شوفوا عيالكم اللي هادينهم مع الخدم

[بوغزلان28]

السلام عليكم ورحمة الله وبركاته ,,,

الى الاخوات اللي يهدون البيت بالـ 6 ساعات حق العمل عشان قصد انها تساهم في البيت والاسره وانها تكافح وفي النهايه شوفوا عيالهم عند الخدم شيصير فيهم !


سؤال مهم ؟
شنو الافضل اتهديين عيالج لها وانتي غافله بالعمل ؟

والا انتي اتهدين العمل وتقعدين اتباريين عيالج ؟

ابي الاجابات عقب ما اتطالعون الفيديو كامل !!!


هذا رابط الخدم اللي معتمدين عليهم في تربية اعيالكم

http://up3.m5zn.com/download-2009-5-6-12-q8jm83rpw.m1v

[الخير كله]

ايييييييييييييييي
بطني عورني

[استغفرالله]

لاحول ولا قوة الا بالله

[jo0ory.56]

حسبي الله عليها .. الله يكسر رجلها وظهرها .. مافي قلوبهم رحمة أبد ..

[hemoud123]

والله يا اختي ما قدرت اكمل الفيديو
بعض الخدم يعانون امراض ساديه والبعض يثق فيهم ثقه ما يستحقونها
مشكوره اختي على الموضوع

[Me&OnLy]

أسال الله العظيم الواحد الاحد الفرد الصمد ملك الملوك القاهر الجبار ان يقهرها في الدنيا قبل الاخره وان يرزقها بأشخاص يضربونها على الارض وتحت الارض ويوم العرض اللهم اقهرها ياحي ياقيوم يامن ملكت الارض والسموات يامن نفخت الروح وثبت الجبال يامن يخضع كل شئ لأمره ويامن أمره بين الكاف والنون يامن يقول كن فيكن اسألك بأسمك العظيم ان تقهرها اللهم امين

[ريان]

المشكله صارت اكثر العوائل تلزم الزوج بشرط العمل

تحت ذريعه = تامين المستقبل لبنتي =

وانا اقول للشباب لا توافق على شرط تامين المستقبل المزعوم

وتذكر شيابنا وعجايزينا ولا احد مات من الجوع .والحمدلله

بصراحه حففت الكلام بنسبه 100%

لاني صدعت من شفت المقطع

يعطيك العافيه -اخوي على الموضوع

[شاي كرك]

نفسي انقطع وانا اطالع الفلم ... وش هالقلب اللي عندها ؟؟؟؟

[شاي كرك]

أسال الله العظيم الواحد الاحد الفرد الصمد ملك الملوك القاهر الجبار ان يقهرها في الدنيا قبل الاخره وان يرزقها بأشخاص يضربونها على الارض وتحت الارض ويوم العرض اللهم اقهرها ياحي ياقيوم يامن ملكت الارض والسموات يامن نفخت الروح وثبت الجبال يامن يخضع كل شئ لأمره ويامن أمره بين الكاف والنون يامن يقول كن فيكن اسألك بأسمك العظيم ان تقهرها اللهم امين

اللهم آآمين

[وضحى قطر]

حسبي الله ونعم الوكيل والله ايدي تنتفض موب قادره اكتب كل شوي اغلط وامسح
ما قدرت اكمله والله صحت وسكرته وهو توه بادي من كم ثانيه ..كنت ابكتب كلااام ما يعلم فيه الا رب العالمين ومسحته
مادري شقول الله يحفظلي عيالي وان شاء الله عمري ما توظفت ...


يعطيك العافيه اخوي

[امل الحب]

حسبي الله ونعم الوكيل فيها..

شالقلب الي عندها؟ على شنو عااد ؟ كله ياهل مثل ولدج :(

الله يكسرها عظمة عظمة وتتذكر الي سوته لابارك الله فيها .. ولا في شغل بيضيع عيالي مني وبيتعذبون في يدين هالاشكال ..

:(

للاسف بعض الامهات مايهتمون حتى لو ماهي موظفة حق الطلعات والسوالف والضحك ..

وانتي ياميري قومي بدليه قومي عطيه حليب قومي سبحيه :( عيل ليش يايبته عالدنيا :(

[جادووور]

والله المقطع قطع قلبي استغرب من الامهات اشلون يأمنون على اعيالهم حسبي الله عليها
والله الخافي اعظم والقصص تقشعر لها الابدان ومن خدم يمثلون البراءه والرحمه امامكم لاتأمنون على عيالكم

[miss-qatr]

للأمانه مافتحته ولا لي قلب اشوفه بس وصل احد صديقاتي هذا الإيميل وقالتلي عنه:(


فعلاً شي يقطع القلب بس ياخوي في حريم والله حتى لو اقعدت وما قامت تشتغل بعد مب في بالها عيالها


يعني ماتروح اداوم بس طول الصبح نوم ماتقعد إلا بعد صلاه الظهر!!!

وفيه بعد اللي ما داوم لكن عندها ( قهوه الضحى ):rolleyes2:

وفيه وفيه .....


أنا أشوف ممكن خروج المرأه للعمل أحد الأسباب لكنه مب السبب الرئيسي

[anything99]

الكل يلوم الخدامة ويقول ما عندها قلب .. ! ضغط تربية طفلين في هذا العمر لمرأة لا تقرب لهم من قريب او بعيد .... وضغط العمل بالمنزل .. من وين بيجيها الصبر والحنان لتتحملهم الا بتذبحهم !!! الام وحدها من تستطيع ان تتحمل أطفالها .. ولا احد اخر لا عمة ولا خالة ولا جدة مستحيل .. الله يصلحنا ويصلح اطفالنا ..

[سعود 99]

حسبي الله عليها ..

[Sharshooooor]

حرام والله حرام

[وتبقى الدنيا حلوه]

كسر الله عودها كسر مايبرى

[ولدالمنتدي]

لاحول ولا قوة الا بالله

[بوغزلان28]

والله انا طرحت الموضوع لاني مقبل على الزواج وشرطي الاول والاخير ام تقعد تباري عيالها لين يكبرون اشوي عقب انا بكمل مشوار التربيه بعد ما يكبرووون !!!

السؤال نفسه للشباب اللي يقول انا ابي وحده موظفه وفي النهايه يخلفووون عيال حق الخدامه تتكبد عمل تربيتهم !!

[شويهينــه]

انا بقعد في البيت
اصلا ماحب الخدم كلش
واذا اضطريت اني اشتغل واجيب خدامه ماخليها في البيت بروحها مع عيالي باخذهم عند اهلي اهم شي ماتستفرد في اليهال
المشكله اخوي مو بس هني انا اللي اتعجب منه ان في حريم يرضون ان ريايلهم يطلعون يتمشون مع اليهال والخدم
هذي شالقلب اللي عليها تخلي ريلها يتمشى مع الخدامه
والله كل ماشوف هالموقف اسال نفسي ميه سؤال وسؤال؟؟

[قطرية وافتخر]

أسال الله العظيم الواحد الاحد الفرد الصمد ملك الملوك القاهر الجبار ان يقهر من خدمي من تمد ايدها على اولادي في الدنيا قبل الاخره وان يرزقها بأشخاص يضربونها على الارض وتحت الارض ويوم العرض اللهم اقهرها ياحي ياقيوم يامن ملكت الارض والسموات يامن نفخت الروح وثبت الجبال يامن يخضع كل شئ لأمره ويامن أمره بين الكاف والنون يامن يقول كن فيكن اسألك بأسمك العظيم ان تقهرها اللهم امين


ادعو هدعاء كل يوم اذا طلعتو من بيوتكم ...


