المساعد الشخصي الرقمي

مشاهدة النسخة كاملة : كفايه عري يا أجانب


الصديق الوفي
09-05-2009, 10:18 PM
اولا حتى نكون واضحين الاجانب هم الاوروبيين وما شابههم وسبب كتابتي للموضوع اني ذهبت عصر هذا اليوم الى اللاند مارك مع الاهل والعيال ووالله ياأخوه ويا أخوات ليتني لم اذهب فقد استفحل الامر وبلغ السيل الزبى امام هذا التعري القذر من قبل الاجانب ومن شابههم والله لايستطيع الواحد من ان يلتفت على شئ يريده الا والحصار عليك من جميع الجهات الا يوجد رادع لهؤلاء الا يتدخل من لهم يد ويستطيعون اصدار قوانين تلزم الجميع بمراعاة الحشمه في الملبس اعتقد لو خرجت اخت متنقبه في بلادهم في اي شارع لقذفوها بالسخريه والكلمات النابيه وهم يسرحون ويمرحون في بلادنا ويستمتعون بفضل الله عزوجل بالامن والامان وبد ان يحتموا دين هذا البلد وعادات اهله الطيبين نراهم صباح مساء في المجمعات والشوارع والاسواق وفي كل مكان وقد تبرأو من شئ اسمه ملابس دون رقيب او حسيب عليهم وختاما نرجو من الجهات الرسميه في بلدنا الحبيب وانا على يقين انهم لايرضون ابدا مايحدث ويتزايد والصيف قادم نرجو منهم التدخل لايقاف هذا المنكر حرصا على ابنائنا وبناتنا ومجتمعنا المبارك بحكومته واهله من هذا الخطر

وما اردت الا الخير والنصيحه
وجزاكم الله خيرا
حبر سري
09-05-2009, 10:22 PM
اخوي انت بلغت العضيد؟
كلمت حد؟ سويت شي؟؟ ولا بس في المنتدى؟

لأن الاجانب اللي تتكلم عنهم مااظن انهم يدخلون المنتدى يعني

فرسالتك ماراح توصل لهم , وحتى لو وصلت ماراح يسمعون لك اصلا

فالحل انك تتخذ اجراء ثاني , مثل انك تبلغ عليهم مثلا , او انك تكلم ادارة المجمع هناك , هل سويت اي شي من هذا؟
الخير كله
09-05-2009, 10:24 PM
اي عضيد؟؟؟
يعني ليش ما يحطون قانون ويفكونا
شوفيهم بالسعوديه مهب كفو يفصخون العبايه
حبر سري
09-05-2009, 10:28 PM
اي عضيد؟؟؟
يعني ليش ما يحطون قانون ويفكونا
شوفيهم بالسعوديه مهب كفو يفصخون العبايه

ومن قال لج يالمبروكة ان التعري مسموح أصلا؟

بس انا اللي اقوله دايما ان الموقف لازم يكون ايجابي

يعني اي موضوع مثل هذا , وجزاه الله خير من كتبه , النية طيبة باذن الله , لكن شنهي نتيجته؟

بتلاقين ردود بالهبل لان هالمواضيع تجذب الاعضاء , وبعدين شكرا عالمرور , والله ياخذ الاجانب , ومتى بيسفرونهم ومن هالكلام!!!

طيب لو مبلّغ عليهم , ولو كل واحد يشوف مثل هالمناظر يبلغ

ماتشوفين انه احسن اختي؟؟؟ماتشوفين ان الحل بيكون عملي اكثر؟؟؟ ليش مانبلغ ؟؟وشبياخذ منا التبليغ؟؟؟ كلها رنة جوال او ارسال رسالة حتى

يعني الحين العضيد مب مسوين شي , الكتابة في المنتدى بتسوي؟؟ خلونا صريحين

ادري ان محد يرضى بمثل هالتصرفات , هذا اكيد , لكن ليش مانبلغ؟؟ الكل يقول العضيد مايسوي والعضيد مايسوي , لو كل يوم واحد اتصل , هل بيتمون مايسوون شي ؟ هذا على فرض انهم مايسوون شي
الخير كله
09-05-2009, 10:32 PM
يا حبر يا سري الله يطول عمرك انا اقول هل يوجد قانون يمنعهم عطني نص القانون ورقمه وانا اطبعه الف نسخه على حسابي...
العضيد ما يقصرون بس وين القانووووووووووووووون
حبر سري
09-05-2009, 10:39 PM
يا حبر يا سري الله يطول عمرك انا اقول هل يوجد قانون يمنعهم عطني نص القانون ورقمه وانا اطبعه الف نسخه على حسابي...
العضيد ما يقصرون بس وين القانووووووووووووووون

بتطبعينه الف نسخة على حسابج يالمبروكة؟

اخذي عيل:

المادة رقم 290 من قانون العقوبات القطري رقم 11 الصادر سنة 2004 , الفصل الخامس :

(يعاقب بالحبس مدة لاتجاوز ستة أشهر وبالغرامة التي لاتزيد على ثلاثة آلاف ريال , او باحدى هاتين العقوبتين , كل من أبدى اشارة او جهر بأغان , او اقوال فاحشة او أتى فعلا فاضحا او مخلا بالحياء بأي طريقة في مكان عام او في مكان يستطيع فيه رؤيته من كان في مكان عام.)


للحين صاملة عالوعد؟
technical
09-05-2009, 10:48 PM
حمل الغيره على الدين والاخلاق والدتسور مش على المواطن فقط . يحمل هذه الغيره المشرع ورجل الامن والمسؤل في البلد ايضاً . بل ان حمل هذه الغيره عليهم آثقل من حمل المواطن لها . لآن الواطن لم يقم بحمل هذه المسؤليه وهم تصدوا للقيام لآنهم راوا آنهم احق بهذه الامانه . فكلمه آن مسؤليه آنكار هذا الشيئ العلني تقع على المواطن منكره اصلاً لآن هذا شيئ علني ومخالف للدستور القطري الذي آتى فيه آحترام عادات آهل البلد ، وآزيد بآنه آقر آن دين آهل البلد هو الآسلام . ُاي آسلام يرضى بآن تمشي فيه النساء كاسيات عاريات . اي اسلام يرضى ان تقدم الخمر الى شباب وفلذات كبد قطر . وفوق هذا يطلعون من البارات هذه وهم يقودون سياراتهم كي يصيبون من يصيبون بعاهه آو يقتل . مع ملاحظه آن الشدطه لم تعلم الشعب عن نتيجه تحليل دم ذاك الذي قتل وزير التجاره بسيارته .
متفائله
09-05-2009, 10:48 PM
متابعة بصمت
الخير كله
09-05-2009, 10:52 PM
بتطبعينه الف نسخة على حسابج يالمبروكة؟

اخذي عيل:

المادة رقم 290 من قانون العقوبات القطري رقم 11 الصادر سنة 2004 , الفصل الخامس :

(يعاقب بالحبس مدة لاتجاوز ستة أشهر وبالغرامة التي لاتزيد على ثلاثة آلاف ريال , او باحدى هاتين العقوبتين , كل من أبدى اشارة او جهر بأغان , او اقوال فاحشة او أتى فعلا فاضحا او مخلا بالحياء بأي طريقة في مكان عام او في مكان يستطيع فيه رؤيته من كان في مكان عام.)


للحين صاملة عالوعد؟

يا بو عبد الله....
فعلا فاضحا غير لبسا فاضحا....
انا اقول ياريت ينقال لهم لازم يكون لبسكم كذا كذا كذا ويحددون لهم
معزوم على سيلين والبنانا:nice:...... تشوف اللبس على اصوله وبالمره تنادي العضيد:)
درب السعادة
09-05-2009, 10:57 PM
:omen2:طيب طيب يا جماعه يعني لما الشباب والبنات يدخلون المجمع وأول ما تستقبلهم فتاة زي العسل وشاب زي القمر وهم شبه عراه وفي وضع حميم كل يوم وكل ساعه على واجهات المحال التي تبيع الماركات المشهوره بقصد الترويج مو بنيه سيئة لا قدر الله حرام ظن السؤ .
صارت المجمعات واجهات للدعاره وترويج فكر وثقافة العري والتهتك وأستشعر بمجرد دخولي اليها اني دخلت الى كبسولة زمنيه لغسيل الدماغ يا سلام الرجال من مختلف الاعمار والمشارب والشوارب:tease: هههه جالسين على المقاهي التي اصبح تصميمها يتماشى مع هواية التبصبص على الرايح والجاي من النساء والفتيات بحيث لا يستطيع أحد ان يحاسبهم أو يجرمهم ما هم جالسين في أمان الله يرتشفون القهوه اللذيذه ويمسكون بالجرايد التي لا يتم قرائة حرف واحد منها بسبب كثرة الملهيات.
يا سلام هاذي هي الحياة وحضرتك تبي تخرب علينا لا وألف لا دعوا الخلق للخالق وخلكم من التهتك لانه أصبح ثقافة لها محبيها ومتتبعيها وعجبي .............
حبر سري
09-05-2009, 10:57 PM
يا بو عبد الله....
فعلا فاضحا غير لبسا فاضحا....
انا اقول ياريت ينقال لهم لازم يكون لبسكم كذا كذا كذا ويحددون لهم
معزوم على سيلين والبنانا:nice:...... تشوف اللبس على اصوله وبالمره تنادي العضيد:)

