::::اليوم المهني والاعضاااااء::::

[STAR]

السلام عليكم ورحمة الله وبركاته


طبعا في منا راح قدم اوراقه للجهات العمل المشاركة في اليوم المهني..

والكل يقووول ان اليوم المهني مجرد دعاية و show فقط ...:weeping:


ممكن كل واحد قدم في يوم المهني يقوول لنا اذا اي جهة عمل اتصلت له واهتمت في الموضوع ...:telephone:

من ناحيتي انا تبوون الصج ... احس اليوم المهني مو بس كلااام ...:eek5:

انا اتصلت فيني اكثر من جهة منها :

واحة العلوم والتكنولوجيا

قطر فاونديشن

بنك HSBC

بنك الدوحة

هاي غير استقبلت مسجات من :

قطر للبترول ( QP)

َُQEWC

Qatar Steel

فودافون ( بالايميل)

هاي ان دل.. يدل ان هناك في جدية واهتمام في الموضوع...:nice:

بس ترى كلهم سووا معاي مقابلة وقالوا لي راح نتصل في وقت لاحق مرة ثانية و لايدقون هههه:rolleyes2:


بس يكفي انهم اهتموا ودقوا على الاقل سي فيي ما انقط فالزبالة هههههه:)



يلا شاركوني .. اللي قدموا يوم المهني ... في حد دق عليك ؟؟؟!!!:telephone:

وهل توظفت؟؟؟:victory:

[السنافية]

انا قدمت على اربع جهات ولي يومج محد دق علي او حتى عبرني بمسج
وامش بوزي اذا دقو :(
ونشوف باقي الاعضاء ان شاء الله احد كلمهم
وموفقه الشيخه وتحياتي لج :)

[روح الاطلس]

سؤال بس لا تعتبره فضول


انت عندك سنوات خبرة ولا خريج جديد ؟؟ ولا ثانوية توك مخلص ؟؟ بس عشان ناخذ فكرة عن الفئات المستهدفة :)

[::.Silent.::]

upto now

Nobody call me

:(

[أم وضحى]

بنات اختي خريجات ثانويه .. دقوا عليهم الداخلية ..:telephone:
وراحوا المقابلة .. وقالوا لهم من الاخر : بتشيلون النقاب ؟
ردوا عليهم البنات : لااااااا ..
قالوا لهم : رحوا الله يستر عليكم !!! :rolleyes2:

[جادووور]

بنات اختي خريجات ثانويه .. دقوا عليهم الداخلية ..:telephone:
وراحوا المقابلة .. وقالوا لهم من الاخر : بتشيلون النقاب ؟
ردوا عليهم البنات : لااااااا ..
قالوا لهم : رحوا الله يستر عليكم !!! :rolleyes2:

من ترك شيئآ لله عوضه الله خيرآ منها والله يوفقهم

[امل الحب]

ههههههههههههههههههههههه توها تسالني رفيجتي امس ..

قلت لها لا ولا جهة.. قالت لاتعبين نفسج وتنطرين ..الاوراق الي ياتنا عطناها الفراش يدخلها في الـ شريدير.. :secret:

[لجين]

قدمت في 4 مادري 5 اماكن ولا حد رد :(

[الوعد2016]

للاسف هو مهرجان ودعايا فقط لاغير وللاسف
المعرض السابق والحالي لم يقوم اي شخص بالاتصال او حتى بارسال مسج يفيد بوجود معاملة طلب وظيفه
وللاسف اكبر دليل انه عند التقديم لا نحصل ايصال للمراجعه ومتابعه الطلب

[سمو انسان]

انا قدمت على اكثر من جهه وما وصلني منهم شي الظاهر يبون اللي عندهم خبره طويله

بس اخبر واحد قالي لاتنتظر منا اتصال راجعنا في بداية شهر ٥ ودي اورح لهم بس نسيت اي شركه او اي مؤسسه قالت لي هذي الشغله :(

[hich]

بنات اختي خريجات ثانويه .. دقوا عليهم الداخلية ..:telephone:
وراحوا المقابلة .. وقالوا لهم من الاخر : بتشيلون النقاب ؟
ردوا عليهم البنات : لااااااا ..
قالوا لهم : رحوا الله يستر عليكم !!! :rolleyes2:

:eek5::eek5::eek5::eek5:

[حقيقه]

انا قدمت على كذا مكان
ومنها راس غاز
وهم الوحيدين اللي طرشو لي مسسجججججججج يبلغوني فيه اني مرفوضه :nice:

