المساعد الشخصي الرقمي

مشاهدة النسخة كاملة : اشرايكم في عرض فودافون الجديد؟؟؟؟؟؟


الدكتور عزوز
04-05-2009, 02:36 PM
السلام عليكم ورحمة الله وبركاته

اليوم كنت اقرأ موضوع في جريدة الشرق الاقتصادية عن موضوع المكتتبين وكل شي

المهم انا قررت اتصل عليهم عشان استفتسر زياده

قمت اتصلت على رقم خدمة العملاء في فودافون

وقعدت اسألهم عن عرض المكتتبين اللي كانوا معلنين عنه


المهم يالغاليين انا بقولكم ايش الكلام اللي قالولي اياه


الله يعافيكم

عرض المكتتبين هو كالآتي:

ان كل مكتتب يقدر ياخذ 3 ارقام

لو هم اللي مختارين لك الارقام راح تكون الارقام مجانيه

لو انت اللي بتختار الرقم (حتى لو ما كان مميز) راح تدفع 500 ريال عن كل رقم

والارقام المميزه تبدأ من 500 ريال وطالع

تقدر تختار باقه بـ 100 ريال ،، وبيكون لك رصيد مكالمات بـ 250 ريال (حلو صح) ؟؟

تقدر تختار باقه 350 ريال ،، ولك رصيد مكالمات بـ 1000 ريال (رووووووعه صح)؟؟؟؟


طيب جينا على طريقة الدفع ،، لازم يكون عندك بطاقه إئتمانيه Credit card سواء فيزا او ماستر مارد

طيب واذا ماعندي Credit card ؟؟؟؟؟ للأسف لازم يكون عندك كردت كارد

ليش يعني لازم كردت كارد؟؟؟

عشان نوفر عليك المشوار وعشان ما توقف في الزحمه وتنطر دورك ،، احنا عملنا هالطريقه عشان القيمه تنخصم من الفيزا او الماستر دايركت ،، لو بتفكر فيها هي من مصلحتك عشان نتعبك في الدفع

وتقدر حضرتك تعطينا بيانات حسابك في البنك واحنا راح نخصم المبلغ من حسابك دايركت



طيب والارقام كيف اسعارها وارقام الـ Star المميزه كم اسعارها؟؟

والله الارقام المميزه تبدأ اسعارها من 500 ريال وطالع ،، وارقام الـ Star تبدأ من سعر 25000 ريال وطالع ،، يعني خمسه وعشرين ألف ريال وطالع


اوووووكي


يا جماعه هذا الكلام اللي قالولي اياه


ليش يا جماعه ليش هالاسعار المبالغ فيها؟؟

يعني عشان انتوا عارفين نقطة ضعف الشباب انهم يموتون عالارقام المميزه؟؟ ارخص رقم بخمسه وعشرين ألف ريال؟؟

طيب مب مشكله فيه ناس بيدفعون

نرجع لطريقة الدفع؟؟؟؟؟

لازم ماستر او فيزا عشان ندفع ولا ما لنا أمل نحصل رقم



أولا مب كل الناس في قطر عندهم كردت كارد .... هذا يرجع بسبب ان هالبطاقات محرمه وربويه ونسبة الفايده فيها كبيره واجد

طبعا فيه ناس عندهم كردت كارد

لكن

يعني هل هم ناسيين المشاكل اللي تصير بسبب الكردت كارد؟؟

فرضا تم خصم المبلغ مرتين بالغلط؟؟؟ اروح انا اراكض ورى البنك عشان يردون لي المبلغ؟؟؟ يا ترى لو كنت محتاج للمبلغ ضروري ،،، لين ما يرجع المبلغ يبيله وقت من اسبوع الى اسبوعين صح ولا لا؟؟؟؟

هل انتو يا جماعه ترضون ان اي احد غريب يقدر يخصم اي مبلغ من حسابكم؟؟ ولا تفضلون ان انتو الوحيدين اللي تقدرون تخصمون وتشترون وكل شي؟؟؟

