المساعد الشخصي الرقمي

مشاهدة النسخة كاملة : سوآقة البنات


ALREEM
09-05-2009, 07:53 PM
حبيت اطرح هالموضوع لتبادل الآراء ومناقشة الاسباب في الموافقه او الرفض

هالايام اشوف بنات واجد يسوقون وكل وحده عندها سياره آخر موديل .. وفي بعضهم اهلهم مصرحين لهم للجامعه بس ( لأن في اماكن ماتدخلها بالسياره الا اللي تسوق واللي ماتسوق تمشي )

قبل كمن يوم كنت اتكلم عن السواقه وانها عيب يعني .. قالتلي وحده باستهزاء: "انتي مصدقه اصبري شوي يبا وبتشوفينها صارت عادي ,مثل الجوال ف البدايه عيب عيب ومايرضون والحين حتى البزران يستخدمونه"

شرايكم ؟
صوت قطر
09-05-2009, 07:59 PM
ليش لسواقه عيب ؟؟

ممكن أفهم
ليث العرين
09-05-2009, 08:03 PM
هو مب عيب

بس أسبوعيا الواحد يشوفله دعمه دعمتين مسببين زحمه ويكونون حريم

ومتجمعين هنود وناس والي يهرن والثاني يصرخ

فليش أنحط المراة في هالموقف
ALREEM
09-05-2009, 08:05 PM
انا مااقول انها عيب !

في ناس يشوفونها عيب وفي ناس يشوفونها عادي واظنتي قله اللي يشوفونها عادي (( وانا اتكلم عن البنات اللي ياخذون الليسن من يصير عمرهم 18 سنه ..))

ويوم اكتب فوق انها عيب كنت اتناقش مع ربعي (( ليش الناس يشوفونها عيب والعكس ))

وللعلم انا مؤيده ان البنت تسوق لكن بشروط لازم تتوافر فيها ..

ويعطيك\ج العافيه
المزن الرياني
09-05-2009, 08:06 PM
وين العيب أختي في سواقه المرأه ؟!

السواقه بحد ذاتها مب عيب للمرأه .. العيب في تصرفات بعض السائقات
صوت قطر
09-05-2009, 08:06 PM
انا مااقول انها عيب !



ويعطيك\ج العافيه



أوكيه فهمت
ALREEM
09-05-2009, 08:07 PM
هو مب عيب

بس أسبوعيا الواحد يشوفله دعمه دعمتين مسببين زحمه ويكونون حريم

ومتجمعين هنود وناس والي يهرن والثاني يصرخ

فليش أنحط المراة في هالموقف

اخوي يعني انت تأيد (اختك\مرتك\وحده من اهلك) تسوق اذا كانت صغيره ؟
صوت قطر
09-05-2009, 08:09 PM
اخوي يعني انت تأيد (اختك\مرتك\وحده من اهلك) تسوق اذا كانت صغيره ؟

حددي معنى صغيرة
ALREEM
09-05-2009, 08:11 PM
وين العيب أختي في سواقه المرأه ؟!

السواقه بحد ذاتها مب عيب للمرأه .. العيب في تصرفات بعض السائقات

اشكرك اخوي




ياجماعه لاحظوا ان انا محدده البنآآآت البنآت الصغار اللي تتراوح اعمارهم مابين الــ18 و الـ 30 .. واحب اخص الغير متزوجات
مطـر
09-05-2009, 08:12 PM
عادي شفيها لوتسوق موباحسن من انها تطلع بروحها مع الدريول
صوت قطر
09-05-2009, 08:14 PM
اشكرك اخوي




البنآت الصغار اللي تتراوح اعمارهم مابين الــ18 و الـ 30 .. واحب اخص الغير متزوجات

أيش دخل الزواج في الصغر والكبر

من 18 - 30 صغيرة

الله يهداك

30 وما تزوجت ما يسمونها صغيرة يسمونها كلمة أخرى

يجب تحديد كلمة صغيرة علشان النقاش يكون صحيح
مروض المهـرة
09-05-2009, 08:17 PM
انا الصراحة غير مؤيد وبشده لا انها تسوق ولا انها تروح مع السايق بروحها

رأي شخصي
ALREEM
09-05-2009, 08:21 PM
أيش دخل الزواج في الصغر والكبر

من 18 - 30 صغيرة

الله يهداك

30 وما تزوجت ما يسمونها صغيرة يسمونها كلمة أخرى

يجب تحديد كلمة صغيرة علشان النقاش يكون صحيح

ههههههههه

وشهو السن القانوني لـــ الليسن ؟

18 وما فوق .. بهالطريقه تكون كلمتي صح في صغيره يعني انا ماقصد المتزوجه وعيالها طولها

والزواج له دخل كبير .. يعني المتزوجه بينها وبين الغير متزوجه فرق كبير ..

تسلم اخوي
ALREEM
09-05-2009, 08:23 PM
انا الصراحة غير مؤيد وبشده لا انها تسوق ولا انها تروح مع السايق بروحها

رأي شخصي


اخوي مروض المهره نبي اسباب ..

ليش مب مأيد ؟؟

^_^
صوت قطر
09-05-2009, 08:25 PM
ههههههههه

وشهو السن القانوني لـــ الليسن ؟

18 وما فوق .. بهالطريقه تكون كلمتي صح في صغيره يعني انا ماقصد المتزوجه وعيالها طولها

والزواج له دخل كبير .. يعني المتزوجه بينها وبين الغير متزوجه فرق كبير ..

تسلم اخوي



أختي الريم

دخلت ورديت على موضوعك رجعت لقيت موضوعي طار

هل تعتبرين البنت فوق 23 سنة معقول تسوق لكونها في هذا السن تخرجت من الجامعة ودخلت مجال العمل أم إنها ما زالت صغيرونه
مطـر
09-05-2009, 08:28 PM
انا الصراحة غير مؤيد وبشده لا انها تسوق ولا انها تروح مع السايق بروحها

رأي شخصي

بس هاي يحتم عليك انك انت توديها وتجيبها كل مكان سواء كان هالمكان ضروري اوغير ضروري طبعا مشاويرها ومشاوير العيال ومشاوي الخدامه وكل شي
من من الرجال الحين له طولة بال على هالشي :secret:
طبعا هاي من الي اشوفه انا مالي خص:nice:
مروض المهـرة
09-05-2009, 08:28 PM
اخوي مروض المهره نبي اسباب ..