[أم وضحى]

:eek5::eek5::eek5::eek5:



؟؟؟؟؟؟

:con2:

[ورقــة أمــل]

راس غاز
وكهرماء
ورفيجتي كلموها ميرسك وسوو معاها مقابلة وكلموها كيوتل

[AL HAJRI]

للأسف ان عندي خبره طويله ,, ولغه قويه ,, وشهاده ,,

مع ذلك لم يتواصل معاي احد ,,


وكل سنة والمسلسل الدرامي بألف خير,,

[AL HAJRI]

بنات اختي خريجات ثانويه .. دقوا عليهم الداخلية ..:telephone:
وراحوا المقابلة .. وقالوا لهم من الاخر : بتشيلون النقاب ؟
ردوا عليهم البنات : لااااااا ..
قالوا لهم : رحوا الله يستر عليكم !!! :rolleyes2:





للأسف اختي ,, ان هذا هو توجه الدوله وبكل صرااااااااااااحه,,,
وفي أغلب القطاعات ,,,

[البدوي]

... انا قدمت على اكثر من 20 جهه وعندي بكلريوس وخبره 17 سنه ..

محد رد على غير 1- بنك قطر الدولي .. وياليتهم ما تصلوا بس

... قالوا شهادتك ما تنفع عندنا ولا لها مجال في البنك

,,,, شدعوه كل الى في لبنوك .... شهاداتهم تخصص بنوك ؟ صدقونى يمكن البنك هذا نفسه يمكن المدير ما عنده .... شهاده وخايف حد ياخذ مكانه

ما قول الا خسارة الاوراق الى صورتها

حسبي الله ونعم الوكيل

[STAR]

انا قدمت على اربع جهات ولي يومج محد دق علي او حتى عبرني بمسج
وامش بوزي اذا دقو :(
ونشوف باقي الاعضاء ان شاء الله احد كلمهم
وموفقه الشيخه وتحياتي لج :)

لا تكوني متشائمة ... ان شاء الله يدقون لج ....



سؤال بس لا تعتبره فضول


انت عندك سنوات خبرة ولا خريج جديد ؟؟ ولا ثانوية توك مخلص ؟؟ بس عشان ناخذ فكرة عن الفئات المستهدفة :)

انا خريج جديد ... بس تدري شنو سويت انا ... ههههههه .. علشان الفت نظرهم ل cv طبعت السيفي بالورق الملون هههههه .. انا نقيت الالوان الفاتحة والخفيفية مب الغامجة .. قلت يمكن بهالطريقة الفت نظرهم هههههه:nice:



upto now

Nobody call me

:(

غريبة؟؟؟!! خلك في شغلك ابرك .. بالتوفيق




بنات اختي خريجات ثانويه .. دقوا عليهم الداخلية ..:telephone:
وراحوا المقابلة .. وقالوا لهم من الاخر : بتشيلون النقاب ؟
ردوا عليهم البنات : لااااااا ..
قالوا لهم : رحوا الله يستر عليكم !!! :rolleyes2:

خل يقدمون في امن الدولة ...



ههههههههههههههههههههههه توها تسالني رفيجتي امس ..

قلت لها لا ولا جهة.. قالت لاتعبين نفسج وتنطرين ..الاوراق الي ياتنا عطناها الفراش يدخلها في الـ شريدير.. :secret:


ولا جهة كلللللللش؟؟!!!

يلا معليه ... ان شاء الله يدقون عليج ..



قدمت في 4 مادري 5 اماكن ولا حد رد :(

ان شاء الله يتصل لج حد ...



للاسف هو مهرجان ودعايا فقط لاغير وللاسف
المعرض السابق والحالي لم يقوم اي شخص بالاتصال او حتى بارسال مسج يفيد بوجود معاملة طلب وظيفه
وللاسف اكبر دليل انه عند التقديم لا نحصل ايصال للمراجعه ومتابعه الطلب

ماعتقد اخوي .. والدليل ان بعض الاعضاء اتصلوا لهم ومنهم انا
معليه ان شاء الله يتصلوون لك ..




