تخطيط الصيف الجاي ..من فكر يلغيه !!

[مــــلاك]

السلام عليكم

ماعرفت وين احط الموضوع ولكن هالقسم يمكن يكون الانسب

اغلبنا خططنا للصيف ويمكن البعض حجز تذاكر وفنادق من شهر 2 او 3 :telephone:
ولكن بعد انفلونزا الخنازير اعزكم الله ... يمكن اغلبنا اذا مب كلنا قلنا مااافي سفر
هالصيف والحجوزات خلها تولي اهم شي صحتنا ....

ودي اعرف من حجز من الحين وألغاه ..او ناوي يلغيه ...ومن الي ناوي ينتظر
لين شهر 6 او 7 وعقبها يقرر ...

والي ناوين يسافرون ...مايخافون من عدوى انتشار المرض ؟؟ خاصه انه مافي
تطعيمات له ...

اتمنى مشاركة الجميع ...

[سحر الليالي]

موضوع مهم للنقاش
انا حجزت فنادق من النت لاوروبا وبالاخص ميونيخ وزيلامسي..واول ماسمعت عن المرض ..لغيت الحجز وافكر في ماليزيا...بس بنتظر لين لاخر الشهر وبشوف هل سيطرو ع المرض ولا لا...واذا الوضع مايطمن صحتنا اولى ولاحقين ع السفر ...وتسلمين ع طرحج للموضوع

[مــــلاك]

انا مثلج حجزت لاوروبا بس مالغيت الحجوزات على امل في شي يتغير لشهر 6
واحتمال بدايه شهر يوليو او نهايه يونيو الغي حجوزات

ناس وايد الغوا حجوزاتهم .. بس اشوف اغلب منتديات السفر والسياحه
الناس قاعده تخطط وتحجز ولا كأن في شي !!!

[بـــ ح ـــر]

الدول الخليجيه والعربيه الحمدالله مابان فيهاهالمرض واتوقع ناس واجدماراح يصيفون براواناواحدمن ربعي حجزفي اسبانياوماراح بسبب الانفلونزااتوقع هل قطربين لبنان ومصروسورياواخوانافي مصربيرفعون اسعارالفنادق اسعار خياليه ولاشي سعر الدورشستر

[ام لولوه]

ولا انا كنت حاجزه حق فرنسا وايطاليا وفينا وجنيف بس الصراحه كلمني مال السفريات وقال لي ماتبين تكنسلين مثل الي كنسلوا واستخرت الصراحه وكنسلت مع ان خااااااااااااااااااااااطري اسافر بس صحتنا والله أولى والله يعينا على الحر ونصيحتي الصراحه كنسلوووووووووووووا
شكلي بروح دبي اغير جو كم يوم وبصبر نفسي
وقاعد افكر اروح لبنان طريق سياره

[الخير كله]

خرعتونا ............
اشلون شنسوي؟؟؟

[cavok]

بصراحة احنا ناوين على امريكا -اورلاندو - اواخر شهر سبعة

[وطن]

أنا افكر انطر اسبوعين واحجز
بدل الناس اللي كنسلوا :)

الصراحة في خاطري اسافر

[ام حبيبتي]

والله ماشالله بيت خالتي ولافكروا يكنسلون ويقولون عاااااادي ... للعلم حاجزين لندن

[مــــلاك]

الدول الخليجيه والعربيه الحمدالله مابان فيهاهالمرض واتوقع ناس واجدماراح يصيفون براواناواحدمن ربعي حجزفي اسبانياوماراح بسبب الانفلونزااتوقع هل قطربين لبنان ومصروسورياواخوانافي مصربيرفعون اسعارالفنادق اسعار خياليه ولاشي سعر الدورشستر


هذا احد توقعاتي .. الزحمه بتكون على دول الخليج :rolleyes2: والحر بيكون عجيب هالوقت ... والاسعار بتصير الدبل ويبدأ مسلسل الاستغلال




ولا انا كنت حاجزه حق فرنسا وايطاليا وفينا وجنيف بس الصراحه كلمني مال السفريات وقال لي ماتبين تكنسلين مثل الي كنسلوا واستخرت الصراحه وكنسلت مع ان خااااااااااااااااااااااطري اسافر بس صحتنا والله أولى والله يعينا على الحر ونصيحتي الصراحه كنسلوووووووووووووا
شكلي بروح دبي اغير جو كم يوم وبصبر نفسي
وقاعد افكر اروح لبنان طريق سياره



ذكرج الله بالشهاده .. انا بعد حاطه في بالي استخير ان شاء الله
واتوقع الضغط بيكون على دبي كبير .. وعن نفسي مابي اروح دبي في الصيف
يمكن نروح صلاله ولا ابها ....





خرعتونا ............
اشلون شنسوي؟؟؟

انتظري مثلنا لين شهر 6 وبنشوف شيصير
من شوي قرأت موضوع عن زياده عدد المصابين الى 3440 في 29 دوله
يعني الشي يخوف ويجب اعاده النظر :(



بصراحة احنا ناوين على امريكا -اورلاندو - اواخر شهر سبعة

استخيروا قبل ...والله يبعد عنكم الامراض ..ولو تتأجل الرحله افضل لان امريكا فيها
اكبر نسبه من المصابين

[مافيا قطر]

تعالوا معاى طهران وقم وبعدها مشهد وبعده شيراز
ولا يفوتكم الجو صوب الحدود مع اوزباكستان وغيرها

[راعي الأدهم]

انا عن الوسواس الغيت حجوزاتي كنت باروح امريكا يعني بالقو مالي امل اروح !!!!!

شكلي بفتر صوب لبنان ودول الخليج

[عبودي قطر]

انشا الله الصيف ف لبنان - وسوريا

[miss-qatr]

احنا معزمين بإذن الله أول 8 لكن عقب هالبلبلة قلنا بننتظر على الأقل لبداية 6 ان شاءالله الأمور اتضحت


وإذا مالنا نصيب انروح السنة :weeping:

إن شاء الله مصر ولا لبنان

[عاشق الشهادة]

تعالوا معاى طهران وقم وبعدها مشهد وبعده شيراز
ولا يفوتكم الجو صوب الحدود مع اوزباكستان وغيرها





قلت البلدان علشان اروح قم ومشهد :anger1: لايكون بعد تبيني اروح كربلاء المقدسه :waiting:

[NEMO]

أحنا ماكنسلنا ان شاء الله 1/7 بنروح لندن , واعرف ناس بعد حاجزين بيروحون امريكا -تكساس ولافكروا يكنسلون

[بوعبدالله77]

الحمد لله ان الفكرة كانت في طور التخطيط ولم تصل للتنفيذ

تم تأجيل الفكرة حتى اشعار آخر

علماً بأن التخطيط السابق كان الى ديسلدورف ( فيها مراكز تجارية ما لها حل ) والمناطق المجاورة لها

[فهد الخاطر]

تم تغيير الحجز من المانيا الى بيروت نهاية يوليو
ودبي احتمال اول يوليو
بيروت تم الحجز
ودبي خلال اسبوع
ولكن متردد اخلي دبي
في الصيف ولا بعد العيد
وبيروت ما شاء الله اهل الخيج هناك شووووووووووووووووووووووووووووووووووووووووووو
وخصوصا في السوليدير
بس اقعد واتفرج وخصوصا من جهة البيتي كافيه
وما شاء الله كل يوم مصايب وخصوصا
اهل السالميه
عموما في هذه الاوقات العصيبه ارجح
لبنان -سوريا -تركيا-دبي
فديتج يا قطر

[بو الجوري]

انا كنت حاجز لندن وامريكا وزلامسي وهوليوود وشنغماي وهونج كونج والحسا بس عقب السالفه كنسلت الحسا .. :omg: <<< ياخي جذاااااب :tease:

أتغشمر .. أنا لا حجزت مكان ولا بسافر أصلاً شكلي بعيد فالدوحه .. قصدي بصيف فالدوحه :nice:

[فهد الخاطر]

اهم شيء اخونا ناصر العمادي وين بيصيف بروح معاه
والسفره على حسابي يا ناصر لا تحاتي:)
مستعد اغيرمكان السفره لعيون ناصر:victory:
وان شاء الله راح انزودكم يا منتدانا الحبيب بصور الصيف

[Gentleman]

أحنا ماكنسلنا ان شاء الله 1/7 بنروح لندن , واعرف ناس بعد حاجزين بيروحون امريكا -تكساس ولافكروا يكنسلون


بصراحة احنا ناوين على امريكا -اورلاندو - اواخر شهر سبعة

لا أنصح أبداً بالذهاب إلى أمريكا أو أوروبا الغربية. وزارة الصحة عندنا في قطر تصدر نشرات أسبوعية تحذر من الذهاب إلى هذه الدول ومرفق لكم تقرير يوم الأربعاء الماضي (403 إصابة في أمريكا وحالة وفاة واحدة + 27 إصابة في بريطانيا).

العمر مش بعزأة ياجدعان !!!

[مــــلاك]

أنا افكر انطر اسبوعين واحجز
بدل الناس اللي كنسلوا :)

الصراحة في خاطري اسافر


حركه ذكيه .. بس تحملوا من البلدان الي فيها نسبه كبيره من انتشار المرض


والله ماشالله بيت خالتي ولافكروا يكنسلون ويقولون عاااااادي ... للعلم حاجزين لندن

في ناس جذيه واغلبهم في المنتديات شفتهم بس في الواقع ..مافي اي احد قالي بيسافر في الصيف لاوروبا

[المستحيله]

انا حاجزه على جنيف وفرنسا في اغسطس وبنتظر لين نهاية شهر يونيو لو الوضع زاد سواء راح اكنسل واغير الوجهه لماليزيا أو لبنان ودبي

[مــــلاك]

تعالوا معاى طهران وقم وبعدها مشهد وبعده شيراز
ولا يفوتكم الجو صوب الحدود مع اوزباكستان وغيرها

الجو اتوقعه خيال .. بس مانبي نروووح :victory:



انشا الله الصيف ف لبنان - وسوريا


احنا معزمين بإذن الله أول 8 لكن عقب هالبلبلة قلنا بننتظر على الأقل لبداية 6 ان شاءالله الأمور اتضحت


وإذا مالنا نصيب انروح السنة :weeping:

إن شاء الله مصر ولا لبنان


تم تغيير الحجز من المانيا الى بيروت نهاية يوليو
ودبي احتمال اول يوليو
بيروت تم الحجز
ودبي خلال اسبوع
ولكن متردد اخلي دبي
في الصيف ولا بعد العيد
وبيروت ما شاء الله اهل الخيج هناك شووووووووووووووووووووووووووووووووووووووووووو
وخصوصا في السوليدير
بس اقعد واتفرج وخصوصا من جهة البيتي كافيه
وما شاء الله كل يوم مصايب وخصوصا
اهل السالميه
عموما في هذه الاوقات العصيبه ارجح
لبنان -سوريا -تركيا-دبي
فديتج يا قطر


الغالبيه غيروا تخطيطهم صوب لبنان وسوريا ومصر ..والثلاث دول مستحيل افكر اروح صوبها اصيف في الخليج احسن لي ...