انا عن نفسي أحب الخصوصيه واحب اني اكون انا الوحيد اللي اشوف بطاقتي الائتمانيه وحسابي ،، انا احب اروح بنفسي ادفع الفواتير ،، أحب لو كانت فاتورتي مثلا 1000 ريال ،، ولو ما كان عندي المبلغ كامل احب ادفع 500 ريال الحين والباقي بعدين لما ينزل الراتب صح؟؟



غير كذا اصلا اغلب اهل قطر مديونين والرواتب اول ما تنزل يخصمها البنك على طول صح ولا لا؟؟؟

واغلب اهل قطر عندهم مشاكل بسبب الكردت كارد صح ولا لا؟؟؟


سؤالي اشرايكم في العرض مالهم؟؟؟



على فكره اللي حاب يتأكد من عرض فودافون ومن الكلام اللي قلته ممكن انه يتصل عليهم ويسأل لأني ما جبت الكلام هذا من عندي






الله العالم اني كنت من الناس اللي ينطرون فودافون نحاسه في كيوتل

الله العالم ان مالي علاقة في كيوتل ابداً


لكن يقولون يود مينونك لا يجيك اللي اجن منه
مروض المهـرة
04-05-2009, 02:51 PM
الصراحة عروضهم فاشلة وموب كل واحد عنده بطاقة فيزا والا ماستر

والسالفه ومافيها يبون يضمنون حقهم وسداد الفواتير http://www.qatarshares.com.qa/data/208/211/storm_929905587_407280263.gif
خــطــافــ
04-05-2009, 02:54 PM
بتطلع الفلوس وبذكرك

عندك اراضي لوسيل اكبر دليل
عبسي
04-05-2009, 03:32 PM
سلامي على كيوتل ..لا فيزا ولا كردت..انطر لين ماينقطع ونقع في الطابور..
كيفـي
04-05-2009, 03:45 PM
ليش يا جماعه ليش هالاسعار المبالغ فيها؟؟

لانهم حاطين ببالهم ان اهل قطر كل واحد في بيته بئر بترول.. او حقل..إلخ



أولا مب كل الناس في قطر عندهم كردت كارد .... هذا يرجع بسبب ان هالبطاقات محرمه وربويه ونسبة الفايده فيها كبيره واجد

اللى يعرف ان البطاقات محرمة وربوية..
يفترض انه مايتعامل مع هالشركة الربوية..!!


يعني هل هم ناسيين المشاكل اللي تصير بسبب الكردت كارد؟؟

هذا اللى يبونه.. سحب على كيفهم..
ويعرفون ان اغلب اهل قطر مب فاضيين للمشاكل..
وبيرضون بالقوة..!!!
J & N
04-05-2009, 03:53 PM
لو يموووووووووتون ما دخلت عندهم :tease:

صحيح انب اكتتبت :weeping:


بس خلاص الحمدالله رقمي مميز :nice: ويازين كيوتل :telephone:
الدكتور عزوز
04-05-2009, 03:56 PM
صحيح ان عن كل 100 ريال يعطونكم 250 ريال

وعن كل 350 ريال يعطونكم 1000 ريال


لكن


الدقيقه بـ 0.50 درهم للمكالمات المحليه والمسجات بـ 0.40 درهم للمسج الواحد

والمكالمات الدوليه على 2.50 ريال في الدقيقه لأي دوله في العالم والمسج بـ 0.60 درهم للمسج الواحد،، صحيح لكل مكان في العالم حلو لكن....... هالعرض حلو لغير القطريين

والمشكله ان العرض هذا فقط للناس اللي اكتتبوا ،، يعني للقطريين بس

اهل قطر ما يتصلون على الهند والفلبين واوروبا الا نادر ولا اي دول ثانيه الا نادر


اهل قطر كل اهلهم في الخليج العربي بس ،، وفي بعض الدول العربيه ،،



يعني المكالمات للدول الخليجيه 2.50 فالدقيقه بالذمه مب وايد؟؟؟؟؟



انا ابغي اشوف ردودكم



هل هذا اللي كنتوا متوقعينه من فودافون؟؟؟؟؟؟؟


والله يا فودافون خيبتوا ظنون اهل قطر
بدور
04-05-2009, 04:19 PM
يا زين فودافون كل مكتتب 3 ارقام حلووو واحنا كلنا مكتتبين كم رقم بيعطونا

كل شروطهم اوكِ المهم كيوتل اقطع صلتي بهم حتى لو يرخصون اسعارهم

عمار يافودافون ومن نجاح الى نجاح اكبر
قناص الاسهم
04-05-2009, 04:29 PM
الله العالم من الي قايل لهم هناك :
go to Qatar .. there are thousands of rich people there
they pay so much money 4 mobile numbers

وعقب فترة .. قالوا :

are you sure about that ?? :eek5:
we have to go there .. before any one else go before us
you know what ? :eek5: solding shares is a good idea,
:nice:
الدكتور عزوز
04-05-2009, 05:14 PM
الصراحة عروضهم فاشلة وموب كل واحد عنده بطاقة فيزا والا ماستر

والسالفه ومافيها يبون يضمنون حقهم وسداد الفواتير http://www.qatarshares.com.qa/data/208/211/storm_929905587_407280263.gif

صدقت والله عروضهم فاشله

يعني بيعطونك 1000 ريال عن كل 350 ريال باليد اليمين

وبياخذونها منك باليد اليسار (بسبب الاسعار الغاليه ،، ولا تنسى نسبة الفايده اللي بتدفعها للبنك عشان الفيزا أو الماستر)

يعني ليش ما يخلونا ندفع كاااااااااش؟؟؟؟؟؟؟؟ وليش مبالغين فالاسعار؟؟؟
الدكتور عزوز
04-05-2009, 05:16 PM
بتطلع الفلوس وبذكرك

عندك اراضي لوسيل اكبر دليل

؟؟؟؟؟:rolleyes2::rolleyes2:؟؟؟؟؟؟
الدكتور عزوز
04-05-2009, 05:17 PM
سلامي على كيوتل ..لا فيزا ولا كردت..انطر لين ماينقطع ونقع في الطابور..

:nice::nice::nice::nice:

والله معك حق
الدكتور عزوز
04-05-2009, 05:19 PM
لانهم حاطين ببالهم ان اهل قطر كل واحد في بيته بئر بترول.. او حقل..إلخ




اللى يعرف ان البطاقات محرمة وربوية..
يفترض انه مايتعامل مع هالشركة الربوية..!!



هذا اللى يبونه.. سحب على كيفهم..
ويعرفون ان اغلب اهل قطر مب فاضيين للمشاكل..
وبيرضون بالقوة..!!!



والله انك صادق حاسبين كل واحد عنده بير بترول باسمه ،، ما دروا اهل قطر عايشين على الله وعلى رواتبهم

مع ان الرواتب ما تكفي اسبوع من الشهر

لكن ياخوي ترى حتى كيوتل تقدر تدفع بالكردت كارد،،،،، وفيه ناس يستخدمونها للدفع،،،، هل هذا يعني ان كيوتل ربويه؟؟؟؟
امل الحب
04-05-2009, 05:20 PM
:rolleyes2:

كيوتل ولاغيرها .. مع انهم ساعات يقهرون :anger1:
الدكتور عزوز
04-05-2009, 05:22 PM
لو يموووووووووتون ما دخلت عندهم :tease:

صحيح انب اكتتبت :weeping:


بس خلاص الحمدالله رقمي مميز :nice: ويازين كيوتل :telephone:

:nice: والله شكلي بقول يا زين كيوتل مع اني ما ادانيهم بس في الوقت الحالي هم موفرين لنا الخدمات اللي نبيها بأسعار افضل من اسعار فودافون

وانا بعد رقمي مميز في كيوتل وشكلي بستمر عليه

الله كريم
الدكتور عزوز
04-05-2009, 05:26 PM
يا زين فودافون كل مكتتب 3 ارقام حلووو واحنا كلنا مكتتبين كم رقم بيعطونا

كل شروطهم اوكِ المهم كيوتل اقطع صلتي بهم حتى لو يرخصون اسعارهم

عمار يافودافون ومن نجاح الى نجاح اكبر


صحيح 3 ارقام بس الدفع على الكردت كارد او من الحساب الشخصي مالج

والمكتتبين الاصغر من 18 سنه اعتقد ما يقدرون يستفيدون من هالعرض الله اعلم مب متأكد


اختي والله اتمنى التوفيق لهالشركه

لأن فودافون قبل ما تفتح محلاتها شوفوا كيوتل اشلون انقلب حالها للأفضل

ولو انتي تشوفين ان شروطهم مناسبه لج بالعكس اختي الله يوفقج
lka
04-05-2009, 05:32 PM
بعد كيوتل أحسسن_
والمثل يقول يود مينونك_والسموحة يا كيوتل بس بغي أقول أنا أفضل التعامل مع كيوتل
الدكتور عزوز
04-05-2009, 05:33 PM
الله العالم من الي قايل لهم هناك :
go to Qatar .. there are thousands of rich people there
they pay so much money 4 mobile numbers

وعقب فترة .. قالوا :

are you sure about that ?? :eek5:
we have to go there .. before any one else go before us
you know what ? :eek5: solding shares is a good idea,
:nice:




:nice::nice::nice:

والله اخوي من حقهم كشركه انهم يبيعون اسهمهم ويطرحونها للإكتتاب مثلهم مثل كيوتل


كل رجاءنا انهم يغيرون طرق الدفع ،، يعني اللي حاب يدفع كاش يدفع كاش ،، اللي حاب يدفع بنظامهم الجديد يدفع بنظامهم الجديد

اللي اعرفه ان حلو انك تعطي عملائك فرصه عشان يختارون اللي يناسبهم ،، ومب شي لما تجبرهم على شي معين

وبعد باليت يرخصون اسعار المكالمات شوي

الكل عارف ان سعر المكالمه بين خط فودافون وكيوتل هو 0.16 درهم

طبعا هالقرار طلعه المجلس الاعلى للأتصالات


المهم بما ان سعر المكالمه بين الشبكتين في الدقيقه هو 0.16 درهم ليش محددين قيمة المكالمه في الدقيقه بـ 0.50 درهم

يعني عى الدقيقه 0.34 ارباح لهم؟؟
الدكتور عزوز
04-05-2009, 05:35 PM
:rolleyes2:

كيوتل ولاغيرها .. مع انهم ساعات يقهرون :anger1:

ياليت ساعات بالعكس كيوتل دايما يقهرون

بس عالاقل كيوتل معطينا حق اختيار طريقة الدفع

وعالاقل كيوتل ارخص شوي منهم

وكيوتل تطورت للأحسن من يوم ما فودافون دخلت قطر وشرت الرخصه ومحد يقدر ينكر هالشي


وانا اتمنى من فودافون ينافسون كيوتل عشان نترك كيوتل ونتعامل معاهم
الدكتور عزوز
04-05-2009, 05:38 PM
بعد كيوتل أحسسن_
والمثل يقول يود مينونك_والسموحة يا كيوتل بس بغي أقول أنا أفضل التعامل مع كيوتل

وانا في الوقت الحالي اضم صوتي لصوتك

يمكن مع الايام فودافون تقدم عروض احسن وطرق دفع مثل طرق الدفع المتعارف عليها في قطر
احلى سهم
05-05-2009, 11:05 PM
طريقه الدفع جيده .. لكن الاسعار :tease:!!

