ماذا ستفعل لو كنت في هذا الموقـف !!!

[][ الوحيد ][]

السلام عليكم روحمة الله وبركاته

ندخل فالموضوع على طووول

طبعا الكل يدري بخصوص مرض انفلونزا الخنازير اللي انتشاره سريع جدا
ولحد الان مافي اي علاج له !!

لو كنت يا اخي / اختي الكريم / ة تدرسون في دوله المرض موجود فيها ..
وانت مبتعث عن احد المؤسسات !!

وجاك قرار انك اذا كنت للحين تدرس لغه .. ماترجع الدوحه
واذا حصلت قبول في الكولج .. وقدمت امتحان تحديد المستوى وجبت فالانجليزي والرياضيات مثل هالدرجات 030 - 060 - 090 !! وطلبوا منك تاخذها فالصيف غصب وماترجع الدوحه

مع العلم انه معظم طلاب دوله قطر اللي كانوا مخططين ياخذون الكورس الصيفي .. كنسلوا بسبب المرض !! وانت يقولون لك لا لازم تقعد هناك !!

وطبعا هالقرار يجيك بعد مارتب امور الرجعه للدوحه !! وكنت حاجز حق سفره مع عائلتك ودافع الفلوس .. وهم يقولون لك افعــد في أمريكا ..


شنو راح يكون الرد ..

[y.o.y.o]

الله يكون فـ عونك

[على العهد]

صحتك اهم

خاطبهم بالموضوع وربك ايسر الامور ان شاء الله

[ALRAYYAN]

كل هالكلام مب نافعك يابو علي لو حاشك المرض الله لا يقول
تأكد أنك لو قررت تترك كل شي وترجع بيكون هذا أمر الله
والمرض ماطلع ولا انتشر الا بأمر الله
وان شاء الله منتب ميت جوع فديت خشمك
انت توك صغير والمجالات كلها مفتوحه قدامك .. ع الاقل ارجع لين تهدأ الامور
ويشوفون علاج حق هالمرض .. وترى الخساره خسارة الروح

انا ادري ان يدي في الماي واقول هالكلام وانا مرتاح .. لكن انا لو منك برجع
العمر مب رخيص وانا اخوك وهذا رأيي اللي انت طلبته

موفق يارب

[سلامي للكل]

وعليكـمـ الســلام ورحمــة الله وبركاته

أنا حاليأً في بريطانيا, علشان اكمل الدراسة, وما باقي لي الا سنة غير هالسنة

واذا لاسمح الله, الامور زادت سوءً :weeping: (انتشر المرض) اترك الدراسة وامها بعد :eek5:

والحمــد لله, الامور طيبة لحد الان

الصحة تاج على رؤوس الاصحة :nice:

والله يبعد عنا وعن الجميع هالمرض, ويحفظ المسلمين والمسلمات

وفاااااالك الصحة والســلامة :)

[وحيد-الشوق]

الله يعينك يالغالي :(

عسى ربي يحفظك وييسر امورك

[6611]

والله ياخوك انا من يمينك

حاليا في لندن

واوسوس وان شاء الله ربك يكتب الي فيه الخير

وان شفت لمرض زاد رجعت وصحتي اهم =)

[المفتاح]

ان شاء الله ماعليك شر

[بنت ابوها 19]

الله يكون بعونكم ياخوي


عندي اثنين من هلي في امريكا
والله قلوبنا ترقع عليهم :weeping::weeping:

[القلب المؤمن]

:nice: ابشركم 27 حالة انفلونزا الخنازير في لندن والعدد في ازدياد وصكروا بعض المدارس !

أنا برأيي هو قدر واذا الله كاتب لي أمرض فيه بمرض كنت عند هلي ولا في أرض الغربة ..

بس الواحد يكون حريص ويتوكل على الله ومايقرب من المرضى الا وهو لابس الكمامة ويحرص على أقل احتكاك بالناس بهالفترة لحد مايشوفون حل للمسألة ..

:nice: والله يحفظ الجميع

[سهم مديون]

اجعل يقينك على الله وتوكل عليه فالله الحافظ والميسر سبحانه !!

