مشكلة مع الشاشة وحرارة الكمبيوتر

[بنت ابوها 19]

السلام عليكم ورحمة الله وبركاته


اخواني واخواتي


عندي مشكله
بكمبيوتري:telephone:


انه الشاشه
وااااااااااااااااااااااااااايد ترمش عندي
تصير سوده اسكر الشاشه وفتحها ترد طبيعي

زهقت شسوي :(



وعندي مشكله 2


كمبيوتري هل اليومين
صاير يحترررررررررررررر وايد
وعقبها اذا احتر
يطفي بسرعه
يعني لو خليته ع الكرسي ولا اي مكان يطفي
:weeping:

وللعلم كمبيوتري acer
موديل : aspire 4315


شالحل يليت حد يفيدني

[Msh3l]

السلام عليكم ورحمة الله وبركاته .. اتوقع 90% عندج مشكله بس مش فالسوفت وير فالهارد وير .. يعني يبيلها تصليح وانصحج بخلدون .. في سوفوتيل .. اعرضي عليه المشكله وبيحل لج اياهاا فاقرب وقت ..

[لاداعي]

صبحج الله بالخير أختي.. بنت ابوها 19..

كانت عندي نفس المشاكل الي اتعانين منها..

وسويت حق الكمبيوتر فورمات .. وكل شي رجع طبيعي..


مع العلم الكمبيوتر hp..

[الطبيشي]

اختي سوي له فورمات وبيرجع اوكي


بس لازم تسوينه عند محل محترف مب محل عمال يسرقون نص الكمبيوتر:)

[Mariam]

أختي العزيزة..

بالنسبة للفورمات ما أتوقع يحل لج المشكلة !!

لأن عندج مشكلتين فيما يبدو، الأولى بخصوص الشاشة و تبي لها فني يفحصها علشان يا يبدلها يا يضبّط توصيلاتها..

المشكلة الثانية في المروحة، لأنها ما عادت تأدي دورها في التبريد فبالتالي يحترّ البروسسر و يطفي فجأة.

[بنت الخور]

منهو خلدون اللي بالسوفتيل

وهل اسم المحل خلدون ولا صاحب المحل ؟

لاني ابي اضبط لاب توبي عند واحد فاهم

[Msh3l]

والله انا لسا مالقييت احسن من خلدون فني من قلب بس الضغط عنده كبيييييييير كبييييير .. يعني بيتاخر اللاب توب عنده ..


بادليج محله .. تدخلييين من الباب الرئيسي .. وتمشين لين النهايه ، عقب تلفين يسار .. وعلى طول يمين .. بعدين يسار << والله ما اتطنز ! .. المهم .. بتلقين المحل كله شباااااب .. قطريين ومب قطريين من كل نوع .. اسئلي عن واحد اسمه خلدون .. بيقولون لج عليه ..


Note : ما انصحج تروحين انتي .. المكان كله شبااب ! وما انصحج تـطرشيين الدريول .. لانه بيفهي .. يعني اخوج .. الوالد الله يخليه لكم .. اي حد قطري ! يفهم .. ههههـ ..

ووالله ماقص عليج اختي .. كان عندي توشيبا كويسمو .. خذته بدون ضمان .. ثاني يوم .. انضرب المذر بورد :( .. وديته الشركه قالوا 2800 .. ! عقب انصحوني بخلدوون .. عدل لي اياه بـ 300 ريال .. وكاهو اكلمج منه زي الحلااااااااوه .. مزه .. يعجبج .. !

ههههـ .. تحياتي اخوج مشعل

[بنت ابوها 19]

تسلمون جميعا ع الرد والنصيحه وماقصرتو وجزاكم ربي خير


أخوي مشعل ان شاااء الله بحاول اودي الكمبيوتر وبدبرلي حد يوديه
المشكله ماعندي أخوان

بدبرلي حد يوديه
تسلم عالنصيحه وماقصــرت

[شيط ويط]

اشله بعد خلدون .. وديه الشغل خلي اللي يشتغلون في الدعم الفني عندكم يضبطونه .. انا كل اجهزتي واجهزة اللي يعزون علي اوديها للربع في الدعم الفني عندنا في الدوام .. :secret:

[ولد الشقب]

مكتبة جرير وبس

[ابو ضاري]

السلام عليكم ورحمة الله وبركاته


اخواني واخواتي


عندي مشكله
بكمبيوتري:telephone:


انه الشاشه
وااااااااااااااااااااااااااايد ترمش عندي
تصير سوده اسكر الشاشه وفتحها ترد طبيعي

زهقت شسوي :(



وعندي مشكله 2


كمبيوتري هل اليومين
صاير يحترررررررررررررر وايد
وعقبها اذا احتر
يطفي بسرعه
يعني لو خليته ع الكرسي ولا اي مكان يطفي
:weeping:

وللعلم كمبيوتري acer
موديل : Aspire 4315


شالحل يليت حد يفيدني


اختي الكريمة مشكلتك مشكلة فيزيائية اي في الهاردوير تحتاج الى فني ودي اي فني او وكالته للفحص تحياتي لك


فمان الكريم