أحنا ماكنسلنا ان شاء الله 1/7 بنروح لندن , واعرف ناس بعد حاجزين بيروحون امريكا -تكساس ولافكروا يكنسلون

الله يسلمكم من الامراض ..وشوفي رد اخونا جنتل مان شكاتب عن تحذيرات وزاره الصحه




انا كنت حاجز لندن وامريكا وزلامسي وهوليوود وشنغماي وهونج كونج والحسا بس عقب السالفه كنسلت الحسا .. :omg: <<< ياخي جذاااااب :tease:

أتغشمر .. أنا لا حجزت مكان ولا بسافر أصلاً شكلي بعيد فالدوحه .. قصدي بصيف فالدوحه :nice:

مافي احلى من صيفنا :ok:

[مــــلاك]

انا حاجزه على جنيف وفرنسا في اغسطس وبنتظر لين نهاية شهر يونيو لو الوضع زاد سواء راح اكنسل واغير الوجهه لماليزيا أو لبنان ودبي

نفس حجزي فرنسا وسويسرا ...:cry2::cry2:

[سداوي&مدريدي]

انا السنه هاذي بكون في قطر لان عندي أكثر من شغله لازم أخلصها
موضوع جميل والكل بيستفيد منه يعطيج العافيه

[فهد الخاطر]

والله هذا الي اشوفه ناس وايد بتتجه على بيروت ومصر
الله يستر من الاختناق المروري
تدرون بكنسل بيروت وباكتفي بدبي دار الحي

[مــــلاك]

اخوي فهد الخاطر .. اتوقع بعد دبي بتكون زحمه من قلب

[كركور]

بين العيون تايلند شهر 7 ومافي امل نغير ومتوكلين على الله

[ام لولوه]

والله هذا الي اشوفه ناس وايد بتتجه على بيروت ومصر
الله يستر من الاختناق المروري
تدرون بكنسل بيروت وباكتفي بدبي دار الحي


انا بستخف لو مااسااااااااااااافر وشكلي بروح لبنان وبطلع بورمانه اوسع صدري ومن
شوبنق ووناسه وبالنسبه للزحمه تعودنا عليها واصلا خلاص حجزت 10 ليالي في فندق فنيسيا بس استغربت ان ماسوا لي سوالف على الحجز وكان اسهل من السهوله

وشكلي بعد اسبوع بروح دبي وبقعد اسبوع قبل الزحمه :rolleyes2:

[ام لولوه]

بس نصيحه والله لاتغامرون باأنفسكم والي خاطره يسافر يسوي مثلي ههههههههههههههههههههه

تسوي دعايه حق بيروت

[][ الوحيد ][]

لحد الان الوجهة بتكون

دوحه - قاهره - لندن - دوحه

والسفر بتكون بدايه 7 لين نص 8
يمكن يصير تغيير بنشوف

[&شهد&]

والله احنا هذا موالنا اليومي في البيت!!!!
انسافر
لا ماانسافر
انسافر
لا نصبر احسن

بس تدرون انا الوحيده اللي قي البيت اسبابي غير اسبابهم
هم خايفين من المرض والله يلوم اللي يلومهم
وانا ابي آخذ اجازتي في رمضان وارتاح فيه واتعبد احسن لي:nice:

[لاداعي]

والله احنا هذا موالنا اليومي في البيت!!!!
انسافر
لا ماانسافر
انسافر
لا نصبر احسن

بس تدرون انا الوحيده اللي قي البيت اسبابي غير اسبابهم
هم خايفين من المرض والله يلوم اللي يلومهم
وانا ابي آخذ اجازتي في رمضان وارتاح فيه واتعبد احسن لي:nice:

:nice:

[لاداعي]

موضوع ممتاز أختي مـــلاك.. يعطيج العافيه..

[Gentleman]

مرفق أدناه تقرير وزارة الصحة عن انتشار المرض في 10 مايو 2009:

[سحر الليالي]

اعتقد والعلم عند الله ان السياسه تدخلت ومنعت منظمة الصحه العالميه من رفع حالة المرض من الدرجه الخامسه الى الدرجه السادسه لان ذلك سيؤدي الى احجام الناس عن السفر والتنقل وستكون ضربه موجعه لشركات الطيران والفندقه المترنحه اساسا من جراء الازمه الماليه ولااستبعد ذلك لان المتابع للمرض من اول ماظهر يلحظ كثرة خروج منظمة الصحه في المؤتمرات الصحفيه بشكل يومي والان اختلف الوضع كذلك سرعة رفع حالة التأهب الى الدرجه الخامسه والان يقولون الحاله لاتستدعي ذلك مع العلم انه ثبت ان المرض ينتقل من شخص الى اخر وهو مايستدعي الرفع الى الدرجه السادسه

[سحر الليالي]

أكد أطباء صينيون الثلاثاء أن إحتساء كوب من اليانسون الدافيء وليس المغلي
عقب الاستيقاظ صباحاُ
يعد أفضل وقاية من الاصابة البشرية من مرض انلفونزا الخنازير
الذي تفشى في بقاع شتى من العالم
وذكرت مجلة ( ميديكال ريسيرشيز) الصينية
المعنية بالشؤون الطبية
أن إحتساء اليانسون الدافيء يفوق في فاعليته تناول عقار
(تامفيلو) الذي طورته شركة "روش" السويسرية
ويستخدم حاليا على نطاق
عالمي واسع
للوقاية من انلفونزا الخنازير
ذلك أن أحد المكونات الاساسية
المستخدمة في إنتاج ذلك العقار هو ( حمض الشيمكيك ) الذي يستخرج من قرن ثمرة اليانسون
ويترك عدة اسابيع ليتخمر
والله يشافيهم ونروح يارب


وشكل اليانسون بيقوم سعره هالأيام

[سحر الليالي]

http://www.moheet.com/show_news.aspx?nid=252445&pg=2

[ابن الذيب]

شكراً على طرح الموضوع ..

أولا : اللي قالوا يبون يغيرون ويروحون البلدان العربية , خل يتأكدون انه استعدادات أوربا أقوى من استعداداتهم للمرض , واذا كان المرض بينتشر , فهو بينشر ف البلدان العربيه بشكل أسرع لقلة الاحتياطات وعدم الالمام بمثل هذه الحالات ..

ثانياً: الدول الاسيويه تنتشر فيها الاوبئه بأنواعها طول السنه وجوها مايساعد ..

وانشالله ماعليكم شر , واللي حاجز خل يأكد حجزه .. كلها كم يوم وبيختفي المرض
وترى وفيات الانفلونزا العاديه , أكثر من وفيات انفلونزا الطيور ..

(قل لن يصيبكم الا ماكتب الله لكم )
أَيْنَمَا تَكُونُواْ يُدْرِككُّمُ الْمَوْتُ وَلَوْ كُنتُمْ فِي بُرُوجٍ مُّشَيَّدَةٍ} [النساء:77-78].

[بوخالد911]

لحد الان ما كنسلت

والله يكوون بعوونا

[درب الساعي]

جولة أوربية بسيارة إبتدأ من ميونخ
1. زلمسي - انسبرك - (النمسا )
2. انترلاكن - مونتانا (سويسرا)
3. يوروبارك - (المانيا) .
4. زيورخ( سويسرا) .العودة للدوحة

ومن ثم لبنان (بحمدون)

[سمو]

احنا خذنا التذاكر فرنسا - سويسرا - ايطاليا ,, وشكلنا مهب متشجعين ع السفر وبنكنسل الله يعوضنا خير ..بس ما فكرت في تغير الوجهه لأن ما اظن بنستانس في دبي مع هالقيض الي بدا بدري السنه واشوف الافضل اخلي التخطيط مثل ما هو ان الله احيانّا للسنه الجاية ولا بلاه قدر الله وما شاء فعل بس مهب زعلانه ولا متضايقة احسها خيره سبحان الله ..العبد يريد والله يفعل ما يريد

[جهام]

ان شاء الله مكة عل شهر 8

[ام لولوه]

يااااااااااااااااااااربي نفسيتي تعبااااااااااااااااااااانه خاطري اسافر شسوي
اليوم طلعت الظهر فالسياره ربع ساعه حسيت اني ذبت من الحر ونزل وزني 20 كيلو
شسالفه شجعونا شوي

[الرصاصي]

بصراحه اسمع الناس وبعض السفريات ان اكثر العالم كنسلوا حجوزاتهم من اوروبا وامريكا بسبب المرض الخطير الله يكفينا شره .

[راعي القالات]

انا كنلست نهااااااااااائيا السفر هالصيف عشان هالمرض المنتشر
ولو بسافر دول خليجية بسافر في سيارتي الخاصة وليس بالمطارات والطائرات

كلها شهرين لكن اشتري صحتي و عافيتي ولا أوهق نفسي وأعكنن على عمري الله يحفظنا ويحفظكم

[الرصاصي]

انا كنلست نهااااااااااائيا السفر هالصيف عشان هالمرض المنتشر
ولو بسافر دول خليجية بسافر في سيارتي الخاصة وليس بالمطارات والطائرات

كلها شهرين لكن اشتري صحتي و عافيتي ولا أوهق نفسي وأعكنن على عمري الله يحفظنا ويحفظكم

:nice::nice::nice: وهذا اللي بيصير مع اهل قطر واهل الدول الخليجيه وبيكون السفر بالسيارات للدول المجاورة

[A bin M]

الظاهر بروح تركيا أو لبنان أو مكه <<< لين الحين ما خطط :)

[A bin M]

يااااااااااااااااااااربي نفسيتي تعبااااااااااااااااااااانه خاطري اسافر شسوي
اليوم طلعت الظهر فالسياره ربع ساعه حسيت اني ذبت من الحر ونزل وزني 20 كيلو
شسالفه شجعونا شوي

ههههههههههههههههههههههه


تركيا يمدحوونها

[umabdulla77]

ميونيخ وزيلامسي اخر هالشهر ان شاءالله

ولا افكر اكنسل

قل لن يصيبنا الا ماكتبه الله لنا

[درب الساعي]

يااااااااااااااااااااربي نفسيتي تعبااااااااااااااااااااانه خاطري اسافر شسوي
اليوم طلعت الظهر فالسياره ربع ساعه حسيت اني ذبت من الحر ونزل وزني 20 كيلو
شسالفه شجعونا شوي

وين في خاطرك اتروحيين يعنيي؟؟؟ ولا أقولك روحي فلاجيوا كل يوم ونتقلي من كافية إلى كافي كنك في اوربا الجو بارد ومافية شمس ولا غبار

[درب الساعي]

ميونيخ وزيلامسي اخر هالشهر ان شاءالله

ولا افكر اكنسل

قل لن يصيبنا الا ماكتبه الله لنا

سلمسي لا طولين فيها يومين تكفي وبعدين حاولي تروحين بالسيارة تراها وايد قريبة من ميونخ ساعة نص وبعدين الطريج لها راح اتمرين على جنات ومناظر خيالية واذا عندكم يهال روحي يورو بارك في خوست غرب المانيا

[VIP-QATAR]

جولة أوربية بسيارة إبتدأ من ميونخ
1. زلمسي - انسبرك - (النمسا )
2. انترلاكن - مونتانا (سويسرا)
3. يوروبارك - (المانيا) .
4. زيورخ( سويسرا) .العودة للدوحة

ومن ثم لبنان (بحمدون)

انا نفس جدولك بس العكس

بابتدي في بحمدون بعدها سويسرا والريف الفرنسي

[umabdulla77]

مشكور اخوي ويعطيك العافية

بس تدري زيلامسي اسبوع وبعد ماشبع منها <<< هدوء اعصاب

يوم الزحليقة ويوم جبل الثلج في كابرون ويوم شلالات كريمل ويوم الطيارات
ويومين مابين البحيرة والفندق للاسترخاء وغير مايمنع انه احنا انروح من زيلامسي الى سويسرا وايطاليا

اما ميونيخ للشوبنق بس شكلنا بنروح اليورو بارك ان شاءالله

[شعشوع]

سلمسي لا طولين فيها يومين تكفي وبعدين حاولي تروحين بالسيارة تراها وايد قريبة من ميونخ ساعة نص وبعدين الطريج لها راح اتمرين على جنات ومناظر خيالية واذا عندكم يهال روحي يورو بارك في خوست غرب المانيا

تطري رســـت Rust
Europa-Park

=)

[شعشوع]

بإذن اللـه شهر العسـل جوله بالسياره في بلاد اوروبا :

الدوحه - ميونخ - تيكينزى - سالزبرغ - زلامسي - رسـت ( يوروبارك) - لوزيرن - بازل - لوقانو وكومو -ميلانو - الدوحه

ان قالها اللـه ..

[درب الساعي]

بإذن اللـه شهر العسـل جوله بالسياره في بلاد اوروبا :

الدوحه - ميونخ - تيكينزى - سالزبرغ - زلامسي - رسـت ( يوروبارك) - لوزيرن - بازل - لوقانو وكومو -ميلانو - الدوحه

ان قالها اللـه ..
بالفعل لوقانو عجيبة وفي مناظر ولا في الخيال وخاصة لما تطلع من النفق

[Revamp]

ولا انا كنت حاجزه حق فرنسا وايطاليا وفينا وجنيف بس الصراحه كلمني مال السفريات وقال لي ماتبين تكنسلين مثل الي كنسلوا واستخرت الصراحه وكنسلت مع ان خااااااااااااااااااااااطري اسافر بس صحتنا والله أولى والله يعينا على الحر ونصيحتي الصراحه كنسلوووووووووووووا
شكلي بروح دبي اغير جو كم يوم وبصبر نفسي
وقاعد افكر اروح لبنان طريق سياره

تناقض واضح

[ام لولوه]

وين في خاطرك اتروحيين يعنيي؟؟؟ ولا أقولك روحي فلاجيوا كل يوم ونتقلي من كافية إلى كافي كنك في اوربا الجو بارد ومافية شمس ولا غبار

اروح فيلاجيووووو حق الوناسه والجو الحلوووو يععععععععععع
مستحيل انا يالله يالله اروح اتسوق مااطيقه الصراحه

[ام لولوه]

تناقض واضح

ممكن أعرف شتقصدين ؟

[ام لولوه]

سلمسي لا طولين فيها يومين تكفي وبعدين حاولي تروحين بالسيارة تراها وايد قريبة من ميونخ ساعة نص وبعدين الطريج لها راح اتمرين على جنات ومناظر خيالية واذا عندكم يهال روحي يورو بارك في خوست غرب المانيا


فعلا انا رحت مره من سلزبرغ لميونخ تقريبا ساعه ونص تقريبا بالقطار وقعدت في سلزبرغ
3 ايام وكانت من احلى ايام سفرتي الصراحه خصوصا ممشا موزارت وقعدت البحيره
خيال الصراحه
وفعلا الطرررريق كان روعه

[الراقية]

تم الحجز على الخطوط الجوية الإماراتية من شهر4 لاني احب استفيد من الاسعار

والحجز على سويسرا بشهر 7
ولحد الحين تاركينها على اللة

وماعتقد نقرر الغاء الا اذا ثبت انه وباء

تقبلوا تحياتي

[Dana]

أنا افكر انطر اسبوعين واحجز
بدل الناس اللي كنسلوا :)

الصراحة في خاطري اسافر

يختي كلنا خاطرنا بس اصبري صحتج الزم

[وطن]

يختي كلنا خاطرنا بس اصبري صحتج الزم

حجزت خلاص
وان شاء الله السفر قريب

:victory:

[alanood]

بلادي احسن من اي بلد
حتى وهي حارة خالية من الامراض
ولو رحت ولا كنسلت ما بتتكنسل هويتي
قطرية واعشق قطر في كل موسم

[مــــلاك]

لين الحين الكل بين يكنسل ومايكنسل نفس حالتنا في البيت....والكل ينتظر شهر 6 و7 عشان يقرر
والمتوهق الي مسويه عمره بطل وحجز من شهر 3 <<< انا

انا اعتير هالمرض ضجه اعلاميه اكبر من ان يكون مرض وبائي ..والله اعلم
بس ادري بنفسي اذا سافرت بتم اوسوس واخاف من اي شي يصيدنا او يتعب اليهال

ومافي بديل للاسف ....يعني دول الخليج بتكون مليانه بأهلها لان الغالبيه العظمى
مايبون يسافرون ....فنقعد في البلاد احسن ونستعد لرمضان والمدااارس

[لبتونه]