ياام خالد
المادة تقول او اتى فعلا فاضحا , واللبس الفاضح يقوم مقام الفعل الفاضح , في خدش الحياء
والمادة تقول اتى فعلا فاضحا في مكان عام , فعل فاضح يتمثل في ارتداء لبس مثير او خادش للحياء
ولا اشرايج؟؟

اللي يحطون القوانين يالمبروكة مايقدرون يكتبون مثلا :
ممنوع على المرأة لبس استريتش مثلا , القانون واضح

وهاذي المادة اللي طلبتيها وجاتج , بس في اي مطبعة بتطبعينها؟؟؟هذا السؤال


اما مسألة يحددون لهم , من اللي يحدد لهم؟؟؟ يالمبروكة هم دامهم دخلوا البلد فيفترض فيهم انهم عارفين بالقانون هذا , والجهل بالقانون مايعفيهم من المسؤولية

وبالنسبة للعزيمة فياما شفنا في هالأماكن وغيرها وبلغنا والحمد لله , هذا الدور الايجابي

ولا اشرايج؟ انا ماقلت هالمظاهر مب موجودة , الا موجودة ونص , لكن اهم شي التحرك الايجابي تجاهها

اذكر مرة واحد من الاعضاء كتب عن سالفة مشابهة , وكان طالع من الجامعة على حسب ماكتب (بصراحة نسيت اسم العضو والله يجزاه خير ) وقال انه بلغ العضيد وتم اتخاذ اللازم

ماقلتي لي:
في اي مطبعة ناوية تطبعين؟
الخير كله
09-05-2009, 11:06 PM
ياام خالد
المادة تقول او اتى فعلا فاضحا , واللبس الفاضح يقوم مقام الفعل الفاضح , في خدش الحياء
والمادة تقول اتى فعلا فاضحا في مكان عام , فعل فاضح يتمثل في ارتداء لبس مثير او خادش للحياء
ولا اشرايج؟؟

اللي يحطون القوانين يالمبروكة مايقدرون يكتبون مثلا :
ممنوع على المرأة لبس استريتش مثلا , القانون واضح

وهاذي المادة اللي طلبتيها وجاتج , بس في اي مطبعة بتطبعينها؟؟؟هذا السؤال


اما مسألة يحددون لهم , من اللي يحدد لهم؟؟؟ يالمبروكة هم دامهم دخلوا البلد فيفترض فيهم انهم عارفين بالقانون هذا , والجهل بالقانون مايعفيهم من المسؤولية

وبالنسبة للعزيمة فياما شفنا في هالأماكن وغيرها وبلغنا والحمد لله , هذا الدور الايجابي

ولا اشرايج؟ انا ماقلت هالمظاهر مب موجودة , الا موجودة ونص , لكن اهم شي التحرك الايجابي تجاهها

اذكر مرة واحد من الاعضاء كتب عن سالفة مشابهة , وكان طالع من الجامعة على حسب ماكتب (بصراحة نسيت اسم العضو والله يجزاه خير ) وقال انه بلغ العضيد وتم اتخاذ اللازم

ماقلتي لي:
في اي مطبعة ناوية تطبعين؟

مطابع الدوحه الحديثه مالت بو عباس:)

بس ترى ما اقنعتني ان اللبس فعل :omen2:
هات العضيد وتعالو البنانا بتشوف العجب العجاب....مو فعل فاضح الا سكوترات ترضخ الموج يعني قول وفعل فاضح 2 في 1 بس لا تقول ان كل واحد ويا المدام:)
وينك:telephone::telephone:
حبر سري
09-05-2009, 11:17 PM
مطابع الدوحه الحديثه مالت بو عباس:)

بس ترى ما اقنعتني ان اللبس فعل :omen2:
هات العضيد وتعالو البنانا بتشوف العجب العجاب....مو فعل فاضح الا سكوترات ترضخ الموج يعني قول وفعل فاضح 2 في 1 بس لا تقول ان كل واحد ويا المدام:)
وينك:telephone::telephone:

مب سالفة اقنعتج يالمبروكة , هذا القانون اصلا , يعني سوء اقتنعتي او انا اقتنعت , القانون قانون

واللي اقوله يالمبروكة (جعلج دوم مبروكة قولي آمين) ان الفعل هنيه هو اللبس , يعني اللي يلبس لبس فاضح , يكون قد ارتكب فعل فاضح , عرفتي؟

يعني كلمة (لبس ) فعل ماضي صح؟

هذا المقصود بالفعل

ولا مامعنى الفعل الفاضح؟؟
هذا هو , وحدة لبست لبس فاضح , اذن ارتكبت فعل فاضح

اعتقد واضحة

وبعدين على قولتج البنانا فيها العجب ها؟ طيب هاذي كلها افعال فاضحة , ويعاقب عليها القانون بحسب المادة اللي كتبتها لج

طيب هل بلغتي؟؟ سويتي شي؟
انتي تقولين لي هات العضيد وكأني انا قائدهم , الله لايهينج اكيد عندج جوال اتصلي فيهم , او طرشي لهم رسالة , صدقيني اختي المبروكة انهم ماياخذون رواتب عالفاضي , صدقيني

هذا السؤال

وللحين اسألج :
هل تعرفين حد في مطبعة بو عباس؟؟ قصدي هل بيسوون لج خصم؟؟ لان بصراحة الف نسخة ترى وايد مب شوي

لكن دامج تسعين في نشر الخير , فالله بيعوضج ان شا الله , اهم شي لاتنسين سالفة الطباعة
الخير كله
09-05-2009, 11:30 PM
:):):)
بومحمد911
09-05-2009, 11:35 PM
الله المستعان
ليث العرين
09-05-2009, 11:37 PM
حتى سوق واقف... (توصخ)

ومساكين العضيد شيسوون بعد
مروض المهـرة
09-05-2009, 11:47 PM
مساااااااااااااااااااااااااااااااكين ميتيييييييييييين من الحر جونا مايناسبهم خلهم يتبردووووووووون :nice:
:anger1::anger1::anger1:
abdulla999
09-05-2009, 11:53 PM
شوفو القطريات شيسون في المجمعات بعدين تكلموا عن الاجانب انا قمت اخاف اروح مجمعات وسبه البنات
صلحو حال البنات وبعدين الاجانب
وطن
09-05-2009, 11:58 PM
المفروض في ستكرز شكبره على بوابات هالمجمعات
محطوط عليه صورة توضح مراعاة الزي المحتشم
بس الظاهر امن المجمع نايمين في العسل
مروض المهـرة
10-05-2009, 12:15 AM
المفروض في ستكرز شكبره على بوابات هالمجمعات
محطوط عليه صورة توضح مراعاة الزي المحتشم
بس الظاهم امن المجمع نايمين في العسل

:ok:
هذا اللي المفروض انه يصير والمفروض اي حد موب لابس لبس متحشم الامن يمنعه من الدخول
عديـل الـروح
10-05-2009, 12:36 AM
شوفو القطريات شيسون في المجمعات بعدين تكلموا عن الاجانب انا قمت اخاف اروح مجمعات وسبه البنات
صلحو حال البنات وبعدين الاجانب


مب كل القطريات ..

وعسى الله يستر على بناتنا ..
خفوشه
10-05-2009, 12:36 AM
اخوي انت بلغت العضيد؟
.......................................يبلغهم عن من ويخلي من..........

محد يقدر يكلمهم لانهم اجانب........

عيل شتقول عن اللي انا جفته...

حرمه وريلها مودري حبيبها........

يتباوسون شفايف...مع لمس الجسم.......في سوق واقف.......ها اشرايكم..
خفوشه
10-05-2009, 12:42 AM
شوفو القطريات شيسون في المجمعات بعدين تكلموا عن الاجانب انا قمت اخاف اروح مجمعات وسبه البنات
صلحو حال البنات وبعدين الاجانب......

قطريات...............والله ماتدري هالايام من القطري من العربي من الاجنبي........

كلهم نفس الشي...........


روحوا بحر الانتر او البحر اللي عند اللؤلؤه يوم الجمعه الصبح......

وجوفوا البكيني...


شقول وشو ماقول
كيفـي
10-05-2009, 08:18 AM
يا غريب كن أديب..!!!

http://www.qatarshares.com/vb/showthread.php?t=249877&highlight=%DB%D1%ED%C8+%C3%CF%ED%C8
Sharshooooor
10-05-2009, 08:34 AM
فجر السبت الساعة 3
كنت انا ومعاي واحد من الشباب طالعين بالدراجات رايد
شفنا سيارتين
الاولى هوندا فورويل سماوية والثانية جيب اسود 4 ابواب كشف
كل سيارة يسوقها افريقي ومعاه 4 بنات
كانوا مسويين ضجة بالشارع
اللي طالعة من فتحة السيارة واللي طالعة من الجامة ويترقصون كأنهم طالعين من ديسكو وشكلهم شاربين

المنظر كان غريب علي وعلى رفيجي
انا بصراحة اول مرة اشوف هالشي في بلادي وتميت اطالع وساكت من الصدمة


يقول لي رفيجي توقع ان عندهم جوازات قطرية بعد لاتستغرب شي !!!


اتمنى وضع حد لهالامور واجبارهم يلزمون حدودهم
خلهم يسوون اي شي يبونه بس في اماكن مغلقة ولايتعرضون للعامة ويسببون اي مشكلة لاسمح الله
msd313
10-05-2009, 08:40 AM
اللي يتكلم عن العضيد ويقول ايش النتيجة وليش ما عملت شي ايجابي خله يروح هالمجمعات ويحاول يتصل على العضيد واذا احد جاوبه او رد عليه يقابلني على اللفه.

ليش ما يكون فيه افراد من الامن عند البوابات والمداخل ويمنعون اي وحده غير متلزمة بالزي المطلوب المحتشم، ليش ما يتوافر افراد من الشرطة ولهم حق الضبط القضائي مثل ما عملت البلدية واعطت بعض الاشخاص حق الضبط القضائي للمحلات والاماكن العامه اللي يسمحون للافراد بالتدخين، وايضا الافراد اللي يخالفون علامات ممنوع التدخين ويدخنون في اماكن عامة.

ولا تقولي انتظر العضيد وانتظر غيره والله يرحم الحال
Sharshooooor
10-05-2009, 08:43 AM
شوفو القطريات شيسون في المجمعات بعدين تكلموا عن الاجانب انا قمت اخاف اروح مجمعات وسبه البنات
صلحو حال البنات وبعدين الاجانب......

قطريات...............والله ماتدري هالايام من القطري من العربي من الاجنبي........

كلهم نفس الشي...........


روحوا بحر الانتر او البحر اللي عند اللؤلؤه يوم الجمعه الصبح......

وجوفوا البكيني...


شقول وشو ماقول

لا تقول ولا تعيد

احنا شاللي ضيع بناتنا غير الاجانب والفضائيات والانفتاح
وكلامك صحيح ماقمنا نعرف من القطري ومن الاجنبي
لان الدفة صارت شرف لهم وستر لفضايحهم
صار اللي يسوى واللي مايسوى يلبس زينا التقليدي فصرنا نحاسب بأفعالهم
وتتوقع من يروح بحر الانتر او اللؤلؤة؟ بتقول قطريات بعد؟
انت تعرف عدل من يروح هناك اللي يحب يشوي في كل مكان

رجاء عدم ذكر كلمة القطريات على لسانك بهالاسلوب مرة ثانية
الفيلسـوف
10-05-2009, 11:19 AM
بتطبعينه الف نسخة على حسابج يالمبروكة؟

اخذي عيل:

المادة رقم 290 من قانون العقوبات القطري رقم 11 الصادر سنة 2004 , الفصل الخامس :

(يعاقب بالحبس مدة لاتجاوز ستة أشهر وبالغرامة التي لاتزيد على ثلاثة آلاف ريال , او باحدى هاتين العقوبتين , كل من أبدى اشارة او جهر بأغان , او اقوال فاحشة او أتى فعلا فاضحا او مخلا بالحياء بأي طريقة في مكان عام او في مكان يستطيع فيه رؤيته من كان في مكان عام.)


للحين صاملة عالوعد؟


بارك الله فيك اخوي حبر سري وفي نصايحك للاخوان واعتماد على التبليغ للجهات

المعنية
غلبان
10-05-2009, 11:25 AM
اولا حتى نكون واضحين الاجانب هم الاوروبيين وما شابههم وسبب كتابتي للموضوع اني ذهبت عصر هذا اليوم الى اللاند مارك مع الاهل والعيال ووالله ياأخوه ويا أخوات ليتني لم اذهب فقد استفحل الامر وبلغ السيل الزبى امام هذا التعري القذر من قبل الاجانب ومن شابههم والله لايستطيع الواحد من ان يلتفت على شئ يريده الا والحصار عليك من جميع الجهات الا يوجد رادع لهؤلاء الا يتدخل من لهم يد ويستطيعون اصدار قوانين تلزم الجميع بمراعاة الحشمه في الملبس اعتقد لو خرجت اخت متنقبه في بلادهم في اي شارع لقذفوها بالسخريه والكلمات النابيه وهم يسرحون ويمرحون في بلادنا ويستمتعون بفضل الله عزوجل بالامن والامان


السلام عليكم ورحمة الله وبركاته
قبل المجئ إلى قطر أرسلت لي جهة العمل العقد وفوجئت أنه من ضمن الشروط أنني لابد وان أحترم قوانين البلد الأسلامية وضربوا أمثلة والله منها لبس الشورت للرجل ولبس المايوة للمرأة أو ما شابه فذهبت لزوجتي المنتقبة وكنا وقتها في بلد عربي اخر فسررنا لذلك إيما سرور لكن لما وصلنا لقطر فوجئت بما ذكرت أعلاه وإندهشت لذلك إيما الإندهاش والسؤال الأن ما العمل ؟ فلنجعل من هذا الموضوع بداية لنشر الفضيلة وإلا عمنا الله بالبلايا والأوجاع التي لم تكن في أسلافنا.
الرايــق
10-05-2009, 12:51 PM
صادني احباط وانا اقرا المووضوع والردود

واحد يقولك بمجمع تجاري والثاني يقولك بسياراتهم الساعة 3 الفجر

المهم يا جماعة ليش متعبين نفسكم ومزودينها حبتين بالموضوع ما اعتقد ان في رادع لهم
والدليل اللي نشوفه زهقنا واحنا نبلغ العضيد عن وعن وعن ...

ما اقول الا كلمة واحدة
اللهم احفظ هذا البلد امنا وسائر بلاد المسلمين
bluelion
10-05-2009, 01:10 PM
زهقنا واحنا نبلغ العضيد عن وعن وعن ...

أخوي انته تتكلم كلام مجازي ولا انت اتصلت شخصياً بالعضيد مرات ومرات ومرات ومرات ... وما شفت فايده؟؟؟
ابوسعود
10-05-2009, 01:27 PM
الله المستعان
الصديق الوفي
10-05-2009, 01:36 PM
السلام عليكم ورحمة الله وبركاته
قبل المجئ إلى قطر أرسلت لي جهة العمل العقد وفوجئت أنه من ضمن الشروط أنني لابد وان أحترم قوانين البلد الأسلامية وضربوا أمثلة والله منها لبس الشورت للرجل ولبس المايوة للمرأة أو ما شابه فذهبت لزوجتي المنتقبة وكنا وقتها في بلد عربي اخر فسررنا لذلك إيما سرور لكن لما وصلنا لقطر فوجئت بما ذكرت أعلاه وإندهشت لذلك إيما الإندهاش والسؤال الأن ما العمل ؟ فلنجعل من هذا الموضوع بداية لنشر الفضيلة وإلا عمنا الله بالبلايا والأوجاع التي لم تكن في أسلافنا.

جزاك الله خيرا أخي الحبيب وهذا هو الهدف الاساسي من طرح هذا الموضوع ومثل ما ذكر بعض الاخوه الاعضاء يجب تبني حمله لنشر الفضيله وتطبيق القانون بما ورد في ذلك من مواد مع دور وزارة الاوقاف الاساسي في هذه الحمله من اجل بلادنا الحبيبه
اسعاف
10-05-2009, 01:36 PM
المشكلة انا امس امودي الخدامة لمستشفى خاص :anger1:

واذا بالأجناب عري ، ورجل على رجل ، لا ومعاها ( ثورهه )

الأجنبي ومستانس على عري عشيقته

الله ينتقم منهم يتعمدون لبس العري لتكون شئ عادي عند اهل البلد ومن ثم يقلدونه

وهذا الي حاصل وللأسف الشديد
وتبقى الدنيا حلوه
10-05-2009, 01:41 PM
القانون على ناس وناس
Only Me
10-05-2009, 01:41 PM
اهم يشفونه حريه شخصيه
يمكن يقولون العرب اذا جاءوا اوروبا مثل لندن وفرنسا وايطاليا بنات العرب والمسلمين يلبسون عبايه وشيله وبعضهم بنقابهم واحنا ما نقول لهم شي لانها حريه شخصيه
والظاهر اهم يردون علينا بالمثل
بـن عدوان
10-05-2009, 01:42 PM
اليوم طرشت مسج حق وطني الحبيب بخصوص هالشي

رد حسن الساعي قال ان شاءالله في امور بتصير !!
Sharshooooor
10-05-2009, 01:42 PM
صادني احباط وانا اقرا المووضوع والردود

واحد يقولك بمجمع تجاري والثاني يقولك بسياراتهم الساعة 3 الفجر

المهم يا جماعة ليش متعبين نفسكم ومزودينها حبتين بالموضوع ما اعتقد ان في رادع لهم
والدليل اللي نشوفه زهقنا واحنا نبلغ العضيد عن وعن وعن ...