بسم الله توكلت على الله ولا حول ولا قوة الا بالله اللهم اني استودعتك بيتي واهلي وعيالي ومالي اللهم اجعلهم في حفظك ورعايتك وانه لا يضيع من كان في حفظك ورعايتك اللهم حصن بيتي من اوله الى اخره وابعد عنه كل سوء اللهم حصن عمالتي من الكذب والزنا وابعد عن بيتي شرهم وفسادهم

[بوغزلان28]

هذي اللي ترضى على ريلها انه ياخذ الخدم والعيال ويمشيهم عيل اهيه كزوجه اش مهرتها في البيت , انا اقول للزوجه اللي ترضى لا تلومين ريلج لو طلع مع ارفيجته وعيالج معاه ومعاها لانه امكن ارفيجة ريلج احن على الاعيال اللي ما خلفتهم !!!

[بوغزلان28]

ايييييييييييييييي
بطني عورني

اسمله ع بطنج اختي , بس ان شاء الله انه درس لكل ام اتأمن عيالها عند خدم

[بوغزلان28]

لاحول ولا قوة الا بالله

يعطيك العافيه اخوووي

[بوغزلان28]

حسبي الله عليها .. الله يكسر رجلها وظهرها .. مافي قلوبهم رحمة أبد ..

اكيد اهيه كخدامه مافي قلبها رحمه , هي لا اتعبت لا في حمال والا في ولاده , الام اللي استسهلت السالفه عقب تعب الحمال والولاده واخر شي تحذفهم للخدامه !!! انا اشوووف انه الام اللي مافي قلبها رحمه بالدرجة الاولى .

[بوغزلان28]

والله يا اختي ما قدرت اكمل الفيديو
بعض الخدم يعانون امراض ساديه والبعض يثق فيهم ثقه ما يستحقونها
مشكوره اختي على الموضوع


الله يعطيك العافيه اخوي حمووود , هاااي مصير من تهمل عيالها عشان راتب وعشان منصب يخلي كل الناس اتقول فلانه وصلت لمنصب كبير بس المنصب الاهم والاكبر انه هدت مملكتها حق عاملة اسيويه .

[بوغزلان28]

المشكله صارت اكثر العوائل تلزم الزوج بشرط العمل

تحت ذريعه = تامين المستقبل لبنتي =

وانا اقول للشباب لا توافق على شرط تامين المستقبل المزعوم

وتذكر شيابنا وعجايزينا ولا احد مات من الجوع .والحمدلله

بصراحه حففت الكلام بنسبه 100%

لاني صدعت من شفت المقطع

يعطيك العافيه -اخوي على الموضوع


اي والله وانتي الصاجه اختي ريان , صدقيني بالاول الام كانت اتداري عيالها ولو انها مش متعلمه بس صدقيني انه حريم الاول شوفي عيالهم طالعين متعلمين وكبار شخصيات , مب نفس حريم الحين اللي معتمدين عالخدم عيالهم طالعين مخديين وناعمين ومافي امل يعتمد على روحه في ابسط الامور !

[بوغزلان28]

حسبي الله ونعم الوكيل والله ايدي تنتفض موب قادره اكتب كل شوي اغلط وامسح
ما قدرت اكمله والله صحت وسكرته وهو توه بادي من كم ثانيه ..كنت ابكتب كلااام ما يعلم فيه الا رب العالمين ومسحته
مادري شقول الله يحفظلي عيالي وان شاء الله عمري ما توظفت ...


يعطيك العافيه اخوي



وضحى اختي المفروض اتعيشين الواقع وما اتخلين خدامه تتسبب في مرض نفسي لولدج او بنتج , الخدامه مصيرها بتنتهي مدة عملها وبتقصين لها تذكره , بس المفروض انتي اللي من اليوم تطردينها وتقعدين حق عيالج واتشوفينهم

[باقيـﮧ على ذ ڪرآڪ]

عـــــــــــــــــــــــــــــــمى الى يأخذ علومــــــــــــــــــها

[بوغزلان28]

عـــــــــــــــــــــــــــــــمى الى يأخذ علومــــــــــــــــــها

آميـــــــــــــــــــــــــــــــــــــــــــــــ ــن من بؤك لباب السمى

[شعاع]

ذي كليب قديم

وترا ذي من شرق اسيا واليهال بعد من شرق اسيا ؟؟ يعني مب عندنا ؟؟؟و اعتقد انها امهم ؟ بعدين ذول بدون دين وياما سمعنا عنهم يذبحون عيالهم وياكلونهم بعد يعني عادي يسطرونهم جذي .....

