لين متى ؟؟؟؟؟؟

[سياتل]

لين متى ..

* لين متى وأكثر من 70% من شبابنا مايقدرون يدرسون بعد الثانوية بسبب القوانين التعسفية لمجلس التعليم ؟

* لين متى ودخل الفرد في قطر الأعلى في العالم ( كلام فاظي ) ؟

* لين متى ونسبة من القطريين مديونين في البنوك بسبب الأسهم الذهبيه ؟

* لين متى والسلع في قطر الأغلى بين كل دول المنطقة ؟

* لين متى وتجارنا في قطر الأجشع بين تجار كل دول العالم ؟

* لين متى وقروض بنك التنمية ماتبني لك الا نص البيت وعقب يقولون لك عليك ديون في البنك ومانقدر نكمل لك باقي القرض ؟

* لين متى وبنك التنميه مايدري ان اللي مب مديونين في البنك مب محتاجين ياخذون قرض الاسكان ؟

* لين متى ولين متى ؟؟

أتمنى التفاعل مع الموضوع وكل واحد يحط تساؤلاته

[Sharshooooor]

لين تطلع عالمعاش ويصير عمرك 60 سنه وماتستفيد من كل هالاشياء

ساعتها بيقولون انت ماتكلمت

هههههههههه

[سياتل]

ياليت يحولوني من الحين

[Only Me]

بالنسبة للرواتب والفلوس

احنا عندنا مشكله ، قطر على مستوى الوطن العربي رواتبها تقريبا الاعلى بس احنا وين نودي الفلوس يعني تحصل واحد ماخذ سياره قيمتها فوق 300الف وساعه فوق 100الف والخ وبعدين تقولون عندنا قرض ونطالب الحكومه باسقاط هالقروض
واذا بتقولون كل شي غالي ترى حتى دول الخليج والوطن العربي وصلوا لمرحله الغلى وارتفاع باسعار المواد الغذائية والايجارات والسيارات
بس في فرق بين الي يعرف شلون يصرف معاشه وفلوسه على شي مفيد وفي فرق بين الي يحب يفوشر ويشتري احسن الماركات واحسن السيارات وبعض القطريين معروف عنهم الزبو وخصوصا الي على قدهم المشكله عندنا محد يمد رجله على قد لحافه هذا عيبنا
واشكر صاحب الموضوع واقوله يعطيك العافية

وشوفوا شيبانا وابائنا ماعليهم ديون واذا عليهم ترى شي بسيط واذا تبون تعرفون سبب اسألوهم

واشكر صاحب الموضوع واقوله يعطيك العافية

[المقهوره]

[QUOTE=سياتل;4094454][size="3"]لين متى ..

* لين متى وأكثر من 70% من شبابنا مايقدرون يدرسون بعد الثانوية بسبب القوانين التعسفية لمجلس التعليم ؟

[COLOR="Red"]ما اقول إلا حسبي الله ونعم وكيل فيهم

* لين متى ودخل الفرد في قطر الأعلى في العالم ( كلام فاظي ) ؟
:)


* لين متى ونسبة من القطريين مديونين في البنوك بسبب الأسهم الذهبيه ؟
:(

* لين متى والسلع في قطر الأغلى بين كل دول المنطقة ؟

:( حتى الموت دام حمايه المستهلك لها مصالح في السوق

* لين متى وتجارنا في قطر الأجشع بين تجار كل دول العالم ؟

دام فيه مسؤولين كبار تجار بيظل الحال على ماهو

* لين متى وقروض بنك التنمية ماتبني لك الا نص البيت وعقب يقولون لك عليك ديون في البنك ومانقدر نكمل لك باقي القرض ؟

نو كومنت توني معلقه عليه

* لين متى وبنك التنميه مايدري ان اللي مب مديونين في البنك مب محتاجين ياخذون قرض الاسكان ؟

* لين متى ولين متى ؟؟

أتمنى التفاعل مع الموضوع وكل واحد يحط تساؤلاته

[الخير كله]

لين الله ياخذ.....................
الله كريم

[ريماس الغلا]