ما اقول الا كلمة واحدة
اللهم احفظ هذا البلد امنا وسائر بلاد المسلمين

احنا متعبين نفسنا عشان مستقبل اطفالنا بقطر
واذا زودناها فأكيد عشان عندنا يقين اننا راح نوصل لحل انشالله

واذا انت زهقت اخوي احنا للحين فينا نسم
اتمنى من المسؤولين وضح حد لهالامور
وخصوصا لو سمعتوا في جرايد الاماراتية يوم حكموا على واحد وزوجته اجانب
كانوا يتبادلون الحب على شواطئ جميرا بالسجن ودفع غرامة مالية
هل تقبلون هذا المنظر في قطر وقدام اهليكم؟

والله يستر علينا وعلى جميع المسلمين
الصديق الوفي
10-05-2009, 01:43 PM
المشكلة انا امس امودي الخدامة لمستشفى خاص :anger1:

واذا بالأجناب عري ، ورجل على رجل ، لا ومعاها ( ثورهه )

الأجنبي ومستانس على عري عشيقته

الله ينتقم منهم يتعمدون لبس العري لتكون شئ عادي عند اهل البلد ومن ثم يقلدونه

وهذا الي حاصل وللأسف الشديد



صدقت يا اسعاف والله الواحد مقهور منهم
الصديق الوفي
10-05-2009, 01:45 PM
اليوم طرشت مسج حق وطني الحبيب بخصوص هالشي

رد حسن الساعي قال ان شاءالله في امور بتصير !!



جزاك الله خير على تصرفك المبارك
Sharshooooor
10-05-2009, 01:45 PM
اليوم طرشت مسج حق وطني الحبيب بخصوص هالشي

رد حسن الساعي قال ان شاءالله في امور بتصير !!

اي صح سمعته وحسيت من كلامة عنده معلومة جديدة وراح يبشرنا فيها قريب
الصراحة اثلج صدري الساعي
هاي للحين ماقال شالسالفة
ههههههههههه
oْـِـِْـِ جِ ـِِـِرِدِ آنـِـِسـِْـِاِنِ
10-05-2009, 01:57 PM
لاحول ولاقوة الابالله
كاتم الاسرار
10-05-2009, 02:00 PM
الله كريم يعني من يسمع بس خلها على الله
ALRAYYAN
10-05-2009, 02:01 PM
فجر السبت الساعة 3
كنت انا ومعاي واحد من الشباب طالعين بالدراجات رايد
شفنا سيارتين
الاولى هوندا فورويل سماوية والثانية جيب اسود 4 ابواب كشف
كل سيارة يسوقها افريقي ومعاه 4 بنات
كانوا مسويين ضجة بالشارع
اللي طالعة من فتحة السيارة واللي طالعة من الجامة ويترقصون كأنهم طالعين من ديسكو وشكلهم شاربين

المنظر كان غريب علي وعلى رفيجي
انا بصراحة اول مرة اشوف هالشي في بلادي وتميت اطالع وساكت من الصدمة


يقول لي رفيجي توقع ان عندهم جوازات قطرية بعد لاتستغرب شي !!!


اتمنى وضع حد لهالامور واجبارهم يلزمون حدودهم
خلهم يسوون اي شي يبونه بس في اماكن مغلقة ولايتعرضون للعامة ويسببون اي مشكلة لاسمح الله

والله محد مسوي زيطه وزمبليطه الا انتوا ياهل الدراجات
خاطري مره اشوف واحد على دراجه يسوقها بأدب وبدون ازعاج واستهتار
تتلفتون وتطللون في مواتر خلق الله كأنكم ماشايفين خير
مناقز واستعراض وتكركر مع البنات و و و .. شاقول وشاخلي
قسم بالله خاطري اقول البعض لكن مب قادر اقولها لأني صج صج ولا مره شفت واحد على دراجه في حاله الحمد لله والشكر

السموحه على هالكلام بس هذا واقع .. وعساك أن شاء الله مو منهم <<< أجرح واداوي شرايك فيني :)
ليث العرين
10-05-2009, 04:07 PM
اي صح سمعته وحسيت من كلامة عنده معلومة جديدة وراح يبشرنا فيها قريب
الصراحة اثلج صدري الساعي
هاي للحين ماقال شالسالفة
ههههههههههه

باذن الله شي يبيض الوجه
Sharshooooor
10-05-2009, 07:56 PM
والله محد مسوي زيطه وزمبليطه الا انتوا ياهل الدراجات
خاطري مره اشوف واحد على دراجه يسوقها بأدب وبدون ازعاج واستهتار
تتلفتون وتطللون في مواتر خلق الله كأنكم ماشايفين خير
مناقز واستعراض وتكركر مع البنات و و و .. شاقول وشاخلي
قسم بالله خاطري اقول البعض لكن مب قادر اقولها لأني صج صج ولا مره شفت واحد على دراجه في حاله الحمد لله والشكر

السموحه على هالكلام بس هذا واقع .. وعساك أن شاء الله مو منهم <<< أجرح واداوي شرايك فيني :)

هههههههههههه

بعد ماخلصت كلامك اشوف قمت ترقع يالريان

شوفي يالغالي كلامك صحيح بس مو 100%

انت عطيت احصائية بواقع شوفك ومعرفتك بهالموضوع

ارجوا عدم التعميم مرة ثانية لان ترى في وايد ناس تستاهل كل خير وهم يمارسون هواياتهم لا اكثر

يعني انا صار لي اسوق دراجات بكل انواعها من سنه 1990

والحمدلله لليوم ماعملت اي حادث يذكر

وخالطت كل الطبقات وعرف من اصلح لي ومن اللي بيعور راسي وبيجيب لي مشاكل

حتى سستم قزوز ماركبت لاني ماحب اسوي ازعاج للناس

وهذي دعوه لك ياخوي تطلع معاي بيوم انت تختارة ونطلع رايد وبعدها تقول رايك بصراحة في المنتدى

ايش رايك بالعرض؟؟؟ :nice:

http://www.arb-up.com/files/arb-up-2008-6/LMW74856.jpg
ALRAYYAN
10-05-2009, 08:22 PM
هههههههههههه

بعد ماخلصت كلامك اشوف قمت ترقع يالريان

شوفي يالغالي كلامك صحيح بس مو 100%

انت عطيت احصائية بواقع شوفك ومعرفتك بهالموضوع

ارجوا عدم التعميم مرة ثانية لان ترى في وايد ناس تستاهل كل خير وهم يمارسون هواياتهم لا اكثر

يعني انا صار لي اسوق دراجات بكل انواعها من سنه 1990

والحمدلله لليوم ماعملت اي حادث يذكر

وخالطت كل الطبقات وعرف من اصلح لي ومن اللي بيعور راسي وبيجيب لي مشاكل

حتى سستم قزوز ماركبت لاني ماحب اسوي ازعاج للناس

وهذي دعوه لك ياخوي تطلع معاي بيوم انت تختارة ونطلع رايد وبعدها تقول رايك بصراحة في المنتدى

ايش رايك بالعرض؟؟؟ :nice:

http://www.arb-up.com/files/arb-up-2008-6/LMW74856.jpg


ههههههههههههههه

لا ياخوي الله الغني عن هالطلعه .. تعال انت معاي بطلعك بموتري vxr جديد
وبنكشخ وبنروح نتمشى في اسباير شوي ولا بحدى المجمعات واعشيك واطيب خاطرك
بلا رايد بلا ريدبول انا عندي بنت وابي اربيها فديت <<< يخاف من الدرجات :shy:
لاتزعل علي ترى انا صار لي موقف مع اهل هالدراجات لو اقوله لك يكش شعر جنبك
وهذا والله مو سبب عشان اقول الكلام اللي قلته .. لكن صج ماشفت للحين واحد منهم في حاله
خلها على الله
راعي التاهو
10-05-2009, 09:23 PM
أقول حق اللي يقول شوفوا القطريات شيسوون في المجمعات أقوله صج ما عندك سالفة اشلون تقول على بنات بلادك الكلام هذا ( هذا اذاكنت قطري ) القطريات هم شوفاتك واذا كان منهم سوى شي فهم قلة قليلة وما سوو هذا الشي الا لما شافوا الاجانب . أقول الله يسامحك .
عديـل الـروح
10-05-2009, 10:50 PM
أقول حق اللي يقول شوفوا القطريات شيسوون في المجمعات أقوله صج ما عندك سالفة اشلون تقول على بنات بلادك الكلام هذا ( هذا اذاكنت قطري ) القطريات هم شوفاتك واذا كان منهم سوى شي فهم قلة قليلة وما سوو هذا الشي الا لما شافوا الاجانب . أقول الله يسامحك .


انا اقول خلنا نبتعد عن المثاليه اللي جابتنا وراء في الفكر ..

ولكــــــــــن :


لا يجب التعميم على فئة معينه او جنسية معينه ..

وعسى الله يستر علينا وعلى بناتنا وعلى امــه محمد ..
Sharshooooor
10-05-2009, 11:09 PM
ههههههههههههههه

لا ياخوي الله الغني عن هالطلعه .. تعال انت معاي بطلعك بموتري vxr جديد
وبنكشخ وبنروح نتمشى في اسباير شوي ولا بحدى المجمعات واعشيك واطيب خاطرك
بلا رايد بلا ريدبول انا عندي بنت وابي اربيها فديت <<< يخاف من الدرجات :shy:
لاتزعل علي ترى انا صار لي موقف مع اهل هالدراجات لو اقوله لك يكش شعر جنبك
وهذا والله مو سبب عشان اقول الكلام اللي قلته .. لكن صج ماشفت للحين واحد منهم في حاله
خلها على الله

ادري يالغالي ومن كلامك يقول انك مار بتجارب لايحسد عليها
واسمح لي بعد ماقدر اركب وياك ال VXR ونروح مجمعات بعد
لاني ماروح مجمعات الف بدون سبب اخاف على سمعتي ياخي :nice:
اخر يامه شرشوووور يتمشى بمجماعات
رديتها لك صح :nice:
عندي 4 بنات ابي اربيهم
هههههههههههههههههههههههههههه


أقول حق اللي يقول شوفوا القطريات شيسوون في المجمعات أقوله صج ما عندك سالفة اشلون تقول على بنات بلادك الكلام هذا ( هذا اذاكنت قطري ) القطريات هم شوفاتك واذا كان منهم سوى شي فهم قلة قليلة وما سوو هذا الشي الا لما شافوا الاجانب . أقول الله يسامحك .

صح كلامك هذي شوفاتنا واكيد منهم خواتنا وزوجاتنا وامهاتنا
وصدقني اللي قال هالكلام تحسف علية بعد ماشاف ردودنا


انا اقول خلنا نبتعد عن المثاليه اللي جابتنا وراء في الفكر ..

ولكــــــــــن :


لا يجب التعميم على فئة معينه او جنسية معينه ..

وعسى الله يستر علينا وعلى بناتنا وعلى امــه محمد ..

لا يجب التعميم صح
بس الله امر بالستر والله يستر علينا دنيا واخرة
لكن الاجانب اللي لا لهم لا دين ولا خلق ولا يسترون على نفسهم يجب وضع حد لهالمهزلة اللي قاعدة تصير

وتذكر دايما هالمثل
البرتقالة الفاسدة تخرب كل البرتقالات !!!
عديـل الـروح
10-05-2009, 11:25 PM
اعجبني ردّك وطريقتك بالنقاش ..

وابي اسألك سؤالين :

1 - انت تتابع اللي تسويه بعض بناتنا في المجمعات والاسواق وبعض موظفات الوزارات الحكومية ؟؟

2 - هل زرت المعرض المهني اللي حدث قبل فتره بسيطه ؟؟
ولا تقولي هالبنات اجنبيات



واللبيب بالاشاره يفهم ُ ..
Sharshooooor
10-05-2009, 11:44 PM
اعجبني ردّك وطريقتك بالنقاش ..

وابي اسألك سؤالين :

1 - انت تتابع اللي تسويه بعض بناتنا في المجمعات والاسواق وبعض موظفات الوزارات الحكومية ؟؟

2 - هل زرت المعرض المهني اللي حدث قبل فتره بسيطه ؟؟
ولا تقولي هالبنات اجنبيات



واللبيب بالاشاره يفهم ُ ..


انا متابع لكل شي
بس ارد عليك بسؤال :

هل تحاسب الجهل؟ هل قمت بأي تصرف صحيح تجاه هالموضوع لردعة؟
هل عملت دراسة حلول مشاكل هالبنات الخاصة في البيوت ومحاسبة رب الاسرة لهم؟

اذا بنحاسبهم لازم قبلها نبذل اي جهد لو صغير ولو بنصيحة نقدمها لهم
بعدها نحاسبهم على افعالهم
لاتأتي المحاسبة قبل النقاش والمساعدة

ومثل ماقلت في مجمعات والمعرض المهني

هل يمثلون لك اهل قطر كلهم في هالمكانين؟

بنقول في المعرض كانت 100 بنت متبرجة؟ بنقول 100 بنت كانت بالمجمع متبرجة؟

كم عدد بنات قطر لغاية اليوم؟

والموضوع مبين من عنوانه راعي الموضوع يتكلم عن الاجانب
يرجى عدم الخروج عن الموضوع وذكر جنسيات غير موضوع النقاش
حبر سري
11-05-2009, 03:51 PM
اللي يتكلم عن العضيد ويقول ايش النتيجة وليش ما عملت شي ايجابي خله يروح هالمجمعات ويحاول يتصل على العضيد واذا احد جاوبه او رد عليه يقابلني على اللفه.

ليش ما يكون فيه افراد من الامن عند البوابات والمداخل ويمنعون اي وحده غير متلزمة بالزي المطلوب المحتشم، ليش ما يتوافر افراد من الشرطة ولهم حق الضبط القضائي مثل ما عملت البلدية واعطت بعض الاشخاص حق الضبط القضائي للمحلات والاماكن العامه اللي يسمحون للافراد بالتدخين، وايضا الافراد اللي يخالفون علامات ممنوع التدخين ويدخنون في اماكن عامة.

ولا تقولي انتظر العضيد وانتظر غيره والله يرحم الحال

انا اللي قلت يامسد

مانكلم العضيد عيل نكلم من؟؟
نكلمك انت؟

ولا نجي نكتب في المنتدى؟

هذا احنا كتبنا , زين وبعدين؟

يعني الكتابة صارت شي ايجابي والتبليغ شي مب ايجابي ؟؟

ننطر العضيد؟ عيل وشننطر؟؟ ننطر نرجع البيت علشان نكتب؟

طيب انت اتبع هالاسلوب الحلو هذا , عليك بالعافية

واذا عندك اقتراح تقدر ترسله للداخلية , والله احسن من اي شي , هذا المقصود بالتحرك الايجابي

واذا ماتبينا نكلم العضسد , وشتبينا نسوي؟؟؟ ممكن بس تنورنا وتقول لنا عن الطرق اللي عندك؟

ياخوي دام مب مسموح لنا نروح لهم ونوقفهم عند حدهم , او نكلمهم حتى , مع العلم ان لو اي واحد يشوف غلط جدامه يروح يتكلم , بس بالحسنى , اعتقد وايد مظاهر سلبية راح توقف , لكن حتى اللي مايبي يتكلم عالاقل يبلغ

ينطر العضيد , ولا ماينطر , هذا شي ثاني , وشتبيه يسوي يعني؟ يروح يضربهم يامسد؟

انت اذا صرت في مثل هالموقف رونا شطارتك
msd313
11-05-2009, 06:54 PM
انا اللي قلت يامسد

مانكلم العضيد عيل نكلم من؟؟
نكلمك انت؟

ولا نجي نكتب في المنتدى؟

هذا احنا كتبنا , زين وبعدين؟

يعني الكتابة صارت شي ايجابي والتبليغ شي مب ايجابي ؟؟

ننطر العضيد؟ عيل وشننطر؟؟ ننطر نرجع البيت علشان نكتب؟

طيب انت اتبع هالاسلوب الحلو هذا , عليك بالعافية

واذا عندك اقتراح تقدر ترسله للداخلية , والله احسن من اي شي , هذا المقصود بالتحرك الايجابي

واذا ماتبينا نكلم العضسد , وشتبينا نسوي؟؟؟ ممكن بس تنورنا وتقول لنا عن الطرق اللي عندك؟

ياخوي دام مب مسموح لنا نروح لهم ونوقفهم عند حدهم , او نكلمهم حتى , مع العلم ان لو اي واحد يشوف غلط جدامه يروح يتكلم , بس بالحسنى , اعتقد وايد مظاهر سلبية راح توقف , لكن حتى اللي مايبي يتكلم عالاقل يبلغ

ينطر العضيد , ولا ماينطر , هذا شي ثاني , وشتبيه يسوي يعني؟ يروح يضربهم يامسد؟

انت اذا صرت في مثل هالموقف رونا شطارتك

هدي اعصابك يا سري، والظاهر ان العصبية منعتك من قراءة الحلول اللي ذكرتها، اقرأ مشاركتي مره ثانيه وبتعرف ايش المطلوب، وترفع عن الكلام الفارغ والاسئله التافه ولا تقول نكلم من؟؟ نكلمك انت؟؟ مب اسلوب هذا يا سري في النقاش، واترك عصبيتك هذي في بيتك اذا قدرت تستخدمها اصلا.

