المساعد الشخصي الرقمي

مشاهدة النسخة كاملة : برنــامج ((( بعنــا وشرينــــــا)))3/4



مغروور قطر
03-04-2005, 10:46 AM
مرحبا فيكم اخواني والله عني انا مخيب اللأمل وسوق كان فيه مد وجز وماشريت ولا بعت وان شاء الله يكون بكره وضعه افضل



مرحبا مليووووون فيكم :confused:

الدانة عنود
03-04-2005, 10:50 AM
انا متفرجه
سوقنا عجيب

امش عكس التوقعات

تفلح

مغروور قطر
03-04-2005, 10:51 AM
صحيح اختي بس ان شاء الله خلال الايام سوف يكون هناك ارتفاعات بأذن الله

boabdullah
03-04-2005, 10:57 AM
مرررررررحبا

اليوم الصراحة يوم غريب

يعني الكل كان متفائل بأن يكون فيه أرتفاع وأنـــــــــــــــا منهم

لكن أيش اللي حصل ؟؟؟؟؟

المهم أنا شريت اليوم في وقود وأنا على ثقة بأرتفاعها الأيام الجاية

والله يوفق الجميع

بوعبدالله :confused: :confused:

bo_yousif
03-04-2005, 10:58 AM
في البداية احب اشكرك على هذي الجهود ...

لكن اليوم شي عجييييب مع دخول الاجانب يكسب السوق 151

وبدون دخولهم يكسب اكثر !!!!! لكن أظن ان السوق في دربكه

الحزين
03-04-2005, 10:58 AM
كل السيولة اللي عندي حولتها الى أسهم في الايام اللي راحت .. وجلست اليوم اترقب بس .. لاشريت ولا بعت ..
وإنشاءالله السوق للأحسن في الأيام الجاية ..
واللي حصل اليوم يبين عليه حالة ترقب من القطريين والأجانب .. وحدثت بعض التقلبات ... وللأحسن الأيام القادمة بإذن الله

قطر
03-04-2005, 11:01 AM
السلام عليكم اخواني

مع انتهاء اليوم التاريخي في سوق الدوحة
نرى
15 انخفاض
12 ارتفاع
1 ثبات

والعقارية لم يتم تداولها اليوم وغدا اول يوم لتداولها

بالنسبة للدولي يعود الى التداول بقوة


الاهلي والخبر الذي لم يفكر فيه الجميع ... والذي تم الاعلان عنه
وهو عدم السماح بتملك اكثر من الاسهم المتملكه للبحرينيين اثر على سعر السهم

بعد انا كان 160 في بداية الجلسة ،،،، نزل الى 146.7مع نهايتها....

السوق توقعته ينزل اكثر على الهدوء اللي صاحب بداية الجلسة

وقد حصل هذا بالفعل في بعض الشركات نتيجة خوف صغار المستثمرين

لكن الشركات القوية صمدت حتى لو نزلت عن سعر بداية الجلسة فلا يعتبر نزول

اما الشركات التي ستوزع ارباح مجزية ستعود الى الارتفاع في توقعي

واتمنى اللي عنده اسهم لها ارباح مجزيه لايستعجل ويبيع...



طولت عليكم:)

اليوم انا مجرد مشاهد لحركة السوق وعمليات البيع والشراء وعمليات الاضافه


وهلا بكم ... المايك لمنووووووووو؟؟؟

:cool:

سلطان
03-04-2005, 11:03 AM
شباب في توجس واضح من الاجانب في الدخول للسوق من اول يوم والاهم التفكير قبل العرض يعني اللي يشوف

شركة عليها طلب صفري وعرض بعشرات الاف لا يعرض هو بعد ويزيد الطين بله

ابوسعود
03-04-2005, 11:04 AM
منورر اخوي

قطر


انا اليوم طبعا مشاهد

وشكرا

قطر
03-04-2005, 11:05 AM
بوجودك ابوسعود
:)

تسلم

roadrunner
03-04-2005, 11:08 AM
السلام عليكم ...

النزول متوقع وخاصة ان الأكثريه من هل قطر حاطين في بالهم ان اليوم يوم البيع ... واتوقع ان الإرتفاع بيكون من الاسبوع الجاي انشالله ... والله المستعان

boabdullah
03-04-2005, 11:12 AM
قطر

مرررررراحب

هذه المشكلة اللي تواجهنا أو بالذات المساهمين الصغار

مشكلة (((( الخوف ))))

بعدين مادري أنا أحس اليوم مثل كل يوم يعني ماحسيت بدخول أي أجنبي

هذا رأي !!!

