وين اقدر اسأل ؟

[توزيعات]

السلام عليكم

الصراحة قبل لايضهر مرض انفلونزا الخنازير كنت مخططة أسافر
وكنت أبي أروح اوروبا .. بس مب الاماكن المعتاده

يعني الناس يروحون فيينا .. زيلامسي .. وبعض الأماكن المحدودة
اانا بغيت أروح اماكن جديدة .. أو ماتروح الناس وايد
يعني بالعربي مابي مكان فيه عربي وخليجيين
عشان احس إني مسافره :)

هل في مكان في الدوحة يقدر يفيدك او يوفر لك جدول سياحي في هالنوعيه من الأماكن اللي طلبتها ؟


وتسلمون مقدما

[HEART_LION]

ههههه

شفيهم العرب والخليجيين؟ ولا بو شعر اصفر احلى

اقعدي هني ابرك

[ضوى]

اختي الكريمة مشاعر

بالنسبة للبرامج السياحية خططي لها انتي بنفسج ، والله شئ ماتتخيلينه متعة مابعدها متعة كل شئ تسوينه وانتي ببيتج ، انا حجزت التذاكر من النت ، وحجزت الفنادق من النت وسويت لي مخطط ماشاء الله عليه مشينا عليه وكاااااان روعة بجد كان روعة والاكيد اعضاء المنتدى ساعدوني وعندح زاد المسافر ، والمسافرون العرب اخذت من كل منتدى شئ وبروحي عقب خططت حسب اللي انا وزوجي وعيالي نحبه ، حتى السيارة حجزتها من النت وكانت امورنا طيبة وكل شئ تمام ولله الحمد بس يبي له وقت ، يعني انا كنت اخطط واعدل واضبط في البرنامج من بداية شهر 4 لين شهر 6 والحمد لله طلع المخطط حسب مابي ووايد استمتعنا واي مساعدة انا حاضرة

[i.qatar]

اختي الكريمة مشاعر

بالنسبة للبرامج السياحية خططي لها انتي بنفسج ، والله شئ ماتتخيلينه متعة مابعدها متعة كل شئ تسوينه وانتي ببيتج ، انا حجزت التذاكر من النت ، وحجزت الفنادق من النت وسويت لي مخطط ماشاء الله عليه مشينا عليه وكاااااان روعة بجد كان روعة والاكيد اعضاء المنتدى ساعدوني وعندح زاد المسافر ، والمسافرون العرب اخذت من كل منتدى شئ وبروحي عقب خططت حسب اللي انا وزوجي وعيالي نحبه ، حتى السيارة حجزتها من النت وكانت امورنا طيبة وكل شئ تمام ولله الحمد بس يبي له وقت ، يعني انا كنت اخطط واعدل واضبط في البرنامج من بداية شهر 4 لين شهر 6 والحمد لله طلع المخطط حسب مابي ووايد استمتعنا واي مساعدة انا حاضرة

رايي من راي الاخت ضوى . .

لكن تأكدي اختي قبل لاتسافرين من المرض اذا منتشر في هذه المناطق او لا

[بدور]

هولندا طبيعه خياليه وما فيها خليجيين ومن هولندا تروحين بلجيكا المانيا فرنسا وتمرين

على الارياف بس بفرنسا والمانيا بتلاقين الخليجيين بلجيكا ما فيها وايد خليجيين وهولندا

ما شفناهم بالمره .. بس ليش ماتبين الخليجيين ... :secret: