ابي خياط معروف للبدلات الرسمية!

[jassim_007]

السلام عليكم...


بعد التحية..


اخواني مثل ماتشوفون من عنوان الموضوع ^_^ وراي سفرة و ادور خياط يفصل بدلات رسمية و يكون صج صج استايل :nice: عاد ابي خياط يعرف شغلة صح لانه مالي في البدلات ولا اعرف موديلاتهم يعني ابي هو يقترح علي و هو يقول لي شنو الزين و كيف و اشلون و متى :tease:


مب يعطيني كاتالوج و يقول لي اختار :shy: لانه مالي في البطيخ !



مقدماً اشكركم على المساعدة و نردها لكم بالافراح : )

[jassim_007]

بخخخ ناطرينكم ^_^

[نووون]

اذا مالك في البطيخ :nice: أنصحك (ومن الافضل) تروح السلام او الصالون الازرق
لأن المهام الرسمية مهم فيها الهندام وايد ;)
اختار البدلة على عيونك .. واذا محتاجة تضبيط يضبطونها لك ويسلمونها لك برسم الخدمة
الجاهز أكشخ وستايل للشباب .... والخياط يناسب الشياب أكثر

موفق في السفرة:victory:

[نورFROM قطر]

في فيلاجيو لما تدخل من باب زارا بيكون اول محل ع يسارك بدلاته حلوه وراقيه واسعاره نايس

[::Mo0on'hm::]

خياط كشمير في شارع الكهرباء يفصل بدل اوكي:nice:

[بو نايف]

كشمير

من افضل من يفصل البدل في قطر

[غناتي1]

توكل على الله -- واشتر جاهز من السلام

موفق في سفرتك

[jassim_007]

اول شي تسلمون يا الخوات و ماقصرتو <<طلعتو خبره لووول

بخصوص الجاهز يعني بحصل شي على مقاسي ! مابي يكون وسيع او ضيق ابي شي استايل و فله و على مقاسي << شكلي بشوف السلام و الصالون الازرق دام انه الخياييط للشياب : ( و لو ماعجبوني بشوف زارا و لو ماعجبني بنشوف كشمير و خياط كورش في النصر : ) و الله يوفقني وياكم


عاد اذا في حد مجرب و يعرف شنو احسنهم ياليت مايبخل علي : ) و ثانكس

[Villagio]

محل بوجي في فيلاجيو حلو واسعارهم مناسبة
اخذلك بدلة منه وودها الخياط يفصلك نفسها اذا اعجبك الموديل
محل ماسيمو دتي في فيلاجيو بعد مثل ماذكروا فوق

[Ali Mohammed]

أخوي في محلات في الستي سنتر عندها بدل حلوة واسعارها جيدة اعتقد انها موجوده في الطابق الثالث الجهة المواجهة حق دبنهامز .

ولو تبي خياط انصحك بكشمير وكروش

اما المحلات الكبيرة مثل زارا والصالون الأزرق والسلام والبيت الحديث عندهم ماركات حلوة بس فوق 5 الالاف للبدلة

[نورFROM قطر]

:anger1:

روح المحل اللي مشاهد زارا قلت لك عنه نااااايس واسعاره حلوه


وبس لاتدور وايد واذا ماجات ع قياسك هم يضبطونها لك

[راعي القالات]

ارماني في اللؤلؤة
ارقى بدلات رجالية رسمية
تفصيل وخياطة مش جاهز

[eXpert*]

عزيزي الكريم : يعتمد على المدة اللي راح تسافرها ،، يعني انا مرة كنت بروح مهمة رسمية لمدة ساعات معدودة يعني اللهم بس للاستقبال في المطار فحرام اشتري بدلة بـ مبلغ يتجاوز الـ 4000 ريال مريت على جنتلمان اللي في النصر وخذت لي شي يمشي الحال ومن أروع ما يمكن .

أفضل خياط للبدل مثل ما تفضلوا من سبقوني خياط كشمير من أفضل التصاميم .. واللي يقولك التفصيل للشياب بالعكس ،، التفصيل للشباب لانك تفصل موديل فريد من نوعه ماتكون ماشي على الموضة الدارجة.

[راعية السيكل]

كشمير