بوعبدالله

نوكيا
03-04-2005, 11:18 AM
انا عن نفسي من بداية السوق ماتوقعت اشوف كميات قليله من الطلب
قبل دخول الاجنبي كان الوضع اقوى بكثير وتداول قوي
مادري شنو السبب ؟ :(
وانا بعت الصناعات من بداية السوق :)

إستفسار:: سعر العقارية بيبتدي من كم ؟؟؟؟؟؟؟؟؟؟

بيـــزات
03-04-2005, 11:18 AM
كلام سليم يا بو عبدالله

الاجانب توجهوا للشركات القويه... وبحذر وخبره

مثل ماتفضلت اليوم كان نفس الايام الاخرى ولو انه صاحبه نزول طفيف لبعض

الشركات وراح تستمر هاذي الموجه لحين يوم الخميس او بداية الاسبوع الجاي..

انا اليوم اجريت صفقة تعديل على الصناعات بعت النص على 238 ورديت شريتها على 231

وبنشوف الايام الجايه

وموفقين جميعا .. بس هاه !!! الحذر الحذر

سلطان
03-04-2005, 11:22 AM
الاسهم القياديه والاسهم اللي عليها ارباح راح تحافظ على اسعارها اما اسهم الخشاش راح تنزل

وانا اتفق مع الاخ بوعبدالله اليوم كان يوم عادي ولم نشعر بوجود الاجانب

مغروور قطر
03-04-2005, 11:29 AM
ياجماعه الي حصل اليوم اعتقد ان الاجانب مادخلو طلباتهم للامتصاص حماس السوووق ونزول السوق بأكبر قدر ممكن وتمكنهم من الشراء ولاكن ((( احنا لها لاثار دخانه ))) ونحافظ على عدم عرض الاسهم في الوقت الراهن

حالي الذوق
03-04-2005, 11:58 AM
السلام عليكم

الحمد لله اليوم بعت الصناعات بسعر ممتاز وبعت المتحده ورديت شريت الصناعات بسعر ارخص

ق2

وشريت في المصرف وكنت ناوي اشتري في السلام بس ما ادري شلي خلاني ما اشتري مع ان سعره ممتاز للشرا ق12

مغروور قطر
03-04-2005, 12:00 PM
حالي الذووق الله يوفقك وتصرف حلو وناجح

قطر
03-04-2005, 12:54 PM
بوعبدالله
هلا والله

صغار المستثمرين هم اللي بيخربون السوق من تخوفهم الزائد

وطبيعي مااتحس بدخول الاجانب
لان العالم متوقعه عمليات لم للاسهم بشكل خيالي

وهذا خطأ

اللم ايصير بهدوء

وهنا فن اللعب

من قبل قلت لكم اللي يبي يشتر وينزل السهم
مايحط طلب الشراء ب 15000 الف سهم مثلا مره وحده

لا

ايحط 1000 سهم على السعر الادنى

و1000 ادنى منه

لما ايشوف استقرار على سعر ويكون نازل

يشتري بهدوء

بدل مايحط 15000 الف سهم ويتعزز البائع ويرفع السعر


:) معاي؟

عندهم فن حلو ويلمون بهدوووء

***
نوكيا

كم سعر المتوسط اخر يوم ؟؟ بقولك كم بتفتح
او بسهوله اخذه واقسمه على 1.05

***

بيزات

ليتك بعت من اول السوق على 247

بس الحمدلله صفقه حلوه

الله ايوفقك
***
مغرور قطر

والله كلامك صحيح يبون يمتصون الحماسه

بس لو الناس ماتبيع واتظل على سعر معين

كان الشراي ماصمد وايد

:)

بوووووووووووووعلي اليافعي وينك اليوم

انتعااااااااش شخبار صفقاتك او انت اترقب مثلنا

قطري اي انت ؟؟؟

ابوعلي اليافعي
03-04-2005, 12:57 PM
اليوم اتصلت فالبروكر الساعه 9وخمس دقايق لتنفيذ امر شراء فذكر ان السيستم لا يستطيع تنفيذ اوامر الشراء واستمر الوضع حتى التاسعه والنصف وكان السيستم عطلان في معظم المكاتب اعتقد ان ماحدث اثر نفسيا في المستثمرين عندما راوا اوامر البيع اكبر من الشراء ..نتمنى عدم تكرار ماحصل اليوم خاصه في هذه المرحله الهامه..طبعا اليوم بالنسبه لي كان بعيد عن التوقعات هدوء قاتل اسعار متدنيه تداولات اقل من المعتاد ..اظن الوضع لازال في مرحلة الترقب من جهة الاجانب...وسنرى ماذا سيحدث فالغد..ودمتم


ألله ايسلمك المهمة لم تتم :rolleyes:

إنتعاش
03-04-2005, 01:00 PM
هلا فيكم اخواني الكرام

والله اليوم مراقب للوضع من بعيد . .

