عباءتيـ قد تكونـ سببا فيـ منحيـ السيئاتـ ..

[غـيـد]

في يوم من الأيام قابلت زميلتي (فلانه بنت فلان الفلاني) وهي ترتدي

عباءة سوداء من القماش الثقيل وفضفاضه تفاجئت في الوهلة الأولى

لأني لم اعهد زميلتي من قبل بهذا الأحترام.. فقد كانت تلبس العباءة

المخصرة المطرزه التي توحي للناظر بأنها فستان وكانت تكشف وجهها

مع اضافة بعض مساحيق التجميل الخفيفه بحيث تبدو طبيعيه بعد حديث

مطول بيني وبينها سألتني: باين عليك انك مستغربة من عباتي لأن مو

بالعاده اللبس كذا !! اجبتها : بصراحه ايه بس ماحبيت اسألك

ابتسمت في وجهي قائله: الحمدلله الي هداني الى طريق الصح والله يوفق

ويصلح اللي كان السبب

- أي سبب؟؟؟؟

اسمعي السالفة: في يوم كنت رايحه مع صديقتي السوق وكنت لابسه عباية
ملونه ومطرزة وشك من فوق لتحت والفه ( الغشوة) شفافه وتلمع وكنت كاشفة
الوجه وحاطه لي كريم اساس وكحله وماسكره وروج وردي ناعم وانا اتمشى
بالمجمع لاحظت ان شاب قاعد يراقبني بنظراته ...وبعدين

- تطور صار يلاحقني ،، طبعاً ماهتمينا فيه لأن احنا في مجمع ومايقدر يلمس شعره مني

- ايه وبعدين وش صاااااار!!!!!

بعد ماوصلنا مكان شبه معزول بس كان فيه ناس وقفني وقال لي: حرام عليك
اللي تسويه فيني .تبغيني ارتكب الحرام غصب

انا انصدمت من كلامه وقلت له: وش تقصد؟؟

قال: انتي مو شايفه شكلك مو شايفه عبايتك مو شايفه مشيتك... والله حرام عليكم
تلفتون انتباهنا وتخلونا نرتكب الحرام

بعدين رفع ايده للسما وقال: يارب ضاعف لها العذاب ضعفين مثل ماعذبتني وعذبت غيري

وبعدها رجعت البيت وانا افكر في كلامه ... طول عمري اتزين واتمكيج ..
بس كنت اتوقع اني بحمل سيئات نفسي مو سيئات كل شخص الفت انتباهه..
يعني اذا لفت انتباه 100 شاب بكره يوم القيامه ربي بحاسبني عليهم اكثر مما
بحاسبني على نفسي وقعدت ابكي وابكي وابكي واستغفر ربي على جهلي وقررت
اني اللتزم بعباية محترمه واغطي وجهي عسى الله ان يغفر لي ذنوبي

صديقاتي واخواتي لا تبالغي في زينة عبائتك فحتى لو كانت في نظرك عباءة
خفيفة الألوان وزخرفة والتطريز لكن لاتضمنين نظرة الشباب اليك فلا تجعلي
عبائتك وحشمتك حجه عليك يوم القيامه دعونا جميعاً نتمسك بالعباءة الاسلاميه
ولنفتخر جميعنا بخلووو عبائتنا من الألوان والزينه



سالفة ثانيه قد سمعتها:

واحد من الشباب يقول اني ماأحب أروح السووق خاصة بهالأيام من شئ اشوفه من البناااااااااااات
وأحياناً أروح غصب عني مع أهلي ووالله اني قد ماأقدر احاول اغض
بصري واتصدد واتعارك مع ابليس .. ويحلف بالله .. واللـــــــــــــه_ مع كل محاولاتي_
ان طلعتي هذي تأثر علي 5 ايام .. ماأقدر أصلي فيها زي اول ..ولا أصوم مثل أول ..
(( هذا وهو ملتزم وعنده رادع ديني .. اجل كيف اللي مطلق لنفسه العنان؟!!!))



حراااااااام عليكم يابنات تراك مسؤوله عن كل رجال يشوفك(يشوف وجهك..عيونك..يدينك)
بدايةً من السواق الى الهندي والبقالي ..واصحاب المحلات اللبنانيين وغيرهم .. الى
المتسوقين .. .. والله يوم القيامه بتتعلق برقبتك امـــــــــه كلهم
يقولون: يارب هي اللي فتنتنا .. يارب هي السبب.. وانتي هذاك الوقت محتاجة حسنه وحده ..
والله اللي ماتخاف بالدنيا .. بتخاف بالآخره.. وبعدين ذنوبنا اكثر من اننا نتحمل ذنوب خلق الله..


تكفووووون يابنات خلونا قويات .. خلونا اقوى من ابليس وتذكروا ( من تــــــــــرك شيئاً للـــــــه .. عوضه الله خيراً منه )
وعاد مايحتاج نتكلم عن التعويض اللي بيجيك من الكريــــم .. الله يتوب علينا ويفتح ع قلوبنا..


منقول

[هدهد سليمان]

رحم الله والديك اختي وثبتك على دينه بإذن الله ونعم البنات انتم

[غـيـد]

و والديكـ إنـ شا الله ومشكور على الدعوهـ الطيبهـ

ويعطيكـ العافيهـ

[الـقـاسـي]

الله يرحم والديج ويهدي بنات وشباب المسلمين ..

[غـيـد]

و والديكـ إنـ شا الله ومشكور على المرور

[QatarLady]

يزاج الله خير

والله يصلح الحال

ويثبت الجميع

[be.happy]

الله يرحم والديج ويهدي بنات وشباب المسلمين ..

يعطيج العافيه على الموضوع

[غزلان]

الله يهدينا جميعا

جزاك الله خير

[&بوشهد&]

جزاج الله الف خير
والله اني اتمنى كل بنت تلبس عباءه ساده مافيها زينه فالاماكن العامة

[بوعلي2]

جزاج الله خير ويثبتج على طريق الصلاح ويهدي جميع المسلمين

[مليونيره]

جزاج الله خير على نصيحتج الطيبه

[ناصر العمادي]

بارك الله فيج أختي غيد .. وجزاك الله كل خير وفي ميزان حسناتك أن شاء ..

والله نتمنى يرجعون البنات لعقولهم ويتذكرون أن هناك رب في السماء راح يحاسبهم يوم لاينفع مال ولا بنون ولا أي شي من هذه الدنيا الفانيه ..

نحن نتسأل مالذي تستفيده البنت عندما تخرج الى الأسواق وهي متبرجه وتتمشى هناك والأعين تراقبها وتأخذ أثم كل الموجودين وفي النهايه ترجع الى بيتها محمله بالذنوب والغضب من رب العالمين ...؟؟؟؟؟؟؟؟؟؟؟

نسأل الله أن يهدي بناتنا وبنات المسلمين أجمعين لما يحب ويرضى

تسلم أيدك أختي على الأختيار الرائع والمميز

الله يوفقك ويعفو عنك ويرزقك الجنه ونعيمها أن شاء الله

كل الشكر والتحيه والتقدير والأحترام مني لك

[غـيـد]

مشكورينـ على المرور والرد الطيبــ :)

[مرتبش]

قعد يراقبها ويلحقها
وبعدين قال لها حرام اللي تسوينه..
وهو مب حرام يلاحقها..
سوالف غريبة فعلا
الله يستر علينا

[شـعـشـبـونـه]

اللهم آمين

جزاج الله خير اختي بصراحه الي تقرا هالموضوع ومايأثر فيها اعتبر ضميرهاااااا مــيــــت

الله يحفظنا ويستر علينا.......