كل شباب قطر مستعدون للتعاون مع الجهات الأمنية

[السد]

كل شباب قطر مستعدون للتعاون مع الجهات الأمنية بس بالأسلوب الحسن والكلام الطيب مب بالحجز والمطاردات

وانا اتصفح جريدة الراية من الانترنت شفت هذا النسخ حق شاب قطري يصرخ ويقول نحن مقبلون على كارثه الصراحه كلام طيب ... ومن كلامه يبين ان واحد مقهور وصج كلشي يزيد عن حده ينقلب ضده

انا راح انسخ لكم ما انكتب واتمنى منك قرآئة الرسائله

قبل لا تقرون الموضوع باللغه العاميه

------------------------------------------------

من بين ردود الافعال، والتعقيبات التي تلقيتها على المقال
الذي نشرته بالامس تحت عنوان "نزيف الشوارع .. الى متى
؟" ، رسالة مكتوبة باللغة العامية من شاب اختار له اسم علي
العلي، ولا اعرف ان كان ذلك اسمه ام اسما مستعارا، ولكن في
كل الاحوال فان مضمون الرسالة هو الاهم.
رسالة بسيطة جدا في لغتها، لكنها تشعرك بأن كلمات هذا
الشاب نابعة من القلب، يريد ايصال رسالة الى المجتمع.. كل
المجتمع ..
لم أشأ ان ادخل تغييرا على اية كلمة وردت في الرسالة التي
تلقيتها عبر البريد الالكتروني، حرصا على ان تصل بعفويتها
الى كل فرد في مجتمعنا، مسؤولا كان او قارئا بسيطا..
لن اطيل عليكم وسأترككم مع مفردات رسالة هذا الشاب..
أكرر إنها جاءت بكلمات عامية، وانشرها كما وردت

بالإشارة إلى مقال سيادتكم بشأن نزيف الشوارع.. إلى متى؟
" أول شي : مشكور على الاهتمام بمثل هالمواضيع، اللي احنا
الشباب نتمنى انها تنطرح للسادة المسؤولين.. احنا ندري انه
اكبر غلط سباقات الشوارع، بس صدقني يا أخ جابر أنه اكثر من
70 % من الشباب القطري يحبون هواية سباق السيارات، يمكن
الهواية شي واللي احنا نسويه شي مثل السباقات الممنوعة
والتزويد وإلخ ...
بس للأسف في قطر ما في اهتمام بالشباب، يمكن في
حلبة خاصة بالبطولات والدراغ ريس، بس هالاشياء ماتجذب
كل الشباب لان هالسيارات شي فوق مستوانا المادي او قدرتنا
المادية.. أنا اليوم الفجر وصلت من دبي، أنا شاب قطري يمكن
ألتزمنا عقب قانون المرور، مب خوف من الدوريات أو قانون المرور،
بس لان بدينا ندرك احنا شلون عايشين قبل والحين يوم قمنا
نمشي في السليم نحس براحة نفسية،
قبل نمشي ونتلفت يمين ويسار اذا
في دورية ولا شي.
صدقني احنا مقبلين على كارثة لان
الحين الجيل الجديد أعمارهم 18 سنة
ويزودون سيارات، خلال فترة وجودي
في دبي شفت يمكن 30 سيارة قطرية
تتجهز للسباقات وبتوصل الدوحة
وفيه مجموعة وصلت أمس.
الحجز والغرامة مب كل شي ..
وتدري والله اقول لك شي استوى
قدام عيوني.. مرة من المرات انحجزت
سيارتي.. ورحت راجعت في المرور
طبعاً رفضوا يظهرون لي السيارة قلت
لهم بوقع تعهد اي شي بس رفضوا..
وفي نفس الوقت دخل شخص وكلم
الضابط وسلمه التلفون يكلم شخص
في التلفون وسبحان الله وقعه على
تعهد وظهر سيارته، وللعلم كانت نفس
المخالفة بس ذاك ظهر بالواسطة وانا
لا، مع اني اقدر اظهر بواسطة بس ما لي ويه اكلم ضباط في المرور
واطلب منهم يظهرون سيارتي عشان سباق او صوت.
في دبي وفي البحرين وفي الكويت والسعودية يسوون مسابقات
شهرية، سواء كاستعراض او سباق وسيارات فورويل مب نفس
قطر سيارات احنا اول مرة نشوفها غير في القنوات الامريكية.
احنا مش هاويين هالسيارات، احنا نطالب بحلبة نفس الامارات
مثلاً (حلبة العين، للعلم شباب من قطر شاركوا في جولات
الاستعراض في حلبة العين) فلوس تنصرف يمين ويسار على كل
شي ليش مافي اهتمام بالشباب، وفروا للشباب كل شي (حلبة
للاستعراض والسباق) وعقب حاسبوهم .. في الامارات اول مافتحوا
الحلبة نزلوا قرار يخص الشباب بأنه اي واحد يسابق في الشارع أو
يركب دبة صوت او يستعرض يصادرون سيارته..
خل يسوون استبيان بس بكل حياديه، احنا نقرأ في الجرايد مرات
مثل التحقيق من جريدتكم أو اي جريدة ثانية عن مثلا السباقات
ونشوف الشباب يذمون في الموضوع وانه هالشي خطر، بس يوم
نشوف الصور والاسامي نعرفهم
ونعرف ان هالشباب يسابقون
ويسوون كل ممنوع في عالم
السيارات.. ويوم نقول لهم ليش
ماتتكلمون بكل صراحة يقولون
ان الجريدة كتبت كلام مانقال
على لسانهم.
استاذ جابر.. انا مستعد اتعاون
معاك وتفتح تحقيق كامل عن
السرعة في قطر والشباب لان
الشباب هم الواجهة في اي حادث
يكون فيه وفيات يقولون سرعة
الشباب والشباب والشباب .. تبي تروح ميالس الشباب وتقعد
وتتكلم معاهم وتشوف ردودهم.. بتلقى شباب واعية ومثقفة بس
يعيب عليهم موضوع التزويد والسباقات.
تبي تحضر سباق بين شباب راح تتفاجأ بكمية الجمهور اللي
حاضر السباق ويمكن لو تشيك عليهم تكتشف انه اكثرهم في
الجهات العسكرية.
ودنا بجلسة جماعية مع مدير المرور وبوجودك وبوجود ضباط
التحريات والدوريات.
ولو تبي تقرير كامل ترى حاضرين نوديك كراجات وميالس وكل
مكان يطري على بالك نخليك تشوف العجب وتتأكد أن الحكرة
اللي مسوينها لنا المرور واللخويا هي السبب في اللي يستوي.
وفوق هاي اذا واحد سابق وماصادته الدورية يلحقونه اذا وقفوه
كان بها ان ماوقفوه وانقلب او صار له شي تتوقع يوقفون له؟
يخلونه يولي عشان ماتطيح على راسهم وهالشي الكل يدري به
انهم يطردون الواحد لين يستوي له شي يشردون الدوريات عنه
عقب.
انا استغرب من اللي يقول نجاح حملات التوعية المروريه، اي
نجاح اللي يتكلمون عنه، ومخيم سيلين مايأدي الغرض المنشود
من اقامته.. ليش ماتدخل العنن في سيلين وتقعد في العنه مع
الشباب بيرحبون في ضباط التوعية المرورية ويهللون فيهم وعقب
يتكلمون معاهم على راحتهم مب تسوون مخيم كله لعب يهال
مافيه شي مفيد للشباب.
موضوع حوادث المرور والشباب ما يبيله حلقة وحدة من برنامج
لكم القرار.. يبيله اسابيع واسابيع وشخصيات تتواصل في لكم
القرار، رفيجي حضر الحلقة وتكلم وتكلم بصراحة بس يوم عرضوا
الحلقة قصوا كلام رفيجي ولا يابوه، مع انه احنا الشباب كنا
متفائلين بالحلقة وبرفيجنا آخرتها شلوا كلامه من الحلقة بكبرها
*** ملحوظة... لو ضباط
التحريات اسلوبهم محترم وحلو
مع الشباب كان الشباب استحوا
من نفسهم وركدوا بس احنا
ندش على الضباط يهزئ في
الناس لين يقول بس ...
في الختام أتمنى اكون قدرت
اوصل لك المعلومة وشالمقصود
من كلامي مع انه فيه خربطة
شوي يعني مب مرتب الموضوع،
وتأكد ان كل شباب قطر على
استعداد تام للتعاون مع الجهات الأمنية والاعلامية بس بالأسلوب
الحسن والكلام الطيب مب بالحجز والمطاردات.. "