لين متى المدارس المستقله ما يرضون يسجلون بناتنا بمدارسهم الا على الانتظار

الويتينــغ



ويقولونها لنا صريحه : شوفوا لكم واسطه بالمجلس الاعلى او هئية التعليم


اقـــــــــول :


يا ريت ترجع ايام المطوع والمطوعه .... وايــــــــــد أبــــــــــرك

[مناحي السادس عشر]

بالنسبة للرواتب والفلوس

احنا عندنا مشكله ، قطر على مستوى الوطن العربي رواتبها تقريبا الاعلى بس احنا وين نودي الفلوس يعني تحصل واحد ماخذ سياره قيمتها فوق 300الف وساعه فوق 100الف والخ وبعدين تقولون عندنا قرض ونطالب الحكومه باسقاط هالقروض
واذا بتقولون كل شي غالي ترى حتى دول الخليج والوطن العربي وصلوا لمرحله الغلى وارتفاع باسعار المواد الغذائية والايجارات والسيارات
بس في فرق بين الي يعرف شلون يصرف معاشه وفلوسه على شي مفيد وفي فرق بين الي يحب يفوشر ويشتري احسن الماركات واحسن السيارات وبعض القطريين معروف عنهم الزبو وخصوصا الي على قدهم المشكله عندنا محد يمد رجله على قد لحافه هذا عيبنا
واشكر صاحب الموضوع واقوله يعطيك العافية

وشوفوا شيبانا وابائنا ماعليهم ديون واذا عليهم ترى شي بسيط واذا تبون تعرفون سبب اسألوهم

واشكر صاحب الموضوع واقوله يعطيك العافية



:eek5: :eek5: :eek5: :eek5: :eek5: :eek5: :eek5:
شي غريب علي والله ساعه بالمبلغ هذا يارب تحفظ لنا النعمه

[[DieT]]

والله قصتنا تصلح مسلسل مكسيكي لان التركي يخلص بسرعه

[سياتل]

أولاً مشكورين اخواتي وخواتي على المرور
ثانياً بالنسبه للأخ Only Me أسعدني مرورك واسمح لي بتعليق بسيط على ردك
بالنسبة للي يشترون سيارة ب30000 وساعه ب100000 فأنت أخوي العزيز تكيل بمكيالين
محد من هل قطر يشتري سيارة ب300000 لا اللي عندهم فلوس والله يهنيهم اما بالنسبة للساعه فخذ لك لفة على سوق المنتدى وبتعرف ان هل قطر طايحين في ساعات التقليد
اما ياسيدي الكريم بالنسبة للأسعار وان أسعارنا الارخص في المنطقة فاسمح لي اقول لك يا أنك ماتشتري شي أو انك تجهل الفروقات في الاسعار والدليل شوف سيارات العوائل القطرية في الويكند محذفه في الاحساء والدمام ودبي ( السوق الصيني ) اللي يشتري مواد غذائية واللي يشتري ملابس والللي يشتري قطع غيار وهلم جرا
وانا مستعد اخدمك واعطيك مقارنة في الأسعار عشان توفر من راتبك اذا انت من ذوي الدخل المحدود
وبالنسبه لإسقاط الديون فمن حقنا على بلادنا نطالب بأن نعيش عيشة كريمة خاصة بعد ماتعبينا ديون من الهالات الاعلامية للأسهم السوداء قصدي الذهبية
وأعتقد ان خير بلادنا لازم يغطي احتياجاتنا وبعده يذهب للتبرعات والمساعدات الخارجية
ياحبيبي انا اعرف ناس بنو نص بيوتهم وماعطاهم بنك التنمية القرض الثاني وهذا هم على باب الله ينتظرون الفرج
هذا كله غيض من فيض
وتأكد اخوي الكريم ان الاختلاف في الرأي لايفسد للود قضية
وتقبل تحياتي

[احلى دنيا]

الرحمة حلوة يقللون نسبة القبول

[سياتل]

الله يسلمك بكره لو قللوها وتخرج نسبة كبيرة من القطريين
شبيسوون في الأجانب ؟؟ يقطعون رزقهم ويحطونكم مكانهم ؟؟
لا حرام
لووووول