ملاحظه:
الكردت كارد ما عليه فوائد لو تم استخدام الكرت لدفع مشتريات ..
اما اذا المستخدم بيسحب فلوس -كاش- .. هذي عليها فوايد (محد يحتاجها دام بطاقة السحب الالي موجوده.. الا في السفر لو كانت البطاقه غير مقبوله)
$$كلنا قطر$$
06-05-2009, 12:29 AM
كيوووووووووووووووووتل وبس
والله انهم تحسنو وايد وللأحسن
نو فودافون
حورية
06-05-2009, 01:35 AM
سلامي على كيوتل ..لا فيزا ولا كردت..انطر لين ماينقطع ونقع في الطابور..

السلام عليكم
ليش اخوي اتقول طابور يمكن هذا الشي كان قبل بس الحين لا طابور ولا تاخير لان يمكن انت فاكر نفس قبل اتروح افرع كيوتل وتدفع وتطلب الخدمات الحين في شركات تقدر تدفع عندهم وتطلب اي خدمة انت تبيها وانت مرتاح مكانك عندك نوكيا وستارلنك وجمبو واتصال والبريد ويمكن بعد شركات ثانية بس ما اعرفها وغير الاجهزة الي موجودة في كل مكان تقدر تدفع بالفيزا وكاش ولا منة فودافون واليوم حاطين بالجرايد تخفيض المكالمات الدولية ولا منة فودافون
هااوي
06-05-2009, 01:39 AM
عرض يحمل الأستغلاليه شعار له
الدكتور عزوز
06-05-2009, 07:04 AM
طريقه الدفع جيده .. لكن الاسعار :tease:!!

ملاحظه:
الكردت كارد ما عليه فوائد لو تم استخدام الكرت لدفع مشتريات ..
اما اذا المستخدم بيسحب فلوس -كاش- .. هذي عليها فوايد (محد يحتاجها دام بطاقة السحب الالي موجوده.. الا في السفر لو كانت البطاقه غير مقبوله)

مرحبا اخوي

اشكرك عالمرور


بس الشيخ من قالك ان الكردت كارد ماعليه فوايد؟؟؟؟

اخوي هو صح مافيه فوايد لو دفعت كامل الفاتوره قبل 45 يوم من تاريخ الشراء

لكن بعد 45 يوم لو ما دفعتها كامله

نسبة الفايده اكثر من 10% وطالع وتنحسب هذي النسبه على قيمة الفاتوره!!!!!!!!

(تختلف نسبة الفايده من شركه إلى اخرى وعلى حسب نوع البطاقه)

واغب اهل قطر اللي عندهم كردت كارد يدفعون 5% من فاتورة الكردت كارد

يعني مثلا الشخص عليه فاتورة كردت كارد بقيمة 10000 ريال ،، بيدفع بس 5% اللي هو 500 ريال

الشهر الي بعده مع نسبة الفايده الـ 10000 بتصير 10450 ريال اذا ما كان اكثر

المهم بيجي الشخص بيدفع 525 ريال اللي هو 5%


الشهر اللي بعده بتصير الفاتوره مع نسبة الفايده 10817.5

وبيجي العميل مسكين بيدفع الـ 5% اللي هي مبلغ 546


يعني خلال 10 شهور قيمة الفاتوره بيصير دبل على العميل المسكين اللي مايدري




يعني مثل ما تشوف قيمة الفاتوره على الكردت كارد يزيد لو ما دفعتها كامله حتى لو انك ما شريت منها فتره طويله ،،


وطبعا هالكلام انا اقوله على اساس ان نسبة الفايده 10% في حالة عدم سداد الفاتوره مع اني متأكد انها أكثر بوايد وتقدر تسأل


الكردت كارد حلووووووه لو كان الواحد يدفع الفاتوره كامله أول بأول

ربعي يشتغلون في بنوك وتقدر تسأل البنوك عشان تتأكد


صحيح لو استعملتها للشراء نسبة الفايده أقل

لكن لو سحبت كاش تزيد نسبة الفايده وتوصل إلى 23%

اسمحلي على الاطاله
الدكتور عزوز
06-05-2009, 07:06 AM
كيوووووووووووووووووتل وبس
والله انهم تحسنو وايد وللأحسن
نو فودافون

