......>>>الــحـــمـــو المـــــوووت<<<<.....

[وضحى قطر]

موضوع يخص عضوه لي معرفه فيها في احد المنتديات وشفت مدى اهميته وابي رايكم فيه لاني احس انه يخصني بعد بس انا من جانب الحمو ولي رجعه اقولكم قصتي الشخصيه مع حمااي وابي شوركم فيها باذن الله


{القصه كالآتـــي}
اليوم : الجمعه .. الساعه 1 ظهراً .. وقت تجمعنا في بيت (جدي) على طاولة الغداء
افتقدت وجود (خالي) الشاب .. الغير متزوج على طاولة الطعام
ليس من عادته .. عادتاً يكون اول من يجلس على الطاوله
وتسبقه مزحاته اللطيفه =)

اخذت بالسؤال عنه .. اذا هو في غرفته ومنشغل بلعب (السوني)
.. هلا خالي شلونك .. ترى قاعدين نتغدى =)
.. وكان رده (تغديت قبل لاتجون) ..

قلت له مب من عادتك .. خرجت واغلقت باب غرفته ,, ترك علامة استفهام بانت على وجهي ؟


في نفس اليوم .. ترك لي مسج وكان نصه حرفياً(( ....... (الاسم اللي يحب ان يناديني به) .. ترى اول امس قريت كتاب لأحد المشايخ ويتضمن حديث خلاني اوقف عنده ساعات اللي هو الحمو الموت الحمو النار) .. من جذي حسيت ان في شي يصير في البيت واحنا نشوفه عادي وهو مب عادي

انا مافهمت مقصد الحديث ولا جا على بالي .. وبالاصح ماسمعته من قبل .. سويت سيرج للحديث وطلع حديث صحيح .. وفهمت معناه

طيب الحين اللي انا ابي اتكلم عنه =)

اغلبيتنا نشوف خوالنا او عمامنا او اخوانا مع زوجاتهم يقعدون مع بعض .. مايجي في بالنا ان ممكن الشيطان
يزين وحده فيهم بعين الثاني او العكس ؟

ليش كنا غافلين عن هالحديث الشريف .. انا اشوف اغلبية البيوت في قطر جذي صراحه =)

شلون نقدر نغير الوضع وخاصه اذا شي متعودين نسويه مثل (جمعة الغدا) عندنا

وانت / انتي .. بعد ماتتعمقون بقراية الحديث اكثر واكثر والقصص اللي انا قريتها (اترك لكم المجال اهنيه انتوا تقرون القصص بنفسكم)
هل راح تغيرون من هالوضع اذا كان اصلا متواجد من زمان؟

[سمو انسان]

اللي اعرفه ان الجمعات في بيت الجد تكون معزوله يعني الرجاجيل بنفسهم والحريم بنفسهم !!!

[وضحى قطر]

هذا بالنسبة لبعض العوايل ولله الحمد عايلتنا من ظمنهم وفي عوااايل كثيره عادي ترى وانا اعرف من رفيقاتي كم وحده شخصيا المهم.. بس من جهتي انا اتكلم بشكل عام يعني مثلا قصتي الي باذن الله ابي استشيركم فيها لانه انا عايشه ويا زوجي فبيت ابوه وفي غيره 2 من اخوانه بنفس البيت واحد متزوج والثاني لا اما الباقي طالعين ..المغزى يا خوي بشكل عام الحمى...من اي ناحيه تبي تتكلم فيها ((رايك))

[المخفي]

شوفي شرعاً لا يجوز انه تقعدين مع اخوان زوجك ويجب ان نتقيد بكلام الرسول صلى الله عليه و سلم لانه لا ينطق عن الهوا ان هو الا وحي يوحى انا ساكن في بيت ابوي و زوجتي ما تقعد مع اخواني و ما ترفع الغشوة عن ويها في وجودهم يمكن تقولين عادي و ما فيها شي بس هذا كلام الرسول صلى الله عليه و سلم و هو ادرى منا و غير هذا انا غيور جداً جداً و ما ارضى اي رجل يشوف زوجتي حتى لو اخوي و ترى انتي الي بتتعبين قبل غيرج اذا جلستكم مختلطة و بتموتين قهر لو زوجك تكلم مع غيرج و ضحك وياها صدقيني

[سمو انسان]

اختي ردي السابق كان بمثابة جواب للسؤال اللي نطرح نهاية القصه

ام عن الجزء الثاني من الموضوع
فرأيي من رأي اخوي المخفي

وعلى كلا الطرفين معرفة واجبهم

وعندي وجهة نظر بس ما اقدر اطرحها لانه هذا مش من حقي

[وضحى قطر]