شدخل خداماتنا في السالفه ؟؟؟؟؟
حتى لو كانت ذي صج خدامه شدعوه بتضرب البنت بالاسلوب ومحد راح يلاحظ الضرب في البنت والبنت عادي تروح عندها .... فيلم هندي .... الا اذا كانت امها ومتعوده عليها وشر لابد منه .... بس صج ما في قلبها رحمة بس عادي ..كل شي يسوونن هالكفار

اتاكدو من قصه الكليبات اللي تنشرونها ومب شرط تنسبون كل شي لكم يا عرب وتسون منه قصه

[بوغزلان28]

ذي كليب قديم

وترا ذي من شرق اسيا واليهال بعد من شرق اسيا ؟؟ يعني مب عندنا ؟؟؟و اعتقد انها امهم ؟ بعدين ذول بدون دين وياما سمعنا عنهم يذبحون عيالهم وياكلونهم بعد يعني عادي يسطرونهم جذي .....

شدخل خداماتنا في السالفه ؟؟؟؟؟
حتى لو كانت ذي صج خدامه شدعوه بتضرب البنت بالاسلوب ومحد راح يلاحظ الضرب في البنت والبنت عادي تروح عندها .... فيلم هندي .... الا اذا كانت امها ومتعوده عليها وشر لابد منه .... بس صج ما في قلبها رحمة بس عادي ..كل شي يسوونن هالكفار

اتاكدو من قصه الكليبات اللي تنشرونها ومب شرط تنسبون كل شي لكم يا عرب وتسون منه قصه

الله يهديك يا خوووي يعني امهم والا خدامه مب هاااي محور حديثنا الاهم من هاي كله لو انها ام او خدامه في النهايه اهما اللي يربووون ع مزاجهم ويتحكمووون في العيال في غضوون غياب الام عن البيت سواء في العمل او خروج للتسوق !

شي ثاني انت نظرتك كانت للموضوع انه الفيديو كان من زاويه انه ام من شرق اسيا ! ليش الخدم اللي يجووون قطر يجووون من امريكا الشماليه ؟ والا كندا ؟ عشان ييودووون عيالنا , ع فكره الانجليز ما يخلووون عيالهم حق ناس اتربيهم , يمكن اتحطه في حضانه فتره غيابها للعمل , والدارج في الدول الاوربيه عموما يعني الام اللي تعمل اتلاقي في نفس جهة العمل غرفة حضانه للاطفالها يعني كل شي من قريب

[شعاع]

الله يهديك يا خوووي يعني امهم والا خدامه مب هاااي محور حديثنا الاهم من هاي كله لو انها ام او خدامه في النهايه اهما اللي يربووون ع مزاجهم ويتحكمووون في العيال في غضوون غياب الام عن البيت سواء في العمل او خروج للتسوق !

شي ثاني انت نظرتك كانت للموضوع انه الفيديو كان من زاويه انه ام من شرق اسيا ! ليش الخدم اللي يجووون قطر يجووون من امريكا الشماليه ؟ والا كندا ؟ عشان ييودووون عيالنا , ع فكره الانجليز ما يخلووون عيالهم حق ناس اتربيهم , يمكن اتحطه في حضانه فتره غيابها للعمل , والدارج في الدول الاوربيه عموما يعني الام اللي تعمل اتلاقي في نفس جهة العمل غرفة حضانه للاطفالها يعني كل شي من قريب

سوري فهمتوني غلط , انا ضد تربية الخدم للاطفال ,
انا اعلق بس على ذي الكليب بس لان الكليب ذي ما يخدم الموضوع اللي انتوا حاطينه لان الكليب حق ام معقده معه عيالها من شرق اسيا
وانتوا اهنيه كاتبين عن الامهات اللي يخلون عيالهم عند الخدم ويطلعون ....