وبعدين اي نعم الكتابه في المنتديات شي ايجابي، ولا ايش الفايدة من طرح المواضيع والنقاش فيها وبيان السلبيات والايجابيات في جميع جوانب الحياة، سواء عن مؤسسه حكومية او عن سلوك غير مرغوب فيه، خاصه اذا ما كنت تقدر تسوي شي غير الكتابه، لا العضيد يرد عليك ويعطيك وجه -وانظر تجارب الاخوان في موضوع العضيد- ولا انت تقدر تغير بيدك، وانت الحين جاي وتبي تمنعنا من الكتابة، يعني نروح نصرخ في الشوارع مثلا ونقول يا ناس هذا غلط وما يصر؟؟؟
حبر سري
11-05-2009, 07:02 PM
هدي اعصابك يا سري، والظاهر ان العصبية منعتك من قراءة الحلول اللي ذكرتها، اقرأ مشاركتي مره ثانيه وبتعرف ايش المطلوب، وترفع عن الكلام الفارغ والاسئله التافه ولا تقول نكلم من؟؟ نكلمك انت؟؟ مب اسلوب هذا يا سري في النقاش، واترك عصبيتك هذي في بيتك اذا قدرت تستخدمها اصلا.

وبعدين اي نعم الكتابه في المنتديات شي ايجابي، ولا ايش الفايدة من طرح المواضيع والنقاش فيها وبيان السلبيات والايجابيات في جميع جوانب الحياة، سواء عن مؤسسه حكومية او عن سلوك غير مرغوب فيه، خاصه اذا ما كنت تقدر تسوي شي غير الكتابه، لا العضيد يرد عليك ويعطيك وجه -وانظر تجارب الاخوان في موضوع العضيد- ولا انت تقدر تغير بيدك، وانت الحين جاي وتبي تمنعنا من الكتابة، يعني نروح نصرخ في الشوارع مثلا ونقول يا ناس هذا غلط وما يصر؟؟؟


هههههههههههههه
انا اللي معصب ولا انت الله يهداك؟

من دق الباب جاه الجواب يامسد

اللي يبي يكتب مثلك خله يكتب يابو الكتابة

بس التحرك الايجابي في نظري احسن من الكتابة والصراخ يابو الشباب

وبالنسبة حق تجارب الآخرين مع العضيد يابو الشباب قرينا في المنتدى حتى عن تجارب , وكانت ايجابية , يعني تبي تراوي الناس انهم مثلا مايسوون شي؟ طيب خلاص استعمل اقتراحاتك ياخوي اذا انحطيت في موقف مشابه وتعال قول لنا عن تجربتك

كل ماقلنا العضيد قالوا مايسوون شي , طيب وانت وشراح تسوي يعني ؟ وشراح يصير اذا ماكلمنا حد؟؟ لازم نكتب؟

ياخي انا اشوف ان التبليغ احسن

وانت تقول ان عصبيتي منعتني اقرا؟ ههههههههههههه

انت اللي كنت معصب يابو الشباب , بدليل اني قلت لك طرش اقتراحاتك حق وزارة الداخلية

مسد

لاتعصب وايد مهب زين , شكلك وصلت عندك وصرت جذيه ------------------>:anger1:

خلك كوووول جذيه -------------------->:)

سلاما:nice:

لاتدور ورا ردودي وايد , بتتعب:vampire:
ALREEM
11-05-2009, 07:19 PM
الله يحفظ بلدنا واهلها من كل شر ..

يعطيكم العافيه ..
msd313
11-05-2009, 07:34 PM
هههههههههههههه
انا اللي معصب ولا انت الله يهداك؟

من دق الباب جاه الجواب يامسد

اللي يبي يكتب مثلك خله يكتب يابو الكتابة

بس التحرك الايجابي في نظري احسن من الكتابة والصراخ يابو الشباب

وبالنسبة حق تجارب الآخرين مع العضيد يابو الشباب قرينا في المنتدى حتى عن تجارب , وكانت ايجابية , يعني تبي تراوي الناس انهم مثلا مايسوون شي؟ طيب خلاص استعمل اقتراحاتك ياخوي اذا انحطيت في موقف مشابه وتعال قول لنا عن تجربتك

كل ماقلنا العضيد قالوا مايسوون شي , طيب وانت وشراح تسوي يعني ؟ وشراح يصير اذا ماكلمنا حد؟؟ لازم نكتب؟

ياخي انا اشوف ان التبليغ احسن

وانت تقول ان عصبيتي منعتني اقرا؟ ههههههههههههه

انت اللي كنت معصب يابو الشباب , بدليل اني قلت لك طرش اقتراحاتك حق وزارة الداخلية

مسد

لاتعصب وايد مهب زين , شكلك وصلت عندك وصرت جذيه ------------------>:anger1:

خلك كوووول جذيه -------------------->:)

سلاما:nice:

لاتدور ورا ردودي وايد , بتتعب:vampire:

:) اي باب واي دريشه بس اللي تتكلم عنها

يابو الشباب -على قولتك- انت في منتدى الكل يتكلم ويطرح وجهة نظره لكن المشكله اللي ياخذ الامور بصفه شخصيه ويفكر ان الناس تهاجمه وتدور على ردوده.

كلامي في ردي عليك كان واضح وقلت ان الافضل يحطون افراد للامن على البوابات والمداخل ويمنعون هالاشكال انها تدخل او على الاقل يكون فيه افراد من الامن يمشون في المجمعات ويصيدون هالاشكال.

وبالنسبة للعضيد بالنسبة لي شخصيا اتصلت عليهم اكثر من مره ولا حصلت جواب، واذا غيري صار معه موقف ايجابي منهم فهذا بعد خلل فيهم، لان المفروض انهم جهة تحرس الفضيله وتمنع مثل هالمظاهر ولازم يكون فيه حلول من الداخليه نفسها عشان تمنع مثل هالاشكال ومب بس اللي شاف يتصل وانطرني لين اجيك.

وبعد بقولك اني راح اكتب واكتب وغيري ان شالله راح يستمر في الكتابه عن مثل هالاشياء لين توصل للمسؤولين مثل ما وصلت مواضيع كثيره عن طريق هالمنتدى وهذا الشي الايجابي اللي تحاول تخفيه مادري ليش؟؟!!

وتدري صج كنت معصب وانا اكتب واحمد ربك انك مب عندي :tease:

وسلاما:victory:
حبر سري
11-05-2009, 07:36 PM
:) اي باب واي دريشه بس اللي تتكلم عنها

يابو الشباب -على قولتك- انت في منتدى الكل يتكلم ويطرح وجهة نظره لكن المشكله اللي ياخذ الامور بصفه شخصيه ويفكر ان الناس تهاجمه وتدور على ردوده.

كلامي في ردي عليك كان واضح وقلت ان الافضل يحطون افراد للامن على البوابات والمداخل ويمنعون هالاشكال انها تدخل او على الاقل يكون فيه افراد من الامن يمشون في المجمعات ويصيدون هالاشكال.

وبالنسبة للعضيد بالنسبة لي شخصيا اتصلت عليهم اكثر من مره ولا حصلت جواب، واذا غيري صار معه موقف ايجابي منهم فهذا بعد خلل فيهم، لان المفروض انهم جهة تحرس الفضيله وتمنع مثل هالمظاهر ولازم يكون فيه حلول من الداخليه نفسها عشان تمنع مثل هالاشكال ومب بس اللي شاف يتصل وانطرني لين اجيك.

وبعد بقولك اني راح اكتب واكتب وغيري ان شالله راح يستمر في الكتابه عن مثل هالاشياء لين توصل للمسؤولين مثل ما وصلت مواضيع كثيره عن طريق هالمنتدى وهذا الشي الايجابي اللي تحاول تخفيه مادري ليش؟؟!!

