتنا

ولانسيتوا ان احنا في بلد ديمقراطي يكفل لنا الدستور حرية التعبير

[المستثمر]

:( يا الربع خافوا من هذه الآية في سورة الإسراء .....


(( وَإِذَا أَرَدْنَا أَنْ نُهْلِكَ قَرْيَةً أَمَرْنَا مُتْرَفِيهَا فَفَسَقُوا فِيهَا فَحَقَّ عَلَيْهَا الْقَوْلُ فَدَمَّرْنَاهَا تَدْمِيرًا )) (16) .


صدق الله العلي العظيم , وانا اشهد ان الدمار قادم بدأ من تفسخ القيم والاخلاق الى الانهيار الاقتصادي وضعف هوان المسمين .... الخ .

واحب اقول للمسؤولين ( ان زلزلة الساعة شيئ عظيم )

ياريت ترجعون قطر مثل ماكانت دولة مثال للقيم والاخلاق والمبادئ والتكاتف بين اهلها واخوانهم المسلمين المقيمين على ارض اطيب شعب اهل الكرم والحميه وكلامي مايمنع انه نتطور ونكبر وننمو ونقود الامم بس نتمسك بقيمنا اللي كنا عليها, والرسول (ص) يقول الخير في وفي امتي الى يوم القيامه .