كنسلنا بدون مانقول كلمه وضيقه اشكال والوان شهور واحنا نخطط ونحوووووووووش

العمر والروح اولى

وخصوصا اذا معاكم اطفال الواحد يخاف يروووح

والبعض سافر بس مانلقي نفسنا بتهلكه

كنا حاجزين لندون وفرنسا والغينا حجوزات

قررنا مصر وماليزيا وطلعت حالات وكنسلنا


اللحين مافي الا دبي

والله حاله اكتئاب ووضيقه

شكلنا بنصيف في بيوتنا

[لبتونه]

والقهر اليوم اعلنوا طلعت حاله بتركياااااااااااا

[قطري كيووت]

أحنا كنا مخططين على لندن

ومن 4 سنوات كل صيف اهناك

اما الحين :( كنسلنا السفره

بسبب المرض

وميصيفين في الدووحه ... ودوول الخليج :p

[قطر77]

يالربع انا كلمت الشباب في بريطانيا وفي اكثر من مدينه وقالو الوضع عادي ومافي اي شي

بس عندنا هني مكبرين السالفه ومسوين بلبله مالها داعي

وانا سألت 8اشخاص من مناطق مختلفه والكل قال عادي بس هاي ضجه اعلاميه نفس كل سنه

وانا بصراحه بتوكل على الله ((ولن يصيبنا الاما كتب الله لنا))

[مــــلاك]

احس الناس هنيه متخرعين وايد ..ومثل ماقال اخونا قطر 77 الوضع هناك عندهم عادي
وصديقتي عندها جيران في بريطانيا اسألتهم << لانها كل سنه هناك قالوا الوضع عادي جدا وطبيعي
وتقولي مب مكنسلين وبأذن الله رايحييين


واحنا اليوم توكلنا على الله وكملنا حجوزاتنا ....وبأذن الله بنستخير لين موعد السفر
واللي الله كاتبه لنا بيصير ان شاء الله

[قمره]

احنا حاجزين من شهر 2 و لا غيرنا حجوزاتنا و لا شي
و بنتوكل على الله :)

[لوردغاليري]

اليوم كنت بالسفريات(ريجنسي)
قالي من اعلنوا الوباء تكنسلت 50%من الرحلات اوربا واسيا

صراحه شي يخووووووووف


الله يعين

[سهم المراقيب]

يا اخوه ويا أحبه ولله العظيم ان السالفه كلها خراط في خراط ,,
حُطَوا في بطونكم "بطيخه" صيفي ,, واللي يبي يسافر يتوكل على الله ولا يوسْوسْ ,,
ما شيء يدعو الى الخوف ,,

المرض موجود نعم ,,
لكن مش بالدرجه اللي تتخيلونها ولاهي مثل اللي ينشرونه في وسائل الإعلام ,,
كبروا الموضوع وضخموه زياده عن اللزوم ,,

الموضوع كله business ويبون يمشونها عالعالم ,,عشان يبيعون اللقاح الجديد ..
مثل ما يسمونها تصريف ذكي بسعر السوق خخخخخ ,, بس على مين يابو حسين ,,

نتمنى لكم سفره خاليه من الامراض ,,
تحياتي للجميع ,,

[القطرية55]

احنا كنا حاجزين على شهر سبعة امريكا ولندن وبعدين كنسلنا الصراحة خفنا وبالذات من امريكا وفكرنا قلنا بنروح ماليزيا يوم جينا بنحجز ما حصلنا حجز تحطمت الصراحة
بعدين حجزنا هونج كونج وفي وايد ناس قالوا لنا هنا ك حر موت انا قلت ما يسوا علينا احنا شاردين من الحر وبعد نروح بلد بعيدة تسع ساعات في الطيارة وبعد يطلع حر انا اقول ما يسوى علينا نقعد في قطر ابرك

[قطر]

السلام عليكم

اللي يقول مصر وتركيا

ترى فيهم حالات

وتركيا اعلنت لكن مصر مااعلنت عن الحالات اللي اكتشفوها

ومعروف عن مصر تربيتهم للخنازير بشكل كبير




انا مثلكم ماكنسلت حجوزاتي لاني حاجز الفنادق عن طريق الانترنت
عندي لين اسبوع قبل الحجز اقدر ألغيهم

ولكن التذاكر اتصلوا فينا :anger1:
قلت لهم اذا جاكم حد ياخذ تذاكري عطوووه حلال عليهم

واذا محد يبيهم خلوا حجزي ليش اتكنسلونه :tease:

بس عموما اذا بسافر ماراح اطلع التذاكر الا اخر 6

[ام خليفة]

ماليزيا طلعت فيها حالات بعد

عموما اغلب الناس حولوا وجهتهم الى بيروت

[miss-qatr]

اخواني والله تحطمت :(



كل مااقول حق حد اني معزمه عالسفر يقولون والله انك مب صاحيه ... الحين تقريباً مسويين كنترول على المرض بس العالم اذا بدت اتسافر لدول مختلفه هذا في خطر على انتشار المرض

وانتي تبين اتسافرين ؟؟؟



يعني شنسوي .. اللي معزم على اوربا وش الحل!!


أنا إذا ربي يسر والامور اوكي على 30-7 ..



ياليت اتكون في نسبه اللي راح يسافرون و تنضاف للموضوع


والله شي يضايق :(

[زهرةالسوسن]

انشالله بنرووح بعد خلاص الشهر الجاي اعلنوا الن المضاد بينزل انشالله

[خليجي 968]

تعالوا على صلالة .. الجو روعه في الصيف .. وأهلا وسهلا بهل الخليج

[aalqahtani]

يا جماعة الخير الي خايف من المرض المفروض ما يسافر الى اي مكان واذا بيسافر الافضل يسافر الى بلدان تكون فيه الخدمات الصحية عالية جدا

انما واحد يلغي السفر الى بلدان متطورة صحيا وعدد الحالات مب وايد ...... ويروح لبلدان خدماتها الصحية اقل !!!!!!!!!!!!!!!

بالنسبة لي انا حجزت لمدة شهر الى ميونيخ شهر 7 مع سيارة وقد تم دفع جميع المبالغ..................
وساقوم بالغاء الحجوزات وارجاع التذاكر في حالة تحول المرض الى وباء سريع الانتشار اي بمعدل اكتشاف 1000 - 2000 يوميا او وصول عدد الوفيات الى 50000

[alanood]

بلادي احسن من اي بلد
حتى وهي حارة خالية من الامراض
ولو رحت ولا كنسلت ما بتتكنسل هويتي
قطرية واعشق قطر في كل موسم

بس اذا حر وايد هالسنة مابغير رايي لو على انفلونزا الفيل مو بس خنزير
خلنسير خلنسير
:discuss:

[بن عجلان]

خليجي ٩٦٨ .. الناس هالايام بس تبي أسم أنها راحت أوروبا وأحنا تسيحنا في المكان الفلاني ورحنا المكان الفلاني.
الناس تمدح وتمدح في لندن خلووها لنا جنها البلاد الي يعيش فيها مايملها
وانا طالب في بريطانيا كاره شي اسمه لندن .. الصراحه مدينه خساير ومافيها شي
هوو حق الي اول مره يروح لها بيستانس .. ولاكن أني اروح لها في السنه اكثر من مرتين حراام فيها

الناس ليش ماتنوع .. عندكم فرنسا .. المانيا .. ايطاليا .. أمركيا " يعني أمريكا لحالها يبيله الواحد سنه لين مايلفها كلها "


جدي كل سنه في صلاله وحزات مرتين ومشاء الله بلاد خير ونعمه والجوو عال العال
يعني اسمحوو لي على المداخله
وأتمنى تتقبلوون مروري :$

[نشميّه]

والله احنا حاجزيين ولا نحتاج دوى ولا نحتاج انفلونزا الخنازير ولا انفلونزا الخراتيت
السالفه كلها بروباجاندا ودعااااااااااايه .. المرض يصيد الناس اللي مناعتهم منخفضه
خرعوا العالم بالمرض حاله حال الانفلونزا العاديه تكرمون اللي يقول
كل يوم مجبوس بالخنزير ! الحمدلله على النعمه اللي احنا فيها !!!
دام امس الحرار 52 !! شبيقعدني في الدوحه :p
لا يبه يازين اوروبا مانقدر مانسافر في الصيف -_-

[الــــروح]

انا مرتبط بشخص اسافر ولا اتم وانشااالله يروح عنه الوسواس

ودمتم بود

[الــــروح]

:tease:لا بعد يقرى ويضحك بعد

[وطن]

انفلونزا الخنازير وصلت الكويت ودبي
:secret:

[الياقوت99]

والله هالمرض خرب علينا كل مخططاتنا واحس الصيف بدون اوروبا كئيب ويجيب الضيقه الله المستعان --- والله ان ماودي اسافر ولا مكان احس اغتثيت خلاص

[مضاد]

وينكم عن ..؟

SOUTH AFRICA

او

Australia


مش معناه اني بروح هذي الاماكن....لاء ...بس مجرد اقتراح .


والله يحفظ الجميع .

[كبير المجلس]

معلومات عن الجونه وأهم مناطقها :





شعار الجونه هو نجمة البحر ... وهناك باصات كثيرة اسمها El-Gouna تنتشر مكاتبها في أنحاء مصر والدول الأوروبية ... وعليها نفس الشعار

وتبعد عن القاهرة بـ 470 كيلو متر
وعن الأقصر بـ 270 كم
وعن السويس بـ 190 كم
وعن شرم الشيخ بـ 45 كم ( المسافة بينهما في البحر طبعاً )
وعن سفاجا بـ 50 كم
يعني يمكن للقادمين براً من السعودية أو من الخليج بشكل عام أن يصلوا للجونه عن طريق سفاجا .. حيث أنها تبعد عنها بنصف ساعة بالسيارة

وتبعد عن القاهرة بـ 470 كيلو متر
وعن الأقصر بـ 270 كم
وعن السويس بـ 190 كم
وعن شرم الشيخ بـ 45 كم ( المسافة بينهما في البحر طبعاً )
وعن سفاجا بـ 50 كم
يعني يمكن للقادمين براً من السعودية أو من الخليج بشكل عام أن يصلوا للجونه عن طريق سفاجا .. حيث أنها تبعد عنها بنصف ساعة بالسيارة

وتبعد عن القاهرة بـ 470 كيلو متر
وعن الأقصر بـ 270 كم
وعن السويس بـ 190 كم
وعن شرم الشيخ بـ 45 كم ( المسافة بينهما في البحر طبعاً )
وعن سفاجا بـ 50 كم
يعني يمكن للقادمين براً من السعودية أو من الخليج بشكل عام أن يصلوا للجونه عن طريق سفاجا .. حيث أنها تبعد عنها بنصف ساعة بالسيارة

www.elgouna.com

[كبير المجلس]

وشوف كما

[قطر77]

لن يصيبنا الا ما كتب الله لنا

[مــــلاك]

يا جماعة الخير الي خايف من المرض المفروض ما يسافر الى اي مكان واذا بيسافر الافضل يسافر الى بلدان تكون فيه الخدمات الصحية عالية جدا

انما واحد يلغي السفر الى بلدان متطورة صحيا وعدد الحالات مب وايد ...... ويروح لبلدان خدماتها الصحية اقل !!!!!!!!!!!!!!!