بالنسبة حق الاوروبين اصلا ما حاصل لهم الخدم ... وهناك اجور الخادمات بالساعه
وغالي عليهم والا مب من زين اهتمامهم ولا من زين تربيتهم الله يخليكم ...


وسلامتكم

[WIFE]

أهلين

ايه الكلام سهل ....واللي يده بالماي مب مثل اللي يده بالنار.....اذا الواحده عندها ياهل واحد ذيك الساعة صج ممكن نقول ما لها داعي شغالة بس شتقول لو كانو 3 و 4 يبون لهم دووووم عناية و مراقبة عشان سلامتهم....و كون ثلاثة ارباع حريم الديرة موظفات فهذا شي لا بد منه و حتى الربع اللي قاعدين في البيت خدامتهم اكثر بعد....مب داخله في تفاصيل الحاجة و الظروف اللي تدفع الامهات للعمل فهي كثيرة لكن بتكلم عن معضم تعليقاتكم تقول " انا مب جايبة شغالة لليهال " يعني كل صبح بتجابلين كل الاطفال قبل لا تروحين الدوام؟؟ يعني كل ما تطلعين معاهم برا بتقعدين تراكضين جدام الناس ورا الياهل اللي بعفويته يبي ينطلق و يتحرك؟؟ يعني لين رحتو الالعاب بتركبين معاه الطيارة الضيقة و تدورين فووووق جدام الناس عشان الياهل يستانس ؟ الله يخليكم بلا مبالغة و تفاعل بزيادة من دون منطق

هل اخلي الشغالة تربي عيالي ؟ طبعا لا . هل اخلي الياهل مع الشغالة دون مراقبة؟ لا طبعا اللا بشغل الكاميرات اللي عندي و اشوف ايش عندها....هل اخلي الياهل ينام في حضنها مثل ما يسوون بعض الحريم؟ لا طبعا ...خير الامور الوسط ...لازم الشغالة حق اليهال بس بعقل
مب مثل وحدة طول اليوم عيالها الكبار شوي طايحين طق و شتم و ترزل بالشغالة و تلقاها تطلع وتخلي الرضيعة عند الشغالة ...اي عقل ذي ؟؟
فخير الامور الوسط + العقل
و لكم التحية

[فيزيائية]

من اكثر من سنتين وانا قاعدة بالبيت بدون راتب
عيالي اغلى من اموال الدنيا
بس المفروض الدولة تهتم بالامومة والطفولة
مرة يحطون لنا اجازة امومة <<<<<يعني اهتموا
ولما تنطبق علينا كل الشروط يرفضون!!
ويقولك وقفنا القانون !!!!!!
يعني بالعربي العيال مش مهمين بالنسبة لهم وين نقطهم
ولايهمهم مين يربي شباب المستقبل!!!!
الله الغني:weeping:

[[DieT]]

حسبي الله ونعم الوكيل مع اني ماشفت الفيديو

مره طفل شوهد والدريول يرتكب الفاحشه فيه والاهل يوم بلغوهم اللي شافوا الموقف

قالو لا انتو كذابين هالدريول عندنا من سنين ،،، حسبي الله ونعم الوكيل عيل ليش تجيبون عيال

عشان تعذبونهم ،، دام انكم ماعندكم امكانية وقت للتربية والاهتمام،، استغفر الله العظيم ..

[ســـهم]

ويتسائلون ليش كثر عقوق الابناء لوالدينهم !!!