نعم كيوتل تحسنوا وايد

لكن مهما صار بيتمون كيوتل وبيتمون يشفطووون كل شي في طريقهم أول بأول

اتمنى يتحسنون زياده

كل شي من مصلحتنا
الدكتور عزوز
06-05-2009, 07:11 AM
السلام عليكم
ليش اخوي اتقول طابور يمكن هذا الشي كان قبل بس الحين لا طابور ولا تاخير لان يمكن انت فاكر نفس قبل اتروح افرع كيوتل وتدفع وتطلب الخدمات الحين في شركات تقدر تدفع عندهم وتطلب اي خدمة انت تبيها وانت مرتاح مكانك عندك نوكيا وستارلنك وجمبو واتصال والبريد ويمكن بعد شركات ثانية بس ما اعرفها وغير الاجهزة الي موجودة في كل مكان تقدر تدفع بالفيزا وكاش ولا منة فودافون واليوم حاطين بالجرايد تخفيض المكالمات الدولية ولا منة فودافون

معاج حق الشيخه الحين ما عاد فيه طوابير ولا شي بالعكس الدنيا سهالات مع كيوتل

قبل والله كنت اروح كيوتل السد من الصبح الساعه 8 عشان اخلص اموري قبل الزحمه وبعيد عن زحمة المجمعات

لكن الحين اروح كيوتل فيلاجيو دقيقتين ما اكمل هناك الا انا دافع فواتيري ومخلص وطالع

الحمدلله على التخفيضات والله كل شي في مصلحتنا

وفودافوووووووون خل يخلون الكردت كارد ينفعهم :@ قال شنو قال Autopay

فرضاً احد قدر يهكر على فودافون وياخذ معلوماتنا البنكيه؟؟؟؟ راحت علينا عقب يعني؟؟؟؟؟؟؟؟

لا يقولون ما يصير والله يصير ونص

هالاشياء ما صارت بقطر لين الحين لأن اهل قطر ما يشترون على النت وايد يعني عدد قليل اللي يشترون على النت

عشان كذا ما صارت عندنا هالمشاكل


الزين في كيوتل انهم معطينا احنا الاختيار بنوع الدفع ومب مجبورين على شي معين

لو بغينا كاش بندفع كاش لو بغينا بطاقة الـ ATM بكيفنا واللي يبي يدفع بالفيزا او الماستر بعد بكيفه


يا كاش يا بلاش
حيهور
07-05-2009, 03:34 AM
تقدرون تشتكون على الشركة لتدخلها في خصوصيات الكستمرز
بدر711
07-05-2009, 05:01 AM
عزيزي كل توجه الدوله بنظام الدفع الآلي من المرور الى الجوازات الى التصديقات في الخارجيه وهذا نظام متطور ويحسب لهم ميزه و بطاقه الصراف العاديه تقدر تسحب بها وتقول فيها ربى الله يهديك بس
هام السحاب
07-05-2009, 05:07 AM
عزيزي كل توجه الدوله بنظام الدفع الآلي من المرور الى الجوازات الى التصديقات في الخارجيه وهذا نظام متطور ويحسب لهم ميزه و بطاقه الصراف العاديه تقدر تسحب بها وتقول فيها ربى الله يهديك بس

يعني تقصد ان المكتتبين يقدرون يشترون الارقام عن طريق بطاقه الصراف الالي :rolleyes2:
حمد
07-05-2009, 05:52 AM
مرحبا اخوي

اشكرك عالمرور


بس الشيخ من قالك ان الكردت كارد ماعليه فوايد؟؟؟؟

اخوي هو صح مافيه فوايد لو دفعت كامل الفاتوره قبل 45 يوم من تاريخ الشراء

لكن بعد 45 يوم لو ما دفعتها كامله

نسبة الفايده اكثر من 10% وطالع وتنحسب هذي النسبه على قيمة الفاتوره!!!!!!!!

