نظام بريطاني تم إدخاله في شرطة دبي وممكن بعد مده في قطر

[الوعب]

حبيت أخبركم عن نظام الرادارات الجديد اللي أتشوفونها في دبي مثل شارع الشيخ زايد وشارع الأمارات


نظام بريطاني تم إدخاله في شرطة دبي

أول شيء مافيها فلاش .. والشي الثاني أنت يوم تمر على الرادار بأي سرعه الرادار يصورك
ولكن مايعطيك مخالفه إلا إذا كنت متعدي السرعه القانونيه .. بس إذا ماكنت متعديها فالجهاز يحفظ صورتك
واللي يستوي أن بعد 2000 متر شي رادار ثاني .. وهذا الرادار يقوم بنفس الوظيفه
بس الحين شو بيستوي .. أن الرادار الأول عنده صورتك , والثاني بعد عنده ,
فالكمبيوتر بحسب كم المسافه اللي بين ها الرادار والرادار الثاني وسرعتك اللي كنت تمشي فيها بالوقت اللي وصلت للرادار الثاني
ويعني بأختصار أذا أول ماأطوف الرادر ودعست وبعدين رديت خفيت للرادار الثاني ..
فيقوم الكمبيوتر بالحسبه ويعرفون أنك سرعت ويعطوك مخالفه بالسرعه اللي وصلتها من رادار إلى أخر
يعني كلها حسبه رياضيات وتكنلوجيا يديده .,, الله المستعان


45314

45315

45316


والعهدة على الراوي

كما وصلني

[Only Me]

فاضيين احنا حق هالاشياء
يكفي الكاميرات بكل مكان في قطر
والي في جيوبنا راحت لهم بعد يسووون هالنظام الواحد ياخذ له سيكل احسن

[هدهد سليمان]

حركه لئيمه الصراحه ولي مخترعها شكله حاس لما اخترع هالشي .. الله يعين إذا كان صدق

[ناصر العمادي]

والله انه عجيب ومفيد ورهيب ...:nice::nice::nice:

والله شوارعنا تحتاج لمثل هذه الرادارات يكفي فوضى وتلاعب وأستهتار وأرواح تروح بلا ذنب ..

نأمل أن يطبق في أقرب وقت عندنا ...

يعطيك الف صحه وعافيه على الموضوع الطيب

الله يوفقك ويطول بعمرك ويرضى عليك يارب

كل الشكر والتحيه والتقدير والأحترام مني لك

[شويهينــه]

يبيله :nice:

[ناصر العمادي]

حركه لئيمه الصراحه ولي مخترعها شكله حاس لما اخترع هالشي .. الله يعين إذا كان صدق

المثل ياخوي يقول .......

أمشي عدل يحتار عدوك فيك .....

طول مانت ماشي بالسرعه القانونيه ماراح يهمك لو يحطون مليون رادار ..:nice:

[بوخالد911]

يبييييله من قلب

[هدهد سليمان]

المثل ياخوي يقول .......

أمشي عدل يحتار عدوك فيك .....

طول مانت ماشي بالسرعه القانونيه ماراح يهمك لو يحطون مليون رادار ..:nice:


لكن استدراكا طبعا بعض الاحيان تصيدك ظروف خارجه عن ارادتك وتضطر انك تدوس شوي .. هي فكره جهنميه الصراحه ومخترعها واحد يعني راعي مزاج عدل .. يعطيك العافيه يالغالي وفعلا امشي عدل يحتار ....... فيك :nice:

[الوعب]

فاضيين احنا حق هالاشياء
يكفي الكاميرات بكل مكان في قطر
والي في جيوبنا راحت لهم بعد يسووون هالنظام الواحد ياخذ له سيكل احسن


اسكت يا رجال

كنت واقف عند الاشاره وولعت خضراء وحركت ومسكني الرادار استغربت ليش , طلع ان الاشاره اللي ولعت خضراء للي متجه يسار وانا رايح سيده----:rolleyes2:


وجائي مسج 6000 ريال مع 7 نقاط==========:shy:

[بابا الضحية]

والله اختراع زين

حق الشباب المستهتر

[بنت ابوها 19]

عقبال مايتطبق بالدوحه :nice:


يبيلهم شبابنا والله :waiting:

[مليونيره]

بنستخدم الدواب الظاهر يبونا نمشي 20

[شيخ ش قطــر]

شي جيد خاصة الي يلعبون ويسرعون بعدالردار
يعطيك العافية

[بواردي]

عادي جدا
هدي السرعة بعد 2000 متر ودوس بعد الرادار الثاني
يعني ما استفدنا شي

بيصيدون بس الناس الي ما يعرفون شالسالفة

[بوعلي2]

