@@ الحقران تقطيعة المصران @@ [الأرشيف] - منتديات شبكة الأسهم القطرية

الزرقواني

07-05-2009, 08:13 AM

http://www.qatarshares.com.qa/data/684/687/storm_2025637163_457964295.jpg

البارحه والشعر وش فاد تقطيعه
المطرقه تطرق بيوته على السندان

يتنفس الالآم من حر تمزيعه
وآجر حزنه واطرقه والهموم إسمان

حتى قرين الشعر حرمت لا اطيعه
صار الشعر مثل السوالف مع الرعيان

قالوا جديد الشعر فاحت مرابيعه
وانا غدير الشعر يالشاعر الظميان

الشعر لا لفه ولا هوب تكويعه
الشعر مثل البيت لا وازنوا العمدان

الشعر سبع اللوان واقلام لميعه
يرسم قلوب الحب ومواعد الخلان

والشعر ابو نعرات وملاطم الشيعه
وسبايك ٍ ترجح بها كفت الميزان

يلي تظنون الشعر بس فقيعه
حبر و ورق وارهاص واطلاق واستمكان

معادلة شعري على جذر تربيعه
ناقص وفا زايد آسى في كثير احزان

تقسيم غيرة معلنه فوق هالبيعه
يطلع معاك البيت والناتج المليان

غمض عيونك وافتح ايديك لاتضيعه
والله لتبطي منت كفو ٍ ولا فهمان

هذا الدوا من مصنعي جاك تصنيعه
حبه تناولها عن المغص ياخبلان

اللي يطبل للشعر فيه تلكيعه
وترى مع الحقران تقطيعة المصران

الشعر مثل الطير لا زان تفريعه
في خايع الاحساس ومشيش القيفان

الشعر قدحة شيح والحس توليعه
إيهب يا شعر ٍ تقرقع مع الصوان

الشعر مثل الورد يا زين تجميعه
من كل روض ٍ تجمع الفل والريحان

الشعر خيل وله مهارات تطبيعه
وانا مطبع شعر مبطي ولي نيشان

عوجان الالسن ماخذينك بتتبيعه
ومن عاش بالحيلات قد مات بستهجان

واللي يقدرني أقدره وآطيعه
واللي يكافخ لي أكسر له الجنحان

اقصد بها اللي في عيونه مطاميعه
خقاق بين الناس ما هو وسيع ابطان

عفن الرجال اللي سخيفه مواضيعه
اللي تحزم للثنادي مع النسوان

والطير لازانت بكفك مطاليعه
هده ولو نشت مخاليبه العقبان

وسلامتكم :rolleyes: