جامعة قطر الدخول صعب والخروج سهل افيدونا؟؟؟

[ابن قطر]

ما صدقنا اعيالنا وبناتنا يوافقون عليهم ويدخلون جامعة قطر ..........مصنع الرجال

وعقب رالي كبير من توفل وسات ومجموع

وما يصدق يحضر محاضرة ويفتخر انه بالجامعه .....


ما يوعى

الا هو برع الحرم الجامعي وممكن باقي له كورس ......

ليش المعدل التراكمي مش ماشي مع سياسة الجامعه


منو تم عندكم ؟؟؟؟؟؟


بس على فكرة الطلاب الي قبلوهم جامعة تكساس اول شي سووه

اطلبوا الاجتماع مع كل امهات الطلاب

ووزعوا عليهم الخطة حق كل شهر للتخرج

ونصائح ايضا؟


اين دور جامعة قطر في توعية الطالب وعدم التعامل معه لتطفيشه للاسف.


حاب اسمع ردودكم

وما تنسون تشكروني على الموضوع .

خخخخخخخخخخخخ

[hamoor4ever]

الله يعين اللي في جامعه قطر بصراحه

[ابن قطر]

الله يعين اللي في جامعه قطر بصراحه

شكرا اخوي على المرور

وصدقت الله يعينهم

[Sharshooooor]

عمر الانصاري يقول
التواصل مع الطالب الوحيد من خلال الايميل
انا الصراحة مو طالب في جامعة قطر بس سمعته بأذني يقول هالكلمة
واستنكرت الصراحة قراره لان المفروض يكون الايميل وسيلة من الوسائل
مو الوسيلة الوحيدة

وذبحونا بجملة نسعى للشفافية وهم كله حقد وغيرة واسرار

[ابن قطر]

عمر الانصاري يقول
التواصل مع الطالب الوحيد من خلال الايميل
انا الصراحة مو طالب في جامعة قطر بس سمعته بأذني يقول هالكلمة
واستنكرت الصراحة قراره لان المفروض يكون الايميل وسيلة من الوسائل
مو الوسيلة الوحيدة

وذبحونا بجملة نسعى للشفافية وهم كله حقد وغيرة واسرار

شكرا على المرور

كلامك صحيح

[كيفـي]

وعند التوظيف ينظرون لخريج جامعة قطر بإنه ثانوي..!!!

بعد كل هالعذاب والاهانات والمعاناة.. وكأنهم لايعترفون بشهادة جامعة قطر..!!!

والله امر هالجامعة غريب ومريب..

[Qtr.Girl]

:(شنقول بس !


الله المستعان

[&شهد&]

عمر الانصاري يقول
التواصل مع الطالب الوحيد من خلال الايميل
انا الصراحة مو طالب في جامعة قطر بس سمعته بأذني يقول هالكلمة
واستنكرت الصراحة قراره لان المفروض يكون الايميل وسيلة من الوسائل
مو الوسيلة الوحيدة

وذبحونا بجملة نسعى للشفافية وهم كله حقد وغيرة واسرار


جامعة بطيييخ
واحد من هلي يدرس هندسة وفي آخر كورس....قالوا له برررررع لأنه ناقص معدله (بوينت فايف) عن المطلوب
اففففف كل ماتجي سيرة هالجامعه يرتفع ضغطي!!!!!!!!

[امل الحب]

:)

تبقى مسؤولية الدراسة على الطالب..

واللقاء التعريفي والمرشد الاكاديمي يتابع الطالب الا اذا تخلف الطالب عنهم

ويرسل للطالب رسالة لمتابعة المرشد الاكاديمي .. وهو نظام متبع في اغلب الكليات ايقاف التسجيل لين الطالب يراجع المرشد الاكاديمي وبعدها يقدر يسجل .. الا اذا جد جديد :rolleyes2:

حزتها يتحمل نتايج عدم اهتمامه وسؤاله ومراجعته لهم :)


وعند التوظيف ينظرون لخريج جامعة قطر بإنه ثانوي..!!!

بعد كل هالعذاب والاهانات والمعاناة.. وكأنهم لايعترفون بشهادة جامعة قطر..!!!

والله امر هالجامعة غريب ومريب..