شوفي شرعاً لا يجوز انه تقعدين مع اخوان زوجك ويجب ان نتقيد بكلام الرسول صلى الله عليه و سلم لانه لا ينطق عن الهوا ان هو الا وحي يوحى انا ساكن في بيت ابوي و زوجتي ما تقعد مع اخواني و ما ترفع الغشوة عن ويها في وجودهم يمكن تقولين عادي و ما فيها شي بس هذا كلام الرسول صلى الله عليه و سلم و هو ادرى منا و غير هذا انا غيور جداً جداً و ما ارضى اي رجل يشوف زوجتي حتى لو اخوي و ترى انتي الي بتتعبين قبل غيرج اذا جلستكم مختلطة و بتموتين قهر لو زوجك تكلم مع غيرج و ضحك وياها صدقيني

المشكله يا خوي اني مع المعارضين وفي البيت ارفض انه حد من اخوان زوجي يشوفني بس مشكلتي بقولها الحين



انا مثل ما ذكرت بالاول ساكنه فبيت اهلى زوجي يعني ما عندنا بيت مستقل اخوان زوجي (4) متزوجين ومستقلين ببيوتهم و (2) معانا فالبيت (1) متزوج وعنده ولد وبنت صغار و(الثاني) مهوب متزوج ..انا ولله الحمد بما اني زوجة اخر من تزوج من العيال فكان من نصيبنا انه نسكن بالملحق والملحق فيه الله يعزك حمامه الخاص ومطبخه الخاص بعد الله يعز زوجي مثل ما عزني بشوية خصوصيه .المهم المشكله بالي اشوفه من حماتي (زوجة حماي ) مرااهقه من الطراز الاول مثل ما يقولون يعني داايما تدور فالبيت وهي طبعا مثل ما الكل يدري انه فيه رجال خلكم من زوجي ملتزم و ما يدخل الا وانا وياه ودايم يقولي امشي قبلي يعرف فبسوالفها ولا يرضاها علي ولا على نفسه بس هم بعد صارت كم مره يقعد ويا عمي (ابوه) وتقوم تدخل وتسوي نفسها ما تدري او يكون عندها خبر اكون قايلتلها ترى زوجي واخوانه كلهم عند عمي تقوم تمر قدام الباب :anger1: او تقعد تتكلم بصوت عالي والله لدرجة اني انا استحي لما يسمعون صوتها ..نجي للطامه الكبرى حماي الثاني مهوب متزوج يعني مسيكن لين الحين مهوب محصن نفسه هي غرفتها فالدور الي فوق تنزل من غير حتى لا تطرش الخدامه او تتاككد انه مهوب موجود وربي انها تكشخ وتتمكيج وتلبس لزوجها لبس( من غير تفصيل اكثر) وشووف عيني والله تنزل رايحه راجعه زوجها للاسف احس ما يقولها شي لو انه منبهها او مهددها بانه لو شافها حد من اخوانه راح تصير لها مشكله كان تسنعت بس هي حتى بوجوده صوتها يكون عالي سمعها زوجي واخوانه تتغزل بعيالها يقولي والله انها قليلة حيا هي صدق تكلم عيالها بس الكل سمعها ومهوب حلوه يسمعون وحده غريبه تقول كلام مثل هذا وهي عارفه بانه في حد تحت ..انا جد منغصه منها خصوصا بعد ما وصلني كلام من زوجي بانه واحد منهم قال عنها شي او بوضوح اكثر تغزل فيها هو يمكن كان يبي يفضفض بحسن نيه بس الموضوع صار خطير ولو حد من حريم الباقيين درو عنها او عن الي صار وش دراكم وش بيصير والله ممكن تصير طلاق ... الشيطان دخل بسبب فعايلها ..
انا والله اكثر شي حار قلبي مثل ما انت ذكرت (المخفي) على زوجي ومهوب عارفه شلون ابعده عن المرات الي تصير بسبب استهتارها والاشيا الي تقهر الي تسويها بعد مهوووب معقوله احرم زوجي من الدخله والقعده ويا ابــووه ترى والله يا ما صارت مشاكل بيني وبينه لانه بطبعي غيوره وااجد صدق يكون غصب عنه بس تصير للاسف بلحظه غضب
دلووني والي يعافيكم

[وضحى قطر]