انا قدمت على اكثر من جهه وما وصلني منهم شي الظاهر يبون اللي عندهم خبره طويله

بس اخبر واحد قالي لاتنتظر منا اتصال راجعنا في بداية شهر ٥ ودي اورح لهم بس نسيت اي شركه او اي مؤسسه قالت لي هذي الشغله :(

جان سويت نفسي وطبعت السي في في ورق ملون هههههههههه




انا قدمت على كذا مكان
ومنها راس غاز
وهم الوحيدين اللي طرشو لي مسسجججججججج يبلغوني فيه اني مرفوضه :nice:

بل ليش؟؟ يعني قدمتي امتحان والا بدون امتحان؟؟؟
على الاقل عبرووج احسن من غيرهم هههههه

معليه معوضة ان شاء الله



راس غاز
وكهرماء
ورفيجتي كلموها ميرسك وسوو معاها مقابلة وكلموها كيوتل

المقابلة بس في ميرسك وكيوتل؟؟؟

راس غاز وكهرماء شنو سووا؟؟؟ بس مسج؟؟





للأسف ان عندي خبره طويله ,, ولغه قويه ,, وشهاده ,,

مع ذلك لم يتواصل معاي احد ,,


وكل سنة والمسلسل الدرامي بألف خير,,

غريبة ؟؟؟!!!!... معليه ان شاء الله يدقون عليك ....




... انا قدمت على اكثر من 20 جهه وعندي بكلريوس وخبره 17 سنه ..

محد رد على غير 1- بنك قطر الدولي .. وياليتهم ما تصلوا بس

... قالوا شهادتك ما تنفع عندنا ولا لها مجال في البنك

,,,, شدعوه كل الى في لبنوك .... شهاداتهم تخصص بنوك ؟ صدقونى يمكن البنك هذا نفسه يمكن المدير ما عنده .... شهاده وخايف حد ياخذ مكانه

ما قول الا خسارة الاوراق الى صورتها

حسبي الله ونعم الوكيل

غريبة؟؟!!!

الله يوفقك ان شاء الله ويتصلون لك ...

[القلم الصريح]

... انا قدمت على اكثر من 20 جهه وعندي بكلريوس وخبره 17 سنه ..

محد رد على غير 1- بنك قطر الدولي .. وياليتهم ما تصلوا بس

... قالوا شهادتك ما تنفع عندنا ولا لها مجال في البنك

,,,, شدعوه كل الى في لبنوك .... شهاداتهم تخصص بنوك ؟ صدقونى يمكن البنك هذا نفسه يمكن المدير ما عنده .... شهاده وخايف حد ياخذ مكانه

ما قول الا خسارة الاوراق الى صورتها

حسبي الله ونعم الوكيل

حبيبي يالبدوي
انا هالبنك اتصلوا فيني ..تدري وش قالولي
قالولي مؤهلاتك ما تنفع ..
وتدري اول مؤهل لي وشو
ادارة بنوك
شي مضحك ومثير للمسخره


حسبي الله ونعم الوكيل

[STAR]

حبيبي يالبدوي
انا هالبنك اتصلوا فيني ..تدري وش قالولي
قالولي مؤهلاتك ما تنفع ..
وتدري اول مؤهل لي وشو
ادارة بنوك
شي مضحك ومثير للمسخره


حسبي الله ونعم الوكيل

تدري ان بنك الدوحة اتصلوا فيني وسووا معاي مقابلة وامتحان ... للعلم ان تخصصي ماله علاقة بالبنوووووك نهائيا ..!!!:rolleyes2:

[القلم الصريح]

تدري ان بنك الدوحة اتصلوا فيني وسووا معاي مقابلة وامتحان ... للعلم ان تخصصي ماله علاقة بالبنوووووك نهائيا ..!!!:rolleyes2:

خلها على الله
انا قابلني اثنين من كبار مسئولي بنك الدوحه
قالو بيتصلون ... لكن لا حس ولا خبر

قزر عمر واشبع طماشة

[بو الجوري]

هلا وغلا ..
:)
أولا مب لازم كل من قدم على طلب وظيفه .. يلاقي شغل !! :eek5:
ومب كل الجهات اللي شاركت فالمعرض .. عندها أماكن شاغره أصلاً :secret:

يعني بالعربي .. مثلاً كم طلب وظيفه تقدم فالمعرض .. ؟ وكم عدد الوظايف الشاغره فالجهات اللي فالمعرض ؟
أكيد الطلب أكثر من العرض .. فالبتالي مب كل من قدم بيلاقي .. وهذا نصيب وإجتهاد .. لاتعتمد على المعرض ..

يعني مثلاً الجزيره للأطفال أول يوم على كلام واحد شغال هناك ..
قال إستقبلوا 250 طلب ثانويه و50 جامعي .. تتوقع كم طلب جمعوا فالخمس أيام !!
وهل تتوقع إن عندهم أماكن شاغره للكل !! :)

أنا بالنسبه لي قدمت على تقريباً 10 أماكن ومحد إتصل فيني :telephone:
يمكن لأني أصلاً أشتغل حالياً وراتبي أكثر من اللي بيعطوني إياه :rolleyes2:

والله يوفقكم جميعاً :nice:

[Sharshooooor]

اللي قاهرني في قناة الجزيرة للاطفال
قدمت عندهم قبل المعرض قالوا لازم تجيب السي في باليد ماعندنا خاصية الايميل

ويوم زرتهم في المعرض اشوف حاطين كمبيوترات وعلى اساس انهم متطورين

مايسمونه هذا دعاية كذابة

ارجوكم جاوبوني

[شواقة قطر]

انا قدمت اكثر من 6 جهات ولا حد رد علي لكن كان عندي ورقة مراجعه لهيئة شؤون القاصرين مكتوب فيها المراجعه بعد اسبوعين قمت واتصلت الا يقولون لي ما في شاغر

[STAR]

اللي قاهرني في قناة الجزيرة للاطفال
قدمت عندهم قبل المعرض قالوا لازم تجيب السي في باليد ماعندنا خاصية الايميل

ويوم زرتهم في المعرض اشوف حاطين كمبيوترات وعلى اساس انهم متطورين

مايسمونه هذا دعاية كذابة

ارجوكم جاوبوني

ههههههههههه

الله يوفقك ان شاء الله

[!الشايمه!]

انا اربع من صديقاتي....وبنت خالتي... اليوم الثاني من المعرض اتصلوا لهن...
وبنت خالتي بنفس اليوم سوت مقابله مع راس غاز....

المعرض كان رائع....وجهود جباره برزت من الاخوة في الشركات والمتطوعين
والمتطوعات....ومثل ماقال الاخ.....يمكن الوظائف الشاغره اقل من
المتقدمين.....

المشكلة ان هناك ناس كثيرين.....تقدموا وهم اساسا يشتغلون.....!!
اكيد هناك اولويات......للمتقدمين......وكل شركة راح تشوف شنو الافضل
وماذا تطلب.

يعطيهم العافية.....وبالتوفيق لكل من قدم ....الصبر زين..

تحية

[STAR]

الله يوفقك ربعج وبنت خالتج ان شاء الله

[الـقـاسـي]

اذا ع الاتصال بيتصلون وبيسوون مقابله عشان يقزرون الوقت في الشغل ..

بس يوظفون عن طريق المعرض ماظن يسوونها ..

اذا احنا عندنا في الدوام نقص مب طبيعي في الموظفين ومأذينا نبي موظفين ومافيه ..

وكله يقولون محد يقدم عندنا ومادري وشو وكل ماجبنا اوراق ناس ماوظفوهم ..

[جوال 11]

خلال الأسبوع الماضي
تم التنسيق مع السفارة القطرية في بريطانيا من قبل بعض العارضين وتم حجز فندق للطلبة القطريين على حساب العارضين وذلك لتقديم أوراق الطلبة ومعرفة تخصصاتهم .

[sunlover2009]

:nice:[QUOTE=q44_;4098388]راس غاز
وكهرماء
ورفيجتي كلموها ميرسك وسوو معاها مقابلة

بس حبيت اعرف كيف طريقة المقابلة
اذا ممكن نعرف وش الأسئلة ؟
مع شركة ميرسك؟
ضروووووووووووووووري


وشكرا

[أحلى وسيطه]

أنا عني قدمت تقريبا في 15 جهه


وماجاني أي رد منهم


ماعدى مسج من راس غاز بأن طلبي موجود واح يجيني أتصال من قبلهم

هذا كان بعد ماسكر المعرض

ومن هذاك اليوم الين اليوم وانا عندي أمل فيهم :)


بس الحمدلله أني موظفه

[امل الحب]

:nice:[QUOTE=q44_;4098388]راس غاز
وكهرماء
ورفيجتي كلموها ميرسك وسوو معاها مقابلة

بس حبيت اعرف كيف طريقة المقابلة
اذا ممكن نعرف وش الأسئلة ؟
مع شركة ميرسك؟
ضروووووووووووووووري


وشكرا

مممم

اول شي بتدخل بتقدم اختبار شخصية ورقتين

الاولى شنو اهم الصفات الي تشوفها جيدة

والثانية شنو الصفات الي فيك

وبيتم اخذها وتحليلها ويعطيك رسم بياني بشخصيتك عند المدير طبعا ..

بعدين امتحان ثاني مادري شالفايدة منه ..

جمل عربية وذكاء ورياضيات وعندك 10 دقايق والورقة فيها 50 او 60 سؤال موزعة بيين الثلاثة الي ذكرتهم:)

انا حليتهم كلهم وكان الامتحان سهل بالنسبة لي مادري شلون بالنسبة لك

بعدها بتقابل مدير .. شنو طموحاتك؟ شتعرف عن الشركة؟ خلال 5 سنين وين تشوف نفسك؟ صنف ميرسك بين شركات البترول من 1 الى 10 في قطر؟ اوصف الضعف والقوة فيك ؟ لو عطيتك شغل كيف تسويه ؟ لو جاك اتصالين مهمين كيف توفق بينهم؟

هذا الي اتذكره من اول مقابلة :rolleyes2:

الله يوفقك

[امل الحب]

الأخت / المحترمة

تحية طيبة ، وبعد ،،،

نشكر لكم اهتمامكم بالعمل في شبكة الجزيرة.

إلحاقاً إلى طلب التوظيف رقم : (214) المقدم منكم في معرض قطر المهني 2009 للعمل في مجال نُظم المعلومات والبرمجة ، يؤسفنا إبلاغكم بعدم توفر الشروط المطلوبة لشغل أي من الوظائف المتاحة حالياً ، علماً بأنه سوف يتم الاحتفاظ بطلبكم للاستفادة منه في الفرص المستقبلية.

نشكر لكم حرصكم على العمل في شبكة الجزيرة، ونتمنى لكم دوام التوفيق والنجاح في حياتكم العملية.



إدارة تخطيط وتوظيف الموارد البشرية


ونفس الايميل حق 9 من البنات الي تخرجوا معاي :)..



والجزيرة للاطفال منحة دراسية على اساس خريجة ثانوي وارد ادرس مرة ثانية :rolleyes2:

[ذيبه مزاجيه]

انا شخصيا غاسله يدي منهم

[STAR]

ان شاء الله تتوظفووون كلكم

[صايد السالفه]

انا صراحة ماخليت مكان ماقدمت فيه وتحسون المعرض بس عشان كل مكان يسون شووووو عن شغلهم والدليل ان الناس يروحون المعرض مايقدمون يقولون ها عندكم شي تعطونا اكياس ولا شي صراحة كان شي اوووفر وانا عن نفسي ماخليت مكان الا عطيتهم السي في مالي ولي يومكم محد دق علي ولا شكلهم بيدقون ماااااااااااااااااااااااااااااااادري ليش والله ابتلشنا ياناس نبي نكمل دارسة مايصير نبي نغير شغل مايصير يعني شنسووووووووووووووووووووووووووووووووووووووووي

[ورقــة أمــل]

بنت عمتي كلموها قطر فاونديشن امس واليوم وتخصصها دبلوم نفسي
كانت مودية لهم سيفي ملزمة كامله فيها السي في بالانجليزي والشهادات اللي عندها ونماذج من شغلها بالكلية
والشغلة اللي بغوها فيها بعد وايد حلووة

[ورقــة أمــل]

[quote=sunlover2009;4115821]:nice:

مممم

اول شي بتدخل بتقدم اختبار شخصية ورقتين

الاولى شنو اهم الصفات الي تشوفها جيدة

والثانية شنو الصفات الي فيك

وبيتم اخذها وتحليلها ويعطيك رسم بياني بشخصيتك عند المدير طبعا ..

بعدين امتحان ثاني مادري شالفايدة منه ..

جمل عربية وذكاء ورياضيات وعندك 10 دقايق والورقة فيها 50 او 60 سؤال موزعة بيين الثلاثة الي ذكرتهم:)

انا حليتهم كلهم وكان الامتحان سهل بالنسبة لي مادري شلون بالنسبة لك

بعدها بتقابل مدير .. شنو طموحاتك؟ شتعرف عن الشركة؟ خلال 5 سنين وين تشوف نفسك؟ صنف ميرسك بين شركات البترول من 1 الى 10 في قطر؟ اوصف الضعف والقوة فيك ؟ لو عطيتك شغل كيف تسويه ؟ لو جاك اتصالين مهمين كيف توفق بينهم؟

هذا الي اتذكره من اول مقابلة :rolleyes2:

الله يوفقك


اي صحيح كلامج هاي شركة ميرسك
والامتحان اللي عطوها اياه اللي هو امتحان الذكاء بصراحه على كلامها اوصفته بالغباء

[Q-tr]

انا الجزيرة الأخبارية طرشت لي هالايميل مكتوب فية :


السيد / .............................. المحترم

تحية طيبة ، وبعد ،،،

نشكر لكم اهتمامكم بالعمل في شبكة الجزيرة.

إلحاقاً إلى طلب التوظيف رقم )***) المقدم منكم في معرض قطر المهني 2009 للعمل في مجال الموارد البشرية، يؤسفنا إبلاغكم بعدم توفر الشروط المطلوبة لشغل أي من الوظائف المتاحة حالياً ، علماً بأنه سوف يتم الاحتفاظ بطلبكم للاستفادة منه في الفرص المستقبلية.

نشكر لكم حرصكم على العمل في شبكة الجزيرة، ونتمنى لكم دوام التوفيق والنجاح في حياتكم العملية.



إدارة تخطيط وتوظيف الموارد البشرية


ههه اعجبتني كلمة بعدم توفر الشروط المطلوبة.. يعني الأوراق بالارشيف

[armani**]

المعرض المهني دعااااااااااااااااااااايه لا اكثر
انا اعرف تقريبا 27 شخص من الربع و الاقرباء محد رد عليهم لا مسجات ولا هم يحزنون و اغلبهم ثانويه و جامعين غير شهادات الكمبيوتر و الانجليزي و و و و و و ......

اللهم 3 اشخاص طرشولهم مسجات من الغاز و يقولهم نحن ندرس طلبك انتظر مننا اتصال . و الجزيره يقولهم مافي مكان شاغر لك ..

بالله عليكم هاذي حاله قاعدين في بيوتنا حالتنا حاله ننتظرهم يتكرمون علينا بأتصال محد يرد علينا .كأننا نشحذ منهم .

يعني هالابراج ماشاء الله ليش تاركينها فاضيه ولا هذا بس منظر يابلفيت نيويورك قطر .

و الله صراحه عزيز النفس يعيش مرتاح .و انا بعز نفسي عنهم .

[امل الحب]

[quote=امل الحب;4120630]


اي صحيح كلامج هاي شركة ميرسك
والامتحان اللي عطوها اياه اللي هو امتحان الذكاء بصراحه على كلامها اوصفته بالغباء

هو فعلا امتحان غباء .. بس للاسف يعتمد على قوة التركيز مو الذكاء :victory:
ويحتاج سرعة بديهة .. 10 دقايق و50 سؤال :rolleyes2:
انا حليتهم بس الصراحة دار راسي منهم :D كنت اشوف الوقت والاسئلة ..! ومادري شفايدته هالامتحان اصلا ..

[STAR]

اتصلوا فيني امس ابنك التجاري ... سألتني الموظفة اذا ماعندي مشكلة التحق في تدريب مدته 18 شهر..!!

عاد قلت لها لا ماعندي مشكلة... قالت لي خاص بنتصل فيج عقب ..!!

[ورقــة أمــل]

البنك التجاري ربوي بحت

[دلوليانوز]

مــــــــــــــــــــــــــــــا في حد اتصل


لازم واسطه..قبل..ما ادش الجامعه..وعقب فكر بالتأسيسي والتوفل..والتخصص

دنيا بالمقلوب..يا شيخ
يا كثر البطاله..في المجتمع..والمصيبه يلومونك..انت ما ادور..يا شيخ..جيبلي واسطه عقب قول بتوظف
واذا مؤهلات..طال عمرك..مهندس..الله يلعن الساعه اللي تخصصت فيها هندسه..

يالله..انخلي باقي الاعضاء يعبر عن تجربته

[امل الحب]

مــــــــــــــــــــــــــــــا في حد اتصل


لازم واسطه..قبل..ما ادش الجامعه..وعقب فكر بالتأسيسي والتوفل..والتخصص

دنيا بالمقلوب..يا شيخ
يا كثر البطاله..في المجتمع..والمصيبه يلومونك..انت ما ادور..يا شيخ..جيبلي واسطه عقب قول بتوظف
واذا مؤهلات..طال عمرك..مهندس..الله يلعن الساعه اللي تخصصت فيها هندسه..

يالله..انخلي باقي الاعضاء يعبر عن تجربته

:eek5:

لالا لاتهور .. ترا درسنا هالتخصص وكرفنا لين قلنا بس فالجامعة وللحين فالبيت حالنا حالك .. بس لاتلعن بالساعة لايجوز :)

والله يرزقك

[غربة مشاعر]

الله يوفق الجميع ان شاء الله