مسآكم الّله بالخيرٍ..وِأبي منكم النصيحه ضرِوٍرٍي جزٍآ’كم اللّـه خير

[ممنوع اللمس]

مساكم الله بالخير جميعا رجل ووفتاة
بسم الله الرحمن الرحيم
ياجماعة الخير انا موضوعي ...
اني خلصت ثانويه السنه اللي طافت ونسبتي كانت 64.4 طبعآ النسبه مو حلوه مع اني شاطر بس السبب ضروف خاصه مرت علي الله اعلم فيها طبعا رحت قدمت على الترشيحه وقالو مرفوووض لان نبي نسبتك تكونررر64.5 ادري الفرق واجد بس الشكوى لغير الله مذله وفي ناس يدخلون بأقل بوااجد والله اعلم كيف
المهم انا بكمل جامعه ورحت جامعة قطر وقالو لي مانقبلك لا موازي ولا شي لان نسبتك نازله والموازي سبعين اقل شي ...
المهم رحت جامعة السودانيه في قطر قالو لي جامعة قطر ما بتصدق لك الشهاده عقب ما تخلص من عندنا لان مانعين...يعني مسكرينها من عندهم ومن عند غيرهم وماعرف ليش هالنحاسه
والمشكله ماقدر ادرس برا قطر الا انتساااااب لان انا اشتغل ودوامي حلو ومابي افرط فيه ..
ابي الحل يا شباب انتساب او غيره بس شي مقبول في قطر الله يخليكم والله ترا ضايقه فيني الوسيعه وابي اكمل دراستي لو تخصص قطاوه راضي اهم شي اكمل دراستي لو ادفع اللي وراي واللي قدامي وجزاكم الله خير جميعا ...
اخوكم..مرشح جامعه :victory:

[فتى الجود]

والله ياخوك أنى امر بنفس المشكلة

والحل

انى رحت أشتغل لان الجامعه اليمنية ما منها فايدة

[فرقة الصقور]

نصيحة صادقة عيد ثالث ثانوي ليلي ولا منازل ولا تخلي السنين تمر وانت تنتظر حل لعل وعسى انك تجيب نسبة زينه وصدقني
سنه بتمر بسرعة

[مطراش]

شوف المركز التعليمي سابقا وادي النيل في العزيزيه عند نادي السيليه

[اهل الخبرة]

انا رأيي انك تتوكل على الله وتعيد السنة وتشد حيلك لانها هاتفرق معاك قوى في المستقبل لما تتخرج من كلية كويسة , صلي استخارة واتوكل على الله وماتترددش واطرق على الحديد وهو ساخن لانك كل ماتنتظر كل ماهايبقى الموضوع اصعب

[i.qatar]

مايصير يعيد ثالث ثنوي لانه مارسب في اي ماده

------------------



اخوي ادخل

.. كلية قطر لعلوم الطيران ..

يعتمدون اكثر شي على امتحان القبول اللي راح تقدمه

يعني مايهتمون في المجموع وايد

اهم شي امتحان القبول والمقابله الشخصيه

وعندهم اكثر من تخصص

طيران - هندسه - ارصاد جويه - مراقبه جويه

والله يوفقك

[ممنوع اللمس]

جزاكم الله خير عالردود بس ماقدر ادخل كلية الطيران لاني اشتغل حاليا في وزارة من الوزارات اخوي

[قلب صادق]

الله يوفقك ويسهل لك امورك
ما ادري ليه يصعبون ويعقدون الشباب اللي عندهم طموح وما ساعدتهم ظروفهم على الحصول على النسبة المطلوبة

اخوي ياليت اذا كان فيه امكانية انك تعيد السنة منازل وتشد حيلك لان مشاء الله عندك طموح وربي ان شاء الله ما راح يضيع تعبك
واستخير الله سبحانه وربي ما بيضيعك بحوله وقوته

[بوحمد1]

اخوي سجل في كليه الشمال الاطنطي.

[k.alkuwari]

بسم الله الرحمن الرحيم

السلام عليك ورحمة الله وبركاته

ارجو منك التفضل بالقاء نظرة على هذه الرابط

http://www.imamu.edu.sa/support_deanery/e_learn/Pages/program.aspx


واتمنى انه يفيدك



والله يوفقك

تقبل احترامي وتقديري

[امل الحب]

اخوي اللغة شلون عندك؟

لان الوالد يدرس في جامعة اجنبية مايحضرني اسمها.. يحضر كل شهرين 6 ايام بس ومادري كم قيمة الدراسة بس كانت بسيطة + حصوله على الكتب والمحاضرات الكترونية مسجلة ..

بس هو يحضر ماستر فـ اذا اللغة اوكي عندك ممكن اساله عن التفاصيل .. :)

[pure]

لاا اخوي تقدر تعيد ثالث ثانوي اذا نسبتك نازله

بس منازل ,,

[جمال النعيمي]

تتوكل على الله وتعيد السنة

وجيب 71 % وروح كلية احمد العسكرية

شد على نفسك

الابواب اليوم فاتحه ما تدري يمكن تسكر شد العزم وعيد السنه

[hqaheri]

ياخوي اسأل عن الجامعات الخاصة إلي في البحرين وشوف إلي معترف فيها في قطر وبعدين راسلهم وشوف شنو من برامج عندهم تناسب وضعك وضروفك
انا احضر ماجستير في جامعة جون كندي في سويسرا بس شهادتهم تصدر من جامعة ويلز، اذا لغتك الانجليزية قوية ممكن اعطيك عنونهم وتراسلهم،وهي دراسة انتساب ولازم تحضر كل فصل اسبوع في الجامعة
والله يوفقك

[i.qatar]

اخوي اللغة شلون عندك؟

لان الوالد يدرس في جامعة اجنبية مايحضرني اسمها.. يحضر كل شهرين 6 ايام بس ومادري كم قيمة الدراسة بس كانت بسيطة + حصوله على الكتب والمحاضرات الكترونية مسجلة ..

بس هو يحضر ماستر فـ اذا اللغة اوكي عندك ممكن اساله عن التفاصيل .. :)

تصدق هالموضوع يهمني ..

لو تسأل لي عن التفاصيل اكون لك شاكر

[R.T.Z]

على كلامك تقول أنك شاطر بس مرت عليك ظروف واثرت عليك طيب اذا هالسنة امورك طيبه عيد ثالث وجيب نسبه زينه لان في شغله ماني متاكد منها لكن قالي واحد من فتره أن الانتساب من اي جامعة مايعترفون فيها يعني ما راح يصدقونها لك تاكد من هالنقطه اذا الكلام صحيح
مافي الا تعيد ثالث وتلحق قبل لايكنسلون المدارس الحكوميه قبل لايخلونها كلها مستقله والله يوفقك :)

[مزايين]

أنا سمعت عن جامعة في البحرين اسمها جامعة الحكمة على ماأظن وهي بالانتساب والحضور فيها على ماأظن كل شهر أو شهرين ثلاث أيام أو اسبوع مو متأكدة لأن الكلام هذا سمعته من واحدة مدخلة بنتها هناك

بس الأحسن انك اتأكد من اذا الشهادة معترف بها عندنا والا لا

ورسومها بسيطة

[ممنوع اللمس]

جزاكم الله خير جميعا عالردود