:) هذا اذا حصل وظيفة وخريجين المدينة التعليمية وظايفهم جاهزة .. والفرق كبير

لان طالب جامعة قطر وبكل فخر تعلم كل حرف بنفسه ولولا سعيه ماتخرج ..

[الـقـاسـي]

آآآآه ياجامعه قطر والله ان الدراسه فيها اصعب من باقي الجامعات .. بس اذا إداره الجامعه حقوده وتسوي المستحيل لمضايقه الطلاب وطردهم من الجامعه شيقدرون يسوون ..

ياجماعه ترى معاد فيه طلاب قطريين في الجامعه ..

قسمنا لما تخرجت أخبر الباقي فيه 10 طلاب تقريبا او اقل حتى ويمكن مع هالكورس خلاص معاد فيه احد ..

فـ لازم يرسبون الطلاب عشان مايتخرجون ويتسفرون الدكاتره ..

قسم الشريعه باقي فيه يمكن 17 طالب حسب ماسمعت .. أعداد الطلبه في التخصصات معدووده الطالبات أكثر شوي طبعا ..

يعني اهما يبون الجامعه لهم يبون يطردون الطلاب عشان يرتاحون من اذاهم ..

والله لو جامعه قطر تفتك من عمر الانصاري راح تتطور .. ليش الواحد اذا يدعون عليه الناس ويظلمهم يطول في مكانه ..

واذا كان يخاف الله ومايظلم يطير على طول ..

يعني اللي يقهر في الجامعه انهم يفرضون على الدكتور يرسب ناس يعني اجبااري وانا شايف هالكلام بنفسي ..

والله ياناس انهم يرسبون الطلاب اجباري وغصب على الدكتور .. وانا بنفسي مره كنت ارصد الدرجات للطلاب مع الدكتوره وراحت لرئيس القسم يراجعها ورسب ناس وعدل على معدلاتهم وردها لها قال اعتمديها ..

هذي للاسف سياسه جامعه قهر .. قال أيش " نتطور لأجلكم" - شعار الجامعه - وهم صادقين يتطورون في أساليب اللكاعه وقلة الحيا ..

[ابن قطر]

وعند التوظيف ينظرون لخريج جامعة قطر بإنه ثانوي..!!!

بعد كل هالعذاب والاهانات والمعاناة.. وكأنهم لايعترفون بشهادة جامعة قطر..!!!

والله امر هالجامعة غريب ومريب..

نعم امرهم عجيب نطلب العدالة في القرارات

وهذا المأمول من الدكتورة شيخة المسند

[ابن قطر]

عمر الانصاري يقول
التواصل مع الطالب الوحيد من خلال الايميل
انا الصراحة مو طالب في جامعة قطر بس سمعته بأذني يقول هالكلمة
واستنكرت الصراحة قراره لان المفروض يكون الايميل وسيلة من الوسائل
مو الوسيلة الوحيدة

وذبحونا بجملة نسعى للشفافية وهم كله حقد وغيرة واسرار

كلنا سمعنا

بس نبغي وقائع

[ANONYMOUS]

ذكرتني بجامعة جطر

مافهمت نظامها إلا آخر سنه..

لا.. وفوق هاذا ماتخرجت.. طلعت من الجامعه بلا أسف .. ومعدلي كان قريب جيد..

[ابن قطر]

ذكرتني بجامعة جطر

مافهمت نظامها إلا آخر سنه..

لا.. وفوق هاذا ماتخرجت.. طلعت من الجامعه بلا أسف .. ومعدلي كان قريب جيد..

اخوي الامل ما ضاع سجل بجامعة القاهرة او عين شمس وكمل

واتمنى لك التوفيق

[ANONYMOUS]

اخوي الامل ما ضاع سجل بجامعة القاهرة او عين شمس وكمل

واتمنى لك التوفيق

لا ابشرك درست برا وخلصت والحمدلله..

والحين قاعد ارتب حق دراسات أخرى..

[ابن قطر]

لا ابشرك درست برا وخلصت والحمدلله..

والحين قاعد ارتب حق دراسات أخرى..

لله الحمد

زين افتكيت بالبركة

[Sharshooooor]

كلنا سمعنا

بس نبغي وقائع

على اي اساس في بداية الموضوع قلت لي كلامك صحيح
والحين تقول نبي وقائع؟

انا اقولك سمعت بأذني عمر الانصاري يقول هالكلام !!!

[binhlail]

جامعة قطر مثل برنامج الحصن إذا كان تذكرونه يشارك فيه ألف شخص في بداية الحلقة وفي أخر مرحلة من الحلقة يكون عدد المشاركين في أفضل الحالات 30 شخص ، وهذي جامعة قطر تحاول إن يكون لها شأن على المستوى العالمي علشان كذا تحاول وبكل السبل إن توصل لهذا الهدف سواءً بطرق سليمة وهي لم تطبق و بطرق خبيثة و ملتوية وهي التي يستخدمونها من فرض تقليل نسب النجاح و عدم إعطاء الطلب درجة إمتياز إلا ويذكر بجانبها "حصل على درجة إمتياز و العياذ بالله" وغيرها من الطرق الحقيرة ، وعلى الرغم من مضي كل هذه السنوات لم تفلح جامعة قطر بالنجاح على المستوى المحلي فكيف تنجح على المستوى الإقليمي أو العالمي ، بل أن حتى الجهات العليا في الدولة لا تثق بالجامعة بل على العكس تجدهم يستقطبون جامعات عالمية للتعويض عن جامعة قطر العقيمة التي بدء إساتذتها القطريون بالخروج منها والبحث عن فرص عمل أفضل منها و السبب الأساليب العقيمة التيي تنتهجها الجامعة والتي تؤمن إيمان كامل بالأساتذه الذي يعقدون الأمور ويجعلون الطلبة في حالة من الحيرة و الخوف فلذلك أنصح طلاب الثانوية العامة بالحصول على أعلى المعدلات والخروج من الجامعات المحلية لضمان إكمال دراستهم و الحصول على ثمار تعبهم و أن يبتعدوا عن فلاسفة جامعة قطر .

[امل الحب]

آآآآه ياجامعه قطر والله ان الدراسه فيها اصعب من باقي الجامعات .. بس اذا إداره الجامعه حقوده وتسوي المستحيل لمضايقه الطلاب وطردهم من الجامعه شيقدرون يسوون ..

عشان جذي قلت في تعليقي السابق انه اقوى من باقي الجامعات لان يتعلم كل شي بنفسه

في شخص لو يزال منها صدقني ويحطون شخص يقدر معاناة الطلبة كان اختلفت الاوضاع :victory:

ياجماعه ترى معاد فيه طلاب قطريين في الجامعه ..

اي والله صادق :weeping:

قسمنا لما تخرجت أخبر الباقي فيه 10 طلاب تقريبا او اقل حتى ويمكن مع هالكورس خلاص معاد فيه احد ..

ههههههههههههههههههه وقسمنا مافيه خير شر باقي 9 قطريات وبيتخرجون هالكورس :secret:

فـ لازم يرسبون الطلاب عشان مايتخرجون ويتسفرون الدكاتره ..

قسم الشريعه باقي فيه يمكن 17 طالب حسب ماسمعت .. أعداد الطلبه في التخصصات معدووده الطالبات أكثر شوي طبعا ..

يعني اهما يبون الجامعه لهم يبون يطردون الطلاب عشان يرتاحون من اذاهم ..

والله لو جامعه قطر تفتك من عمر الانصاري راح تتطور .. ليش الواحد اذا يدعون عليه الناس ويظلمهم يطول في مكانه ..

:victory::victory::victory:

واذا كان يخاف الله ومايظلم يطير على طول ..

يعني اللي يقهر في الجامعه انهم يفرضون على الدكتور يرسب ناس يعني اجبااري وانا شايف هالكلام بنفسي ..

:victory: واذا مارسب بالكثير كورس وراه ويطير :victory: او اذا زاد عدد الـ أ عن 5 :)

والله ياناس انهم يرسبون الطلاب اجباري وغصب على الدكتور .. وانا بنفسي مره كنت ارصد الدرجات للطلاب مع الدكتوره وراحت لرئيس القسم يراجعها ورسب ناس وعدل على معدلاتهم وردها لها قال اعتمديها ..

:) :) :)

هذي للاسف سياسه جامعه قهر .. قال أيش " نتطور لأجلكم" - شعار الجامعه - وهم صادقين يتطورون في أساليب اللكاعه وقلة الحيا ..

ههههههههههههههههههههههههههههه يتطورون لاجل قهر الطلبة زيادة وزيادة :rolleyes2:

الله يوفق كل الطلبة والطالبات الي فيها .. غير تحيز الدكاترة فالتخصصات الي مافيهم قطريين حق جنسياتهم :weeping:

[ابن قطر]

على اي اساس في بداية الموضوع قلت لي كلامك صحيح
والحين تقول نبي وقائع؟

انا اقولك سمعت بأذني عمر الانصاري يقول هالكلام !!!

اخونا العزيز ما زلت اقول ان كلامك صحيح

اقصد نبغي نسمع اكثر ربما تكون هناك اذان صاغية لنا

[ابن قطر]

جامعة قطر مثل برنامج الحصن إذا كان تذكرونه يشارك فيه ألف شخص في بداية الحلقة وفي أخر مرحلة من الحلقة يكون عدد المشاركين في أفضل الحالات 30 شخص ، وهذي جامعة قطر تحاول إن يكون لها شأن على المستوى العالمي علشان كذا تحاول وبكل السبل إن توصل لهذا الهدف سواءً بطرق سليمة وهي لم تطبق و بطرق خبيثة و ملتوية وهي التي يستخدمونها من فرض تقليل نسب النجاح و عدم إعطاء الطلب درجة إمتياز إلا ويذكر بجانبها "حصل على درجة إمتياز و العياذ بالله" وغيرها من الطرق الحقيرة ، وعلى الرغم من مضي كل هذه السنوات لم تفلح جامعة قطر بالنجاح على المستوى المحلي فكيف تنجح على المستوى الإقليمي أو العالمي ، بل أن حتى الجهات العليا في الدولة لا تثق بالجامعة بل على العكس تجدهم يستقطبون جامعات عالمية للتعويض عن جامعة قطر العقيمة التي بدء إساتذتها القطريون بالخروج منها والبحث عن فرص عمل أفضل منها و السبب الأساليب العقيمة التيي تنتهجها الجامعة والتي تؤمن إيمان كامل بالأساتذه الذي يعقدون الأمور ويجعلون الطلبة في حالة من الحيرة و الخوف فلذلك أنصح طلاب الثانوية العامة بالحصول على أعلى المعدلات والخروج من الجامعات المحلية لضمان إكمال دراستهم و الحصول على ثمار تعبهم و أن يبتعدوا عن فلاسفة جامعة قطر .

الطالب القطري الى اين في ظل الظروف التعليمية القاهرة

نأمل ان يتغير القانون او يعدل للصالح العام

[دوحة الجميع]

أنا درست بجامعة قطر لمدة سنة في الفترة مابين 1982 - 1983 وبعدها رحت أكمل دراستي في أمريكا بدون ما أخذ كشف المواد اللي درستهم ، وحتى أنه بعض الدكاترة كانوا ينصحوني بأني أدرس بالخارج إذا كنت مقتدر مادياً ..... والحمدلله تخرجت من أمريكا ، وأصبحت مهندس ...... والحمدلله

[بوالفاروق]

:(

اعاني من جامعة قطر للأسف

[ابن قطر]

:(

اعاني من جامعة قطر للأسف

الله يساعدك ممكن شرح معاناتك

وبأذن الله نحاول نساعدك

[ليث العرين]

ليش كل التركيز على جامعات المدينه التعليميه

وليش ينسون الجامعه الي خرجت من هم الان يكدحون ويضحون في ميادين العمل


أشكر لختيار هذا الموضوع يابن قطر


والله حرام

[بنوته]