اختي ردي السابق كان بمثابة جواب للسؤال اللي نطرح نهاية القصه

ام عن الجزء الثاني من الموضوع
فرأيي من رأي اخوي المخفي

وعلى كلا الطرفين معرفة واجبهم

وعندي وجهة نظر بس ما اقدر اطرحها لانه هذا مش من حقي

ردك على راسي اخوي

وراي اخوي المخفي انا من المؤيدين له ..
اما بخصوص وجهة نظرك فيهمني اسمعها لو تكرمت ممكن تفيدني

[مالي ومال الناس]

اتمنى الاتفاق يكون بين الرياييل افضل .. يعني عمك وزوجك واخوانه يتناقشون في الموضوع على غدا وينبهون بعض .. ويتفقون على الخير

[المخفي]

المشكلة من اخو زوجك انه ما سنع مرته و لا وقفها عند حدها و لذلك تحصلينها كل مالها و تتمادا اكثر و اكثر عندج طريقتين الاولى انج تنصحينها انها الي تسويه حرام و انه ما يجوز شرعاً و تنبهينها و الطريق الثاني انه تخلين ريلج ينبه اخوه و يوقفها عند حدها

[سمو انسان]

اي خطوه غير سليمه في هذي المسأله ممكن تادي الى مشاكل كبيره

المفروض توصلون هذا الحديث والمعلومه بطريقه غير مباشره للرجال وخلوه يتصرف لانه لعل وعسى انه غافل عن هذي المعلومه ويحسب انها جزء من العادات والتقاليد

[روض]

بل الله يعينج بصراااااااااااااحه قهر

شوفى انا لو منج اسطرها كف اعدل راسها المفتر<<قويه صح خخخخخخخخخخخخخ

لا يمه انصحيها واذا مافى فايده خلى ريلج يجتمع مع هلها فى المجلس الى برا مهب لازم يدخل البيت وهى موجوده اذا اذلفت بيت اهلها

يدخل عادى بس هى موجوده لا

[الكايد احلى]

اذا كانت ساكنة مع اهله في نفس البيت ماهو الحل تحبس روحها بالغرفه ؟؟



الحل الستر وهي مجبوره انها تقعد معاهم بس بالستر وماتقعد معاهم لحالها يعني لما يكون زوجها موجود او عمتها او عمها ..


وهذا رايي انا الشخصي

[الكايد احلى]

اختي وضحى كاااااااااااااااااااان الله في عونك حتى لو رجلك ملتزم غصب عنه بيشوووف ..


بعدين ياقلبي لو رجلها موريها العين الحمرا كان حرمت تنزل تحت الا وهي محتشمه ..


وناس تحشمها وناس تحشم نفسك عنها

[سهم متردد]

اتمنى الاتفاق يكون بين الرياييل افضل .. يعني عمك وزوجك واخوانه يتناقشون في الموضوع على غدا وينبهون بعض .. ويتفقون على الخير



اايد كلامك بس اظن لازم حماج يزيد من وازعه الديني

وعفواً على التتعليق (رجال آخر زمن)
على العموم اصبري ولكن بتقدم يعني كلمة على نغزه على قرصه ممكن الامر يتضح

[ALREEM]

انا قريت كل الردود واتوقع ان هالنوعيه من الحريم ماتجي بالنصيحه ..اذا نصحتيها بتهاجمج بالردود وانتي اللي بتاكلينها .. << انتي تعرفينها احسن منّا وانتي ابخص بالتصرف اللي المفروض انج تتصرفين به معاها

بس انا اشوف ان الرجاجيل مثل ماقال اخوي سمو انسان يقولون لزوجها بس بطريقه غير مباشره ..
تقبلي مروري والله يعينج على ما ابتلاج .. ^_^

[فرقة الصقور]

اتصور انج ماتسوين شي بدون علم زوجج معاها

وانتي قلتي كلمة خطيرة انها تنزل بملابس غير محتشمة..!
اذا فعلا تنزل بملابس غير محتشمة المفروض ان رجاجيل البيت يتصرفون معها ومع زوجها

[سمو]

ما ادري يا اختي عن حل مشكلتج اظن انتي واهل بيتكم ادري بالحل بحكم انكم عيلة واخبر بظروفها

اما مسألة ان اغلب اهل قطر وعوايلها تسمح باختلاط فأكيد لا ..ولي يقولج انه ولا حتى والله تعرف شكل زوج اختها ونفتخر ان عايلتنا من الطرفين ما ترضى بالاختلاط لأن ما وراه الا الغثى ووجع الراس ومهب من عوايدنا خصوصا هلي يصير في جمعات الولايم اشلون الوحده تأخذ راحتها وتاكل وتسولف في حضرة غرب اشوفها صعبة حيل ..

الله يعينج على ما تقاسينه