مو غلط

[ALRAYYAN]

عادي جدا
هدي السرعة بعد 2000 متر ودوس بعد الرادار الثاني
يعني ما استفدنا شي

بيصيدون بس الناس الي ما يعرفون شالسالفة

لا لا غلطان
انا الحين في الميلس وعندي شباب اماراتيين انا خالهم ووضحولي طريقته بالضبط
ترى الرادار الاول يسجل بياناتك وطول الخط في حسبه على الوقت والسرعه
ولو دعست بين الرادارين بتوصل قبل وقتك فهذا معاه انك تجاوزت السرعه وبالتالي بتتطبق عليك المخالفه

بدون تعقيد وبشكل مبسط
ان الرادار الاول اللي تمر عليه اعتبره ملازمك لين آخر الخط .. لو تعديت السرعه في اي مكان واي وقت بيلقطك

والله نظام حلو احسن من راداراتنا اللي مامنها فايده قبلها دعس وبعدها دعس

لكن المشكله اذا الواحد مستعجل ويبي يلحق على شي مهم مثل رحلة طيران او دوام

بس الارواح اهم طبعاً

[..er..]

انا شوي واقعد اقاصد المرور :(

ليش يعني ناقصين بلاوي :(

[بومحمد911]

والله زين يسوون لو يركبونه عندنا باسرع وقت

[سداوي&مدريدي]

اذا جابوه الدوحه راحت علينا 10 صفر :anger1:

مادري شالفايده منه جمع الأموال ولا حمايه الناس من الحوادث :(

[كاتم الاسرار]

يعطيك العافيه على الموضوع لو يحطووون مليييييييون رادار مافي فايده السرعه في المخ الله يحفظ الشباب

[ALRAYYAN]

يعطيك العافيه على الموضوع لو يحطووون مليييييييون رادار مافي فايده السرعه في المخ الله يحفظ الشباب

لا والله في فايده .. الواحد لين شاف راتبه رايح على المخالفات بيسوي كنترول غصب مب طيب

[وطن]

ما اشوف هالنظام مطبق في بريطانيا
اشوفهم محترمين عقول السائقين
وعند كل رادار الارض عليها خطوط توضح ان هذا مدى الرادار !!!
ولاحظت هالشي ع الخطوط السريعة

وعندنا كل شي يسوونه بالعكس

[هدى ورحمه]

عيل الشعب القطري الكريم كله بينصاد بالرادار الجديد لانه مستحيل ومن سابع المستحيلات الا ثامنها اذا حصلت واحد بعد مايعدي الرادار يكون ملتزم بالسرعه غير ردارد الكورنيش اللي يلزمك اظن عقب 15 متر تكون ملتزم وبعد الامتار المذكوره الغالبيه وهو احسن الظن انهم يسرعون ...

[ALRAYYAN]

ما اشوف هالنظام مطبق في بريطانيا
اشوفهم محترمين عقول السائقين
وعند كل رادار الارض عليها خطوط توضح ان هذا مدى الرادار !!!
ولاحظت هالشي ع الخطوط السريعة

وعندنا كل شي يسوونه بالعكس

لأن الشعب نفسه محترم القانون ياوطن :nice:

[بوحارب]

مافي زين

[أمير المحبه]

مااااااااااااايجوز هذا الكلام +_+

رحنا وطي يعني شنو اطلع قبل الدام بساعتين

خلاص عيل كل شهر بخصص من الراتب 6

ههههههههههههههههههههههههههههههه

ولا اطلع من فير الله وروح الدوام

[Only Me]

اسكت يا رجال

كنت واقف عند الاشاره وولعت خضراء وحركت ومسكني الرادار استغربت ليش , طلع ان الاشاره اللي ولعت خضراء للي متجه يسار وانا رايح سيده----:rolleyes2:


وجائي مسج 6000 ريال مع 7 نقاط==========:shy:

هههههههههههههههههههههههه صباح الخير اخوي شكلك كنت تهذر بالتلفون :telephone:

[بواردي]

والله زين يسوون لو يركبونه عندنا باسرع وقت

اخوي بومحمد انت عندك سيكل؟

[وطن]

لأن الشعب نفسه محترم القانون ياوطن :nice:

لا سلامتك
عند الرادار كل من يهدي
وبعده يطيرون

:victory:

[ولدالمنتدي]

راحت على الشباب

[بنت سعادة السفير]

امس شفت رادار غريب ** صوب إشارة الاند ماركـ مادري هذا اللي تقصدوونه ولا لأ ....

[بوخالد911]

امس شفت رادار غريب صور إشارة الاند ماركـ مادري هذا اللي تقصدوونه ولا لأ ....



جاان صورتيييه
:nice::victory::nice:

:secret:

[القلم الصريح]

اخوي الوعب
رادارك قديم شوي .. وشكلك ماتواكب التطور :)
خذ هالرادار الجديد والمتطور جدا جدا جدا

http://www.shwahen-ad.net/up//uploads/images/shwahen-ad6910759b0f.jpg:nice:

وهذا الله يسلمك عجيب في مميزاته
يحد من السرعه والتهور
لو كان السايق على بعد الفين ميل ..يصيده ويطخه ويسحبه ويجيبه لي عنده .. :)

[بلاتينيوم]

اسكت يا رجال

كنت واقف عند الاشاره وولعت خضراء وحركت ومسكني الرادار استغربت ليش , طلع ان الاشاره اللي ولعت خضراء للي متجه يسار وانا رايح سيده----:rolleyes2:


وجائي مسج 6000 ريال مع 7 نقاط==========:shy:

كان المفروض انك ترجع مكانك على طول يعني تريوس


عموما تقدر تقول للمسؤؤلين انك ما حركت لانك يوم اكتشفت الخطا رجعت مكانك

وان شاء الله يساعدونك ويشيلون عنك المخالفه او 50 % منها واهم شي النقاط

[شاي كرك]

الموضوع طرح في فترة سابقة في القسم العام :) وكانت في ملاحظات على الفكرة :

الرادار المذكور راح ينعش مسألة اللجوء للتفرعات و "الدواعيس" للهروب من الزمن المحدد او انه راح يظلم ناس في مسألة الاختصارات ..

اذا ما فهمت قصدي .. حياك أفهمك الحالتين :


الحالة الأولى .. البعض راح يلجأ لمسألة التفرعات والطرق الجانبية .. للهروب من الكاميرا الثانية اللي انذكرت ، وبكذا راح يكون في استخدم رهيب للطرق الجانبية على حساب الرئيسية وبذلك راح تلجأ الجهات المعنية بالعمل على تحويل الطرق الجانبية لطرق رئيسية .. وهذا من غيرالمعقول ان تصبح كل طرق البلاد رئيسية !!!


الحالة الثانية .. ممكن إن في شخص عنده اختصارات دائما يستعملها تساعده في مسألة انه يوصل بسرعه للمكان اللي يبغيه ، ومن غير المعقول انه راح يحاسب على مسألة الاختصارات ..!!


وفي حالة ثالثة حاب أضيفها .. وهي أان الداخل للشارع الرئيسي من طريق فرعي راح يكون معفي من هالمخالفة ... يعني ان الكاميرا الأولى ماراح تسجل دخوله للطريق الرئيسي لانه بالأصل داخل من "طريق فرعي " هذا اذا ما افترضنا إن الكاميرا الاولى مثبته على الدوار مثلا او التقاطع " وبذلك ما راح يكون معروف متى دخل الطريق المراقب وبذلك تكون مسألة السرعة عنده غير محاسب عليها ..

[بنت سعادة السفير]

جاان صورتيييه
:nice::victory::nice:

:secret:





:tease: صورته بس ماطلع واضح :tease:


افا عليكـ اليوم بصووره :shy:

[بنت سعادة السفير]

جاان صورتيييه
:nice::victory::nice:

:secret:









مرحباا عمي بووخالد هذا اللي وصيتني عليه

ولقطه فرش تووني صاايدتهاا :victory: والفال للي في بالي :omen2:


http://up.qatarw.com/get-5-2009-5mwb8dds.JPG (http://up.qatarw.com)

[الوعب]

كان المفروض انك ترجع مكانك على طول يعني تريوس


عموما تقدر تقول للمسؤؤلين انك ما حركت لانك يوم اكتشفت الخطا رجعت مكانك

وان شاء الله يساعدونك ويشيلون عنك المخالفه او 50 % منها واهم شي النقاط


قدمت طلب لمدير المرور وشرحت له الحاله ولكن دون فائده

وتمت الغرامه والنقاط على ما هي عليه

[وطن]

امس شفت رادار غريب ** صوب إشارة الاند ماركـ مادري هذا اللي تقصدوونه ولا لأ ....

هذا نفس رادار الكورنيش

:victory:

[المخفي]

الحين الرادار يتعرف على الارقام ولا ياخذ صورة و بس

[الوعب]

هههههههههههههههههههههههه صباح الخير اخوي شكلك كنت تهذر بالتلفون :telephone:


لا والله لا تلفون ولا شئي

ولكن اذا اراد الله شئي فسيكون

[وحيد-الشوق]

امحق اختراع وامحق رادر

شدعوة يحسب السرعة حتى لو خففت :rolleyes2:

اشوف الي يرشحون الرادر كلهم شيبان :secret: