أي سؤال عن السياحة في إيران

[سهم بن سهم]

الأخوان الأعزاء إذا كان لدى أي واحد منكم استفسار بخصوص السفر والسياحة في إيران أو ناوي يصيف في جمهورية إيران الإسلامية ويبغي أي معلومات حاضرين ولا يتردد .

لكم تحياتي

[سارونه]

اذا تكرمت ابغي اعرف اسم لدكتور عيون ممتاز .. ووين مكانه ...

جزاك الله خير ...

[سهم بن سهم]

اذا تكرمت ابغي اعرف اسم لدكتور عيون ممتاز .. ووين مكانه ...

جزاك الله خير ...


في العاصمة طهران هناك دكاترة عيون ممتازين

مجمع مستشفيات نور التخصصي للعيون

00982182401772
3
4

http://www.noorvision.com/ar/default.asp


وهناك مستشفى ميلاد التخصصي للعيون متخصص في العمليات الجراحية وزرع القرنية والشبكية ..........................الخ.

[مضاد]

كيف الوضع الامني ... الأمان او الأمن .

بشكل عام


والله لا يهينك .

[VIP-QATAR]

انا ودي اسافر ايران للسياحة

بس ماعرف الاماكن السياحية والمناطق

إذا تقدر تعطينا معلومات عن اهم الاماكن والاسعار واذا في صور

وجزاك الله خير

[سهم بن سهم]

كيف الوضع الامني ... الأمان او الأمن .

بشكل عام


والله لا يهينك .


الوضع الأمني اعتقد مثلها مثل أي بلد آخر يعني تقدر تقول مثل سوريا بالضبط تقريبا امان ولكن الحذر واجب في كثير من الامور ولابد لك من دليل يكون معاك في تنقلاتك بين المدن والمناطق الخارجية . اما المدن والمدينة بشكل عام فانها امان والفندق امان .

[سهم بن سهم]

انا ودي اسافر ايران للسياحة

بس ماعرف الاماكن السياحية والمناطق

إذا تقدر تعطينا معلومات عن اهم الاماكن والاسعار واذا في صور

وجزاك الله خير


اخوي ايران بلد كبير ومناطقها شاسعه ولكن المناطق الشمالية شمال ايران هي الاجمل والابرد جوا في الصيف وتقدر تدخل على المواقع الايرانية من خلال الانتر نت وتشوف بنفسك

http://www.tourismiran.ir/ar/

الاسعار تقدر تسال اي مكتب سفريات في قطر والخطوط الايرانية او من خلال السايدات على النت وعلى فكره فنادق الفايف ستار غير موجودة في ايران وكل الفنادق الموجوده هناك اربع نجوم وهي اوكي


لك تحياتي

[بوخالد911]

هلا

اخووي سهم ولد سهم


كم تكلفة إجراء عملية الليزك للعينين ؟

وشكرا




مسيوو/ بوخالد911

[سهم بن سهم]

هلا

اخووي سهم ولد سهم


كم تكلفة إجراء عملية الليزك للعينين ؟

وشكرا




مسيوو/ بوخالد911





والله يالحبيب الاسعار شوي ارتفعت ولكن ماعندي السعر الدقيق له ولكن تقدر تتصل على المستشفى ( مستشفى نور التخصصي للعيون ) وتسالهم وهم على فكره يتكلمون بالعربي والانجليزية وفي كل الاحوال ارخص من الدوحه بكثير

[جهام]

ماتقصر ياسهم

[ليث العرين]

أخوي سهم

بخصوص المقناص في أمل نرتب حق مقناص على 2009-10-10

[الطيبة كلها]

اخوي حاول تحط لنا صور وترتب لنا رحله لايران وين نروح ونسكن واهم واحلى المناطق والاسواق والمطاعم ولا عليك امر شويه صور جزاك الله خير

[سهم بن سهم]

أخوي سهم

بخصوص المقناص في أمل نرتب حق مقناص على 2009-10-10


بخصوص المقناص

اتمنى من الجميع الاخذ بهذا الشيء

ايران الان تمنع رحلات الصيد والقنص وهناك وزارة البيئة ومصلحة حماية البيئة والمنابع الطبيعية تمنع الصيد بكل انواعه وتوقع على المخالف غرامات مالية وجزائية توصل للحبس ومصاردة الاسلحة والطيور وغرامة مالية للاجنبي توصل حوالي 20 مليون تومان اي مايعادل 80 الف ريال قطري للشخص الواحد وتحويل الامر للمحكمة لانك انت يالأجنبي لم تدخل ايران بتاشيرة سياحية من اجل الصيد والقنص ولكن دخلتها من اجل السياحه هذا امر .

الامر الاخر لو عندك ( واسطه ) كبيره يعني معارف في الحكومة الايرانية تقدر ان تحصل على تصريح صيد وحمل سلاح لفترة زمنية محدده مقابل دغع مبالغ للمسؤلين على هذا الامر وهذا الشيء بالتاكيد مخالف للقانون ولكنه ساري ومعمول به وتقدر تقنص وانت مرتاح وتحميك وزارة البيءة من خلال هذا التصريح .