ليش مب مأيد ؟؟

^_^

احتفظ بالأسباب http://www.qatarshares.com.qa/data/208/211/storm_929905587_407280263.gif
سمو
09-05-2009, 08:32 PM
بالرغم من اني اسوق اختي بس ما راح ارضى بناتي يسوقون الا بعد ما يصير عمرهم 25 وفوق احس النضج مهم في هالموضوع اكيد بسمح لهم يتعلمون ويروحون ويجون بصحبتي بس لحالهم ما اظن والله لا يحدني ولا يحدهم ..ما اشوف في سواقة الحريم منقود ابد على عكس طلعتهم مع السايق الي اشوفها اكبر عيب اذا ما كان معاهم محرم اقلها عمره فوق 12 مهب ياخذون بزر عمره 8 سنوات وتقول اخوي موصلني
ALREEM
09-05-2009, 08:35 PM
احتفظ بالأسباب http://www.qatarshares.com.qa/data/208/211/storm_929905587_407280263.gif

اللي ودك ..


بس اللي ودنا انك تفيدنا باسبابك للمعارضه .. يعني يمكن نغير راينا
ALREEM
09-05-2009, 08:38 PM
أختي الريم

دخلت ورديت على موضوعك رجعت لقيت موضوعي طار

هل تعتبرين البنت فوق 23 سنة معقول تسوق لكونها في هذا السن تخرجت من الجامعة ودخلت مجال العمل أم إنها ما زالت صغيرونه

انا عن نفسي اعتبرها صغيرونه على السواقه (( ماعدا اذا توافرت فيها بعض الشروط النادر توافرها ف بنات هالايام ))
مروض المهـرة
09-05-2009, 08:41 PM
بس هاي يحتم عليك انك انت توديها وتجيبها كل مكان سواء كان هالمكان ضروري اوغير ضروري طبعا مشاويرها ومشاوير العيال ومشاوي الخدامه وكل شي
من من الرجال الحين له طولة بال على هالشي :secret:
طبعا هاي من الي اشوفه انا مالي خص:nice:

الضروريات لها اولويه لازم اوديها اما اذا اشياء غير ضرورية فيكون لها يوم معين دام انها موب شي ضروري ، بالنسبة لطولة البال الحمد الله بالنسبة لي بالي طويل ولكن في حدود الضروريات http://www.qatarshares.com.qa/data/208/211/storm_929905587_407280263.gif اما الشي اللي موب ضروري يترتب له يوم ويكند :nice:
>>> غــمـــوض <<<
09-05-2009, 08:41 PM
اكــيد مب عيــب
السواقــه مافيها اي شي ،.،
انــه خذت الليســن من عمري 19 سنــه ولله الحمد مرتـاحه اروح لجامعتــي واطلع منها في الوقت اللي ابيــه ،.، لا انطــر دوريول ولا غيــره
بصراحــه السواقــه فادتني وااااااااااااااااااااااايـــــــد
اصلا انـه افضل البنات يسوقون احسن من انها تركبــــ مع رجال غريــبــــ\\/\/\/\/\

بصراحــه استغرب من اللي ينظرون للسواقــه على انها شي عيــب ،.، شالعيب في هالشي نبي توضيــح !!!
عضو نشيط
09-05-2009, 08:44 PM
انا الصراحة غير مؤيد وبشده لا انها تسوق ولا انها تروح مع السايق بروحها

رأي شخصي


وأنا معاك من الجهتين ،، إنها ماتسوق ولا تروح بروحها مع الدريول ،،،

هذا ،،، أيضاً رأيي الشخصي .
صوت قطر
09-05-2009, 08:44 PM
انا عن نفسي اعتبرها صغيرونه على السواقه (( ماعدا اذا توافرت فيها بعض الشروط النادر توافرها ف بنات هالايام ))



طيب أنا سوف أقول رأيي بعد معرفة تصورك للصغيرة

أنا مع سواقة البنت في السنة الأخيرة في الجامعة أو في حال دخولها للعمل بشرط بلوغها سن الثالثة والعشرين

لأن المرأة في هذه السن هي إمرأة ناضجة وتتحمل مسؤوليتها بجدارة

أما في سن 18 فهي مراهقة

كما أطالب برفع السن الذي يمنح للشاب برخصة القيادة من سن 18 إلى سن 21 لكونه في سن 18 ما زال الشاب طائش

والشيخ فهد بن جاسم توفى بسبب طيش شاب عمره 20 عام
بنوته
09-05-2009, 08:52 PM
السلام عليكم ورحمة الله وبركاته

المفروض البنت تكون معززه مكرمه تقعد في السياروه ولي امرها (ابوها اخوها زوجها ولدها ) يقضي مشاويرها

بس الواقع شي ثاني ...

صار الليسن شي اساسي للبنت
المعيشه صارت جدا غاليه والدرويليه كله يشردون وللاسف في ناس منا وفينا طمعهم بالزياده...والشوارع زحمه ...والمصيبه اللي ماتخطر على بال المدارس المستقله اللي جنب البيت ماتقبل الا طفل واحد والثاني ينحذف في قلعة وادرين ...

............

الله يوفقكم

سبحان الله وبحمده ...سبحان الله العظيم
عضو نشيط
09-05-2009, 08:58 PM
اكــيد مب عيــب
السواقــه مافيها اي شي ،.،
انــه خذت الليســن من عمري 19 سنــه ولله الحمد مرتـاحه اروح لجامعتــي واطلع منها في الوقت اللي ابيــه ،.، لا انطــر دوريول ولا غيــره
بصراحــه السواقــه فادتني وااااااااااااااااااااااايـــــــد
اصلا انـه افضل البنات يسوقون احسن من انها تركبــــ مع رجال غريــبــــ\\/\/\/\/\

بصراحــه استغرب من اللي ينظرون للسواقــه على انها شي عيــب ،.، شالعيب في هالشي نبي توضيــح !!!


التوضيح من وجهة نظري السخصية ،،،
1.المرأة مخلوق ضعيف ..
2.المرأة سمعة وعرض لابد من حمايتها ..
3.المرأة قليلة الحيلة في بعض المواقف ..
أما من ناحية الشرع ،،
كانت هيئة كبار العلماء نشرت في عام 1990 فتوى تعارض قيادة المرأة للسيارة باعتبار أنها تؤدي إلى عدد من المفاسد، منها "الخلوة المحرمة بالمرأة، والسفور والاختلاط بالرجال من دون حذر، وارتكاب المحظور الذي من أجله حرمت هذه الأمور".

وآخر كلامي إن المرأة فتنة ( وأكبر من كذا إنها عرض وفضيحة )
ALREEM
09-05-2009, 09:12 PM
التوضيح من وجهة نظري الشخصية ،،،
1.المرأة مخلوق ضعيف ..
2.المرأة سمعة وعرض لابد من حمايتها ..
3.المرأة قليلة الحيلة في بعض المواقف ..

[color="blue"][size="5"]وآخر كلامي إن المرأة فتنة ( وأكبر من كذا إنها عرض وفضيحة )

كلامك فيه شيء من الصحه اخوي
بس سواقة المرأه لاتعني الفضيحه

بس تكون سالفه عرض وفضيحه اذا أساءت المرأه استخدام حريتها ف السواقه وتطرقت الى امور اخرى تسيء الى سمعتها ..

فعشان كذا اقول مب كل وحده تنعطى ليسن وينقال لها سوقي ..
zeknon
09-05-2009, 09:21 PM
اشكر الاخت على طرح الموضوع
والسواقة من قبل النساء ماتقاس على انها عيب او مش عيب
لانة توجد فتوة لشيخنا الجليل ابن باز رحمة الله
يحرم سواقة المراة
لذلك ارجوا عدم الخوض في هذا الموضوع
ALREEM
09-05-2009, 09:28 PM
اشكر الاخت على طرح الموضوع
والسواقة من قبل النساء ماتقاس على انها عيب او مش عيب
لانة توجد فتوة لشيخنا الجليل ابن باز رحمة الله
يحرم سواقة المراة
لذلك ارجوا عدم الخوض في هذا الموضوع



العفو اخوي بس ياليت توضح الفتوه اللي قالها رحمه الله كانت للنساء في جميع الدول ولا ف السعوديه ؟

لان السعوديه كبيره وفيها طرق صحراويه طويله .. تواجد المرأه فيها خطر عليها وعلى حياتها ..

ويختلف الوضع في قطر ..
&شهد&
09-05-2009, 09:48 PM
ماساقوا الا وهم محتاجين للسواقة....منهو فاضي حق مشاوير الجامعه والمحاضرات اللي كل وحدة في وقت.....اي موظف اللي كل ساعه بيطلع عشان يجيب بنته ولا اخته ويرز الويه لمديره الا رايح والا راد....ومب كل الناس يقدرون يجيبون دريول....وفي ناس ماتحب يكون عندها دريول في البيت (((وهذا الصح في نظري)))
وكل من يعرف هله اشلون متربين....
السواقة الحين صارت ضرورة مب سالفة خاطر ومفاشر ...لاااا...وكل من أبخص بنفسه
وياليت نحذف كلمة عيب من الموضوع لأنها قويه على الستيرة واللي محترمه نفسها واتسوق
ALREEM
09-05-2009, 09:51 PM
ماساقوا الا وهم محتاجين للسواقة....منهو فاضي حق مشاوير الجامعه والمحاضرات اللي كل وحدة في وقت.....اي موظف اللي كل ساعه بيطلع عشان يجيب بنته ولا اخته ويرز الويه لمديره الا رايح والا راد....ومب كل الناس يقدرون يجيبون دريول....وفي ناس ماتحب يكون عندها دريول في البيت (((وهذا الصح في نظري)))
وكل من يعرف هله اشلون متربين....
السواقة الحين صارت ضرورة مب سالفة خاطر ومفاشر ...لاااا...وكل من أبخص بنفسه
وياليت نحذف كلمة عيب من الموضوع لأنها قويه على الستيرة واللي محترمه نفسها واتسوق

مشكوره اختي وانا اشوف كلامج في منتهى الصحه
روح الاطلس
09-05-2009, 09:59 PM
طيب اذا قلنا ان سواقة البنت للسيارة عيب وفي اقوال تقول حرام


طيب سواقة البنت للبطابط عادي ؟؟! }}} يا حليلي لقيت لكم حل يلا بنات كل واحده تشتري بطبطه وتسوقها وافتكوا
العـوا
09-05-2009, 10:01 PM
لو يقعدون في بيوتهم ابرك لهم

لا وتسابق ....
ANONYMOUS
09-05-2009, 11:05 PM
سواقة المرأه مافيها شي

نتمنى ان يصدر قانون يمنع قيادة الشباب.. حتى يخلص ال 30 من عمره.. وبعدين عادي يصرفون له ليسن..

ومب اي واحد.. لازم يكون الشاب متزوجه .. وزوجته موافقه

اما الشاب الغير متزوجه.. فتقعد في البيت لين يجيها بنت الحلال اللي يستر على الشاب المسيكينه.. يحليلها..

اما البنات.. حتى لو يعطونها ليسن وهي 9 سنوات

شالمشكله !
عبد الرحمن77
09-05-2009, 11:10 PM
السلام عليكم ورحمة الله وبركاته

المفروض البنت تكون معززه مكرمه تقعد في السياروه ولي امرها (ابوها اخوها زوجها ولدها ) يقضي مشاويرها

بس الواقع شي ثاني ...

صار الليسن شي اساسي للبنت
المعيشه صارت جدا غاليه والدرويليه كله يشردون وللاسف في ناس منا وفينا طمعهم بالزياده...والشوارع زحمه ...والمصيبه اللي ماتخطر على بال المدارس المستقله اللي جنب البيت ماتقبل الا طفل واحد والثاني ينحذف في قلعة وادرين ...

............

الله يوفقكم

سبحان الله وبحمده ...سبحان الله العظيم

:ok::ok::ok:
وطن
09-05-2009, 11:17 PM
اشكرك اخوي




ياجماعه لاحظوا ان انا محدده البنآآآت البنآت الصغار اللي تتراوح اعمارهم مابين الــ18 و الـ 30 .. واحب اخص الغير متزوجات

أنا اخذت الليسن من عمري 18
واسوق من ذاك الوقت
والحين عمري 30
يعني من 12 سنة
وغير متزوجة

ما اعتمد على سايق يوديني ويجيبني من دخلت الجامعة
الا فيما ندر جداااااااااااااااااااا
مشاويري اقضيها بنفسي واخلص كل اموري بروحي
ما أعتمد على حد
وهذا اللي تعودت عليه


المشكلة ... اللي كانو مخنوقين وعطوهم اللياسن وصاروا فجأه متخرعين
واللي ماعندهم الوعي الديني والاخلاقي الكافي لردعهم
هم اللي شوهوا منظر المرأه اللي تسوق بأفعالهم وتصرفاتهم
ولا في وايد حريم يسوقون سواقتهم ما عليها كلام ومحترمات وكافيين خيرهم شرهم

السياقة مثلها مثل اي شي اخر موجود بالحياة ونستخدمه
الموبايل مثلاً مثل ما شبهت لج الاخت
في وايد بنات في ايدهم موبايل ويستخدمونه استخدام سيء وفي بنات عندهم موبايلات واستخدامهم له استخدام للضرورة فقط وبدون سوالف وخرابيط ماصخه

كل شي في هالدنيا له استخدام سيء واستخدام مفيد ويعتمد على الشخص المستخدم
سيدة اعمال فلسطنية
09-05-2009, 11:21 PM
أنا اخذت الليسن من عمري 18
واسوق من ذاك الوقت
والحين عمري 30
يعني من 12 سنة
وغير متزوجة