السلام عليكم ورحمة الله وبركاته

حسبي الله ونعم الوكيل فيهم

جامعة القهر ...جامعة الظلم

كنت ادرس بنظام الموازي على قولتهم مسائي لاني موظفه كنت اخذ ساعات قليله وبعض المواد ارسب فيها لاني ماقدم الامتحان لظروف قاهره تصيدني ...باقي لى تقريبا 70 ساعه وماعندي انذار غير انذار فصلي واحد ...بس للاسف التخصص حوله بالانجليزي وصار ظغط علينا عشان انتخرج بسرعه وهاي شي مايناسبني ...وفوق هاي كله كورس رمضان المجحف بحق نظام الموازي والموظفين ...بعض المواااااد ماخذتها واجباريه وماراح تنطرح الا صباحا فقط ...رحت لدكتور اياد المرشد لتخصصي وشرحت له وضعي وانه هل في امكانيه معادلة بعض المواد في الخطه الجديده لي بدل مايساعدني قام يتكلم بصوت عالي وانه مايصير هاشي ابدا وقالي ياحولي من التخصص او طلعي احسن لان كم كورس وباقي البنات بيتخرجون وماراح يطرحون لي مواااااااااد خاصه فيني بروحي ...رحت القبول والتسجيل وقدمت على التحويل سبحان الله بعد المراكض من فسم لثاني الا افتح النت واشوف انهم حولني ماخليت حد الا وقلت له ...يافرحه ماتمت بعد 3 ايام اشيك الا شالو اسم التخصص ورجعو تخصصي السابق قب شعر راسي وثاني يوم طياران على الجامعه شسالفه وليش ...قالو انا الوحيده اللي مانقبلت لان قيدي قديم ولاني محوله من صباحي الى موازي طلعت من عندهم وانا مضايقه ولا سكرت قيدي ليومكم هذا ....بس والله كل ماحد يذكر لي الجاامعه ادعي على الدكتور اياد اللي حرمني من الدراسه للاسف اكتشفت ان في بنات معاي من الخطه القديمه لحد الان يدرسون وعادلو لهم بعض المواد من الخطه الجديده وبعضهم سو بحوث وناقشوهم بدل الامتحان وبيتخرجون الله يوفقهم....بس ماقول غير حسبي الله ونعم الوكيل على الظالم...

اذا القطريه عندها طموح وحابه تكمل تعليمها يسكرون عليها كل البيابان
للاسف
جامعة قطر هي جامعة الواسطات

[ALREEM]

ياجماعه انا في جامعة قطر أغلب ربعي يسمونها (جامعة قهر )

بس ليش التشاؤم ؟؟؟

يعني صدق في تقصير في الجامعه وضغط ع الطلبه بس اللي عنده طموح بيعدي

واغلب اللي ف الجامعه (بنات) مايداومون عشان دراسه .. يداومون حق الكشخه والزبره

وظواهر واجد ف الجامعة مايرضى بها الدين وغير هذا اهمآآآآآآآل فظيع من الطالبات واللي مافي وجييهم حيا

ماتنلام الجامعه يوم يجيها كل هالبرود والاهمال لازم التشديد عليهم

ولايغركم يعني الجامعات اللي فالمدينه التعليميه طلباتها تعجيزيه يعني الدراسه برى اهون ترى

الله يهدي طالبات جامعة قطر ..

ترى بالعكس كل شي ف الجامعه اوكي بس انتوا تفائلوا بالخير تجدوه ..

يعطيكم العافيه ع الموضوع

^_^

[ALREEM]

<< ترى في ف الجامعه شوية ظلم وشوية ضغوطات .. بس انا قلت هالكلام لرفع المعنويات .. مايصير تحبطون الناس بعد

وعلى فكره كل جامعه فيها الزين وفيها الشين

[ابن قطر]

:nice:
ليش كل التركيز على جامعات المدينه التعليميه

وليش ينسون الجامعه الي خرجت من هم الان يكدحون ويضحون في ميادين العمل


أشكر لختيار هذا الموضوع يابن قطر


والله حرام

[Sharshooooor]

اخونا العزيز ما زلت اقول ان كلامك صحيح

اقصد نبغي نسمع اكثر ربما تكون هناك اذان صاغية لنا

كلامك واضح اخوي وما اجهله
انت قلت

كلنا سمعنا

بس نبغي وقائع

؟بس؟

انشالله تحصل الجواب اللي انا مافهمته

[قـنـبـلـه]