ولكن حطيت بقية السيولة المتوفره لدي هاليومين


وشريت

في الدولي الاسلامي

والحمدلله تنفذت الصفقه :)

مغروور قطر
03-04-2005, 01:00 PM
يسلمووو شباب بو علي يمكن فيها خيره على التأخير والله يوفقكم ان شاء الله

سهم طايش
03-04-2005, 01:10 PM
الله يوفقكم يا رب فيما شريتوا و بعتوا

و انا بعت الصناعات ب247 اول افتتاح السوق و شريتها بعدين ب233 و الحمدلله

و بنشوف شلون بكره

انشالله الوضع يتعدل بكره

شاهيناز
03-04-2005, 01:12 PM
لابعنا ولا شرينا
من يومين الحمدلله
رتبت كل اموري
بعت الاسهم الي تجيب الضغط
في انتظار النقالات

بس الي ملاحظته ان الغالبيه

تظن ان الاجانب هم الي يبحركون السوق
وكأنا محتاجين لهم حتى يرفعون الاسعار
الاجانب فتح لهم الباب وللابد ان شاءالله
ولهم 25%
وعلينا ماننتظر الكثير منهم
وسلامي

مغروور قطر
03-04-2005, 01:12 PM
اخوي انتعاش صفقه موفقه وانا ناوي اشتري في دولي بس استثمار طويل الاجل اخوي سهم طايش ضربه حلوه والله يوفقكم

ضايق الصدر
03-04-2005, 01:32 PM
لابعت ولا شريت خفت اضارب بعدين
ايخونوني المجموعه

عمران
03-04-2005, 02:28 PM
مرحبى شباب ............. انا واحد كنت متوقع هذا الانخفاض وكتبت عنه تحت عنوان ((((((( مفاجأة انخفاص البورصع بعد دخول الاجانب))))))))))))))

http://www.qatarshares.com/vb/showthread.php?t=2405

الخبير المالي
03-04-2005, 02:38 PM
يعطيك العافية اخوي عمران بس المؤشر اليوم طلع 152 نقطه وكان التغير كالتالي

البنوك صعود 3.10%
التامين صعود 3.12%
الصناعة صعود 1.74%
الخدمات نزول -1.32%
والمؤشر بشكل عام صعد بمايعادل 1.36%

Le7dan-Qatar
03-04-2005, 02:41 PM
اليوم يوم القطريين
مافياجانب كلش

انا سمعت انا هندي ومصري شروو اليوم بسسسس

مادري يمكن اشاعه ولا يتطنزوون :)

لكن الاكيد الي دخلو من الاجانب معدودين على الاصابع

بـوصـالـح
03-04-2005, 03:48 PM
انا قعدت اناظر السوق من فتره الى فتره

لا بيع ولا شراء

والسوق شكله بيطلع بالشركات القويه اما الشركات الضعيفه اعتقد راح تتطيح بس مب وايد

وخاصة اذا نزل الغاز ب 60 او 70

رح يدمر الشركات الصغيره

وثانكس

قطرنا
03-04-2005, 08:27 PM
الســــلام عليكم اخواني وخواتي ...... احب اقووول كلمه لكم خذوها مني
ماعليكم من الحجي اللي يكتبونه والتوقعات الغير منطقيه من بعض الاخوه
الاهم يا اخوان البيع والشراء والخروج بالربح يعني ما تعطون دخول الاجنبي
معيار كبير تستندون له .... تحملوا
وبعدين بعض الاخوه طلبوا ان لا يبعون في ايوم عشان السعر يطلع .... يا اخوان
اسمعوني بيعوا متى ما لقيتوا ربحكم بيدكم ...... لا تظنون ان تكاتفكم راح يرفع من السوق
والسبب ..... البنوك والبروكريه والمحافظ الاستثمارية

هل بيتكاتفون معاكم ....؟؟؟؟؟؟

اتمنى لكم التوفيق

قطرنا