فترات الصيد اعتقد في الموسم المحدد له والذي يبتديء من بعد الخريف بعد شهر 9 سبتمبر ولك مقدار معين من الصيد من الطيور ( الحبارى والكروان والحبرو والحجل والقطا ) ام الغزلان فمحظور عليك صيدها وتعرض نفسك للمساءلة القانوينة .

على فكره ماتصدية تمنعك السلطات بان تخرج به من المطار الى بلدك وغالبا ما يتم التحايل على موظفي الجمارك للخروج بما تصيده للخارج لان ممكن موظف الجمارك يلبسك قضية ولكن ماعليك الا ان تسايره ( وتدهن سيره ) :nice:

في كل الاحوال يجب عليك ان يكون معك دليل يعرف المناطق رجل يتكلم العربية وامين وثقة ويعرف كيف يتعامل ويا السلطات يعني شقردي حرج :)

ولا تجعل نفسك مطمعا للغير للنصب عليك

لك تحياتي

[سهم بن سهم]

اخوي حاول تحط لنا صور وترتب لنا رحله لايران وين نروح ونسكن واهم واحلى المناطق والاسواق والمطاعم ولا عليك امر شويه صور جزاك الله خير



احاول ان شاء الله واتمنى ان تزوري الروابط التي حطيتها في اول الموضوع وهي راح تفيدك ان شاء الله :nice:

ايران بلد كبير ولازم اعرف وين تبون تروحون بالضبط حتى اقول لكم وين ؟

هل زيارتكم للعاصمة طهران او مدينة اخرى مثل شيراز مثلا ؟؟

يجب ان يتم التحديد وبصفة عامه ايران جميلة وشعبها مضياف كريم وبلد تستحق الزيارة

لك تحياتي

[مضاد]

شكراً
الله يعطيك العافية ...يا سهم

[الديمها قطر]

الله لا يهينك نبي اهم مناطق الشمال الترفيهية واحسن الفنادق و اذا تعرف دليل سياحي امين

جزاك الله الف خير

[سهم بن سهم]

الله لا يهينك نبي اهم مناطق الشمال الترفيهية واحسن الفنادق و اذا تعرف دليل سياحي امين

جزاك الله الف خير



مناطق الشمال في ايران احسن المناطق تقريبا هي منطقة ( كلار دشت ورامسر ) منطقة حلوة بالصيف وتبعد عن العاصمة تقريبا 3 ساعات او 300 كيلو متر طريق جبلي رائع ذو طبيعة خلابة والجو في الصيف تقريبا تصل درجة الحرارة فيه الى 10 درجات في شهر 8 حيث حرارة الصيف العالية عندنا .

الجو هناك نفس اجواء ابها وصلالة تقريبا غيوم ومطر وجو بارد شتوي تقريبا في الليل تحتاج الى بطانيات لتغطي نفسك .

للاسف الشديد المنطقة مافيها فنادق درجة اولى لان هذه الخدمات غير متوفره هناك ولكن في فلل للاجار وبيوت جبلية للاجار يومي واسبوعي وشهري على كيفك واتصور البيت افضل وخصوصا للعائلة الكبيرة وارخص .

على فكره بيوتهم عادية يعني مش بيوت فندقية او درجة اولى ولكن الاهالي كل واحد مسوي له بست للاجار ياجره على السياح وهناك مكاتب سياحية في اول دخولك للبلدة تؤجر لك وعليك شوي تلف وتشوف لك المكان المناسب وغالبا اماكنهم جيده واعطيهم مستوى 3 نجوم تقريبا .

بالنسبة للدليل الأمين والله مقدر ادلك على حد وبعدين ما تتفاهمون وياه وتقولين والله سهم بن سهم دلنا عليه وهذي حصلت وياي من قبل :)

انا احاول اساعد قدر الامكان ولا دخل لي في نيات الناس واطباعهم ولذلك ابتعد عن هذا الشيء

:)

لكن مكاتب السياحة اللي تحجز عندها اطلب واحد مترجم عربي يكون وياك يعني ايراني يعرف عربي ومن السهولة تلقون هناك وياكثرهم .