والله اخوي انا اخذتها من الاخر ومادخلت جامعة قطر
لان قبل لاادخل اكتشفت ان في ازمت توفل وكان في شح في الدرجات
وبعدين كانو يطلبون التوفل وغيره من الامتحانات وانا واحد من الي ادرسو على العهد القديم الي اخره كان عند كافود الله يذكره بالخير
الي عطونا اللغه الانجليزيه في خامس ابتدائي الي هو a - b - c - d
والدفتر كان بو اربع خطوط
وين يبونا انقدم توفل واحنا تونا متعلمين كيف نطلب الماء
بعدين اخوي هل الامهات الي حضرو مع ابنائهم اجتماع تكساس كانو فاهمين كلهم شسالفه

[ليث العرين]

والله اخوي انا اخذتها من الاخر ومادخلت جامعة قطر
لان قبل لاادخل اكتشفت ان في ازمت توفل وكان في شح في الدرجات
وبعدين كانو يطلبون التوفل وغيره من الامتحانات وانا واحد من الي ادرسو على العهد القديم الي اخره كان عند كافود الله يذكره بالخير
الي عطونا اللغه الانجليزيه في خامس ابتدائي الي هو a - b - c - d
والدفتر كان بو اربع خطوط
وين يبونا انقدم توفل واحنا تونا متعلمين كيف نطلب الماء
بعدين اخوي هل الامهات الي حضرو مع ابنائهم اجتماع تكساس كانو فاهمين كلهم شسالفه


كلامك ياخوي قنبله في موضعه

وصادق في كل ما قلته

وبخصوص الأمهات الي
حضرو تكساس no comment :tease:

[قـنـبـلـه]

مايحتاج تشرحلي ياليث العرين حاس فيك لانه الازمه منك وفيك والله يعطيك العافيه

[ليث العرين]

منك وفيك ؟؟؟؟؟؟؟؟؟؟؟؟؟؟؟ مب واضحه ذي

[م. عبدالعزيز]

السلام عليكم.. من بعض الردود لاحظت شي
يسبون الجامعه وأغلبهم خريجين منها !! ويشتغلون وعايشين على شهادته بعد !!!
الحمد الله على كل حال ..

[ابن قطر]

السلام عليكم.. من بعض الردود لاحظت شي
يسبون الجامعه وأغلبهم خريجين منها !! ويشتغلون وعايشين على شهادته بعد !!!
الحمد الله على كل حال ..

اخونا مهندس عبدالعزيز

القضية مب قضية خريجين جامعة قطر او غيره الامر واضح

هناك هجرة قصرية لطلاب قطريين وهم اخوة لنا علينا ان نعالج الامر بغقلانية

وشكرا لمرورك

[معيذر جنوب]

السلام عليكم.. من بعض الردود لاحظت شي
يسبون الجامعه وأغلبهم خريجين منها !! ويشتغلون وعايشين على شهادته بعد !!!
الحمد الله على كل حال ..

مش اذا كنا متخرجين من الجامعه المغصوبين عليها معناها لازم نمدحها !!

لو في جامعة ثانية غير جامعة قهر بالدولة ماكان احد تردد انه يدخلها

ولو في جامعه ثانية في الدولة ماكان لقيت كل هالكم من النقد السلبي للجامعه المشكلة ان مالنا بد منها والحين خلاص مالنا بد أبد

[ابن قطر]

مش اذا كنا متخرجين من الجامعه المغصوبين عليها معناها لازم نمدحها !!

لو في جامعة ثانية غير جامعة قهر بالدولة ماكان احد تردد انه يدخلها

ولو في جامعه ثانية في الدولة ماكان لقيت كل هالكم من النقد السلبي للجامعه المشكلة ان مالنا بد منها والحين خلاص مالنا بد أبد

تعظيم سلام اخوي معيذر جنوب

كلام طيب ومقنع

[ابن قطر]

والله اخوي انا اخذتها من الاخر ومادخلت جامعة قطر
لان قبل لاادخل اكتشفت ان في ازمت توفل وكان في شح في الدرجات
وبعدين كانو يطلبون التوفل وغيره من الامتحانات وانا واحد من الي ادرسو على العهد القديم الي اخره كان عند كافود الله يذكره بالخير
الي عطونا اللغه الانجليزيه في خامس ابتدائي الي هو a - b - c - d
والدفتر كان بو اربع خطوط
وين يبونا انقدم توفل واحنا تونا متعلمين كيف نطلب الماء
بعدين اخوي هل الامهات الي حضرو مع ابنائهم اجتماع تكساس كانو فاهمين كلهم شسالفه

شكرا على المرور اخوي قنبلة

وعلى الانسان الاجتهاد وانا ادعو جامعة قطر للارتقاء بعملها من الناحية الاكادمية

وقضية المعدل يناقش مع الطالب اكثر ليفهم ما له وما عليه

وانا اسو مثال على تكساس واكيد الي حضر فهم وان لم يفهم يطلب الايضاح من من معه

واخيرا علينا المثابرة والجد والاجتهاد

واطلب العلم ولو في الصين

بس اخونا قنبلة ترى هذا مثل مب تشل شلايلك وتروح الصين خخخخخخخخخخخ

شكرا على المرور الطيب.........

[فرضه لشيوخ]

مرحبا أخوي ابن قطر ..ياخي انا متابعك من زمان وفعلا معجب بمواضيعك ..ياخي قلبت علينا المواااااااااااااااااااجع ..انا ياخوي قضيت زهرة شبابي في هالجامعه ..واستنفذت طاقة وعصارة عقلي فيها ..أيام وأيام وأيام كنت بس أنطر اللحظه اللي أفارق مقاعدها اللي فعلاً كانت تعور الظهر ..توفل على امتحانات رياضيات على معامل على سندويش فلافل يعور البطن على فطاير مزوره يبيعونها على انها بيتزا ....يعني بس شاقولك ..

بس مانقول الله يسامح اللي كان السبب ..


تحياتي وبلا مواضيع مؤلمة لأن العبرة خنقتني اللحين ..اهئ اهئ اهئ:tease::tease::tease::tease::tease::tease:

[ابن قطر]

:nice:

مرحبا أخوي ابن قطر ..ياخي انا متابعك من زمان وفعلا معجب بمواضيعك ..ياخي قلبت علينا المواااااااااااااااااااجع ..انا ياخوي قضيت زهرة شبابي في هالجامعه ..واستنفذت طاقة وعصارة عقلي فيها ..أيام وأيام وأيام كنت بس أنطر اللحظه اللي أفارق مقاعدها اللي فعلاً كانت تعور الظهر ..توفل على امتحانات رياضيات على معامل على سندويش فلافل يعور البطن على فطاير مزوره يبيعونها على انها بيتزا ....يعني بس شاقولك ..

بس مانقول الله يسامح اللي كان السبب ..


تحياتي وبلا مواضيع مؤلمة لأن العبرة خنقتني اللحين ..اهئ اهئ اهئ:tease::tease::tease::tease::tease::tease:

[جير قطر]

انا احترم الي سواه جامعة تكساس بس لو كان الاجتماع مع الامهات والأباء كان افضل لانهم مكملين حق بعض و ارجو من جامعة قطر ان تحذوا حذوها وتبطل اسلوب التطفيش لان الدوله محتاجه لشباب من الجنسين جامعين حتى يتمكنوا من تقطير الوظائف علشان المؤسسات ماتقول مافي قطرين وتجيب هنود ومغاربه و توانسه لان عندهم شهادات جامعيه وشبابنا وبناتنا عندهم ثانويه فقط بس ياجامعة قطر كفاكم طلبات تعجيزيه ونشكر ابن قطر على موضوعاته الشيقة دائما .

[ابن قطر]

انا احترم الي سواه جامعة تكساس بس لو كان الاجتماع مع الامهات والأباء كان افضل لانهم مكملين حق بعض و ارجو من جامعة قطر ان تحذوا حذوها وتبطل اسلوب التطفيش لان الدوله محتاجه لشباب من الجنسين جامعين حتى يتمكنوا من تقطير الوظائف علشان المؤسسات ماتقول مافي قطرين وتجيب هنود ومغاربه و توانسه لان عندهم شهادات جامعيه وشبابنا وبناتنا عندهم ثانويه فقط بس ياجامعة قطر كفاكم طلبات تعجيزيه ونشكر ابن قطر على موضوعاته الشيقة دائما .

مقترح جميل اخوي جير قطر

ولا بد ان ننتهي من سياسة التطفيش كما قلت