بالنسبة لي انا حجزت لمدة شهر الى ميونيخ شهر 7 مع سيارة وقد تم دفع جميع المبالغ..................
وساقوم بالغاء الحجوزات وارجاع التذاكر في حالة تحول المرض الى وباء سريع الانتشار اي بمعدل اكتشاف 1000 - 2000 يوميا او وصول عدد الوفيات الى 50000



ابي اسألك عن الغاء الحجوزات شلون ؟؟؟ الي اعرفه ان القطريه ياخذون نسبه على كل تذكره حسبي الله عليهم مانلزا اسعارهم عكس اسعار الطيران اغلبهم نزلوا الاسعار ومسوين عروض حلوه لاوربا [/color]

[خليجي 968]

الخليج العربي يزخر بالمقومات السياحيه الجميله التي تتطلب منا كخليجيين أن نستثمرها بما هو ينفعنا نحن الخليجيين بصفة عامه وذلك بالتشجيع في انعاش السياحه الخليجيه الداخليه .. وأقترح نحن الخليجيين ان نقوم بزيارات داخليه الى دول الخيج العربي .. خليج الأمان والأستقرار .. خليج المحبه والأخاء .. خليج الخير .. ((السياحه الداخليه بدول المجلس التعاون))

[عبدالرحمن]

انا كنت حاجز على كم مدنيه اوربية ولندن وافكر اكنسل متردد صراحه لين نشوف يمكن يستقر الوضعي الصحي عندهم ولا اذا هو على ماهو عليه قبل سفرتي باسبوع بكنسل

[aalqahtani]

ابي اسألك عن الغاء الحجوزات شلون ؟؟؟ الي اعرفه ان القطريه ياخذون نسبه على كل تذكره حسبي الله عليهم مانلزا اسعارهم عكس اسعار الطيران اغلبهم نزلوا الاسعار ومسوين عروض حلوه لاوربا [/color]

يتم خصم حول 6 % من سعر التذاكر
بالنسبة للفنادق ياخذون اول ليلة وكذلك السيارة

هذا والله اعلم

[قطر77]

الخليج العربي يزخر بالمقومات السياحيه الجميله التي تتطلب منا كخليجيين أن نستثمرها بما هو ينفعنا نحن الخليجيين بصفة عامه وذلك بالتشجيع في انعاش السياحه الخليجيه الداخليه .. وأقترح نحن الخليجيين ان نقوم بزيارات داخليه الى دول الخيج العربي .. خليج الأمان والأستقرار .. خليج المحبه والأخاء .. خليج الخير .. ((السياحه الداخليه بدول المجلس التعاون))


يعني اصيف في البحرين ولا دبي حق الرطوبه

[سحر الليالي]

اخواني وخواتي
استفسرت مره ثانية عن انفلونزا الخنازير و السفر إلى المانيا بعد المستجدات و قالولي بالحرف الواحد :

" مافي أي خطورة و أمان 100% و سافروا و انت مطمئنين لان المانيا من الدول المتقدمة صحياً و وقائياً و ما بتسمعون عن المرض هناك كثر ما تسمعون عنه عندنا بسبب التهويل الإعلامي .. و عدد الحالات اللي طلعت في المانيا 15 حالة كلها تعالجت و تشافت شفاءً تام و كلهم راجعين من امريكا و المكسيك و كندا ، وقالولي بعد عدد سكان المانيا 85 مليون شخص يعني عدد الإصابات لا يذكر و مافي مجال للمقارنة و المرض ما يعتبر وباء و الوضع مستقر جداً و الحياة طبيعية عندهم "

[cavok]

بصراحة رايحين اورلاندو -فلوريدا - امريكااااااااااااااااااااااااااااااااااااااااااااا ااااااااااااا

[&شهد&]

يتم خصم حول 6 % من سعر التذاكر
بالنسبة للفنادق ياخذون اول ليلة وكذلك السيارة

هذا والله اعلم

السنه اللي طافت حجزنا تذاكر ودفعنا وبعدها كنسلنا بس ماردوا لنا قيمة التذاكر وقالوا لنا صلاحية التذاكر مدتها سنه من تاريخ شراءها ولا بتروح عليكم!!!

القطرية طبعا
وابشركم رااااحت علينا

[al-badr]

الله يعطيك العافيه

[طموحي عالي]

مافي سفر السنه

[سحر الليالي]

اذا كنسلنا الحجز تروح علينا 500 ريال من التذكرة
القطريه

[بدون نك]

نوووو سفر :(
الله يصبرنا عالبرد والثلوج اللي بتجينا في الصيف لووول

[ahlaam]

والله ما ندري وين نروح الله يبارك بشاليهات الدوحه

[jm01]

احنا كنا مقررين نسافر باريس وفينا بس كنسلنا الحجز .. شنسوي بعد صحتنا اهم من كل شي ولاحقين على سفرات
والحمدالله على كل حال

[jm01]

(سحر الليالي) تروح عليج 500 ريال ولا تروح صحتج
فكر بصحتج اهم شي

[عذري ، معاي]

كنا حاجزيين لفرنسا 10 ايام والنمسا 10 ايام وامريكا 25 يوم


بس على طول الوالد كنسل الحجوزات ,,


ناويين على لبنان وتونس ودبي ,,



مايندرى ,, بس هالانفلونزا ينخاف منها ,, مب مضمونه


يعطيج العافيه