وتدري صج كنت معصب وانا اكتب واحمد ربك انك مب عندي :tease:

وسلاما:victory:

انت لك تجربة مع العضيد
وغيرك له تجربة

وبالنسبة لكتاباتك , اخوي اكتب , اثريت المنتدى بكتاباتك:nice:

ياولد ياعصبي انت:tease:

سلاما
دبلوماسية
11-05-2009, 07:38 PM
بالعكس والله انا اشوف الاجانب يحترومنا وايد .. حتى ذاك اليوم وحده داشه المتحف وحاطه شي على راسها إنه شيله .. عبالها متحف اسلامي لازم الزي الرسمي هههههههههههه
انا اشوف العرب يتفصخون اكثر .. (لبنانيات - سوريات - مغربيات الخ الخ)

بعدين احنا مانقدر انحط قوانين .. لان عقب بيحطون قوانين في بلادهم تمنع العباية والشيلة ..
واحنا مب ناقصين !
eXpert*
11-05-2009, 07:38 PM
اخوي انت بلغت العضيد؟
كلمت حد؟ سويت شي؟؟ ولا بس في المنتدى؟

لأن الاجانب اللي تتكلم عنهم مااظن انهم يدخلون المنتدى يعني

فرسالتك ماراح توصل لهم , وحتى لو وصلت ماراح يسمعون لك اصلا

فالحل انك تتخذ اجراء ثاني , مثل انك تبلغ عليهم مثلا , او انك تكلم ادارة المجمع هناك , هل سويت اي شي من هذا؟


أخيراً في انسان ينظر من نفس المنظور اللي أشاهد فيه الأمور :victory:


أنا متأكد لو في أحد يوصل للادارة المجمع ويخبرهم بـ أسلوب حضاري مقنع ومحترم ,, شرط ثاني يوم يحطون على أبواب المجمع لائحة بالممنوعات ومن ضمنها الملابس الخادشة للحياء العام.

بس ما اعتقد أحد سواها.
msd313
11-05-2009, 07:43 PM
أخيراً في انسان ينظر من نفس المنظور اللي أشاهد فيه الأمور :victory:


أنا متأكد لو في أحد يوصل للادارة المجمع ويخبرهم بـ أسلوب حضاري مقنع ومحترم ,, شرط ثاني يوم يحطون على أبواب المجمع لائحة بالممنوعات ومن ضمنها الملابس الخادشة للحياء العام.

بس ما اعتقد أحد سواها.


اخي الفاضل، جميع المجمعات توجد بها لائحة بالزي الواجب على الجميع ارتداءه صورة وكتابه ولكن لا حياة لمن تنادي لانه لا توجد اي رقابة على تطبيق هذه اللائحه، ولهذا وجب ان يكون هناك الزام لادارات هذه المجمعات بمنع مثل هذه المظاهر بوضع رجال امن عند المداخل او ضبط اي مخالفة يرونها داخلها.
eXpert*
11-05-2009, 08:08 PM
اخي الفاضل، جميع المجمعات توجد بها لائحة بالزي الواجب على الجميع ارتداءه صورة وكتابه ولكن لا حياة لمن تنادي لانه لا توجد اي رقابة على تطبيق هذه اللائحه، ولهذا وجب ان يكون هناك الزام لادارات هذه المجمعات بمنع مثل هذه المظاهر بوضع رجال امن عند المداخل او ضبط اي مخالفة يرونها داخلها.


حلو كلامك ،، انزين شرايك تمر على الادارة وتذكرهم . لربما غاب عن بالهم . من باب (( وذكر فأن الذكرى تنفع المؤمنين ))

خصوصاً ان الامن المستخدم في المجمعات يعتبر طرف ثالث يعني شركة خارجية هم مب تابعين للمجمع و "لا لهم في الغنم تيس " .

تحياتي لك على أسلوبك الحواري :)
Sharshooooor
11-05-2009, 08:33 PM
بالعكس والله انا اشوف الاجانب يحترومنا وايد .. حتى ذاك اليوم وحده داشه المتحف وحاطه شي على راسها إنه شيله .. عبالها متحف اسلامي لازم الزي الرسمي هههههههههههه
انا اشوف العرب يتفصخون اكثر .. (لبنانيات - سوريات - مغربيات الخ الخ)

بعدين احنا مانقدر انحط قوانين .. لان عقب بيحطون قوانين في بلادهم تمنع العباية والشيلة ..
واحنا مب ناقصين !

ههههههههههههه

اكيد حطت الشيله لان المتحف اسلامي وهي خايفة مافيها شدة ارهابيين

لو متحف عادي والجو حار مادري ايش بتلبس

ههههههههههههه
msd313
11-05-2009, 08:39 PM
حلو كلامك ،، انزين شرايك تمر على الادارة وتذكرهم . لربما غاب عن بالهم . من باب (( وذكر فأن الذكرى تنفع المؤمنين ))

خصوصاً ان الامن المستخدم في المجمعات يعتبر طرف ثالث يعني شركة خارجية هم مب تابعين للمجمع و "لا لهم في الغنم تيس " .

تحياتي لك على أسلوبك الحواري :)

مثل ما ذكرت اخوي بما ان الامن الموجودين في المجمعات طرف ثالث ما يقدر يسوي شي فاحنا ننتظر الالزام من المسؤولين سواء كانت البلدية او الداخلية لادارة هذه المجمعات على الالتزام باللائحه.

وشكرا لك انت على هذا الاطراء:)
ALRAYYAN
11-05-2009, 09:21 PM
ادري يالغالي ومن كلامك يقول انك مار بتجارب لايحسد عليها
واسمح لي بعد ماقدر اركب وياك ال VXR ونروح مجمعات بعد
لاني ماروح مجمعات الف بدون سبب اخاف على سمعتي ياخي :nice:
اخر يامه شرشوووور يتمشى بمجماعات
رديتها لك صح :nice:
عندي 4 بنات ابي اربيهم
هههههههههههههههههههههههههههه



خخخخخخخخ
لا والله مارديتها لي ولا شي لكذا سبب
اول شي نا ماقلت لك بروح الف بدون سبب لأنك مستحيل تلقاني اتلفلف في مجمع اصلا
انا ادخل المجمع دايكرت اخذ اللي ابيه واطلع .. الا اذا معاي الحكومة
ثاني شي قلت لك دخلتنا المجمع عشان اعشيك واطيب خاطرك مب عشان نتلفلف
وثالث شي واهم شي اذا ركبت ال vxr اتحدى اي حد ينقد عليك
لكن على شيسمونها ذي لا لا لا الريان مايركب هالسوالف :tease:
وعسى الله يخلي لي بناتك ويتربون في عزك وتحت طاعة أمهم يارب :)
Sharshooooor
11-05-2009, 09:54 PM
خخخخخخخخ
لا والله مارديتها لي ولا شي لكذا سبب
اول شي نا ماقلت لك بروح الف بدون سبب لأنك مستحيل تلقاني اتلفلف في مجمع اصلا
انا ادخل المجمع دايكرت اخذ اللي ابيه واطلع .. الا اذا معاي الحكومة
ثاني شي قلت لك دخلتنا المجمع عشان اعشيك واطيب خاطرك مب عشان نتلفلف
وثالث شي واهم شي اذا ركبت ال vxr اتحدى اي حد ينقد عليك
لكن على شيسمونها ذي لا لا لا الريان مايركب هالسوالف :tease:
وعسى الله يخلي لي بناتك ويتربون في عزك وتحت طاعة أمهم يارب :)

هههههههههههههه

مومشكلة خلها واحد / صفر واستانس اليوم روح الكورنيش استعرض وسو مسيرة

وقصدك الله يخلي لك بناتك :nice:

تحياتي لك وخلنا بصلب الموضوع احسن عشان عالاقل الاحترام حق صاحب الموضوع :victory:
حبر سري
11-05-2009, 10:02 PM
هههههههههههههه

مومشكلة خلها واحد / صفر واستانس اليوم روح الكورنيش استعرض وسو مسيرة

وقصدك الله يخلي لك بناتك :nice:

تحياتي لك وخلنا بصلب الموضوع احسن عشان عالاقل الاحترام حق صاحب الموضوع :victory:

خخخخخخخخخخ
الله يقطع شيطانك يالريان , حلوة الله يخلي لي بناتك , بصراحة ضحكت لما قريت التعليق

بيض الله وجوهكم انت وشرشور , وقواكم الله , والسموحة من راعي الموضوع ومنكم عالخروج عن صلب الموضوع
عين سنان
11-05-2009, 10:05 PM
بخصوص شسالفه اللزقات الي على الباب

الرجاء لبس الملابس المحتشمه واكس شكبره ع الصوره ؟؟؟؟؟!!!
روح الاطلس
11-05-2009, 10:19 PM
لا تقول ولا تعيد

احنا شاللي ضيع بناتنا غير الاجانب والفضائيات والانفتاح
وكلامك صحيح ماقمنا نعرف من القطري ومن الاجنبي
لان الدفة صارت شرف لهم وستر لفضايحهم
صار اللي يسوى واللي مايسوى يلبس زينا التقليدي فصرنا نحاسب بأفعالهم
وتتوقع من يروح بحر الانتر او اللؤلؤة؟ بتقول قطريات بعد؟
انت تعرف عدل من يروح هناك اللي يحب يشوي في كل مكان