[بوغزلان28]

الله المستعان

[بوغزلان28]

أهلين

ايه الكلام سهل ....واللي يده بالماي مب مثل اللي يده بالنار.....اذا الواحده عندها ياهل واحد ذيك الساعة صج ممكن نقول ما لها داعي شغالة بس شتقول لو كانو 3 و 4 يبون لهم دووووم عناية و مراقبة عشان سلامتهم....و كون ثلاثة ارباع حريم الديرة موظفات فهذا شي لا بد منه و حتى الربع اللي قاعدين في البيت خدامتهم اكثر بعد....مب داخله في تفاصيل الحاجة و الظروف اللي تدفع الامهات للعمل فهي كثيرة لكن بتكلم عن معضم تعليقاتكم تقول " انا مب جايبة شغالة لليهال " يعني كل صبح بتجابلين كل الاطفال قبل لا تروحين الدوام؟؟ يعني كل ما تطلعين معاهم برا بتقعدين تراكضين جدام الناس ورا الياهل اللي بعفويته يبي ينطلق و يتحرك؟؟ يعني لين رحتو الالعاب بتركبين معاه الطيارة الضيقة و تدورين فووووق جدام الناس عشان الياهل يستانس ؟ الله يخليكم بلا مبالغة و تفاعل بزيادة من دون منطق

هل اخلي الشغالة تربي عيالي ؟ طبعا لا . هل اخلي الياهل مع الشغالة دون مراقبة؟ لا طبعا اللا بشغل الكاميرات اللي عندي و اشوف ايش عندها....هل اخلي الياهل ينام في حضنها مثل ما يسوون بعض الحريم؟ لا طبعا ...خير الامور الوسط ...لازم الشغالة حق اليهال بس بعقل
مب مثل وحدة طول اليوم عيالها الكبار شوي طايحين طق و شتم و ترزل بالشغالة و تلقاها تطلع وتخلي الرضيعة عند الشغالة ...اي عقل ذي ؟؟
فخير الامور الوسط + العقل
و لكم التحية


مرحبا اختي وااايف

انا ابي ارد على مقتطف من كلامج وابي ارويج المنطق اللي انتي متخيلته (( يعني لين رحتو الالعاب بتركبين معاه الطيارة الضيقة و تدورين فووووق جدام الناس عشان الياهل يستانس ؟ الله يخليكم بلا مبالغة و تفاعل بزيادة من دون منطق ))

والله انا اب ولما اودي بنتي الالعاب اللي في اللاند مارك اركب معاها الحصان اللي يدور واركب معاها اللي تطير وهي متعلقه بالهواء , اول شي لذة فرحة الطفل مع ابوه والا امه بتكووون اكثر من فرحتها مع الخدامه , انتي عيل اذا اتفكرين للناس انه شنو منظرج لما تركبين مع ولدج طياره , فكري شنو بقولون الناس لما يشوفون ولدج مع خدامه بقولون لها هاااي خلفت ورمت للخدامه !!!

الله يعطيج العافيه واشكرج عالمرر

[العداله]

الله يحفظ عيالنا من كل شر

[شـعـشـبـونـه]

الشغاله ذي حسبي الله عليهاااااااااااااااااااااااااااااااااااااااااااااا اا ما تجرأت وسوت هذا كله الا والام اصلا ماتدري بالدنيااا

يعني معقوووله الام مالاحظت شي على اليهال !!! مقعوله البنت ماشتكت لأمها !!! معقوله ما لاحظت ان البنت ماتعرف حتى تمشي من كثر الرضوض ( اذا ماكانت كسور ) اللي في جسمهااا

حسبي الله على الام قبل الشغاله لو الام فيها ذرة اهتمام كان ماتجرأت الخدامه ....

لاحول ولا قوة الا بالله :(

[WIFE]

مرحبا اختي وااايف

ا, فكري شنو بقولون الناس لما يشوفون ولدج مع خدامه بقولون لها هاااي خلفت ورمت للخدامه !!!




