كيوتل وحركاتهم النص كم !! [الأرشيف] - منتديات شبكة الأسهم القطرية

مشاهدة النسخة كاملة : كيوتل وحركاتهم النص كم !!

قطري vip

05-05-2009, 06:17 AM

انا اول الداعمين لكيوتل حتى لو انزلت فودافون بس انه اتصير منهم هالحركه ماحبيتها بصراحه

انا خذيت عرض البرودباند اليو اس بي وخذيتها من كيوتل اللي بالريان وبعد كم يوم صادها

فايروس ووديت لا ب توبي لفني فاهم وعرف المشكله مب من اللاب توب من الفايروس اللي

باليو اس بي ووديته لكيوتل قالو لي مالنا خص وده ستار لينك ووديته لستار لينك وخذو الوصله

ونقعوني 3 ايام بس علشان الوصله تخيلو هال3 من الاشتراك اول شي وثاني شي المفروض

يبدلونها بنفس الوقت حتى الفننين ماعرفو علة الوصله تخيلو والله كرهت الوصله قلت لو

اختربت ايشبسون بعد بينقعوني المفروض تتبدل على طول وسلامتكم

Me&OnLy

05-05-2009, 06:22 AM

فودافون شركة عالمية مو محليه وطنيه همها بس الفلوس وعلى حساب من على حساب المواطنين الي هم منها وفيه تجمعهم في الاخير دولة وحدة الا وهي قطر ولكن هم فيهم طمع وجشع مافيه وطنية كلش لذالك اصبر فودافون شركة توها مبتديه وجديده وخلها بس تثبت وراح تشوف عروض كيوتل مادق سلف عندها ولا فيه امل بعد وانا ماشجع فودافون بالعكس لانها هي وعروضها في كل البلدان الي فيها هالشركه تثبت هالشي عكس الجشع والطمع (كيوتل)= جشع × طمع = فلوس المواطنييين

ANONYMOUS

05-05-2009, 07:21 AM

برودباند في البحرين ب 150 ريال.. ومفتوح على طول

ليش عندنا ب 400 و 15 قيق

بوفهاد

05-05-2009, 07:23 AM

الدكتور عزوز

05-05-2009, 08:04 AM

الحين خلنا في الطامة الكبرى

كل اعلانات الشوارع والجرايد ووسائل الاعلام تتحدث عن دعاية واضحة من كيوتل !!

( البرود باند - بلا حدود ) ركز على ها النقطة ( بلا حدود )

بلا حدود ( بس حدك 15 جيجا ) !!!! شلون بلا حدود وانتوا محددين ، لا والمشكلة قلة اللي يدرون !!

تناقض

اخوي كيوتل يقصون علينا ،، صح في كل الدعايات واللوحات الاعلانيه مكتوب بلا حدود بس لما تسألهم اقدر استعمله وانزل الالعاب والافلام على كيفي بيقولون لك ان فيه شي عندهم اسمه سوء استخدام

وسوء الاستخدام هذا هو ان حدك بس 15 جيجا !!!!!!!!! اذا ما كان اقل يعني

المشكله ان اغلب الناس ما يسألون وما يدرون

دعاياتهم كذب * كذب

وفودافون حاليا ً اسوأ بعد مع عروضهم اللي مثل وجهم

http://qatarshares.com/vb/showthread.php?t=259902

ادخل في هالموضوع وشوف الكلام اللي دار بيني وبين خدمة عملاء فودافون

اخوووك عزوز

قطري vip

05-05-2009, 03:12 PM

بال لهدرجه انا مادري عن ال15 جيجا لاحول ولا قوة الا بالله

متابع بصمت

05-05-2009, 04:37 PM

انتظر التنافس بين الشركتين

والشعب هو المستفيد

هدهد سليمان

05-05-2009, 04:40 PM

استغرب سياسة كيوتل يعني هم الحين ما طرى عليهم هالشي؟ ما عندهم حل للموضوع سوى تلتيه العالم؟ فعلا شعارها الحقيقيمخباكم هدفنا !

أخت الغالي

05-05-2009, 05:18 PM

أفلام كيوتل ماتخلص ...

qatar.up

05-05-2009, 05:26 PM

حتى خدمة الشهري التليفون المجاني الي مع العرض مب مجاني هو بس 3000 دقيقة او اقل

م. عبدالعزيز

05-05-2009, 05:51 PM

برودباند في البحرين ب 150 ريال.. ومفتوح على طول

ليش عندنا ب 400 و 15 قيق

هلا الشيخ، عندي مداخله على شغلتين .. اذا تسمح لي ..

أول شي منو قال 150 ريال .. البحرين ماعندهم برودباند مفتوح لعلمك
عندهم 15 جيجا ب450 ريال (أغلى من كيوتل)
(45 دينار = 450 ريال قطري )
http://www.bh.zain.com/portal/page/portal/personal/mobileBroadband/eGo

ولا بعد سعر الجهاز ب103 دينار يعني 1030 ريال .. واحنا اقل....

بالنسبة لل15 اللي عندنا.. كم مره قالوا ماينحسب شي زياده!؟ وماكاتبين بالموقع او بالاعلان انه محدود الكم.. وانتو لين اليوم مب راضين تستوعبون!!

م. عبدالعزيز

05-05-2009, 05:53 PM

حتى خدمة الشهري التليفون المجاني الي مع العرض مب مجاني هو بس 3000 دقيقة او اقل

اخوي قطري أب ، كلامك غلط ومب في محله.. عطني الدليل وبصدقك.... لاتقول فلان قال ومادري من قال .. ابغي شي قدامي اشوفه :victory:

بال لهدرجه انا مادري عن ال15 جيجا لاحول ولا قوة الا بالله

ماعليك هاي اشاعه وبعض الناس تحب الاشااعات للأسف .. ال15 جيجا شرط قانوني بس ماينحسب عليك شي اضافي على ال400

قطري vip

06-05-2009, 04:47 AM

اخوي قطري أب ، كلامك غلط ومب في محله.. عطني الدليل وبصدقك.... لاتقول فلان قال ومادري من قال .. ابغي شي قدامي اشوفه :victory:

ماعليك هاي اشاعه وبعض الناس تحب الاشااعات للأسف .. ال15 جيجا شرط قانوني بس ماينحسب عليك شي اضافي على ال400

بس ياخوي انا رحت كيوتل اللي بالسد وقلت الكلام هذا وقالي صح قلت له عييل ليش الاعلان

بلاحدود سكت وماتكلم فهمت انه يعني ال15 جيجا يعني فيها مشكله لو تعديتها بس يالله

على الاقل ابرك من غيرها شركه فيها قطريين لو ياخذونكم بيزه وتروح لقطري معندي مشكله

جمال اليافعي

06-05-2009, 08:13 AM

تذكرون شعارهم القديم .. الي يسبح في الماي ؟ كان شعارهم نسبح بأموالكم خخخخخخخ

م. عبدالعزيز

06-05-2009, 11:01 AM

بس ياخوي انا رحت كيوتل اللي بالسد وقلت الكلام هذا وقالي صح قلت له عييل ليش الاعلان

بلاحدود سكت وماتكلم فهمت انه يعني ال15 جيجا يعني فيها مشكله لو تعديتها بس يالله

على الاقل ابرك من غيرها شركه فيها قطريين لو ياخذونكم بيزه وتروح لقطري معندي مشكله

أخوي قطري vip الموظف اللي كلمته مع احترامي له مب فاهم الخدمه، واتصور هاي شي طبيعي لانه مب كل الموظفين يعرفون كل المعلومات صح..
والدليل لانه سكت وماعرف يرد عليك..

وانت لاحظ انه ماقالوا انه عندك لمت معين 15 جيجا.. قالوا 15 للاستخدام العادل

عموما هاي وجهة نظري وبما اني مش موظف في كيوتل فبقول اللي اعرفه واذا تبي أشياء 100% عندك كمن موظف هني بالمنتدى من كيوتل يقدرون يقولون لك انه كلامي صح

بيانو

06-05-2009, 11:32 AM

السؤال اللى بيطرح نفسه

ليه كيوتل هى الاغلى فى كل شىء فى الخدمات والمكالمات

وباقى دول الخليج المكالمات والخدمات رخيصه جدا ومش دول الخليج بس لأأأ باقى الدول العربيه ايضا

اللى اعرفه ان كل غالى ثمنه فيه صح ؟
ولاكن كيوتل غالى وبدون مقابل للخدمات
- خدمات مبالغ فى اسعارها
- شبكات مشغوله
- مكالمات غاليه جدا بباقى الدول العربيه
- يكون عندك رصيد فى كارت هلا - يقولك عفوا لايوجد لديكم رصيد كافى لأجراء هذه المكالمه

احنا مش بنقول فودافون عشان حب فى جمال عيونها لأأأأأأ
ولاكن عشان يبقى فى منافسه وشركه تانيه بالسوق بدل الاحتقار ولو مش عاجبك !!!!crazycrazycrazy

تبعت رساله لبلد اخر توصل بعد ربع ساعه
ولو بعت رسالتين لنفس الرقم تلاقى الرساله التانيه توصل قبل الاولى
يعنى المتسقبل للرساله تلخبط والموضوع صار مقلوب:telephone:

انا ولا ضد كيوتل ولا مع فودافون

انا مع مصلحتى وكل واحد بيهتم بهذا الشىء اكيد

الحزين4800

06-05-2009, 11:39 AM

كل العروض محدوده بس اغلب الناس مايدرون

م. عبدالعزيز

06-05-2009, 01:04 PM

اخوي بيانو احب اعلق وازيد على تعليقك اذا ممكن

السؤال اللى بيطرح نفسه

ليه كيوتل هى الاغلى فى كل شىء فى الخدمات والمكالمات

وباقى دول الخليج المكالمات والخدمات رخيصه جدا ومش دول الخليج بس لأأأ باقى الدول العربيه ايضا

كيوتل مو كل شي غالي فيها ، الشي الوحيد الغالي حسب نظري قيمة الدقيقه المحليه وطريقة تسعيرها

اللى اعرفه ان كل غالى ثمنه فيه صح ؟
ولاكن كيوتل غالى وبدون مقابل للخدمات
- خدمات مبالغ فى اسعارها
مثل وشو خدمات؟

- شبكات مشغوله
ماتصير الا مابين الساعه 11 و12 الظهر .. او جوالك فيه مشكله

- مكالمات غاليه جدا بباقى الدول العربيه
روح السعوديه تلاقي بعض البلدان الدقيقه ب5 ريال

- يكون عندك رصيد فى كارت هلا - يقولك عفوا لايوجد لديكم رصيد كافى لأجراء هذه المكالمه
هاي عيب بعد لانه كيوتل تتبع تسعيره الدقيقه

تبعت رساله لبلد اخر توصل بعد ربع ساعه
المشكله من الشبكة الثانية مو شبكة كيوتل، لو ارسلت انت وقالك تم الارسال خلاص كيوتل خذت حصتها وسوت شغلها وارسلت.. الاستلام باقي على المشغل الآخر !!

ولو بعت رسالتين لنفس الرقم تلاقى الرساله التانيه توصل قبل الاولى
يجوز الرقم الاول مغلق او مقطوع الارسال في تلك اللحظه!

انا ولا ضد كيوتل ولا مع فودافون

وانا محايد ،، مب ضد كيوتل ولا ضد فودافون :) بس خلنا واقعيين ونتكلم عن الحقيقه فقط .. والمنطق

musel999

06-05-2009, 02:13 PM

وانا محايد ،، مب ضد كيوتل ولا ضد فودافون :) بس خلنا واقعيين ونتكلم عن الحقيقه فقط .. والمنطق

طيب ابيك تكون محايد
تدرى انه اذا المكالمات خارجيه وتلفونك فواتير وصلت اللمت اب مال الفاتوره اللى انت محدده عادي يزيدون عليك

انا اخر مره دفعت فاتورتي حصلت المبلغ اكثر من اللمت اب بمبلغ كلمت الموظف قالي اذا خارجيه المكالمه او انك تتصل من برى قطر عادي تروح فوق اللمت اب
العقد ماله قاونينهم موب موجود هذا الشي هاه احكم
موب المفروض يكنسلون المبلغ اللى اندفع فوق اللمت اب ولا لا

وتبقى الدنيا حلوه

06-05-2009, 02:21 PM

:(

فودافون + كيوتل = بايقينا بايقينا

م. عبدالعزيز

06-05-2009, 02:49 PM

طيب ابيك تكون محايد
تدرى انه اذا المكالمات خارجيه وتلفونك فواتير وصلت اللمت اب مال الفاتوره اللى انت محدده عادي يزيدون عليك

انا اخر مره دفعت فاتورتي حصلت المبلغ اكثر من اللمت اب بمبلغ كلمت الموظف قالي اذا خارجيه المكالمه او انك تتصل من برى قطر عادي تروح فوق اللمت اب
العقد ماله قاونينهم موب موجود هذا الشي هاه احكم
موب المفروض يكنسلون المبلغ اللى اندفع فوق اللمت اب ولا لا

امم ما ادري وين المشكله ؟ اللي فاهمه انه ممكن تكون رسوم اشتراك مثل الشهري ماينزل رسم الاشتراك الا لما تنزل الفاتورة ( 300 ولا 200 ريال اشتراك )
مثلا انت كله تتكلم دقايق مجانيه على الشهري300 وعندك مثلا خلال الشهر مكالمات دولية وصلت 100 ريال
على نهاية الشهر تنزل فاتورة 400 ريال

اللمت فقط حق المكالمات الغير مفوتره بس علشان ما يزيد عن الحد الائتماني خلال الشهر والمبلغ للي يتفوتر خلاص ... هاي اعتقد معظم شركات الاتصالات تمشي على هالشي

بيانو

06-05-2009, 04:27 PM

اخوي بيانو احب اعلق وازيد على تعليقك اذا ممكن

كيوتل مو كل شي غالي فيها ، الشي الوحيد الغالي حسب نظري قيمة الدقيقه المحليه وطريقة تسعيرها

مثل وشو خدمات؟

ماتصير الا مابين الساعه 11 و12 الظهر .. او جوالك فيه مشكله

روح السعوديه تلاقي بعض البلدان الدقيقه ب5 ريال

هاي عيب بعد لانه كيوتل تتبع تسعيره الدقيقه

المشكله من الشبكة الثانية مو شبكة كيوتل، لو ارسلت انت وقالك تم الارسال خلاص كيوتل خذت حصتها وسوت شغلها وارسلت.. الاستلام باقي على المشغل الآخر !!

يجوز الرقم الاول مغلق او مقطوع الارسال في تلك اللحظه!

وانا محايد ،، مب ضد كيوتل ولا ضد فودافون :) بس خلنا واقعيين ونتكلم عن الحقيقه فقط .. والمنطق

على العموم انا قولت تجربتى والله وبدون كذب او ادعاء على الشركه وكل اللى انا كتبته بيحصل معايا واكيد مع غيرى كتير

ولاكن اسعدنى جدا ردك واسلوبك المحترم

تقبل تحياتى

الـقـاسـي

06-05-2009, 04:44 PM

امل الحب

06-05-2009, 05:00 PM

اخوي بيانو احب اعلق وازيد على تعليقك اذا ممكن

كيوتل مو كل شي غالي فيها ، الشي الوحيد الغالي حسب نظري قيمة الدقيقه المحليه وطريقة تسعيرها

مثل وشو خدمات؟

:rolleyes2: الخدمات كلها جيدة ولاترتقي حق المبالغ الي تندفع فيها لان المفروض توصل الامتياز على الطلب الي عليها ..

ماتصير الا مابين الساعه 11 و12 الظهر .. او جوالك فيه مشكله

:eek5:

تبهدلنا وياهم وتقول المشكلة من الجوال الله يهديك راجعهم يقولون لك عندنا ضغط زين وانا شذنبي عيل ليش ادفع وانتوا ماتعطوني خدمة مثل الناس .. :rolleyes2:

المشكله من الشبكة الثانية مو شبكة كيوتل، لو ارسلت انت وقالك تم الارسال خلاص كيوتل خذت حصتها وسوت شغلها وارسلت.. الاستلام باقي على المشغل الآخر !!

ترسل من تلفونك حق تلفون قطري فالدوحة يعني الاثنين تابعين لكيوتل وماتوصل الرسايل الا عقب فترة :rolleyes2: لاتطلع لنا العقد برا بس وبالشبكات الثانية

وانا محايد ،، مب ضد كيوتل ولا ضد فودافون :) بس خلنا واقعيين ونتكلم عن الحقيقه فقط .. والمنطق

وانا محايدة بس العميل يبي يشوف خدمات ممتازة نفس ماهو يدفع المطلوب منه ..

م. عبدالعزيز

06-05-2009, 05:16 PM

الخدمات كلها جيدة ولاترتقي حق المبالغ الي تندفع فيها لان المفروض توصل الامتياز على الطلب الي عليها ..

ممكن تذكرين لنا بلد + الخدمات المميزه اللي فيه + السعر علشان اطلع لج التفاصيل الحقيقيه .. مثل الاخ اللي يقول البرودباند بالبحرين150 ريال ومفتوح .. طلع الصج انه اغلى من كيوتل، ومحدود بعد يعني مب Unlimited مثل عندنا وعن السعوديه مثلا ....

تبهدلنا وياهم وتقول المشكلة من الجوال الله يهديك راجعهم يقولون لك عندنا ضغط زين وانا شذنبي عيل ليش ادفع وانتوا ماتعطوني خدمة مثل الناس ..

الضغط مايصير الا لثواني معدوده لانه الجزء المسؤول عن اجراء المكالمات اللي هو MSC Mobile switching center يمكن يكون مشغول مع مكالمات اخرى.. وهاي شي طبيعي لانه بالنهاية كل تكنولوجيا لها حدود.. وانا قاعد اتكلم عن وقت ذروه .. وفي مدينه الدوحه باالتحديد

ترسل من تلفونك حق تلفون قطري فالدوحة يعني الاثنين تابعين لكيوتل وماتوصل الرسايل الا عقب فترة لاتطلع لنا العقد برا بس وبالشبكات الثانية

تصير مره ولا مرتين.. ولا اذا مليون مره معناها فيه مشكله اما بالخط او الشبكه..

م. عبدالعزيز

06-05-2009, 05:24 PM

م.عبدالعزيز انت دايما تدافع عن كيوتل وتقول مب موظف فيها ,,

يبه بالعربي كيوتل تدري شنو عيبها تسرقنا وماتستحي ولاتحترمنا .. انا لو سعر الدقيقه في فودافون 10 ريال باخذ كرت فودافون بس عشان افتك من كيوتل وسرقتها لنا طول هالسنين اللي طافت ..

ياخي يقهرونك يسرقونك عيني عينك ويكذبون عليك دعايات وزحمه وفالاخير نصب في نصب ..

امحق شركه محليه ..

انا وايد اقول اني ما لي علاقه في كيوتل بس عندي خبره عن طبيعة شغلهم وانا هني بالمنتدى حبيت افيد الجميع باللي اعرفه واصلح الغلط لانه وايد ناس تغلط وماتعرف تشرح فعيب الواحد ينشر معلومات غلط....!!!

ومب حاب اقول وين اشتغل لانه هاي من خصوصياتي وماحب اكتبها بالمنتدى بس يكفي انه تخصصي بمجال الكهربه !

هاي شي وبعدين التجارب اللي اقولها واقارنها باللي جربتها مع البلدان المجاوره مثل الامارات والسعوديه والبحرين

وعلى فكره كل شركه اتصالات لازم فيها نصب كل مكان ففي النهايه يعتمد عليك اذا استخدامك عادي وتعرف تفكر محدبينصب عليك ...

بالنسبة لفودافون ترا عرضهم الاخير ممتاز بس محد فهمه عدل.. وعموما لما تشتغل فودافون بتشوفون الفرق
ومشكور على ردك

وملاحظه / ما راح اشارك مره ثانيه بهالموضوع علشان ترضون علي .... وبخليكم تنشرون معلومات غلط بين بعض

امل الحب

06-05-2009, 05:24 PM

ممكن تذكرين لنا بلد + الخدمات المميزه اللي فيه + السعر علشان اطلع لج التفاصيل الحقيقيه .. مثل الاخ اللي يقول البرودباند بالبحرين150 ريال ومفتوح .. طلع الصج انه اغلى من كيوتل ....

اانا ماحددت دول برا..

قلت خدمات كيوتل .. ادفع وماستفيد .. اعطيك اياها مثال من 4 ايام وانا اعاني مشاكل الانترنت بطيء ويفصل وتم يومين فاصل .. ولا في فايدة .. ويقولون الخلل من عندكم.. يبه اي خلل النت مو شغال اصلا .. تقولي خلل من عندي ..

قالي لا ياختي انتي ماتفهمين الحين ارسلج واحد عشان تعرفين وين الخلل .. يوم يا هالواحد قال الخلل منهم مو مني ولا من عندي ..

اول شي طلعت اانا مافهم والمفروض يكون اسلوب احسن من جذي..

ثاني شي .. يمكن هي 4 ايام ولكن هي ماتطلع 4 ايام على بطء الخدمة وغيره من الي يصير

ثالث شي ضعف ارسال الجوال فيي ااماكن معينة مع انها سكنية وفيها حركة مو بسيطة..

تقدر تقولي ليش ادفع ؟ وين المردود الي احصله من الدفع؟؟ ولاشي ومع ذلك ادفع والمفروض تنخصم الفاتورة حسب استعمالي ويعوضوني عن الخلل الي يكون منهم ..!
الضغط مايصير الا لثواني معدوده لانه الجزء المسؤول عن اجراء المكالمات يكون مشغول مع مكالمات اخرى.. وهاي شي طبيعي لانه بالنهاية التكنولوجيا لها حدود..

اها وليش الضغط هااي بس عندنا ..!

وين الفلوس الي تندفع ليش مايتم التطوير من خلالها والا بس ادفعوا وخلاص !!

تصير مره ولا مرتين.. ولا اذا مليون مره معناها فيه مشكله اما بالخط او الشبكه..

البلا كله بالشبكة .. لان الخط مافيه شي..

والعلة الاكبر انهم يحسبونها .. ياخي الخلل منكم وتحسب علي بعد !!

وين العدل ؟ وهي شبكة كيوتل نفسها مو برا عشان تقولي خلل عندهم بشبكتهم !