رجاء عدم ذكر كلمة القطريات على لسانك بهالاسلوب مرة ثانية

شرشوووووور انت دايما كذا :nice:
ALRAYYAN
11-05-2009, 11:15 PM
هههههههههههههه

مومشكلة خلها واحد / صفر واستانس اليوم روح الكورنيش استعرض وسو مسيرة

وقصدك الله يخلي لك بناتك :nice:

تحياتي لك وخلنا بصلب الموضوع احسن عشان عالاقل الاحترام حق صاحب الموضوع :victory:

لالالالالا ويني ووين الاستعراض .. انا يوم كنت عزابي ماستعرضت اسويها الحين
وبناتك الله يخليهم لك لك لك ولا تزعل .. كان خطأ مطبعي :nice:
ALRAYYAN
11-05-2009, 11:16 PM
خخخخخخخخخخ
الله يقطع شيطانك يالريان , حلوة الله يخلي لي بناتك , بصراحة ضحكت لما قريت التعليق

بيض الله وجوهكم انت وشرشور , وقواكم الله , والسموحة من راعي الموضوع ومنكم عالخروج عن صلب الموضوع

ههههههههههههههه

اهم شي تكون انت مستانس يالسري :nice:
دربوه
11-05-2009, 11:22 PM
خل يحتشمون العرب والمسلمين اللي دينهم يامرهم بهالشي

عقب خل ننتقد الاجانب اللي فري عندهم

خل نربي عيالنا على انهم مايقلدونهم عقب خل ننتقدهم

انا بالنسبه لي تعري الاجانب مو مغري مثل تعري بنات المسلمين

اللي صج صج اغراء ويخدش حياء من في قلبه ذرة حياء
Sharshooooor
12-05-2009, 12:04 AM
خخخخخخخخخخ
الله يقطع شيطانك يالريان , حلوة الله يخلي لي بناتك , بصراحة ضحكت لما قريت التعليق

بيض الله وجوهكم انت وشرشور , وقواكم الله , والسموحة من راعي الموضوع ومنكم عالخروج عن صلب الموضوع

ههههههههههههههه

اهم شي تكون انت مستانس يالسري :nice:
Sharshooooor
12-05-2009, 12:14 AM
خل يحتشمون العرب والمسلمين اللي دينهم يامرهم بهالشي

عقب خل ننتقد الاجانب اللي فري عندهم

خل نربي عيالنا على انهم مايقلدونهم عقب خل ننتقدهم

انا بالنسبه لي تعري الاجانب مو مغري مثل تعري بنات المسلمين

اللي صج صج اغراء ويخدش حياء من في قلبه ذرة حياء


شوف تاريخ العرب والمسلمين اخوي دربوه
وبعدها تكلم عن حشيمة العرب والمسلمين
هذي ظاهرة من زمان هدفهم ينشرونها بين العرب والمسلمين
واللي ضيع بناتنا وشبابنا هو غزو الفكر الاجنبي من نساء وعري وفواحش ومسكرات
اذا سكتنا عن هالشي راح يستمر ويزيد وراح تكون ضحيتها عيالك وعيال المسلمين
وتربية الابناء على قولتك ماراح نخليهم يقلدونهم
ابشرك تربية الابناء موبس بالبيت في كل مكان فالمدرسة فالشارع مع ربعة
ويوم يشوف هالمناظر راح يميل لها وتبتدي تظهر غرائزة تجاها

هذا راي وحبيت اشرح لك نقطة يمكن تكون ناسيها وهي :

اللي ضيع المسلمين هم الاجانب لانهم بعدوا المسلمين عن دينهم ونشروا الرذيلة !!!
HAYA
13-05-2009, 04:05 AM
ندااااء صادق من قلب محب لهذا البلد وأهله أوجهه إلى سمو أمير البلاد
الشيخ حمد بن خليفة آل ثاني ( حفظه الله )
بأن يصدر القوانين الصارمة والعاجلة و الرادعة لمن تسول له نفسه هدم القيم الإسلامية الجميلة التي حفظت لنا هويتنا وأمننا وأماننا وكرامتنا .
ونداااء آخر لعلمائنا الأجلاء ولوزارة الأوقاف والشئون الإسلامية بأن يكون لهم دور بارز في هذا الموضوع المهم ، وأن لا يكتفوا بالصمت أوالنصح على استحياء !!!
وندااااااء من القلب لأهل قطـــر الكرام ، أهل قطـــر الحبيبة التي عرفت دائما بالمجتمع الأسري المحافظ الآمن ، حافظوا على قيمكم وكرامة بلدكم ، ولا تخجلوا من أن تأمروا بالمعروف وتنهوا عن المنكر ، فهذا واجبكم الديني والوطني ، وأنتم أصحاب الدار والقرار ، ولتكن حجتكم قوية وصوتكم هو الأعلى ...
وعلى الأجنبي أن يحترم ثقافتنا وديننا وهويتنا ، أو فليغادر غير مأسوف عليه .

اللهم قد بلغت ، اللهم فاشهد .
حيهور
13-05-2009, 05:24 AM
في حالة وجود ظاهرة غريبة على أهل البلد والمسلمين

اتمنى الاتصال بالعضيد والعضيد يقومون بدورهم ان شاء الله

على الاقل ينتبهون ان هناك رؤوساً قد اينعت وحان قطافها


طبعا بطريقة قانونية
@فهد@
13-05-2009, 07:48 AM
:omen2:طيب طيب يا جماعه يعني لما الشباب والبنات يدخلون المجمع وأول ما تستقبلهم فتاة زي العسل وشاب زي القمر وهم شبه عراه وفي وضع حميم كل يوم وكل ساعه على واجهات المحال التي تبيع الماركات المشهوره بقصد الترويج مو بنيه سيئة لا قدر الله حرام ظن السؤ .
صارت المجمعات واجهات للدعاره وترويج فكر وثقافة العري والتهتك وأستشعر بمجرد دخولي اليها اني دخلت الى كبسولة زمنيه لغسيل الدماغ يا سلام الرجال من مختلف الاعمار والمشارب والشوارب:tease: هههه جالسين على المقاهي التي اصبح تصميمها يتماشى مع هواية التبصبص على الرايح والجاي من النساء والفتيات بحيث لا يستطيع أحد ان يحاسبهم أو يجرمهم ما هم جالسين في أمان الله يرتشفون القهوه اللذيذه ويمسكون بالجرايد التي لا يتم قرائة حرف واحد منها بسبب كثرة الملهيات.
يا سلام هاذي هي الحياة وحضرتك تبي تخرب علينا لا وألف لا دعوا الخلق للخالق وخلكم من التهتك لانه أصبح ثقافة لها محبيها ومتتبعيها وعجبي .............


:victory: الشغله قتل الغيره علي المناظر المؤذيه انت وانا اليوم نستغرب ونستنكر بعد كم سنه بتصير عاااااااااااادي حريه

الله يرحم الحال والخير في قطر واهلها موجود ولكن الله الله بالنصح حتي للاجانب لو احد قال لهم ان هالامر غير لائق لما عملوه ومن امن العقوبه اساء الادب
إعادة توجيه
13-05-2009, 08:14 AM
لاحول ولاقوة الا بالله
خفوشه
17-05-2009, 01:01 AM
وتتوقع من يروح بحر الانتر او اللؤلؤة؟ بتقول قطريات بعد؟
انت تعرف عدل من يروح هناك اللي يحب يشوي في كل مكان

رجاء عدم ذكر كلمة القطريات على لسانك بهالاسلوب مرة ثانية

............. يالذكي انا مااقصد القطريات خلك ذكي انا اقصدالاجانب .........وجاي ع القطريات ترى والله في فتح عيونك شوي.......
&شهد&
17-05-2009, 05:36 AM
مشكلتنا صارت كلمة ....عااادي
الاجانب متفصخين .......عادي
البنات فاصخين الحيا.....عادي
شباب قطريين يتمشون مع شقراوات.....عادي
بنات وشباب في العمر الخطر في المدينه التعليميه يتضحكون ويضربون بعض كف بكف عاد انهم فررند.....عااادي
موظفات قطريات وموظفين في نفس المكتب وانهم اخواااان.....عااادي
شباب مرززين في القهاوي ومافي طريج الواحد يمر وهم باااقين عيونهم في هالحريم....عاادي
عادي
عادي
عادي
طيب لي متى؟؟؟؟؟؟؟؟
متى بينفجر الخير اللي في الناس؟؟؟
متى البركان بيثور؟؟؟؟
والله الخوف انه الطيبين والخايفين على اللي باقي من خير في هالبلد يصيرون من قوم (عاادي))
وهاذي المصيييييييييييييييييييبة!!!!!!!!!!!!
بوحارب
17-05-2009, 05:49 AM
حسبي الله عليهم