(تختلف نسبة الفايده من شركه إلى اخرى وعلى حسب نوع البطاقه)

واغب اهل قطر اللي عندهم كردت كارد يدفعون 5% من فاتورة الكردت كارد

يعني مثلا الشخص عليه فاتورة كردت كارد بقيمة 10000 ريال ،، بيدفع بس 5% اللي هو 500 ريال

الشهر الي بعده مع نسبة الفايده الـ 10000 بتصير 10450 ريال اذا ما كان اكثر

المهم بيجي الشخص بيدفع 525 ريال اللي هو 5%


الشهر اللي بعده بتصير الفاتوره مع نسبة الفايده 10817.5

وبيجي العميل مسكين بيدفع الـ 5% اللي هي مبلغ 546


يعني خلال 10 شهور قيمة الفاتوره بيصير دبل على العميل المسكين اللي مايدري




يعني مثل ما تشوف قيمة الفاتوره على الكردت كارد يزيد لو ما دفعتها كامله حتى لو انك ما شريت منها فتره طويله ،،


وطبعا هالكلام انا اقوله على اساس ان نسبة الفايده 10% في حالة عدم سداد الفاتوره مع اني متأكد انها أكثر بوايد وتقدر تسأل


الكردت كارد حلووووووه لو كان الواحد يدفع الفاتوره كامله أول بأول

ربعي يشتغلون في بنوك وتقدر تسأل البنوك عشان تتأكد


صحيح لو استعملتها للشراء نسبة الفايده أقل

لكن لو سحبت كاش تزيد نسبة الفايده وتوصل إلى 23%

اسمحلي على الاطاله

الدولي الاسلامي مياخذ اي فايده على مشترياتك 0%
احلى سهم
07-05-2009, 08:00 AM
مرحبا اخوي

اشكرك عالمرور


بس الشيخ من قالك ان الكردت كارد ماعليه فوايد؟؟؟؟

اخوي هو صح مافيه فوايد لو دفعت كامل الفاتوره قبل 45 يوم من تاريخ الشراء

لكن بعد 45 يوم لو ما دفعتها كامله

نسبة الفايده اكثر من 10% وطالع وتنحسب هذي النسبه على قيمة الفاتوره!!!!!!!!

(تختلف نسبة الفايده من شركه إلى اخرى وعلى حسب نوع البطاقه)

واغب اهل قطر اللي عندهم كردت كارد يدفعون 5% من فاتورة الكردت كارد

يعني مثلا الشخص عليه فاتورة كردت كارد بقيمة 10000 ريال ،، بيدفع بس 5% اللي هو 500 ريال

الشهر الي بعده مع نسبة الفايده الـ 10000 بتصير 10450 ريال اذا ما كان اكثر

المهم بيجي الشخص بيدفع 525 ريال اللي هو 5%


الشهر اللي بعده بتصير الفاتوره مع نسبة الفايده 10817.5

وبيجي العميل مسكين بيدفع الـ 5% اللي هي مبلغ 546


يعني خلال 10 شهور قيمة الفاتوره بيصير دبل على العميل المسكين اللي مايدري




يعني مثل ما تشوف قيمة الفاتوره على الكردت كارد يزيد لو ما دفعتها كامله حتى لو انك ما شريت منها فتره طويله ،،


وطبعا هالكلام انا اقوله على اساس ان نسبة الفايده 10% في حالة عدم سداد الفاتوره مع اني متأكد انها أكثر بوايد وتقدر تسأل


الكردت كارد حلووووووه لو كان الواحد يدفع الفاتوره كامله أول بأول

ربعي يشتغلون في بنوك وتقدر تسأل البنوك عشان تتأكد


صحيح لو استعملتها للشراء نسبة الفايده أقل

لكن لو سحبت كاش تزيد نسبة الفايده وتوصل إلى 23%

اسمحلي على الاطاله

صح كلامك .. بس شاللي يخلي الواحد ما يدفع اول باول؟
البنك يدعي انه يسهل لك الدفع بال10% لكن هو يبي منك فلوس زياده!
انا اول ما قدمت عالكرت حطوا لي دفع 10% .. وبعد فتره انتبهت ان مو كل الفلوس تندفع واروح انا ادفع كل مره .. وعقب غيرت نسبه الدفع الى 100%
انا عندي كردت كارد وادفع اول باول الحمدلله .. والكرت بالنسبه لي وسيله تسهيل لانه مقبول في كل مكان !
وتبقى الدنيا حلوه
10-05-2009, 08:27 AM
كم رقم استعلامات فودافون ؟
mubarak2000
10-05-2009, 08:37 AM
:nice: والله شكلي بقول يا زين كيوتل مع اني ما ادانيهم بس في الوقت الحالي هم موفرين لنا الخدمات اللي نبيها بأسعار افضل من اسعار فودافون

وانا بعد رقمي مميز في كيوتل وشكلي بستمر عليه

الله كريم

الضاهر اكيوتل بتكون الاقوى من فودا فون
محمد بن حمد
10-05-2009, 09:28 AM
صج كم رقم استعلامات فودافون
الدكتور عزوز
11-05-2009, 02:11 PM
كم رقم استعلامات فودافون ؟

رقمهم 8007111
الدكتور عزوز
11-05-2009, 02:13 PM
صج كم رقم استعلامات فودافون

8007111
الدكتور عزوز
11-05-2009, 02:15 PM
الضاهر اكيوتل بتكون الاقوى من فودا فون

الله اعلم

الايام بينهم
الوفي
11-05-2009, 08:38 PM
فودافـــــــــــــون والا كيــــــــــــــــــوتل.......
عبـــــــــــــــــــاس أخـــــــــــــــــو دبـــــــــــــــــاس.....
خدمة سيئــــــــــــة واسعار غاليه ............بالعقل فودافون متحكمه فيها كيوتل وحاطه شروط وضوابط عليها اشلون تبي ترخص فودافون للمشترك فيها.....بس كيوتل عطتها شويت صلاحيات ووافقت علشان تدخل بقطـــــــــر وتشفط مثلها مثل كيــــــــــــــــوتل ......
يعني اول كانت كيوتل تاكل ربع راتبك والحين ألتحم الثنائي ومايندرى كم بتكون حصتهم من راتبك....
خلك على شركة وضربتين بالراس توجــــــــــــع......
jm01
24-05-2009, 07:44 PM
اي عرض للمساهمين اللي يقولون عنه .. مب الكل عنده بطاقة فيزا والا ماستر صج قصو علينا
والله تنقهر ولا مسوين لنا عروض ولا شي
ذلونا لما يبون يفتحون شركة اتصالات
ولى سعر مكالمتهم مافرقت عن كيوتل
REEMIA
24-05-2009, 09:06 PM
اي والله هذوالى شايفين الناس كلهم يتعاملون مع فيزا كارد وماستر انا كنت بشترى لما شفت الف ودوران
قلت خلنى على رقمي ابرك... ولا اتوقع هنظام فودا فون الى بسعوديه والدول ثانيه غير عنا ومتساهلين معاهم
شكلهم سامعين انه كل بيت بقطر تحته بير نفط خخخخ<<<مقهوره من قلب
THE1ONE
25-05-2009, 12:58 PM
انا ما جاني مسج باليوزر نيم والباسورد
r07
26-05-2009, 09:07 AM
تدري ليش لازم كردت كارد ...مب عشان انت ما تتعب ....علشان هم يحصلون الفلوس بأسرع وقت ....ويمكن يدفعون الشخص الفاتوره اكثر من مرة...و اذا صار هالشي صدقني ناس واجد بيكسلون وما راح يطالبون بحقوقهم فالشركه ربحانه في الحالتين...