*** هذه رسالة قال فيها هذا الشاب بكل حرية
وشفافية ما يريد، دون ان اقدم على حذف كلمة مما جاء
فيها، رغبة بمنحه الثقة بأن لكلمته مكانة واهمية، وانه
لا يمكن ايجاد حلول لمشاكل الشباب اذا لم نشرك
هذه الفئة بالحوار والنقاش، والوقوف على الملاحظات
التي قد تبديها بكل شفافية، بعيدا عن المصادرة
والالغاء والتهميش.
لن أزيد على هذه الكلمات، ويمكن ان نفتح الباب
امام مشاركات الجميع، لنجعل من حوادث الطرق قضية
رأي عام، يعمل الجميع على المشاركة فيها بإبداء الرأي
والاقتراحات، سعيا للحد منها، يجب ان نشترك جميعنا
في الحوار والنقاش بصوت مرتفع لايجاد حلول ل "نزيف
الشوارع"، الذي يحصد ارواح شبابنا يوميا.
طبعا الموضوع منقول للامانة

[q6r99]

والله ياخووي صاادق


بعدين المشكله ان النااس الى هالوااظيف تكون شهادتهم عداديه او توه مخلص الثانويه

يعنى يبي يفرض شخصيته وتحصله يوقف فلان وعلان
شوفني عندي سلطنه وعاد العالم الله يهداهاا مافي احد ماشي صح 80% من العالم مركبه مخفي
واقل شي الواحد مو رابط حزام الامان

وانا والله رديت بعد بكل شفافيه


والى اقصده لو كان الشرطه والاخويا متعلمين وناس متفاهمه والله بتخف المشاكل
وبالتووفيق

[qatar__boss]

والله كلامه صحيح

انا واحد انحجزت سيارتي والحين مطلوبه وعندي واسطه وبشيل البلاغ بس لين متى؟

لين متى واحنا نحرج انفسنا مع الواسطات؟

وبخصوص اسلوب ظباط التحريات انا اقول بكل صراحه اسلوبهم (سووقي) مافيه أي احترام للشباب كأن اللي مركب صوت او متسابق ذابح ابوه أو اخوه.. كأنه مرتكب جريمه بحقه

بالعلم ان لو كان الصوت خفيف يتم حجز السياره.. هل هذا بسبب مصالحة الشخصيه؟ أو انه مجرد نذاله؟

يعني لو تقيس صوت اللاند كروزر وعليه هدرز كاتم تحصله اخف من صوت الفراري...!!

واذا قلت لهم قالو لك انت مغير صوت السياره وهذاك صوتها الطبيعي...!!

وفوق هذا .. امس واحد من الشباب يقول لي سالفته ..

يقول حجز سيارتي علشان (تنزيله)..!! ويقول يوم رحت الشبك قال لي اللي على البوابه سيارتك ماعليها بلاغ ليش محجوزه؟ يوم جا التحريات لفق له صوت..! يعني كأنه يقول له حاجز سيارتك حاجزها..!!

فكرة التحريات فكرة غير حضاريه .. والشباب مايجون بالتهديد ولا بالإجبار

وانا اقولها علني .. الهدرز ماراح ينزل من السياره وبتم مركب الهدرز لين ماأشبع نفسيا

تحيااتي لك ياراعي الموضوع وياليت يكون تعامل المرور ورجال الشرطه متعاونين مع الشباب بدال مايكون العكس

[..er..]

ولو تبي تقرير كامل ترى حاضرين نوديك كراجات وميالس وكل
مكان يطري على بالك نخليك تشوف العجب وتتأكد أن الحكرة
اللي مسوينها لنا المرور واللخويا هي السبب في اللي يستوي.
وفوق هاي اذا واحد سابق وماصادته الدورية يلحقونه اذا وقفوه
كان بها ان ماوقفوه وانقلب او صار له شي تتوقع يوقفون له؟
يخلونه يولي عشان ماتطيح على راسهم وهالشي الكل يدري به
انهم يطردون الواحد لين يستوي له شي يشردون الدوريات عنه
عقب.




رفيقي الله يرحمه ويسكنه فسيح جناته ماعرفوا الدوريه الي قلبته :)

وبرمشه عين قلبوه وخلوالسياره طايحه فوقه لين توفى ومحد وقف عنده ,,

والسبب هالدوريات المستهتره ,, ولين الحين ماعرفوا الشخص المتسبب بالحادث " الدوريه "

يارجال مانقول الا الله يعدلها :)

[ولد سالم]

قبل الواحد يخاف من الشرطه وما يسوي شي بس اللحين بصراحه ما نخاف منهم واللحين الي فالشرطه مب نفس الي كانو قبل اللحين متغيرن والله اللحين محد يخاف وبعض الاحيان يضربون الشرطي بصراحه المفروض يعطوونهم دوره يسمونها دورة حسن التعامل يجيك جندي ما عنده شي يسوي نفسه عميييد
اللحين حتى العازل عليه حجز شهالخربطه
ضروووووووووووري يتدخلون كبار الشخصيات لحل هالمشكله
لو الكل مطبقين عليهم الشروط بنقول عادي بس واسطه ومادري وشو ليش والله ظلم
ويا ليت لو يطالعون لنا والأراء
ويعطيك العافيه اخوي عالموضوع الرائع

[خالد الخوري]

نذكر الشباب قول خير الخلق سيدنا محمد صلى الله عليه وسلم
(لن تزول قدما عبد يوم القيامة حتى يسأل عن اربع**ومن هالامور الاربع( عن ماله من اين اكتسبه وفيم انفقه) اش تجاوب ربك يوم القيامة شريت بالفلوس موتر وسابقت فيه لان فيني طاقة ابي افرغها واخر شي تسببت في حادث اذيت نفسك او غيرك وضيقت على الناس ولا وديت موترى دبي وحطيت عليه 150 الف تلغيم عشان اسبق غيري وااخوانك في غزة محاصرين **** اخوي الشاب الله يهديك

[فاضي عمل]

والله يالربع احس سالفه المخفي عناد ( فالشباب فقط ) حتى لو 10% او 20%
قسم بالله البنات اللي هم البنات يضربون لك 100% جنبين وأخر شي 30% والسواق والعبري 30%
الله يخليهم اللي عند اللاند ماشوف حد قال لهم شي
والا المخفي لازم يكون مركب على جي وإلا نيسان عشان يقولون عنه مخالف
شمعنى كل شي عالشباب والبنات عادي !
الله يستر من الايام الجايه مانشوف البنات مركبين هدرز ومخفي كامل ويمرون قدام الدوريه !
صحيح لو صرحوا المخفي 10% والا 20% بتشوف الناس ضاربين لك 50% وبيقولون لك مصرح والا شدراهم ذي كم
بس بعد عالاقل يسمحون لنا ولو بشي بسيط الواحد يطلع من الدوام مكرووف وعقبها يخيس فالشمس لين مايبرد الجو فالموتر والسكان يحرقه حراق
الله كريم

[السد]

مشكوريين على ردودكم
بانتظار المزيد

[BURBERRY]

يجيك جندي ما عنده شي يسوي نفسه عميييد


صدقت اخووي ولد سالم ..

صارت معاي مره في الشارع مسوي نفسه عميد و يبي يخالف على مزاااااااجه .. و انا مب مخالف ولا شي .. لكن مادري شفيه علي ... كنت بضربه لكن تعوذت من الشيطان و اكتفيت بالتهديد .. :anger1:

و الحمدلله الحق مايضيع :nice:

[السد]

صدقت اخووي ولد سالم ..

صارت معاي مره في الشارع مسوي نفسه عميد و يبي يخالف على مزاااااااجه .. و انا مب مخالف ولا شي .. لكن مادري شفيه علي ... كنت بضربه لكن تعوذت من الشيطان و اكتفيت بالتهديد .. :anger1:

و الحمدلله الحق مايضيع :nice:

الله يستر

[واقف حالي]

ولله مظلومين يالشباااااب ترى الهدرز ماايركب اله حق السفر لا وبعد اتشيك يقولك مطلوب انزين انا مساافر هذا جوازي لا مطلوب غير بدل لا مطلوب ليش لا مطلوب افهم لا مطلوب الكلمه الوحيده المستخدمه فالمروور الموتر مطلوب والكلمه الحلوه لا مخالف كاااااااااااااااااي وللله سررسره ولله طرطره ولله يالربع كل هل الدورياات ربعنا واخواانا لكن مب منهم من الي فالمكااتب فوقهم والي يمسكهم ترى ولله مالهم ذنب تحيااتي لصاااحب الموضوع

[BEng]

يالربع من كثرت تغيير القوانيين الشرطي ضاع... اتوقع ما في توعية للجميع بالقوانيين الجديدة والتغيير على القوانيين القديمة..
والعلم عند الله

بس عامة,, قوانييين المرور غير واضحة وغير عقلانية والواحد اذا يفكر في سبب القانون ما يلقى سبب عقلاني
ويعطيكم العافية

[My Trip2]

اي ولله انك صادق

انا اتمنى ان المسؤولين يسمعون الكلام ذي ويسون حلبة استعراض وسباق ومفتوحه للجميع في اي وقت
ومايحطون اوقات معينه للسباق والستعراض




( خله بلقلب تحرق مابقى عادتي بشكي على غيري عناي )

[dewyguy]

شوفوا الفرق بين الشرطة في امريكا و الشرطة عندنا .. حتى في التعامل مع الناس او المخالفين ، اول كلمة يقولها لك لما يوقفك : " لك الحق في طلب محامي ، واذا لم تستطع نحن نوفره لك " . سبحان الله عالفرق :rolleyes2:

[أم عبووودي]

المشكله الشرطه هم اصلا من الشباب ولو كانو فيوم عادي مب دوام رسمي لهم بيسوون نفس الشي
بس صلاحيتهم بزيهم العسكري يخليهم ينسون نفسهم ويخالفون اللي يشوفونه
واذا حطو واحد فراسهم خلاص يتصيدون له على اقل شي


سسياره اخوي كل يوم تنحجز وكل مره سبب ثاني بس لانهم حاطينه فبالهم
ونفس ماقلتو يطلع بواسطه ولين متى


والمشكله هم يحاسبون شباب قطر على اقل لو بس حطو ستيكر ع السياره او اقل صوره خالفوهم

وليش مايخالفون الاجانب والانقليز الللي يقلبون السياره دفتر رسم من الستيكرات و الخطوط

ليش محد يكلمهم سيارات الفلبينين والاجانب مليانه حركات والوان وخطوط ويتمشون فيها فكل ثقه محد يكلمهم


ادري دشيت فموضوع ثاني

بس والله من القهر اللي فيني

حسب الله ونعم الوكيل في اللي يستخدم سلطته بس لعانه على اهل وشباب قطر

[سعيد2020]

نذكر الشباب قول خير الخلق سيدنا محمد صلى الله عليه وسلم
(لن تزول قدما عبد يوم القيامة حتى يسأل عن اربع**ومن هالامور الاربع( عن ماله من اين اكتسبه وفيم انفقه) اش تجاوب ربك يوم القيامة شريت بالفلوس موتر وسابقت فيه لان فيني طاقة ابي افرغها واخر شي تسببت في حادث اذيت نفسك او غيرك وضيقت على الناس ولا وديت موترى دبي وحطيت عليه 150 الف تلغيم عشان اسبق غيري وااخوانك في غزة محاصرين **** اخوي الشاب الله يهديك

:nice:

[boooooon]

الحين اي اعلى صوت الكروزر وعليه دباه او فلتر والا اللمبرجيني ؟؟؟

[JoOoOoOoJ]

انا اوجه كلامي لأدارة المرور ...

انا بحياتي ما شفت مثل المرور عندنا ... تخبي الرادار ورا الشجر ولا ورا اشارات حفر الطريق ...لا والحبيب يقعد بسيارته بمحطة البترول يراقب ...

انا من الناس اللي تخالفت رادار بشارع مافيه علامة سرعه و كنت ماشي 100 و طلع الشارع 80 ...يعني لو في قانون كان رفعت قضيه و طالبت بتعويض ...لكن ايش انقول

ياخي طبقوا القانون بحذافيره ...و خلوا كل شي واضح ما حد راح يعترض ...

ترا والله الواحد تعب من تخبط ادارة المرور ....لا وزادوها علينا بلخويا و فزعه ..

[JoOoOoOoJ]

الحين اي اعلى صوت الكروزر وعليه دباه او فلتر والا اللمبرجيني ؟؟؟

ياخوي راعي اللمبرجيني من فئة حرف ال (و) بس الكروزر من عامة الشعب

ما تنسى الدراجات ..اللي صوتهم اعلى من الثنتين ...

[احساس غريب]

اخوي السد والله لو يفكرون المرور بالموضوع يتاكدون ان سباق المواتر مب هو السبب الرئيسي ف نزيف الشوارع على قولتهم لا الا نزيف الشوارع من الشوارع الحلوه والتحويلات الاروع على خط الشمال اللي كل ماقبضت خط الشمال حسيت انك راكب قطار الموت مب خط الشمال من التحويلات ونص او ثلاث ارباع الوفيات عندنا ف قطر من خط الموت اللي هو خط الشمال وسباق الشوارع لو تلاحظون يالربع كله الا من دوار لدوار والله لايقول لو صار حادث نادر مايتسبب بحالات وفيات والمرور ادرى مننا لانهم يروحون حق الحوادث اول ماتسير وحتى الاستعراض حاطين حيلهم كله ف هالشباب اللي يقحصون انتو بتفهموني يالمرور ان الاستعراض هو سبب حالات الوفيات ؟؟
شلون شدخل ابي اقتنع اذا في احد يقنعني؟؟
كابسين على العالم ذاك اليوم ف الصناعيه وصايدين ولا 200 موتر وحجزتوهم بدال ماتضيعون وقتكم ف مثل هالامور ليش ماتفكرون تلقون حل حق مشكله الشوارع اللي انا اشوفها سبب رئيسي ف حالة الوفيات روحوا شوفوا الدول الثانيه مثل الكويت والامارات شلون شوارعهم يعني والله يالربع من فتره مب بسيطه واحد الله يرحمه من ربعنا شلون توفى ؟؟
حفره على خط الشمال ضربها والموتر يمشي 140 انكسر الرنق تقلب الموتر لين الله شافله وتوفى الريال الله يرحمه والا التكويعات شوفوا شلون نظام التكويعات على خط الشمال وقارنوها بالدول الاخرى وشوفوا هل الشاحنات شلون يطلعون ويلفون على خلق الله لاحسيب ولارقيب حاطين حيلكم ف هالشباب ..
الله يستر علينا وعلى كل هل قطر ويكفيكم شر الحوادث..

[بوعلي2]

شكرا للطرح

[ذيب النصر]

كلام هالشاب زينة العقل، لأنه الثقافة السائدة هني كل ممنوع مرغوب...
فلو صار في حلبة سباق راح تخف مشاكل الشباب مع المرور...

