تكلفة العلاج في الأردن.. ؟

[أوراق]

السلام عليكم ورحمة الله وبركاته

ممكن أعرف تكلفة العلاج في الاردن ... أورام -اعصاب ودماغ-... الله يعافينا ويعافيكم ويشفي مرضانا ومرضاكم ومرضى المسلمين... اللهم اميين

واللي تعالج او احد يعرفة ياريت التكلفة والمستشفي او اسم الدكتور ..
والتكاليف عامة في الاردن وشلون ؟


جزاكم الله الجنة

[صوت قطر]

لا أعرف أنا ولكن أرفع الموضوع للرد ممن يعرف

[قـنـبـلـه]

السلام عليكم
عندك مركز الحسين للاورام والسرطانات الله يكافينا الشر
ومكانه شارع الجامعه الاردنيه منطقة الجبيهه
تقدر تمر على السفاره الاردنيه وتتفق معاهم وتستفسر اكثر عن المركز
واسعاره شبه رمزيه او رخيصه وتابع لمستشفيات امريكا ومعرف عنه
تقدر تتاكد عن طريق النت

شكرا

[المزن الرياني]

الله يشفي مريضكم ويلبسه ثوب العافيه

[ليث العرين]

كفه و وفى القنبله


والله يشفي كل مريض

[أوراق]

اللهم اميـــــــــن
ومرضى المسلمين

جزاكم الله خيرا

[مساهمة]

الدكتور ابراهيم صبيح في مستشفى ابن الهيثم من افضل الاطباء في هالمجال
والتكلفه في حدود 70 الف تقريباا..

والله يشفي مرضاانا ومرضى المسلميين

[جوال 11]

الدكتور ابراهيم صبيح في مستشفى ابن الهيثم من افضل الاطباء في هالمجال
والتكلفه في حدود 70 الف تقريباا..

والله يشفي مرضاانا ومرضى المسلميين

سمعت عن هذا الطبيب ويقال عنه جيد والله يشفي مريضكم

[أوراق]

هو فعلا حجزنا عند د.صبيح
بس 70 الف وايد
؟؟ كان ايش بالضبط؟؟استئصال ورم؟

لان مريضتنا مو محتاجة جراحة على كلام صبيح
لان ارسلنا له الاشعة

[مساهمة]

اي نعم كانت عملية مستعجلة ..وتم استئصال جزء كبيير من الورم ولله الحمد
بس ال70 الف شامله العمليه والاقامة لمدة شهرين تقريبا والعلاج بالاشعاع

وماتشوفوون شررر ان شااءالله

[لاداعي]

ماتشوفون شر ..

[مساهمة]

اضاافة يمكن تفيدكم : في الاردن دلونا على دكتور مكتشف علاج جديد(ماعندي تفاصيل وايد عند العلاج)
بس هو عباره عن حبوب .. ومريضتنا تستخدمهم من 8 شهور تقريبا والحمدلله وضعها في تحسن
اسم الدكتور حمدي ابوحمده .. برسلج رقمه وان شاءالله يفيدكم

[الاعــلامية]

الله يشفي مريضكم

[GPC]

"وإذا مرضت فهو يشفين"
أسأل العلي القدير أن يشفي مريضكم ويرده إلى دياره معافى بإذن الله

[VIP-QATAR]

اختي عندج دكتور ابراهيم صبيح
من أفضل دكاترة الدماغ في العالم
وهو رئيس جميعة نقابة أطباء العلوم العصبية
واعتقد يعمل في مستشفى ابن الهيثم
والله يشفي مريضكم

[الـقـاسـي]

الله يشفي مريضكم ويرجع سالم غانم للدوحه ..

بالنسبه للعلاج فالاردن ماعندي اي خلفيه ..

بس بالنسبه للحياه هناك مب غاليه والسكن حتى مب غالي ارخص من الدوحه بواجد بالنسبه للسكن .. اما المعيشه اليوميه فـ زينه مب رخيصه ولا غاليه ..

وعاد اهما بيحاولون ينصبون عليك في اي شي لازم تكون ذكي انت ونصيحه لوجه الله لاتثق بأي أحد هناك ..
لاتثق مهما كان لاتثق بأي أحد أنتبه .. مب معناته ان الاردنين مب زينين لا والله عز الله فيه رجال وناس فيهم خير .. بس عمان مختلط فيه من كل الاعراق والجنسيات فـ خلك حذر ..

واذا بتسكن في اماكن واجد هناك الجبيهه وابو صبيح وصويلح اتوقع والله غايبه الاسامي عن بالي الحين ومناطق زينه عندهم .. عاد انت شوف وين المستشفى او العياده اللي بتروح لها واخذ سكن قريب ..

واذا بتروح طريق بر حاسب على سيارتك لاتوقفها الا في اماكن امنه ومكشوفه .. واذا بتقعد ع التكاسي ابرك لك بعد لان بترولهم يذبحه أخبر gx-r كنت أعبيه بترول بـ 450 او 460 ريال ..

وترجعون بالسلامه بأذن الله ..

[الثرمدي]

انا اردني مقيم في قطر بس انا موجود في الأردن للدراسة اذا احتجت اي مساعدة اخوي تراني حاضر وانصحك انك تستعجل قبل ما يجي الصيف لانه ترتفع الأسعار وبكون في زحمة واذا على الأردن ترى خليط من كل الجنسيات العربية وفي منطقة كامله كلها خليجين يعني بتحس نفسك ببلادك واذا امحتاج رقمي راسلني على الخاص

[غناتي1]

طمنيني اختي على مريضتكم -- وش صار لها

سووت العملية

الله يتم عليها الصحة ويلبسها ثوب العافية

[PRINCESS]

الله يشافي مريضكم ومرضى المسلمين
امس خليت بموضوع الفيصل اسم الدكتور محمود الكرمي وارقامه وايميله وهذا مثل ماقلت عبقققققققققققري ويكون بمستشفى الاردن والامل
اما التكاليف والله مااعرف لان اختي عالجناها سنه 2000 يعني من 9 سنوات
اي استفسار ثاني اني حاضره

[khalid969]

المستشفى التخصصي

حد عنده معلومات وافيه عن هذا المستشفى ؟