الراتب الإساسي بقانون الموارد البشرية الجديد

[moonبنتnight]

قامت وزارة العمل بالتدقيق على رواتب وأجور العمال العاملين بالقطاع الخاص والشركات00 ولمدة 6 أشهر 00

سؤالي من بدقق على قطاع الحكومي 00 كثير أشتكوا أن في إدارات لم يتم أحتساب علاوة 2008م في الراتب الجديد 00وتمت ترقيه فئة عن فئة قبل صدور القانون الموارد الجديد ولم يتم ترقية باقي الموظفين بنفس الفئة وتم ترفيع بعض الموظفين إلى درجات أعلى كل هذه قبل صدور القانون 00 وكل ما سألوا شلون تعطون فلان ما تعطون فلان 00 يقولون هذا قانون الصادر من الإمانة العامة مجلس الوزراء 00 وتعليمات جاتنا من فوق 00 وقانون الموارد البشرية جاء التوحيد الرواتب 00 وهم يكسرون الخاطر ضايعين شنقول الله يعوض عليهم 00

سؤالي من بدقق على حقوق العاملين بالقطاع الحكومي ؟؟

[$الملياردير$]

لااحد....... ما بني للاسف على خطأ في الهيئات و المؤسسات لم يتم تعديله بل نقل على ما يقابله في القانون الجديد يعني اللي ضبط اموره يومه كان بهيئة او مؤسسة محد راح يلمسه .....يعني اموره في اللبن....في الاوكيه.....والدليل ان فيه ناس صارو في الدرجة الثانية و الثالثة وهم لا يتمتعون بثلاث سنوات من الخبرة ...والسبب الدرجات العالية التي كانو عليها يومهم بهيئتهم

[بنت عز نفسها]

خــلهم يكمـــلون القانــون العجيب ..
وبعدين يلاقون مدققين على شان يعرفون على شنو يدققون بالضبط :tease:

[hxamad]

يافرحه ماتمت خذها الغراب وطار

[بنتلي]

الله كريم

[عليان قطر]

ارسل توقيعك لشركة كهرماء

[جرح الأيام]

شسالفه:omg:

[المقهوره]

الله والمدققين


احنا في كهرماء من بيعدل وضعنا

اذا مدير الموارد البشريه لين الحين ماحضر ولا محاضره تفهمه هو وقروبه بالقانون


وقاعد هو وقروبه يعلبون على كيفهم

[بنت عز نفسها]

الله والمدققين


احنا في كهرماء من بيعدل وضعنا

اذا مدير الموارد البشريه لين الحين ماحضر ولا محاضره تفهمه هو وقروبه بالقانون


وقاعد هو وقروبه يعلبون على كيفهم





:omg:

هذي كـــلام كبيـــر

[moonبنتnight]

مثل يقول نص العمى والا العمى كله 00

رضينا بنص العمى حطوا راتب الاساسي بدون فهم وقلنا لما يطلع قرار وفهمون بعطونهم حقهم 00 بس شكله بكون العمى كله بدون تدقيق شدعوه العمال بقطاع خاص أهم من القطري 00

لا رقيب ولا حسيب 00 كل ما تكلموا قالولهم دعوا على الظالم 00 هل وصل بنا الامر بدعوه على الظالم فقط والظلمات ظلمات يوم القيامة 000 شدعوه 00 وين ديوان المحاسبة وين لجنة تدقيق ومتابعة في الامانة العامة كله شعارات على الجرايد فقط 00 وفقير مسكين من ياخذ حقه 000

[احلى دنيا]

بشكل عام تم رفع مستوى الرواتب

[moonبنتnight]

رفع رواتب بتكون شيء طبيعي لان الجدول رواتب تسكن على نفس الدرجة وجدول أعلى براتب لكن سنوات خبرة على نفس الدرجة وينها 00 حقوقهم 00

[وتبقى الدنيا حلوه]

ال40% اللي ضافوها قبل سنة الظاهر غيروا رايهم و سحبوها

[احلى دنيا]

شالوها ! اغلب اللي حوللي زادوا رواتبهم

[moonبنتnight]

ما نسحبت 40% لا كان على جدول الرواتب القديم سنة 2006م وتم أعتماد جدول الجديد 2009م مع 40% في معظم الوزارات 00 في وزارات لم يتم أعتماد 40% في سنة 2006م على أساس هنا بتكون هيئة حكومية لها كادر وجدول غير 00 لكن نصدموا بأن لم تصرف لهم وبعد فترة طالبوا بها ونصرفت لهم 40% أسوة بالوزارات الباقية 00 سواء أعتماد الجديد ولا القديمة هي بدرجة الوظيفة 00

مثال :-

درجة ( السابعة) قديماً (-/5250 ريال) مربوط الدرجة وتم عليه سنتين وسار راتبه (-/5670 ريال )

بالجديد
درجة ( السابعة) (-/6000 ريال ) مربوط الدرجة مع سنة واحد علاوة (210 ريال)
تصير (6210 ريال ) حلو في علاوة 2008م بكون نسبة فرضاً ( ممتاز) أيش يصير بكون راتب
6210 × 6% = 372.6 هذه العلاوة
6210+ 376.6 = 6582.6 راتب الجديد

يعني العلاوة 2008م لم تحسبها الإدارة لأنها نسبة من أساس على تقييم إداء الموظف السنوي 00
وهذه هي طامه ( محسوبيات وتقديرية وأحتمالات و0000 إلخ )

[كذا]

ياأخوانا
قولوا الحمدلله زادونا وبيض الله وجه الحكومة الرشيدة

ولكن صحيح الإنسان دايماً طماع

والله لو زادونا 100 ألف بعد ماراح يعجبكم

[hamoor4ever]

ياأخوانا
قولوا الحمدلله زادونا وبيض الله وجه الحكومة الرشيدة

ولكن صحيح الإنسان دايماً طماع

والله لو زادونا 100 ألف بعد ماراح يعجبكم

صحيح الانسان طماع لانه يبغي سكن حق عيلته يبغي يعلم عياله يبغي يوكل عياله يبغي يشتري سياره للشغل يبغي ينام مرتاح من غير ديون .

[احلى دنيا]

الحمد لله على الزيادة
ماقصر اميرنا قصر عنه الشر

[نبض]

القانون ما زال
مســــــــــــــــــــــــــــــودات

على أي اساس طبقوه
مادري
الله لا يبارك في هالقوانين الظالمة

الظلم ظلمــــــــــــات
ودعوة المظلوم ليس بينها وبين الله حجااااااااااااااااااااااااااااااااب

اللهم اني مظلوم فانتصر

[الـقـاسـي]

عسى الله يزينها .. صرنا اجانب في هالبلد قسم بالله خلو الواحد يتمنى أنه أجنبي ..