ما اعتمد على سايق يوديني ويجيبني من دخلت الجامعة
الا فيما ندر جداااااااااااااااااااا
مشاويري اقضيها بنفسي واخلص كل اموري بروحي
ما أعتمد على حد
وهذا اللي تعودت عليه


المشكلة ... اللي كانو مخنوقين وعطوهم اللياسن وصاروا فجأه متخرعين
واللي ماعندهم الوعي الديني والاخلاقي الكافي لردعهم
هم اللي شوهوا منظر المرأه اللي تسوق بأفعالهم وتصرفاتهم
ولا في وايد حريم يسوقون سواقتهم ما عليها كلام ومحترمات وكافيين خيرهم شرهم

السياقة مثلها مثل اي شي اخر موجود بالحياة ونستخدمه
الموبايل مثلاً مثل ما شبهت لج الاخت
في وايد بنات في ايدهم موبايل ويستخدمونه استخدام سيء وفي بنات عندهم موبايلات واستخدامهم له استخدام للضرورة فقط وبدون سوالف وخرابيط ماصخه

كل شي في هالدنيا له استخدام سيء واستخدام مفيد ويعتمد على الشخص المستخدم

:nice::nice::nice:
درب السعادة
09-05-2009, 11:26 PM
اشكر الاخت على طرح الموضوع
والسواقة من قبل النساء ماتقاس على انها عيب او مش عيب
لانة توجد فتوة لشيخنا الجليل ابن باز رحمة الله
يحرم سواقة المراة
لذلك ارجوا عدم الخوض في هذا الموضوع

بنسوق وبناتنا بيسوقون وحفيداتنا بيسوقون ولا حد بيوقفنا عن السواقه وممارسة حياتنا بشكل طبيعي والفتوى بتحريم القياده هي فتوى مبنيه على فترة زمنية محددة وليست فتوة مطلقة على كل مكان وزمان واللي عاجبه حياه الله هذا الميدان يا حميدان واللي ما عاجبه يجلس في بيته ويتحسب علينا ولن يضرنا هذا في شي والحمد لله والصلاة والسلام على سيدي رسول الله :victory:
وطن
09-05-2009, 11:27 PM
بنسوق وبناتنا بيسوقون وحفيداتنا بيسوقون ولا حد بيوقفنا عن السواقه وممارسة حياتنا بشكل طبيعي والفتوى بتحريم القياده هي فتوى مبنيه على فترة زمنية محددة وليست فتوة مطلقة على كل مكان وزمان واللي عاجبه حياه الله هذا الميدان يا حميدان واللي ما عاجبه يجلس في بيته ويتحسب علينا ولن يضرنا هذا في شي والحمد لله والصلاة والسلام على سيدي رسول الله :victory:

بل
عاد ليش يتحسبون علينا

:eek5:
قطريه ماركه
09-05-2009, 11:28 PM
مع اذا كانت عاقله و راشده ..



ضد اذا كانت صغيره و مطيوره *__^
sh50
09-05-2009, 11:37 PM
في رأي سواقة المرأه ما فيها شي ومب عيب وخاصة في الضرورة

لكن نصيحتي للمرأه ان لا تسوق الا سياره جديده00

وان تبتعد عن الشوارع الضيقه والدواعيس

وان تقضي مشويرها في النهار

وتبتعد عن الخروج على الطرق الطويله00

ولله يسترعليها
الـقـاسـي
10-05-2009, 12:11 AM
انا عن نفسي مارضى لا انها تروح مع دريول ولا راح تسوق لو تنطبق السما ع الارض ..

في ناس عادي عندهم أن بناتهم يسوقون بس بالنسبة لي هذا شي مستحيل ..

سواقة البنات خطر عليهم قبل كل شي .. أولا كم حادث صارت لبنات والسبه شباب يتحرشون فيهم والبنت توهق ماتعرف تصرف ..

وهالشي يساعد على انه الشباب يتحرشون فالبنت .. بعدين البنت لما تسوق تكون عندها مجال حريه أكبر ..

أكيد التربيه تلعب دور .. بس الشيطان ملعون فـ أبرك لها تقعد بدون سواقه وانا من عيوني بوديها وبجيبها ..
سمو انسان
10-05-2009, 12:22 AM
بنسوق وبناتنا بيسوقون وحفيداتنا بيسوقون ولا حد بيوقفنا عن السواقه وممارسة حياتنا بشكل طبيعي والفتوى بتحريم القياده هي فتوى مبنيه على فترة زمنية محددة وليست فتوة مطلقة على كل مكان وزمان واللي عاجبه حياه الله هذا الميدان يا حميدان واللي ما عاجبه يجلس في بيته ويتحسب علينا ولن يضرنا هذا في شي والحمد لله والصلاة والسلام على سيدي رسول الله :victory:

<<<< فطست من الضحك على هذا الرد
>>> غــمـــوض <<<
10-05-2009, 01:02 AM
التوضيح من وجهة نظري السخصية ،،،
1.المرأة مخلوق ضعيف ..
2.المرأة سمعة وعرض لابد من حمايتها ..
3.المرأة قليلة الحيلة في بعض المواقف ..
أما من ناحية الشرع ،،
كانت هيئة كبار العلماء نشرت في عام 1990 فتوى تعارض قيادة المرأة للسيارة باعتبار أنها تؤدي إلى عدد من المفاسد، منها "الخلوة المحرمة بالمرأة، والسفور والاختلاط بالرجال من دون حذر، وارتكاب المحظور الذي من أجله حرمت هذه الأمور".

وآخر كلامي إن المرأة فتنة ( وأكبر من كذا إنها عرض وفضيحة )

:)
لا اوافقــك الرأي بصراحـــه
المرأه مخلوق ليست بضعيــفه
احنــا ماننكر ان المرأه تحتاج للرجـل في عدة امور ليسندهــا ولكــن __ المرأه في هالايام قدرت توصل بنفسها وبدون مساعده من الرجــل وخاظت المرأه عدة مجالات من خلالها اتضحت انها انسانــه قويــه وتمتلك قدرات ابدعت فيها
وترى السواقــه شي بسيط وعادي وما اعتقد انها بتضعف قدامـــه
:)
المرأه اكيــد سمعــة وعرض ولكــن السواقــه ما اعتقد انها تمس سمــعة المرأه بشيء بالعكس كل ما كانت المرأه محترمــه نفسها محد يقدر يقول عنها شي
وانــه اشوف الناس اللي بيتكلمون عن امرأه تسوف بصراحــه ينقصهم الوعي والتثقيف الفكري
لان هالزمــن المرأه تحتاج انها تقضي حاجاتها بنفسها بسبب كثرة الامور والانشغالات
:)
والمرأه لاتستهينون فيها هذاك اول ممكن تكون ماتعرف تتصرف الحيــن غير ممكن اذا ضاق عليها امـر ما في اي مشكله تستعين بأخوها بأبوها شي عادي ترى مب معناتها ماتسوق ابــد لانها ممكن تتعرض لمواقف ماتتصرف فيها لا __ في نفس الوقــت نشوف كثير من الرجال يلجؤؤن لأمهاتهم لخواتهم في حل كثير من المشاكل :)
اللي ابي اوصلــه ان الطرفين في حاجــه لبعض ومانقدر نقلل من قدرات اي طرف لا الرجل ولا المرأه
:)
ومن ناحيــة الشرع ليش التحريــم
اذا المرأه ماعندها اب او اخ وهي في حاجــه ماســه اللسواقــه فالافضل تصون نفسها من القعده في السياره مع الدريول وتسوق وتعتمد على نفسها وتخلص امورهــا

أتمنى الفكره اتضحــت
بوسعود180
10-05-2009, 01:34 AM
انا معارض وبقوه

واهلي الحمد لله مايركبون لامع سواق ولا غيره

متقاسم مشاوير الاهل انا مع الوالد واخوي الصغير

واكثر مشاوير الاهل علي ولا عندي مشكله ابد ابد وافتخر اني اخدم اهلي
بوخالد2
10-05-2009, 01:41 AM
انا مااقول انها عيب !

في ناس يشوفونها عيب وفي ناس يشوفونها عادي واظنتي قله اللي يشوفونها عادي (( وانا اتكلم عن البنات اللي ياخذون الليسن من يصير عمرهم 18 سنه ..))

ويوم اكتب فوق انها عيب كنت اتناقش مع ربعي (( ليش الناس يشوفونها عيب والعكس ))

وللعلم انا مؤيده ان البنت تسوق لكن بشروط لازم تتوافر فيها ..

ويعطيك\ج العافيه

صحيح سن صغير هذا

وعلى فكره في اللى ماعندها ليسن وتسوق بعد

ياماصادوا الشباب في المرور البنات ذوول
بوخالد2
10-05-2009, 01:43 AM
بنسوق وبناتنا بيسوقون وحفيداتنا بيسوقون ولا حد بيوقفنا عن السواقه وممارسة حياتنا بشكل طبيعي والفتوى بتحريم القياده هي فتوى مبنيه على فترة زمنية محددة وليست فتوة مطلقة على كل مكان وزمان واللي عاجبه حياه الله هذا الميدان يا حميدان واللي ما عاجبه يجلس في بيته ويتحسب علينا ولن يضرنا هذا في شي والحمد لله والصلاة والسلام على سيدي رسول الله :victory:

حلوه هذه ماعاجبه :nice:
بنت ابوها 19
10-05-2009, 02:09 AM
مع سواقة البنت وعادي عندي

والي يقولن مغازل شباب ومادري شنو
الي محترمه حالها محد يتعرض لها
وسأل مجربه


وثاني شي

السواقه لها اسبابها
اذا موظفه ولا طالبه بالجامعه
من حقها تسوق
اما هي ولا شي بس جي تسوق
اعتبرها مسخره بصراحه

وانا مع سواقة البنت لكن بشروط

طلعات الربع وطلعاتها لحالها بأستثناء الجامعه والشغل هذا لا فألف لا ..


أنا اسووووق لكن من البيت لي الدوام ومن الدوام لي البيت
بس
وعقبها ماتحرك سيارتي اله الوالده معاي
وهذا احلى شي بصراحه :shy:
طبعي كذا
10-05-2009, 04:52 AM
التوضيح من وجهة نظري السخصية ،،،
1.المرأة مخلوق ضعيف ..
2.المرأة سمعة وعرض لابد من حمايتها ..
3.المرأة قليلة الحيلة في بعض المواقف ..

[color="blue"][size="5"]وآخر كلامي إن المرأة فتنة ( وأكبر من كذا إنها عرض وفضيحة )


انا مع اخوي :victory::victory::victory: بالفعل المرأه ضعيييفه مهما كااابرت ,,,هههههه حلوه كابرت ..

ومن اللي اشوفه من البعض من اللي يسوقون طبعا مأيد السواااقه كلللللش ..

لانه اشوف مواقف قدامي :eek5::eek5: اتصير من ملاحق واشاراات وحركااات

صراحه الله يستر علينا بستره ...
شيخة الجزيرة
10-05-2009, 01:06 PM
الله يسلمج يا اختي

الموضوع لا يقاس على كلمة "عيب" فالعيب مقياسه يختلف من شخص إلى آخر.

بل المقياس هو الحلال والحرام.

سأناقش الموضوع على وضعي الشخصي... إذا خيروني بين السواقة وبين الدريول "طبعا باختار الدريول".

ليش؟؟؟

لأني أم عيال وموظفه ومايتبعها من مسؤوليات من تدريس وتمريض وطباخ وشراء مستلزمات البيت والعيال بالاضافة لإلتزاماتي الشخصية.

فالدريول شال عني المشاوير إلي مب لازم أكون متواجده فيها... بينا الموبايل والأوراق :victory:

فلن أضيف إلي عبئ جديد وهو إني أكون سواقه!!!!
Only Me
10-05-2009, 01:09 PM
يمكن قبل عشر سنين الناس يشوفون سواقه الحريم عيب البعض منهم بعد
بس الحين مااتوقع احد يقول ان عيب

مااقول الا آيه على سيارتي !!!!
OTOsan
10-05-2009, 01:31 PM
يمكن قبل عشر سنين الناس يشوفون سواقه الحريم عيب البعض منهم بعد
بس الحين مااتوقع احد يقول ان عيب

مااقول الا آيه على سيارتي !!!!

سبقتني اخوي انت بروحك :) ،،


تمنيت ان يعود هذا السؤال الى الوراء عشر او خمسة عشر سنة .. لنرى ردود الافعال في تلك الحقبة والاجابات على هذا السؤال ..




ياهي سوالف وايد تغيرت في البلد :)
ALRAYYAN
10-05-2009, 01:52 PM
قيادة المرأه للسياره سلاح ذو حدين
مثل استخدامها للموبايل والانترنت وغيرة

عموماً أنا ضد قيادة المرأه للسيارة لأن المرأه لم تخلق لقيادتها وهذي وجهة نظري
يعطيج العافية الريم
واحد ثقة
10-05-2009, 02:20 PM
سبحان الله ،،

أوجدنا ضروريات واستحدثنا أسباب لكي نقول يجب على المرأة أن تقود السيارة !


على المرأة أن تقود السيارة لكي تذهب إلى عملها كل صباح بنفسها بدون تأخير ،،

على المرأة أن تقود السيارة كي تقضي مشاويرها الخاصة من تسوق وخلافه ، فالسائق مطلوب في مهمات أخرى ،،

على المرأة أن تقود السيارة كي تحضر الأعراس والولائم بدون أن يتأخر الدريول ويحرجها ،،

على المرأة أن تقود السيارة كي تتواعد مع صديقاتها في كوفي شوب أو مطعم لتناول العشاء ،،

على المرأة أن تقود السيارة كي . . . . . . يقع الفأس في الرأس !


وللأسف كل هذه الأمثلة رأيناها ونراها يومياً ومن ضمنها المثال الأخير ،،
Only Me
10-05-2009, 02:45 PM
سبقتني اخوي انت بروحك :) ،،


تمنيت ان يعود هذا السؤال الى الوراء عشر او خمسة عشر سنة .. لنرى ردود الافعال في تلك الحقبة والاجابات على هذا السؤال ..




ياهي سوالف وايد تغيرت في البلد :)

كل شي تغير

وانت بعد شوف قبل من عشر سنين المجمعات وشوف الحين
شوف الفرق واحكم كل شي تغير واحنا رايحين صوب الانفتاح

في دول خليجيه راحت صوب الانفتاح بس اخذ لها فوق 20 او 25 سنه عشان هذا الانفتاح

اما احنا في اربع او خمس سنين ونبي نسوي كل شي

مااقول الا كلكم راع ومسئول عن رعيته
clouds
10-05-2009, 02:54 PM
ياجماعه ترى بقول لكم انتو تفكرون ان المجتمع تغير بالنسبه للسواقه هو ماتغير نفسه هو هو بس قبل كان ممنوع الليسن للحريم فحريمنا ياخذونه من الامارات او البحرين..وفي ناس عندهم ليسن امريكي...وماكانو يسوقون هني الا للضروره لان ممنوع لكن برا لما تسافرون تلقونهم في كل بلد يسوقون وبنات ناس معروفين فليش نكابر ونقول المجتمع تغير.وفي ظروف منها هالدريوليه اللي مايقعدون وكل يوم حد يشرد قبل ماكنا نسمع بهالسوالف..والي موظفه او طالبه او ام عيال في مدارس شتسوي؟؟تقعد وتحط يدها لين يجيهم دريول ثاني وتتكرر نفس القصه؟؟انا مع الليسن بس للضروره مب للدواره البطاله
هدى ورحمه
10-05-2009, 04:21 PM
بنسوق وبناتنا بيسوقون وحفيداتنا بيسوقون ولا حد بيوقفنا عن السواقه وممارسة حياتنا بشكل طبيعي والفتوى بتحريم القياده هي فتوى مبنيه على فترة زمنية محددة وليست فتوة مطلقة على كل مكان وزمان واللي عاجبه حياه الله هذا الميدان يا حميدان واللي ما عاجبه يجلس في بيته ويتحسب علينا ولن يضرنا هذا في شي والحمد لله والصلاة والسلام على سيدي رسول الله :victory:

اي والله هذا الميدان ياحميدان..بس الله خلق وفرق في حريم ينشد بهم الظهر وفي حريم يبي لهم حد يسندهم ..واحنا والحمدلله ماتعودنا عالاتكاليه شايلين نفسنا بنفسنا ومانحتاج دريول اتم تحت رحمته والا يقعد يقز فالمنظره كل شوي واتم خايفه لا يغير الطريج ..وقبل كل شي اولا واخيرا اسمه رجل ومتغرب وله نظرات من تحت لتحت .. دام الله عطاني الصحه والقوه اني افيد نفسي وعيالي وهلي بفيدهم والحمدلله على نعمته ...
بوحارب
10-05-2009, 04:30 PM
السوا قة مب عيب لكن العيب لما انشوف الحريم يطامرون في اماكن تواجد الشباب

مادري اشيبون دازين الوجهة في هالأماكن!
Humanitarian
10-05-2009, 04:31 PM
اي والله هذا الميدان ياحميدان..بس الله خلق وفرق في حريم ينشد بهم الظهر وفي حريم يبي لهم حد يسندهم ..واحنا والحمدلله ماتعودنا عالاتكاليه شايلين نفسنا بنفسنا ومانحتاج دريول اتم تحت رحمته والا يقعد يقز فالمنظره كل شوي واتم خايفه لا يغير الطريج ..وقبل كل شي اولا واخيرا اسمه رجل ومتغرب وله نظرات من تحت لتحت .. دام الله عطاني الصحه والقوه اني افيد نفسي وعيالي وهلي بفيدهم والحمدلله على نعمته ...

والله في الدول الأجنبيه من عمر 16 لأن حياتهم متطلبه وهم يتركون أهلهم من الصغر و و و ... بس حنا العرب دولتنا في تطور وبصراحه كفايه دريويليه ترى والله العدد صار كبير :eek5: على الأقل نتعلم المسؤوليه والله يرعانا ويستر علينا.. ولا تنسون الحاله الماليه تختلف من شخص لآخر فما يسمح لهم بتوفير مواصلات بشكل آخر.. لنتقبل التقدم بالمنطق ومن الناحيه الدينيه.. والريم والله حلو انج شاركتي الموضوع معانا.. :nice:
عضو نشيط
10-05-2009, 04:44 PM
حلات لبنيه إتكون أمورة تجلس مثل الشيوخ في الكرسي الوراني والناس تخدمها بالسواقه وترى البنت حلاتها حنونه :)وضعيفه:) وناعمه :)خجوله من السواقه :)والبنت كل ماكانت في :shy:حيا وفي :rolleyes2:سحا :)حبوها الناس وأغلوها والبنت تستاهل من يسوق فيها ويوديها ويجيبها ( هي الأم:telephone: -هي الأخت:tease: - هي البنت :nice:- هي الزوجه:discuss: ) هي مالنا غنى عنها . هي مثل ما هي ....
قناص 787
10-05-2009, 04:48 PM
اي والله هذا الميدان ياحميدان..بس الله خلق وفرق في حريم ينشد بهم الظهر وفي حريم يبي لهم حد يسندهم ..واحنا والحمدلله ماتعودنا عالاتكاليه شايلين نفسنا بنفسنا ومانحتاج دريول اتم تحت رحمته والا يقعد يقز فالمنظره كل شوي واتم خايفه لا يغير الطريج ..وقبل كل شي اولا واخيرا اسمه رجل ومتغرب وله نظرات من تحت لتحت .. دام الله عطاني الصحه والقوه اني افيد نفسي وعيالي وهلي بفيدهم والحمدلله على نعمته ...

أقول أختي أذا هذا يقز من تحت المنظره مشكله لكن أللي يلحقج من مكان لين مكان ورافع التلفون ويبغي يطرش الرقم بالبلوتوث ويجاكرلج هذا حلو على القلب مب مشكله وبالنسبه للدرويل تقدرين تكلمين حد من أخوانج وبيتسنع وأذا الوحده بتركب مع الدرويل وحاطه مكياج كامل وكاشفه وريحة العطر فايحه أكيد أنه بيقز لكن أللي بتحشم نفسها ما أعتقد أنه يتجرأ ويقزها والمرأه لين تقعد ورا في السياره تكون عليها مخفي ماأعتقد أن في حد راح يضايقها والستر زين والله يستر علينا وعليج يابنت الأجواد
ALREEM
10-05-2009, 04:49 PM
اخوي عضو نشيط البنت اذا ساقت ماراح تفقد حنانها ونعومتها وخجلها وسحاها الخ....

والبنت حلاتها ضعيفه؟!

البنت حلاتها ضعيفه عند زوجها وقويه عند الغير << مب ضعيفه ككل

والسواقه ماهي بشي يفقد البنت كونها بنت ..
ALREEM
10-05-2009, 04:51 PM
أقول أختي أذا هذا يقز من تحت المنظره مشكله لكن أللي يلحقج من مكان لين مكان ورافع التلفون ويبغي يطرش الرقم بالبلوتوث ويجاكرلج هذا حلو على القلب مب مشكله وبالنسبه للدرويل تقدرين تكلمين حد من أخوانج وبيتسنع وأذا الوحده بتركب مع الدرويل وحاطه مكياج كامل وكاشفه وريحة العطر فايحه أكيد أنه بيقز لكن أللي بتحشم نفسها ما أعتقد أنه يتجرأ ويقزها والمرأه لين تقعد ورا في السياره تكون عليها مخفي ماأعتقد أن في حد راح يضايقها والستر زين والله يستر علينا وعليج يابنت الأجواد

اخوي اظن سواء البنت كانت تسوق او كانت مع دريول نفس الشي اللي بيلح بيلحق واللي بيرقم بيرقم .. ولا الهندي شبيسوي يعني ؟!

والمحتشمه محتشمه سواء كانت تسوق او مع دريول ..
asadfg
10-05-2009, 04:51 PM
انا ماؤيد سواقه المره صراحه يعني بدال ماعطي رضيعتي سياره وتروح وتي فيها ويجوفها كل من هب ودب وغير لو حد بيتحرش فيها وغير الي بيلحق السياره ويمكن يعرف شكل السياره وغير لو سوت حادث وتكون بين ريايل ليش هاي كله؟ شباب ها الايام حتى الخدامات قامو يغازلونهم يبا يب سايق 700 ريال بالشهر ماتضر؟ يوديها ويبها وسياره مخفي من ورى تكون مستوره وتروح وتي وين ماتبي تروح ولا هاي كله يصير يعني محد فيكم مستخسر 700 ريال بالشهر
ALREEM
10-05-2009, 04:54 PM
السوا قة مب عيب لكن العيب لما انشوف الحريم يطامرون في اماكن تواجد الشباب

مادري اشيبون دازين الوجهة في هالأماكن!

فعلا في كثير من هالاشكال .. بعد الحريم مب قلهم ستريت ورزينات .. في منهم الزينه اللي تصون نفسها وفي منهم اللي يدورون الصياعه ومع التفتح ..

بس المحتشمه محتشمه ..
asadfg
10-05-2009, 04:55 PM
اخوي اظن سواء البنت كانت تسوق او كانت مع دريول نفس الشي اللي بيلح بيلحق واللي بيرقم بيرقم .. ولا الهندي شبيسوي يعني ؟!

والمحتشمه محتشمه سواء كانت تسوق او مع دريول ..


والله اختي بس النسب مب نفس الشي لو تسوق وجافها بروحها حتى لو محتشمه بيلاحقها وبيرقمها وبيغازلها وعادي يدل بيتها ويسجل رقم الموتر غير لما تكون بسياره البيت السياره مخفي من ورى غير لما الموتر الي يمج يطل يحصل سايق يسوق وغير لما يحصل بنيه تسوق تختلف النسب


بعدين هاي زمن اقشر يقص رقبه الواحد قص ليش انا اغامر دام في حل ثاني احسن

وبعدين الي تكابر لا لا مابي سايق انا ابي اسوق ليش هاي كله؟ هي هي نفس الشي؟ بتروحين وبتين وين ماتبين ؟ ليش ها الصياح كله؟

:anger1: انا ماشجع سواقه البنت وخاصه ولحد يفتح على نفسه باب مايتسكر عقب الباب الي يجيك منه ريح سده واستريح
هدى ورحمه
10-05-2009, 04:58 PM
أقول أختي أذا هذا يقز من تحت المنظره مشكله لكن أللي يلحقج من مكان لين مكان ورافع التلفون ويبغي يطرش الرقم بالبلوتوث ويجاكرلج هذا حلو على القلب مب مشكله وبالنسبه للدرويل تقدرين تكلمين حد من أخوانج وبيتسنع وأذا الوحده بتركب مع الدرويل وحاطه مكياج كامل وكاشفه وريحة العطر فايحه أكيد أنه بيقز لكن أللي بتحشم نفسها ما أعتقد أنه يتجرأ ويقزها والمرأه لين تقعد ورا في السياره تكون عليها مخفي ماأعتقد أن في حد راح يضايقها والستر زين والله يستر علينا وعليج يابنت الأجواد

بقول لك معلومه من واقع تجربه يا اخي الكريم...ايام الثانويه في مدرستي كنت اروح واجي بسياره مع الدريول طبعا الوالد مسنعه عدل ولكن كنت اراقب الدريوليه اخر الدوام المدرسي عند باب المدرسه اشلون يطالعون البنات والله كانوا بنات متغطيين من فوق لتحت عبايه راس ومتغطيه صح ..لما تجي تركب السياره توقع وين يقزون؟ تخيل ؟؟
يقزون ريلها اول ماينكشف منها شوي وقسما بالله تقول على رؤوسهم الطير ..الدريوليه مصيبه مرض بلـــــــــــــى صاب المجتمع..طفحت الدوحه هنود..
بخصوص اللي يرقم ويقز الله يسلمك في شي اسمه قانون وعقوبات صارمه واغلب الشباب والحمدلله واعي بالابعاد والا تبي تشكك في قوه القانون اللي يحمي البنات في الشارع!!!

بخصوص المتعطره والمتمكيجه اخوي في مناسبات مثل الاعراس تستدعي هالامور والدريول يشحن بنات العايله الكريمه باليوكن والا السوبربان عشان يوديهم العرس فاجباري يقز ويشم ويتلذذ بهالشي انا اتكلم من واااااااااااااااااااقع
الوحده لما تسوق سيارتها الخاصه تكون مرتاحه حتى في المناسبات لانها تخدم وتساعد امها وخواتها وبنات عمها وابوها واي حد كبير في السن والمكياج والتعطر مريح في حاله اللي تسوق سيارتها لانه مافي حد غريب معاها ولها خصوصيتها والمخفي مايقصر بعد ..