[زهرة قطر]

في ظل الأوضاع الراهنة وانتشار مرض انفلونزا الخنازير في تلك الدول فمن الأفضل العودة للوطن بمجرد نهاية السنة الدراسية ومن ثم التفكير في إمكانية العودة مرة أخرى لاستكمال الدراسة بعد التأكد من السيطرة على المرض
ولو كان ابني من أحد هؤلاء الطلاب لطلبت منه التعجيل بالعودة حتى تتحسن الظروف والدراسة لاحق عليها
الله يحفظكم ويرعاكم ويردكم لبلادكم سالمين

[بنت سعادة السفير]

توكلوا على الله " من توكل على الله فهو حسبه " .

والله يحفظكم من كل شر

[doha2012]

الله يحفظك ان شاء الله
اسمع ياخوي انت صغير للحين الظاهر ولابه عجله على الامور وكل شي ملحوق عليه يعني شالفيده من القعده اذا الواحد خايف ماراح يكون فيه انجاز غير قلوب هلك اللي ماكلتهم عليك فكر بنفسك وبامك ترى الصحه ماتتعوض ودام المرض ابتدا ينتشر خلاص توكل على الله وهو حسبك وارجع وماتدري وين الخيره وهذا طبعا بعد ماتستخير
وبالتوفيق ان شاء الله

[al.wafe]

قبل ما اعطيك شوري حبيت اقولك الله يحفظك ويستر عليك ويحققلك امانيك يارب


وشوري لك يالغالي انك ترجع لان الصحه مثل ما تفضلو الاخوان مب رخيصه والحياه ما توقفت والفرص قدامك وايد

ويمكن خيره انك ترجع


والله يوفقك

[qatari_xp]

السلام عليكم ورحمة الله وبركاته

اول شي الله يحفظك ويحفظ اخوانا وخواتنا وجميع المسلمين من كل سوء :

ثانيا : اقرا حديث النبي صلى الله عليه وسلم

5396 حدثنا حفص بن عمر حدثنا شعبة قال أخبرني حبيب بن أبي ثابت قال سمعت إبراهيم بن سعد قال سمعت أسامة بن زيد يحدث سعدا عن النبي صلى الله عليه وسلم أنه قال إذا سمعتم بالطاعون بأرض فلا تدخلوها وإذا وقع بأرض وأنتم بها فلا تخرجوا منها فقلت أنت سمعته يحدث سعدا ولا ينكره قال نعم
ثالثا : اورد لك حادثه حصلت لسيدنا عمر بن الخطاب رضي الله عنه :

خرج أمير المؤمنين عمر بن الخطاب، ذاهبا إلى بلاد الشام، وكان معه بعض الصحابة.وفي الطريق علم أن مرض الطاعون قد انتشر في الشام، وقتل كثيرا من الناس، فقرر الرجوع، ومنع من معه من دخول الشام.فقال له الصحابي الجليل أبو عبيدة بن الجراح: أفرارا من قدر الله يا أمير المؤمنين؟فرد عليه أمير المؤمنين: لو غيرك قالها يا أبا عبيدة!ثم أضاف قائلاً: نعم نفر من قدر الله إلى قدر الله؛ أرأيت لو أن لك إبلا هبطت واديا له جهتان: إحداهما خصيبة (أي بها زرع وحشائش تصلح لأن ترعى فيها الإبل)، والأخرى جديبة (أي لا زرع فيهما، ولا تصلح لأن ترعى فيها الإبل)، أليس لو رعيت في الخصيبة رعيتها بقدر الله، ولو رعيت في الجديبة رعيتها بقدر الله؟

اخي الكريم كل شي بقدر الله سبحانه وتعالى فا ارجومن الله الكريم الرحمان

ان يلهمك القرار الصائب والله ييسر امورك

[همر]

ما خلونا نرجع ايام سبتمبر 11 وخلونا ننخش في شققنا مثل الجرابيع تبيهم يرجعونكم بسبة "انفلونزا" ؟!!!

متفائل...

["$"LOVE"$"]

ادعي ربك وقول

"( اللهم اكفنيهم بما شئت )"

وصلى استخاره ادعي فيها رب العالمين اذا هالشي خير لك والا شر ..وبعدها توكل على الله

والله بيفرجها عليك اخوي

[روح وريحان]

[ الوحيد ][;4097881']السلام عليكم روحمة الله وبركاته

ندخل فالموضوع على طووول

طبعا الكل يدري بخصوص مرض انفلونزا الخنازير اللي انتشاره سريع جدا
ولحد الان مافي اي علاج له !!

لو كنت يا اخي / اختي الكريم / ة تدرسون في دوله المرض موجود فيها ..
وانت مبتعث عن احد المؤسسات !!

وجاك قرار انك اذا كنت للحين تدرس لغه .. ماترجع الدوحه
واذا حصلت قبول في الكولج .. وقدمت امتحان تحديد المستوى وجبت فالانجليزي والرياضيات مثل هالدرجات 030 - 060 - 090 !! وطلبوا منك تاخذها فالصيف غصب وماترجع الدوحه

مع العلم انه معظم طلاب دوله قطر اللي كانوا مخططين ياخذون الكورس الصيفي .. كنسلوا بسبب المرض !! وانت يقولون لك لا لازم تقعد هناك !!

وطبعا هالقرار يجيك بعد مارتب امور الرجعه للدوحه !! وكنت حاجز حق سفره مع عائلتك ودافع الفلوس .. وهم يقولون لك افعــد في أمريكا ..


شنو راح يكون الرد ..

بستخير واللي فيه الخير بيصير ..:nice:

[سهم المراقيب]

قلنا لك روح ليفربول ما طعتنا ,,
الشباب رجعوا من اسبوعين ,, الله يعينكم يا أهل دنفر ,,

[زهرة قطر]

ولدي من الطلاب اللي يدرسون وياك في دنفر ومبتعث من قبل اللجنة الأولمبية وهم قالوا لهم لازم تاخذون صيفي ولاترجعون ولا كأنهم عايشين في العالم يبون يخلونا محروق قلبنا من المحاتاه على عيالنا وكلمت المسئولة عنهم في اللجنة وقالت احنا نبي مصلحتهم واحنا دافعين للمعهد عشان الكورس الصيفي يعني فلوسهم أهم من حياة عيالنا وإذا رجعو بدون موافقة اللجنة بيقطعون عنهم البعثة وبيغرمونهم المبالغ اللي دفعوها عليهم يعني ماهمهم الطلاب همهم الفلوس بس شنهو هالتفكير ومادري أفكار من هاذي وما أعتقد أحد من أبناء الوطن هو صاحب هذا القرار لأنه ليس له قلب وغير حريص على أبناء قطر وما هموه في ظل هالأوضاع
على المسئولين في اللجنة سرعة التصرف بإعادة عيالنا لأرض الوطن قبل فوات الأوان وإلا سنضطر لإعادتهم بأنفسنا مهما كانت الأمور المترتبة على هذا التصرف فهم فلذات أكبادنا ولن نتركهم فريسة لذلك الوباء وها نحن نطالب سمو الأمير وسمو ولي العهد بإعادة أبنائنا حتى تتحسن الظروف ويجدون وسيلة للقضاء على هذا المرض ووقايتهم منه في حال العودة للدراسة مرة أخرى
فهم أبناءهم أولا وأخيرا ولن يرضو لهم بالبقاء في تلك الظروف وقلوبنا تحترق خوفا عليهم
اسمحوا لأبنائنا بالعودة لأرض الوطن ---------------أعيدوهم لأحضاننا بارك الله لكم في أبنائكم
استغاثة من معظم الأمهات
فهل من مجيب؟

[&شهد&]

بالنسبة لي
أتوكل على الله وآخذ احتياطاتي وان شاالله ماعلينا شر
وقل لن يصيبنا الا ماكتب الله لنا
وانا اشوف الناس في اوروبا عادي عندهم...حتى مش لابسين كمامات

[][ الوحيد ][]

بنشـــوف اللي بيصير ..
والله يحفظ الجميع