اهلين
ومين قال اني بخليهم بروحهم مع الشغالة في الالعاب؟؟ الا انا معاهم ..واصورهم واشجعم...انا ما انكر ان في ناس فعلا ما تدري عن عيالها و كله عند الشغالة....بس مب كل من جاب خدامة للأطفال معناته خلاص هو مهمل و قاط عياله...انتو في الموضوع سويتو السالفة جذية كأن كل امهات العاملات يراكضون ورا الراتب و ناسيين عيالهم....الله ادرى بالضروف ...و اسمح لي ما في بيت مافيه خدامة و اذا فيه يهال بيصيرون خدامتين ....
و بختصار الام و الاب المهملين بيتمون مهملين سواء مع خدامة او من دونها....والله اعرف وحده الله يشوفها ما عندها الا ياهل واحد و بدون خدامة و قاعدة في البيت و الياهل يصيح جوعان ما يهون عليها تقوم من الفراش تسويه له حليب يتم يصيح و يرجع يرقد لين تقوم هي ع الساعة 3 العصر ....هذااللي اقوله كل بيت حالة خاصة وكل عيله حالة خاصة فلا تحكمون بشكل عااااام على الكل نفس الحكم
و لكم التحية

[سداوي&مدريدي]

أأأأأأأخ يالقهـــررررررررررررررررررررررررررررررررر

[طبعي كذا]

حسبي الله ونعم الوكيل .....وعسى الله مايجبرني على الوظيفه اللي بتبعدني عن عيالي وبيتي ويحفظهم لي من كل شر...ياكثرمانسمع عن بلالالاوي الخدم والضحيه هاالصغاروالله لوكانت طيبة الخدامه ينضرب فيهاالمثل مستحيل أثق فيها..ماأقول إن وجودالخدامه مرفوض بس تكون لشغل البيت والام تقوم بعيالهاوتشرف على بيتها..
وعسى الله يحفظنا من شرهم إن شاءالله .

[Um-Al-Faris]

والله اني من شفت هالمقطع وأنا في ولوال
مع العلم أن بيتي مجهز بأجهزة المراقبة وصايره كني خالتي قماشه
الله يكسر يدها وليت يدي تطولها كان كليت لحمها ني

[ام نواف]

حسبي الله ونعم الوكيل عليها ان شاءالله

[غناتي1]

حسبي الله عليها .. الله يكسر رجلها وظهرها .. مافي قلوبهم رحمة أبد ..

[غروب الشمس]

الحمد لله مستقيله وجاعده بالبيت وعيالي وخداماتي جدام عيوني مايتجرؤن يسوون شي والاحلى خداماتي يكرهون بعض ويفتنون على بعض عندي مب كفو يسوون شي بعيالي

[الجوزاء]

والله حرام ان تترك المرأة ابنائها للخدم حرااام .

[نبض]

:anger1:
المقطع مؤثر جداجدا
لا حول ولا قوة الا بالله
كم من القسوة في هذا المقطع مش طبيعي ...
وانا اشوف المقطع كنت اتسائل ...
وش يخلي هالادمية تسوي هالسواه في هالطفلة المسكينة .؟؟؟@@
هل عاملوها اهل الطفلة بقسوة خلتها تنتقم من هالمسكينة ؟؟!!

والا هي مريضة ؟؟؟؟؟؟؟؟!!!

آآآآآآآآه بس قلبي يحترق


اقول لكل اب وام يتركون اطفالهم في يد الخدم اتقوا الله في ابنائكم
من خلال التعامل الطيب مع خدمكم

احيانا تقسو الام او الاب على الخادمة او السايق
ويروحون للعمل ويتركون فلذات اكبادهم في يد المقهورين .. وتكون النتيجة ..انهم
ويطلعون الحرة في الاطفال المسكااااااين :(

ارجوكم اتقوا الله في ابنائكم ..دائما اسألوا اطفالكم عن تعامل الخدم معاهم
صدقوا الاطفال وتحققوا من الكلام اللي يقولونه
لاتتركون الحبل على الغارب

الخدم ( شـــــــــــر ) لابد منه

الله يرحمنا برحمته

نبض حزين :weeping: