المساعد الشخصي الرقمي

مشاهدة النسخة كاملة : سعر الفوت لوسيل من 40الى60 ريال


غير عنهم
07-05-2009, 08:54 AM
تحيه طيبه وبعد
انا من الاشخاص الي حصل على قطعة ارض بالقرعة في اراضي لوسيل
ومن سألت من مكاتب العقار عن سعر الفوت 140قال هذا سعر خيال والمفروض انه تم تعديل السعر من 40 ال 60 ريال للفوت اتمنى من يملكون
خبره في هذا المجال المشاركه بالراي
بوحماني
07-05-2009, 09:45 AM
وانا بعد من الي حصل على ارض والله يبارك حق المرشح الي بعدي سعر خيالي الصراحة مقارنة باسعار الاراضي المشكلة ايقولك فيها خدمات بالاضافة الى امن 24 ساعة الحمدلله بلادنا فيها امان والخدمات بتحصلها في اي منطقة بسعر اقل بوايد وبسعر الارض ممكن تشترى فيلا بعد
أبو راكان
07-05-2009, 12:25 PM
تحيه طيبه وبعد
انا من الاشخاص الي حصل على قطعة ارض بالقرعة في اراضي لوسيل
ومن سألت من مكاتب العقار عن سعر الفوت 140قال هذا سعر خيال والمفروض انه تم تعديل السعر من 40 ال 60 ريال للفوت اتمنى من يملكون
خبره في هذا المجال المشاركه بالراي

ياخي الفاضل الفرق شاسع
140 ريال مب في صحرا
انت تتكلم عن منطقه سيكون فيها من الخدمات والبنيه التحتيه مالم تجده في ارقى مناطق الدوحه ولاحتى في وسط المدينه
المشكله أجدها فقط في الشروط المفروضه على المالك واللي اتمنى أن يعاد النظر فيها وذلك بأضافة قليل من المرونه
كبير المتداولين
07-05-2009, 02:05 PM
ياخي الفاضل الفرق شاسع
140 ريال مب في صحرا
انت تتكلم عن منطقه سيكون فيها من الخدمات والبنيه التحتيه مالم تجده في ارقى مناطق الدوحه ولاحتى في وسط المدينه
المشكله أجدها فقط في الشروط المفروضه على المالك واللي اتمنى أن يعاد النظر فيها وذلك بأضافة قليل من المرونه

الواحد تبيه ينتظر 20 سنه لين يسكن الفله
اذا جسر قاعدين عليه 4 سنين تبي مدينه الوسيل طول بعرض بيوم تخلص
140 ريال فوق الغالي
مساهم عادي
07-05-2009, 08:19 PM
وانا بعد من الي حصل على ارض والله يبارك حق المرشح الي بعدي سعر خيالي الصراحة مقارنة باسعار الاراضي المشكلة ايقولك فيها خدمات بالاضافة الى امن 24 ساعة الحمدلله بلادنا فيها امان والخدمات بتحصلها في اي منطقة بسعر اقل بوايد وبسعر الارض ممكن تشترى فيلا بعد

المنطقة مافيها خدمات لحد الحين ... والله يعلم متى بتجهز ..

كيف مسؤول في الشركة يصرح تصريح لا يمت الى الواقع بصلة..؟؟!!
hamoor4ever
08-05-2009, 01:20 AM
المنطقة مافيها خدمات لحد الحين ... والله يعلم متى بتجهز ..

كيف مسؤول في الشركة يصرح تصريح لا يمت الى الواقع بصلة..؟؟!!

هم اهم شي الحين ياخذون فلوسهم عقب يفكرون يمدونها لكم بالخدمات
Index Signal
08-05-2009, 04:13 AM
الله يكون بعون إللي فازوا بالقرعه

فعلاً موقف محير هل أشتريها أو أتركها للي بعدي..!!

بس حبيت أذكر نقطه إيجابيه وهي إن عمليه سداد قيمة الأرض بتكون على دفعات و هالشي بيساعد الكثير من إللي ما يملكون كاش لشراء أرض في مكان آخر.
شموخ دائم
08-05-2009, 03:10 PM
,

,

السلام عليكم ورحمه الله


احب ابارك لكل من فاز وسدد الدفعه الله يبارك لكم ان شاء الله

ولكل من فاز وما عنده القدره الله يكتب لك فرصه احسن منها يارب

لاحظت من المواضيع والردود ان الناس محتاره في موضوع الاراضي هذي

اخواني واخواتي

الاراضي هذي فرصه استثماريه طويله الأجل

الناس الي شغلتها العقار تفهم انها فرصه ذهبيه للمستقبل

ومن عنده القدره على السداد والانتظار ان شاء الله

بيكون ربحه زين فيها للاسباب التاليه

الوسيل مدينه استثماريه ذات 5 نجوم

على نفس طراز اللؤلؤه ومحد ينكر جمال ورقي وحداثه هذه المنطقه

والجميع يروح يتفرج ويتمشى فيها من جمالها

والوسيل راح تكون هكذا

هل المناطق الي على طريق الشمال مثلا راح يجي احد يتمشى فيها من جمالها؟؟

ومن الخطاء نقارن السعر في اي منطقه خارج اسوار هذه المدينه

الي داخل اللؤلؤه مو زي الي خارجها

وكذالك ينطبق على الوسيل

اتذكر مشروع الخليج الغربي قلنا غالي ومتى بتجهز يالله بالحياه
هل من شراء في الخليج الغربي خسران؟
واللؤلوه قلنا غالي ومتى بتجهز
هل من شراء هناك خسران ؟؟؟
والان نتحدث عن الوسيل !!!



سؤال واحد فقط يسئله الشخص قبل الاقدام على المشروع

هل أنا ابحث عن استثمار طويل الأجل ؟؟؟

ام قصير الأجل ؟؟؟

استثمار قصير لاتدخل في المشروع

استثمار طويل توكل على الله ان شاء الله تتضاعف اموالك مع الوقت

والله يبارك للجميع من اشتراء ومن لم يشتري

,

,


اخوكم

شموخ دائم
بويوسف
08-05-2009, 08:55 PM
اخوي شموخ حبيت اعلق بقولك ان المشروع استثمار ناجح ..

على فكرة الاراضي اللي تم توزيعها تقع في آخر مشروع الوسيل .. والمنطقة اللي قاعد تترتب وتنعمل لها بنية تحتية بعيدة عن المنطقة الخاصة بالمواطنين للاسف..

هذا غير الشروط الغريبة والعجيبة.

بالنسبة لي فرصة ليست ذهبية ولكن استطيع ان اقول لمن عنده سيولة وغير محتاجها يقدر يشتري ان شالله مافيها خسارة.
المزن الرياني
08-05-2009, 09:12 PM
المدينه ستكون راقيه بكل معنى الكلمه وقياس الاسعار حالياً ومحاوله ربطها بالسوق فيه أجحاف للمنطقه

قبل 6 أشهر الكل كان يحلم بسعر 145 ريال للفوت واليوم يطالب بأن تكون القيمه النصف !!
البورصه وبدأت تتحسن
الاقتصاد العالمي بدأ يتعافى
النفط اليوم على مشارف 60 دولار

لا تستبعدون آخر السنه ترد ترتفع أسعار العقارات لسبب بسيط جداً
اذا توفرت السيوله الفائضه للدوله .. بيرجع وبقوه مسلسل الاستملاكات و الازاله

الفرصه اشوفها حلوه رغم والله أني مب من اللي فازوا بالقرعه