ما الذي يحصل في البورصه؟؟؟؟؟؟؟

[العمده]

الف تحيه للجميع
بصراحه خاطري اعرف شالسالفه في السوق اليوم؟؟؟؟؟

معظم الشركات لمت اب الصبح والكل متفائل وفجاة ينقلب الحال الى اتعس الاوضاع!!!!

:confused: يالربع شالسااااااااااالفه

[السهم الفضي]

للحين ما دشو الهوامير
الصبر زين ياااشباب :d

[المستثمر القطري]

انا اعتقد الي صار اليوم شي طبيعي نسبه الى قرب طرح ناقلات في السوق و توجه معظم المستثمرين الى تسييل اسهمهم لشراء ناقلات و اعتقد لتعويض الي صار في سالفة التخصيص

[سعادة الوزير]

اعتقد ان الوضع لن يكون حسب مايتوقع البعض .. والسبب الرئيسي (وقد يكون الوحيد للأسف) هو شركات الوساطة التعبانه الي موجودة في السوق .. بصراحة جميع الشركات (باستثناء المجموعة) هي شركات اقصى ما يمكنها عمله هو بيع الخضرة في السوق المركزي.

يا جماعة خلونا نكون واقعيين شوية .. جميع الشركات مكانها واحد .. يعني الكل اذا يبغي يبيع او يشتري لازم يروح السوق .. تخيلوا معاي هالسيناريو : اول شي يواجه المستثمر انه ماراح يحصل موقف .. وبعد مايلف ويدور وتضيع عليه اول نص ساعة تداول بيروح الجهة الثانية من الشارع .. وبعدين لازم يقطع الشارع ويتخيل نفسه في السيرك وهو يغلغص نفسه بين بيبات الشارع (تخيلو مليونيرات الخليج في هالموقف!!!!) .. وبعد مايوصل السوق .. وبعد ماراحت عليه اول ساعة تداول ، بيواجه زحمة المصاعد .. وبيقعد يلف ويدور وماراح يحصل الدرج .. الا لما يروح للسيكيوريتي ويسألهم ويتفاجأ ان الدرج في مكان غير منطقي ومحد يتوقعه بالمره!! .. المهم ، مستثمرنا الخليجي المسكين يصعد الدرج وهو يلهث (واتمنى انه يكون من النوع الي باله طويل وانه مايلعن اليوم الي قرر فيه انه يستثمر عندنا) ويروح لمكتب الوساطه ، ويتفاجأ مره ثانيه ان المكتب فيه زحمة .. ومسكين مب عارف اذا كانت السالفة فيها طابور ولا لازم ياخذ رقم وينطر ينادون على الرقم!! .. بالعربي يكتشف في الآخر ان الكل رافع راية (كل من ايدو الو) او (ولكن تؤخذ الدنيا غلابا) .. وبعد مايزاحم الناس ويدز هذا ويركب فوق كتف هذا ويعتذر من هذا يتفاجأ ان المكان الي وصل له مافيه اوراق طلبات .. فايقوم يصرخ على واحد مايعرفه في الطرف الثاني من الطاوله ويقول له (لو سمحت يالحبيب طاولني الاوراق) .. ولما توصل الاوراق ويمليها ويقعد ربع ساعه ينطر الموظف لحد مايخلص مكالمته الهاتفيه مع رفيجه الي محتار اي سهم يشتري مع دخول الاجانب .. يقوم يعطيه الطلب الا الموظف يقول له وين صورة بطاقتك الشخصية؟؟ ويقوم المستثمر مسكين يقول له شتبي فيها؟؟؟ انا ماعطيهم كل بياناتي واوراقي يوم سجلت في السوق!!! .. يقول له الموظف آسف لازم صورة البطاقة مع الطلب .. وفي هذه الاثناء الناس الي وراه قاموا يتأففون ان مستثمرنا الخليجي المسكين خذ وقت طويل وهو يكلم الموظف .. ويسمع الموظف يصرخ (الي بعدوووووووووووووووووو).


وفي النهاية ابي اضيف شغله .. الاكثريه متخيلين ان المستثمرين الاجانب الي راح يدخلون عندنا من النوع الي يبي يشتري وبس .. وباي سعر .. وهذا خطأ كبيييييييير .. المستثمر الي بيغامر وبيستثمر بره بلاده هو المستثمر الذكي والحذر .. وراح يلعبها صح في النهاية.

[رحال]

كلا مكم منطقي ياالمستثمر القطري ويا سعادة الوزير لكن الشكوى لغير الله مذ له وكان الله بالعون وأضيف على

كلا مك الا يام القادمة داخل علينا الحر وتذكر وانت متغلغص بالحديد والرطوبة تلفحك !!!

[سعادة الوزير]

واضيف الى ما سبق انه احنا محتاجين المسؤولين في وزارة الاقتصاد وسوق الدوحة للأوراق المالية انهم يتحلون بشوية شجاعة .. وانهم يطلعون لنا بخطة زمنية واضحة لتطوير اداء شركات الوساطة .. ولا ترى سالفة ندرس ونفكر وقريبا ماتوكل عيش .. وشبعنا منها وارتوينا.

[Le7dan-Qatar]

اي والله كلامكم صحيح

وانا مافي امل ادخل هالسوق

وشلي بعوار الراس

اتصل وانطر ساعتين لين يردوون عليك

ولا انك اتبهدل في الشوارع لين توصل وفي الاخير زحمه

والله مايسوى

وسلامي

[The Edge]

كلامك يا سعادة الوزير دقيق جدا للأسف

[aziz735]

اعتقد احنا أعطينا دخول الاجانب أكثر من حقة وفي نفس الوقت نسينا ان الاسعار مقارنة مابين العام وهذي السنة اكثر من الدبل .......... يعني لين وين بيوصل السعر ,,, لما كان سعر الصناعات 70 معضم صغار المستثمرين قالو لما يصير 100 ببيع بس السهم طااااااااااااااااااااااااااااااااااااااااااااااااا ااااااااااااااااااااار واللي قال ببيع100 الحين يقول لا ببيع 400 انا ما أنكر انه سهم قيادي وقوي ولكن السوق محتاج للوقت عشان يتوازن وعلى اللي اشوفه السوق ما برد الا مع السنه الجديدة وبكون مع الايام الجاية فوق وتحت لفاية شهر 10 شوي شوي برد بس هالمرة بدون اي خوف على السوق.

[العمده]

يعطيكم العافيه يا شباب عالتوضيحات

ودمتم ذخر

[عمران]

انا معاكم ياجماعه لازم اداره السوق تتدخل لالالالالالالالالالالالالازممممممممممممممممممم