شوف ترى بتتعب معاي ان جيت يمين جيتك يسار ...
التوجه اللي صاير الحين ان المراه تعتمد على نفسها ..خاصه اذا اسره كبيره والابناء والبنات كلن شغله ومخططاته اليوميه في جهه

تحياتي
قناص 787
10-05-2009, 04:59 PM
اخوي اظن سواء البنت كانت تسوق او كانت مع دريول نفس الشي اللي بيلح بيلحق واللي بيرقم بيرقم .. ولا الهندي شبيسوي يعني ؟!

والمحتشمه محتشمه سواء كانت تسوق او مع دريول ..

أسمعي طال عمرج أنا في هالمواضيع مااحب أشارك لأن الكلام ضايع وكل واحد مسؤل عن نفسه .............. وبالنسبه للفرق في فرق أختي وفرق كبير أن أللي يبي يرقم ماراح يدور وحده لأزم تطلع مع الدرويل وتعال خذها من المجمع وردها مره ثانيه للمجمع ...... اوف مااقدر أطلع اليوم الدرويل ماخذ أجازه لا طال عمرج يبغي وحده لين قالها يللا قالت قدام بس بقول حق أمي بروح المكتبه أو بقول حق ريلي بزور وحده في المستشفى واليوم يمكن يرخصونها الله يخليك بعدين بتزعل مني كل ربعي راحولها ألا أنا ترضى علي يقولون عني أني مارحت علشان ماأقدر أخذ لها هديه
عرفتي الفرق أختي وفي أسباب واجد وأرجع وأقول مالها داعي أن المرأه تسوق سواء كانت أمي أختي زوجتي أنا أقضي لها أللي تبغيه ومن عيوني والسسسسسسسسسسسسستر زين
قـنـبـلـه
10-05-2009, 05:00 PM
والله انا اشوف انه كل بنت لازم تتعلم السواقه للظروف الي ممكن تجيها فجأه وممكن من خلال السواقه تساعد
بيتها واهلها
لاكن الي انشوفه اليوم السالفه مب سالفه مساعده وعند اللزوم الاستخدامات
صارت كشخه ومصخره لآخر الليل في الشوارع والكورنيش
ولا هو مب عيب ان البنت اتسوق بالعكس شي زين العلم نور في اي شي
بس بالعقل
asadfg
10-05-2009, 05:02 PM
الزمن الي احنا فيه اقشرررررررررررررررررررررررررررررررر عقب كل ها البلاوي الي نجوفها ونسمع عنها وتبونا نشجع سواقه البنت والله لا والف لا هاي فيها خراب بيوت
ALREEM
10-05-2009, 05:22 PM
والله انا اشوف انه كل بنت لازم تتعلم السواقه للظروف الي ممكن تجيها فجأه وممكن من خلال السواقه تساعد
بيتها واهلها
لاكن الي انشوفه اليوم السالفه مب سالفه مساعده وعند اللزوم الاستخدامات
صارت كشخه ومصخره لآخر الليل في الشوارع والكورنيش
ولا هو مب عيب ان البنت اتسوق بالعكس شي زين العلم نور في اي شي
بس بالعقل

رأي سليم ..

يعطيك العافيه اخوي ..
راعي الأدهم
10-05-2009, 05:36 PM
لا انا مب وياج يا اختي الريم خلي البنت اتسوق لكن بعقل... الغلط انه انجوف بنات من بعد الساعة 9 فالليل برع هني الغلط
قناص 787
10-05-2009, 05:46 PM
ياخوي سو اللي ودك ..بس الله يهداك انت دشيت تهاجم الرجال وماظن انك قريت كل الردود قبل ماترد على الرجال ..

وهالاشكال كانت تدافع عن رايها ياخوي ماكانت تتكلم بمقصد انها تتهاوش وتسبب الفوضى

احترامي اخوي ..

مشكوره أختي alreem وبيض الله وجهج والظاهر بوالشباب ماعنده سالفه يغلط على العالم مادري السعوديين هنود مب عرب ومب أهلنا في السعوديه وماأعتقد أن في بيت في قطر ماعندهم أهل في السعوديه ما اقول غير الله يهديك ويصلحك ويخليك لردودك الراقيه
ذيب النصر
10-05-2009, 05:47 PM
والله هو سواقة المرة مب عيب لكن الأحسن إنها ما تسوق إذا كانت ما تقدر على السواقة الزينة.

والله بالعكس يعني انه المرة تسوق أحسن ما تكون بأخر زينتها و تختلي مع الدريول، ترا الدريول ريال بعد عنده غريزة و الشيطان موجود.
خلاصة الكلام المرة تسوق إذا تعرف اما اذا كل يوم دعمة و تسوي زحمة في الشوارع فالأفضل لها و لخلق الله انه ما تسوق.

شكراً
ALREEM
10-05-2009, 05:52 PM
والله هو سواقة المرة مب عيب لكن الأحسن إنها ما تسوق إذا كانت ما تقدر على السواقة الزينة.

والله بالعكس يعني انه المرة تسوق أحسن ما تكون بأخر زينتها و تختلي مع الدريول، ترا الدريول ريال بعد عنده غريزة و الشيطان موجود.
خلاصة الكلام المرة تسوق إذا تعرف اما اذا كل يوم دعمة و تسوي زحمة في الشوارع فالأفضل لها و لخلق الله انه ما تسوق.

شكراً

كلام صحيح ..

أشكر مرورك اخوي ..
الكايد احلى
11-05-2009, 04:04 PM
احس برستيج المره المفروض مايخليها تسووووق :rolleyes2:


لاني فرضا لو رحت المستشفى او مجمع اروح اسفط بالبارك وبعدين اروح داخل بصراحة احسها شغلللللللللللللللللللله :omen2:

حلاتة اوقف عند الباب وانزل والسايق يروح يدور الباركنق :shy:


الا اللي عندها ظروفها الخاصه في هالحالة احسة عادي
صايد السالفه
11-05-2009, 05:35 PM
والله بالعكس السواقة مب عيب بالعكس اللي بتسوق حق اغراض محددة بالعكس تنفع نفسها بس بعض النسوان وخاصة اللي ياخذون الليسن علي كبر اشوي اتحسهم مب لي ذاك الزود في الشارع بس اذا صارت مواقف ولا شي يتصلون بقرايبهم يني ريايل ولا عيالهم ولا ازواجهم ولا هي بتخلص الموضوع وماظن في مشكلة كل شي صار عادي بس السواقة في البلاد الحين اكثر من قبل وهاي دليل ان الموضوع صار عادي
بنQATARت
11-05-2009, 05:47 PM
موضوع قديم وعفا عليه الزمن
تم احد للحين ماساق اختي