في المنطقة فيها حديقة للاطفال ومطاعم وكل اللي تبيه متوفر ولكن اغلبها مطاعم شعبية يعني كباب وكفته واسماك وخلافه وبعض الوجبات السريعة مثل البورجر والبيتزا وهناك مقاهي حلوه هناك والفاوكه حدث ولا حرج كثيره هناك وفرش :)

هذي بعض الصور للمنطقة



http://www5.0zz0.com/2009/05/17/06/711085964.jpg


http://www5.0zz0.com/2009/05/17/06/144534186.jpg


http://www5.0zz0.com/2009/05/17/06/213770247.jpg

http://www5.0zz0.com/2009/05/17/06/749293742.jpg


http://www5.0zz0.com/2009/05/17/06/870917502.jpg

[Bo3oof_80]

لو تبون في واحد ينقاله بوسعد بصراحه ونعم الرجل ومقره شيراز

كل شي سياحه علاج ادواره
وهذا رقمه
00989173176419

[vip8]

مناطق شمال ايران مثل منطقه ( كلااردشت - جالوز -اردبيل ) وغيرها على حدود تركيا وكلها جبال وخضار وشلالت ومناطق بااااارده وجبليه وعموما الاسعار في ايران مب مثل اسعارنا على اي حال اكيد ارخص

وسمحلي صاحب الموضوع على التوضيح والمشاركه البسيطه ..

[قطر603]

سهم شحالك
انا بغيت وين اماكن تصنيع اطارات السيارات (التواير) وارقام هواتفهم او ارقام اشخاص يدلوني عليهم

وعساك على القوه يابن سهم

[الغلا 2008]

يعطيك الف عاافيه ..

[بـو هـمـيـان]

موضوع رائع ويعطيك العافيه عالمعلومات

[بحرقطر]

اخوووي
حاب اروح منطقة الشمال في ايران
بس يقوولوون ما في فنادق هناك ولازم اتأجر بيت ويكوونون اهل البيت ساكنين معاك

هل هذا صحيح او في فنادق؟؟

[الزيبق]

والله حلوه ايران بس فيها مشكله وحده الامان ما في امان

[أم عبدالرحمن]

لو سمحت اخوووي سهم بغيت عناوين وارقام

أحسن دكاترة تجميل اذا ماعليك آمر؟!؟

[Qatar_Pearl]

يسلمووووووووووو ماتقصر

[سهم بن سهم]

سهم شحالك
انا بغيت وين اماكن تصنيع اطارات السيارات (التواير) وارقام هواتفهم او ارقام اشخاص يدلوني عليهم

وعساك على القوه يابن سهم

والله ياخوي اللي اعرفه بان ايران تصنع تواير ولكن فرق بين الاطارات الايرانية والخارجية وعلى فكره تويرهم ماعليها تاريخ الصنع وعليك ان تنتبه للشغلة هذي وتعرف نوعية البلاستيك حتى مايغشونك ويوجد مصانع في طهران وشيراز واصفهان والتواير المحلية متروسه في البلد

لكن وين المصنع والاسعار ماعرف والله ياخوك تقدر تتصل في السفارة الملحق التجاري وبيخدمك

[سهم بن سهم]

اخوووي
حاب اروح منطقة الشمال في ايران
بس يقوولوون ما في فنادق هناك ولازم اتأجر بيت ويكوونون اهل البيت ساكنين معاك

هل هذا صحيح او في فنادق؟؟


صحيح لازم تاجر منزل او بيت او فيلا تسكن فيها وهناك الله يسلمك البيت صاحبه يخلي جزء منه للسياح يعني ممكن يعطيك الطابق الفوق تسكن فيه والطابق الفوق مفصول عن البيت وهكذا .
لكن فنادق خمس نجوم مافي اخوي العزيز في فنادق ثلاث نجوم نظيفة وزينه وتقدر تحصل فيلا لك بروحك محد ساكن فيها الا انت بس هذي تكون سعرها اغلى عن الفيلا المفصولة النص .

[سهم بن سهم]

والله حلوه ايران بس فيها مشكله وحده الامان ما في امان


الأمان البلد فيها امان بنسبة 60% مثلها مثل سوريا بالضبط والحذر واجب في كل شي لكن بصراحه محد يضايقك في اي شيء وتقدر تاخذ راحتك واهلك ياخذون حريتهم بعد .

[سهم بن سهم]

لو سمحت اخوووي سهم بغيت عناوين وارقام

أحسن دكاترة تجميل اذا ماعليك آمر؟!؟


داكترة التجميل في ايران كثيرين واغلبهم جيدين في منهم نساء ورجال ولكن الان ماعندي اي عنوان واذا بغيتي العنوان ضروري ارسلي لي بالخاص واسال لك ان شاء الله وافيدك .

اذا دكتور جلد وتقشير وتجميل وجه وهالسوالف فاحسن دكتور هو البروفسيور دولتي ( شايب حبوب في السبعين من العمر ) استاذ الدكتور حسن عبدالله :)

ويحب القطريين وايد :)

عنوانه تقول حق اي واحد ( بيمارستان دولتي ) مستشفى دولتي وبيوديكم والدخول عليه والعلاج ربع المبلغ اللي ياخذه حسن العبدالله :)

[أم عبدالرحمن]

مشكور أخوووي سهم بن سهم على هالمعلومه

جزاك الله ألف خير أخوووي ...

:)

[لمسات نيره]

الطبيعة حلوة هناك