شكراً عالموضوع الفلتة

[SUKHOI]

بكل اختصار معاملة رجال الشرطة للشباب مثل معاملة طلاب المدرسة الابتدائية

[السد]

:nice:
بكل اختصار معاملة رجال الشرطة للشباب مثل معاملة طلاب المدرسة الابتدائية

:nice::nice::nice::nice:

[منكم نستفيد]

الصراحه استغرب من الشباب قبل كم سنه اسمحوا المخفى فى الصيف 30% على الجوانب قاموا ربعنا يركبون 100% والجامات اللى قدام ووراء بعد وكل ما رد ريوس دعم:(

وسالفه الهدرز يقولك 3 انش يريح المكينه زيادة احسن من الوكاله 2ونص انش يعنى ماله داعى كلش ما يركبونه الا حق الصوت والطربه

الحين خل كل واحد يتخيل نفسه واقف على الدوار وينظم الطريق والشمس صالخه جلدة فى صيفنا ويجى واحد يوقف قدام الشرطى وهو مب رابط حزام ورافع التلفون ويتكلم ولا فيه احترام ولاشى (شى يهقر) ومشغل المكيف والغترة تحرك من الهواء البارد والشرطى تصب عرقانه

احنا قاعدين على مكاتبنا ويجيك مراجع يطلعك من طورك فما بالكم بواحد 8 ساعات دوامه يدور فى الشارع

حزات لزم نعذر الموظف اللى يتعامل مع الجمهور لنه لزم يستحمل نفسيات كل اللى يمرون عليه بس بيجيه وقت هو ماله خلق وبيطلع حرته فاللى قدامه اذا كان له حق

على العموم الله يحفظ شبابنا من المخالفات ويحسن تعامل بعض الشرطه ولولا الواسطه كان نصنا ما اشتغلنا فى الوظايف اللى نبيها ونصنا ما طلعت لهم اراضى ووووالخ :victory:

[المغترب 123]

الحقيقة بان شباب قطر من الذين يعلمون في الشرطة في قمة الاحترام ومعظمهم متفهم وخلوق الا القليل وهم نادرين جدا اما المصيبة الحقيقية فهي في بعض الجنسيات كالباكستانين والعمانين وهولاء تم توظيفهم في الفترة الاخيره ترى الحقد في عيونهم وخاصة على شباب قطر دون سبب والله يعين والله بعضهم حتى العربية لايتكلمها جيدا وعندما تتناقش معاه يرفض وكانه ضابط ويتحجج بانه يمثل رجل شرطة وانت عليك اخذ المخالفة وانت ساكت بدون نقاش في احد المرات اوقفني شرطي باكستاني وطلب مني ترخيص الاستكرات والصبغ واعطيته الترخيص اذ ا به تتغير الوان وجهه وقال لي شكرا تفضل ودخلت المجمع وبعد ساعة خرجت كي اجد نفس الشرطي واقف بجانب سيارتي طبعا دورت المحرك كي اتحرك الا به يقول لي لماذا لا تربط الحزام طبعا قلت له باني الان ساتحرك وساربط الحزام قال لي انزل عليك مخالفة وكتب لي استكر مخالفة اقسم لكم بان حتى الاملاء فيها وهي عبارة عن حرفين فيها من الاخطاء القاتل ونصها (( مافي مربوطة حزام امان )) حسبي الله ونعم الوكيل فية لانه سجلها علي ظلم وكانه متسبب وان شاءالله حقي سياخذه له ربي في ماله او في ابنائه اتمنى من ادارة المرور بان تضع الرجل المناسب في المكان المناسب الجنسيات الاسيوية اعتقد بان المكان المناسب لهم البوابات والاستور وقيادة البركدون او قيادة دنكر وليس امام المجمعات التجارية الضخمة وفي الاشارات فهم لايجيدون حتى العربية ونعاني كثيرا من النقاش معهم وكذلك هم واجهه للبلاد ماذا سيقول الزائر او الضيف عندما يرى بان شرطتنا لايتكلمون العربية وتحتاج الى مترجم اوردو لتفهم ماذا يريد منك حضرة الشرطي الباكستاني المخضرم

[abu m7md]

فيه سالفه قريبه من 4 شهور
من 4 شهور كنت عند الخرجي ابو سعد
وطلعت من عنده
وانا نازل سئلت الاستقبال عند مكتب المدير
قلت لهم المخفي ممنوع اشوف الشباب مركبينه قالوا لين 30 % عادي محد يخالفك عليه
بعدها بـ 15 يوم من السالفه
اتصلت لهم وقلت لهم لين كم المخفي هذاك اليوم انتوا قلتوا لين 30% .
قالوا لا احنى ماقلنا ولا حتى 10 تركب ممنوع
هنا نبي نوقف اشوي
السالفه 15 يوم بس
ليش جي يعني
حسبي الله ونعم الوكيل حسبي الله ونعم الوكيل

[الزيبق]

انا اشوف في اشياء وايد لازم اتراجعها ادارة المرور وتفتح عينها عليه ترى ماحد محترم القوانين اكثر منا احنا يالقطريين والاجنبي مسكين فقير يمسك الخط اليسار السريع على ال70 كان شارع ابوه لان يدري انه معه حق لو وصل لادارة المرور واكثر الحوادث اللي فيه اجنبي وقطري يكون الخطاء على القطري اشكره عادي ساحب سلفه والموتر اقساط ويقلون عنده افلوس مع انه احنا لو انسافر ابلادهم نحترم قوانينهم لاكن الخط والعيب مو فيهم للي عطاهم رخص سواقه في بلادنا خلهم يركبون كروه مب افود لنا لين انسافر لهم ايحولون بكل الطرق ايمصون دمنا حتى لو عشنا اهناك دراسه والا علاج والا سياحه خلنا نستفيد منهم عدل ونوفر على نفسنا انشاء شوارع جديده وخدمات ومادري شاسالفه الله كريم من القهر كاتب رد على الموضوع

[قطري زقرت]

مشكورين ع الموضوع الحلو
بس انا اقولها ولو يبوني اقولها شخصياً بعد بقولها
قانون المرور بكبره غلط مافيه شي عدل
مخفي ( حتى لو عازل 20% ) ممنوع
دبات ( غير مزعجه ) ممنوع
فلتر ممنوع
تنزيله ممنوع
صبغ مطفي ممنوع
صبغ كروم ممنوع
لاندكروزر ممنوع ينصبغ احمر
استيكرات تركبها ع السياره ممنوع
مخفي عليه صورة الامير ممنوع للعلم ان كروه مركبه نفس المخفي
بس للدعايات ومسموح لهم
بالعربي ممنوع ممنوع ممنوع
الي فالحين فيه يخالفون الناس ولا لازم اخر الشهر ( قبل المعاشات )
ورادارات في كل مكان وثبوت ع الدواوير
لا واذا موتر الواحد محجوز يدفع فاليوم 15 ريال للموقف
مادري فيه طبيلات ولا مسوين ( قار ) وممنوع تحط على موترك طربال عن الشمس
واشياء وايده بس مب طاريه على بالي
بس كفايه اسعار المخالفات شي مب طبيعي
السموحه منك على الأطاله

[qtr1]

نذكر الشباب قول خير الخلق سيدنا محمد صلى الله عليه وسلم
(لن تزول قدما عبد يوم القيامة حتى يسأل عن اربع**ومن هالامور الاربع( عن ماله من اين اكتسبه وفيم انفقه) اش تجاوب ربك يوم القيامة شريت بالفلوس موتر وسابقت فيه لان فيني طاقة ابي افرغها واخر شي تسببت في حادث اذيت نفسك او غيرك وضيقت على الناس ولا وديت موترى دبي وحطيت عليه 150 الف تلغيم عشان اسبق غيري وااخوانك في غزة محاصرين **** اخوي الشاب الله يهديك

:nice::nice:

[يريور]

يالربع كل ممنوع مرغوب


وترى ما في قرار صارم الا صارت وراه سالفة ...... يعني الاشارة الي يقطعها 6000 الاف وتووصل الين 50 الف حسب الاضرار لان الشباب القطري يقطعها واهو مطقع .... بس الحين اتحداك احد يقطعها ((( انا كنت اقطعها بس الحين لا :).....))

والرادارت كثرت بسبب السرعه ........... يعني الموتر من يتعدى ال120 .. ما عاد تقدر تتحكم فيه

ويالربع القانون الجديد ما راح يستمر ... بس اهو فترة الين الناس تعقل وتركد

والدليل عدد الوفيات العام كان لا يذكر .. بس السنين الماضية كانت قطر تتربع على عرش الوفيات نتيجة السرعه في العالم


واقووول لاخوي الي يصرف فلوووس على التزوويد ..... اصرف على نفسك وعلى اهلك ابرك لك



واعذرووني على الاطاله

[قطري زقرت]

قانون المرور في قطع الاشارات انا معاه بس دام فلوس المرور رايحه فالرادارات
ليش مايركبون الاشارات اللي فيها مكتوب كم ثانيه باقيه لين تطفي او تشتغل الاشاره !!!
اما عن التزويد انا مب مع التزويد انا مركب دبات ( غير مزعجه نغمه خفيفه ) وفلتر
واي حد يسمع الصوت يحسبه وكاله لانه غير مزعج
وصوت السياره نفس اي شي لين زاد عن حده انقلب ضده يعني يصير مب شي
والحمدلله شباب قطر حتى لو ركبو دبات مزعجه ماتشوفونهم يتمشون فالفرجان
تلاقيهم على شوارع عامه
وكلامي الاخير لادارة المرور
((( الكبت يؤدي إلى الأنفجار )))

[بو عيسى]

والله يااخوان كلامكم عدل ومع الاسف فعلا كل واحد فينا اكيد فقد شخص غالي عليه وهو شاب والسبب الحوادث
يمكن اذا المسؤلين ماعرفو شلون يردعون الشباب بالطريقه المطلوبه((بعضهم))
بس تذكرو ان مسؤليتهم يحافظون على القانون ويطبقونه ويمنعون حوادث السرعه والسباقات
انا والله مره كنت مع هلي وولدي كنا نمشي بالشارع في امان الله شوي الا جاتني سيارتين يسابقون بالطريق العام والله كنا بنروح فيها لولا لطف الله سبحانه وتعالى
انزين احنا شنو ذنبنا باللي قاعد يصير
بالنهايه اسمحو لي انا طولت عليكم بس بقول لكم كلمتين((لاتبوق-لاتخاف))
دمتم سالمين

[راعي الغزيل]

والله كلامه صحيح

انا واحد انحجزت سيارتي والحين مطلوبه وعندي واسطه وبشيل البلاغ بس لين متى؟

[بومحمد المطاوعه]

*** ملحوظة... لو ضباط
التحريات اسلوبهم محترم وحلو
مع الشباب كان الشباب استحوا
من نفسهم وركدوا بس احنا
ندش على الضباط يهزئ في
الناس لين يقول بس ...

والله صادق في كلامه

اييك شرطي جندي منتف قبل على سيكل من فريج لين فريج

ويوم يوقفك وانت مخالف يقعد يسوي نفسه ضابط

ياريااال ماعندهم شي والله

اهم شي الواحد في اخلاقه

لو ريال وكفو كان تكلم مع الناس عدل مب يقعد يسوي نفسه كلش

مره من المرات شرطي وقفني وطلب مني الليسن بحترام

والله العظيم عطيته الليسن وقلت له سم رد وقال سم الله عدوك

ويقول شخبارك عساك ابخير اقوله والله بخير الحمدلله

قاعد يقرأ الاسم واهو يضحك عادي مب مخيس

وقال ونعم فيك ياخوي

بس بقولك شي قلت له امر

قالي اتمنى منك مره ثانيه ماتلصق ورى الناس وتكبس ليتات عليهم

واتضايقهم قلت له ابشر يالغالي والله اسلوبه احلى من العسل

ومن ذاك اليوم لين اليوم والحمدلله وقفت هاي العاده اني اتم اسندر الواحد واقعد اكبس له ليتات

تدرون ليش ياشباب وقفت هالعاده؟

مب خوف منهم لا ما اخاف الا من الله سبحانه وتعالى

بس المشكله اسلوبه خلاني احط هالشي في بالي

كل ما اقرب من السياره اتذكره بالخير

واهو يقولي حاسب يا خوي لاتعيد هالحركه مره ثانيه

لانك يمكن تدعم سياره فيها ناس كبار في السن

والحمدلله اسلوبه يخليك صج تذكره بالخير

بس في بعض الشرطيين

استغفر الله اسلوبهم اسلوب واحد قاعد في مربط خرفان

الحين اي شرطي يوقفني مخالف او اي شي

ويقعد يفاتن ارد عليه صاع صاعين

اقوله مب جدامك بهيمه علشان تكلمني جي جدامك انسان نفس ما انت انسان

وبعلمكم شي ياشباب

اذا شرطي طلب منك الليسن ولا اي شي وانت متأكد انك مخالف في اي شي

تبي الشرطي ينقهر؟

اذا نزل لك واحد بدون رتبه اتحصله يسوي نفسه قوي علشان يخليك اتقوله الله لايهينك

هاي اخر مره وان شاءالله ما اعيدها

اهنيه الشرطي يرفع راسه يبيك تترجااه

احسن شي شتسوون

يقولك عطني الليسن عطى الليسن واسكت لاتتكلم كلش كلش

لو قالك شي قوله اوكي في مخالفه عطني والله يحفظني

ولو خذ الليسن وبعد عن السياره خطوتين ارفع الدريشه واحكره برع

شوفه اشلون ينقهر

بيموت مايقدر يسوي شي بيعطيك مخالفه الي انت مخالفها وبس


ويعطيكم الف عافيه يالغالين

[Qatarianes]

الضباط في خدمة تهزئ الشعب

[tariq ali]

السلام عليكم

اسلوب الشخص واحترامه لغيره بغض النظر عن طبيعة وظيفته شئ هام
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,


مره وانا في شركه من الشركات عندي معامله ولاقيت شرطي مررور برتبة وكيل قاعد يهدد موظفين على مكاتبهم بأنه بيعطيهم مخالفات مروريه وبيقولهم بنطركم برع دوامكم وباخذ ارقام سياراتكم و اكثر من هذا كان يقول لواحد من الموظفين انه بيعطيه مخلفة عدم انصياع لأوامر شرطي مرور بيتبهدل عليها

طبعا ليش قاعد يهددهم لانهم متصلين عليه علشان يدفع شيكات متأخره عليه

[بومحمد المطاوعه]

الضباط في خدمة تهزئ الشعب


هههههههههههه

الضابط لو فيه خير

خله يهزى الشخص برع دوامه

والله بيفركونه ف القار

[_QTR_]

السلام عليكم جميع

والله يالربع ان في ضباط وافراد لو الواحد تحطه على الجرح يبرىء

وفي افراد وضباط من غير اسامي حرام فيهم انهم يمثلون فئة من فئات وزارة الداخلية

انا عندي موتر تيربو من الوكالة

الموتر ايفولوشن ... وطبعا عليها اكزوز وفلتر وخفايف

على العموم يوم الاربعاء اللي فات دقيت سلف حق الموتر وقلت بروح اتمشى فيه في الكورنيش ... وللعلم الموتر ما اطلع فيه وايد لاني استعمله في حلبة الوسيل

لانهم مانعيين السباق في الشوارع وطبعا فئة كبيرة من الشباب قامت تشارك في الوسيل وحلبة الصناعية

على العموم وانا اتمشلى ومعاي عيالي في الايفولوشن في الكورنيش وطبعا في مرشالاقو جديدة كل ما تمر علي المرشلاقو يدبل لها راعيها ويسمعني صةتها يا بلفيت انه يتحرش

المهم والمراد يوم الخميس الصبح جايني مسج مطراش نصه يقول

يرجى مراجعة قسم حجز السيارات في ابوهامور بخصوص السيارة الفلانية ((رقم السيارة))

طبعا استغربت واتصلت بالمرور عشان استفسر وقالوا لي موترك مطلوووووب صوت

والله العظيم اني استغربت .. يعني شوفوا الرنجات اللي عليها دباب والبي ام m5 والفراري واللمبرغيني وغيره من المواتر اسمعوا اصواتهم

ولا حد يكلمهم

والحين مادري هل اروح لهم والا أخر الموضوع

والمشكلة ان عمري مادخلت هذي الاماكن وواحد بوعيال ومهندس ومدير ادارة

هههههههههههههههههههههههههههههههههه والله اني كل ما ات>كر الموضوع اضحك

خخخخخخخخخخخخخخخخخخخخخخخخخخخ الله كريم

محد عنده واسطة يالربع لووووووووووووووووووووووووول

[بومحمد المطاوعه]

السلام عليكم جميع

والله يالربع ان في ضباط وافراد لو الواحد تحطه على الجرح يبرىء

وفي افراد وضباط من غير اسامي حرام فيهم انهم يمثلون فئة من فئات وزارة الداخلية

انا عندي موتر تيربو من الوكالة

الموتر ايفولوشن ... وطبعا عليها اكزوز وفلتر وخفايف

على العموم يوم الاربعاء اللي فات دقيت سلف حق الموتر وقلت بروح اتمشى فيه في الكورنيش ... وللعلم الموتر ما اطلع فيه وايد لاني استعمله في حلبة الوسيل

لانهم مانعيين السباق في الشوارع وطبعا فئة كبيرة من الشباب قامت تشارك في الوسيل وحلبة الصناعية

على العموم وانا اتمشلى ومعاي عيالي في الايفولوشن في الكورنيش وطبعا في مرشالاقو جديدة كل ما تمر علي المرشلاقو يدبل لها راعيها ويسمعني صةتها يا بلفيت انه يتحرش

المهم والمراد يوم الخميس الصبح جايني مسج مطراش نصه يقول

يرجى مراجعة قسم حجز السيارات في ابوهامور بخصوص السيارة الفلانية ((رقم السيارة))

طبعا استغربت واتصلت بالمرور عشان استفسر وقالوا لي موترك مطلوووووب صوت

والله العظيم اني استغربت .. يعني شوفوا الرنجات اللي عليها دباب والبي ام m5 والفراري واللمبرغيني وغيره من المواتر اسمعوا اصواتهم

ولا حد يكلمهم

والحين مادري هل اروح لهم والا أخر الموضوع

والمشكلة ان عمري مادخلت هذي الاماكن وواحد بوعيال ومهندس ومدير ادارة

هههههههههههههههههههههههههههههههههه والله اني كل ما ات>كر الموضوع اضحك

خخخخخخخخخخخخخخخخخخخخخخخخخخخ الله كريم

محد عنده واسطة يالربع لووووووووووووووووووووووووول





اخوي بقولك شي

مايبيله واسطه ولا شي

موترك من الوكاله عليه صوت

روح ود الموتر

ودبله ريسات لين ماتخلي الايفو تثووور عليهم

مالهم حق اصلن الموتر من الوكاله صوت

خلاص لاتخاف من شي

ويعطيك العافيه

[_QTR_]

اخوي بقولك شي

مايبيله واسطه ولا شي

موترك من الوكاله عليه صوت

روح ود الموتر

ودبله ريسات لين ماتخلي الايفو تثووور عليهم

مالهم حق اصلن الموتر من الوكاله صوت

خلاص لاتخاف من شي

ويعطيك العافيه


حبيبي لا ادبل له ولا شيء

بعدين بتطلع الفضايح هههههههههههههههههه

الله كريم يمكن اراجعهم الاسبوع الجاي

[vanity]

خلها علا الله يا رجااال بدال اهتمامهم الزايد فالسيارات خل يخلوون الامن الوقائي يشدوون حيلهم بدال هالخربطه اللي صايره فالمجمعات ينسوون اشياء مهمه ويركضون حق اشياء تافهه مادري هم مهتميين فالشباب ولا يبوون يغضون ابصار الناس عن اهتمامهم فالامن الوقائي

[عاشق العنافيز]

:victory:بالتوفيق ان شاء الله

^_^

[khalid 88]

والاكثر من هذا

مره اتصلي ولد خالي وقالي تعالي وخذ موتر لان ضرب حزم صغير واتفقعت الدبه عنده وسوت لجه في الشارع

اخذت السياره

وقبل ماوصل البيت جاني احد التحريات (( ممن عرف عنه بالاسلوب السوقي ))

ومثل ماقلتم جندي وشايف نفسه عميد

وبدون تفاهم بحجز الموتر

والله يالربع اكلمه بكل احترام وانا خلاص قدني واصل البيت بدخل السياره

قالي بحجزه

قلتله اول شي الدبه انفقعت وانا جاي

قالي ماعلي منك الموتر فيه صووت ولا لا

الحمدلله ما يبت العيد

قالي ولد خالي خله يحجزه ابوي بيطلعه بكره

وهذا اللي صار

ليش مافي تقدير اقوله شوف الموتر دبته مفقوعه وانا عند البيت

يقولي لا فيه صوت ولا لا

بس وين بيروحون من الله

[بومحمد المطاوعه]

حبيبي لا ادبل له ولا شيء

بعدين بتطلع الفضايح هههههههههههههههههه

الله كريم يمكن اراجعهم الاسبوع الجاي

ياخوووي موترك سبورت عادي لو صوته لين وين

عيل خلهم يمنعون الفراري ولمبرقيني؟

شمعنى الايفو بس ممنوع

ماعليك منهم اتحصله تصرف شخصي مفهي

وتحياتي لك

[سعادة الوزير]

السلام عليكم جميع

والله يالربع ان في ضباط وافراد لو الواحد تحطه على الجرح يبرىء

وفي افراد وضباط من غير اسامي حرام فيهم انهم يمثلون فئة من فئات وزارة الداخلية

انا عندي موتر تيربو من الوكالة

الموتر ايفولوشن ... وطبعا عليها اكزوز وفلتر وخفايف

على العموم يوم الاربعاء اللي فات دقيت سلف حق الموتر وقلت بروح اتمشى فيه في الكورنيش ... وللعلم الموتر ما اطلع فيه وايد لاني استعمله في حلبة الوسيل

لانهم مانعيين السباق في الشوارع وطبعا فئة كبيرة من الشباب قامت تشارك في الوسيل وحلبة الصناعية

على العموم وانا اتمشلى ومعاي عيالي في الايفولوشن في الكورنيش وطبعا في مرشالاقو جديدة كل ما تمر علي المرشلاقو يدبل لها راعيها ويسمعني صةتها يا بلفيت انه يتحرش

المهم والمراد يوم الخميس الصبح جايني مسج مطراش نصه يقول

يرجى مراجعة قسم حجز السيارات في ابوهامور بخصوص السيارة الفلانية ((رقم السيارة))

طبعا استغربت واتصلت بالمرور عشان استفسر وقالوا لي موترك مطلوووووب صوت

والله العظيم اني استغربت .. يعني شوفوا الرنجات اللي عليها دباب والبي ام m5 والفراري واللمبرغيني وغيره من المواتر اسمعوا اصواتهم

ولا حد يكلمهم

والحين مادري هل اروح لهم والا أخر الموضوع

والمشكلة ان عمري مادخلت هذي الاماكن وواحد بوعيال ومهندس ومدير ادارة

هههههههههههههههههههههههههههههههههه والله اني كل ما ات>كر الموضوع اضحك

خخخخخخخخخخخخخخخخخخخخخخخخخخخ الله كريم

محد عنده واسطة يالربع لووووووووووووووووووووووووول





خلهم يولون ولاتروح لهم ، هذا ما اسميه الا تضييع وقت وفلوس الدولة على تفاهات مامنها فايده الا مضايق خلق الله ، لو فيهم شطه خل يخالفون اشغال على الشوارع الي زي الزفت.

[ولد قحطان]

كلامه فيه شي من المعقول
كل الشباب يحبون السيياير ويحبون المسابق
بس مو بمعناها مستهترين