المكتبات الوطنيه في ________ ؟

[قـنـبـلـه]

اليوم تم وضع حجر الاساس في المكتبه الوطنيه في بيروت
ومتى سوف يتم تجديد المنظر الخارجي الظاهر لدار الكتب القطريه
او تغير مكانه لانها مكتبه لها تاريخ
المكتبه الي العالم يمرون عليها وهم رايحين شيشة النواخذه وغيرها من القهاوي
لتبادل الاراء والاحاديث فيما بينهم او وهم رايحين سناء او خياط البحرين وغيرها من الاماكن
الي اغلب الناس يمرون عليها
واعتقد ان احنا لازم ننهض بالمكتبه مثل ما نهضنا بالمكتبه الوطنيه بلبنان
واتمنى ان احنا ياجماعه انمر على المكتبه ونسأل عن احوالها وانشوف المبنى الي على شكل
المدارس القديمه التي تم تجديدها يعني المباني الي مثلها انهدمت بس يمكن لان مكتبتنا
تاريخها اقل من اي مكتبه بس اسمها دار الكتب يعني غذاء العقل

ونتمنى إذا لن يتم بناء مكتبه جديده او تجديد القديمه يقومون بأحضار احدى شركات
التنظيف العريقه بغسل جدران المكتبه العريقه

ارجو اني مااكون ثقلت عليكم وارجو محد ياخذ على كلامي ويزعل

والله يوفقكم جميعا ويعطيكم على قد النيه

[ليث العرين]

مرحبا اخوي قنبله


حلوه هاذي شركه تنظيف :nice:

الواحد ينقهر يشوف المكتبه الي أمضى فيها ساعات وأيام جميله مقطوطه على هالحال

ويتم الأعتناء وبناء مكاتب أخرى( وياليت بقطر)!!!

و أشكرك يالقنبله عالموضوع

وغيرتك على الأدب في قطر

[معيذر جنوب]

فعلا كلامك صحيح .. مكتبتنا الوطنية جداً مهملة

ياليت يتم تطويرها ويتم فتح افرع لها بكل مكان .. مثل الدول الاوروبية حتى في المولات فرع للمكتبات اللي عندهم يعني الواحد بدل مايتسكع في ستار بوكس وعيونه رايحه جايه يقعد في المكتبه يقرا له كم كتاب .. يمكن البعض يقول الحين راح عهد المكتبات وماحد يقرا كتب ورقية الان لكن لازم يكون فيه التفاته لهذا الصرح الثقافي ..

[ابن قطر]

الاخ قنبلة اشكرك على الموضوع

ولكن لنكون منصفين هل نحن نقرأ وماذا نقرأ

الاشكالية تكمن ان لا يوجد هناك اي ترويج للقراءه من قبل موسسات الدولة نذكر ان هناك كانت

زيارات من المدارس لدار الكتب وحتى ايام الجامعه كنا نستعين بالكتاب كصديق


من الضروري تغير جذري في صناعة القراءه في دولتنا الحبيبة ونبدأ مع النشئ والشباب

ونكون صديق وليس عدو الكتاب ؟؟

واقترح ان نرى دار الكتب في كل ارجاء قطر

[Arab!an]

هلا بك اخوي


من الضروري ان يتم اولا .. تشجيع القراءة بين الناس

ثم تشجيع الكتاب القطريين .. خصوصا الشباب


والاهتمام بالكتاب ..

مثلا وضع اعلانات لكتاب معين في الشوارع والفنادق والمجمعات ..

كذلك وضع مسابقات مجزية للجميع .. لكافة انواع الكتابة

ثم الاعلان بشكل كبير جدا عن هذه المسابقه


وفتح المكتبات العامه في الاحياء والمناطق التي بها تعداد سكني كبير.. كالريان مثلا


..

والاهتمام باللغة اهم شي.. والا مدام مهملين اللغة وين تبون الناس يهتمون بالقراءه



انا فقط اتمنى ان يصرف على الكتاب والقراءة .. كما يصرف على الكره .. فتنشيط العقل يوازي تنشيط الجسم

[جمال اليافعي]

انا ودي أحصل مكان اجعد واقرأ فيه كتب بس وين ؟ المكتبه الوحيده الي ممكن واحد يروحها ويقرا للنساء فقط ( الخنساء ) يعني احنا الشباب بس هياته في الشوارع .. والله حرام ، وين مشروع المكتبه العالميه الي كان مفروض تنبني جنب البريد ؟ راحت لبنان ؟ والله صرت اتحسف على المساعدات الي تطلع للخارج الواحد صار مقهور حده ..

[ليث العرين]

هلا بك اخوي


من الضروري ان يتم اولا .. تشجيع القراءة بين الناس

ثم تشجيع الكتاب القطريين .. خصوصا الشباب


والاهتمام بالكتاب ..

مثلا وضع اعلانات لكتاب معين في الشوارع والفنادق والمجمعات ..

كذلك وضع مسابقات مجزية للجميع .. لكافة انواع الكتابة

ثم الاعلان بشكل كبير جدا عن هذه المسابقه


وفتح المكتبات العامه في الاحياء والمناطق التي بها تعداد سكني كبير.. كالريان مثلا


..

والاهتمام باللغة اهم شي.. والا مدام مهملين اللغة وين تبون الناس يهتمون بالقراءه



انا فقط اتمنى ان يصرف على الكتاب والقراءة .. كما يصرف على الكره .. فتنشيط العقل يوازي تنشيط الجسم


رحم الله والديك عالفكره صراحه

المفروض ينشرون ثقافه القراءه بدل الدعايات للأكلات الجديده من المطعم الفلاني والعلاني والحفلات الموسيقيه وألخ

ليش أهمال الكتاب ؟

[قـنـبـلـه]

اولا شكرا ياجماعه على المرور وبيض الله وجيهكم

بس عندنا لو تلاحظون حتى مافي حث او اي شي يساعد الناس انهم يقرون في مولات في العالم لو تدخلونها تلقون فيها مكتبه وكوفي شوب صغير يساعدون الناس انهم يقرون ويكون كحث غير مباشر لهم للقراءه
واحنا عندنا الكوفي شوب بدون ذكر اسامي للبلوتوث وغيرها من الاشياء الي الواحد يستحي يتكلم فيها
لاكن انقول بصوت عالي اللـــــــــــــــــــــــــــــــــــه كريــــــــــــــــــــــــــــــم

[عايش زمانه]

تبطي..

[:: q6r ::]

كان هناك مشروع للمكتبه الوطنيه .. وتم البدْء فيه .. لكن توقف لااسباب مجهوله

؟؟
وطبعا ما راح تكلم عن حجر الاساس اللبناني

لانه شي يعور القلب

[ليث العرين]

كان هناك مشروع للمكتبه الوطنيه .. وتم البدْء فيه .. لكن توقف لااسباب مجهوله

؟؟
وطبعا ما راح تكلم عن حجر الاساس اللبناني

لانه شي يعور القلب

ممكن تفيدنا بخصوص مشروع المكتبه الوطنيه :omen2:
اول مره أسمع فيه

تقصد يطورون الحالي ولا يبدون فواحد يديد؟

[ابن قطر]

اولا شكرا ياجماعه على المرور وبيض الله وجيهكم

بس عندنا لو تلاحظون حتى مافي حث او اي شي يساعد الناس انهم يقرون في مولات في العالم لو تدخلونها تلقون فيها مكتبه وكوفي شوب صغير يساعدون الناس انهم يقرون ويكون كحث غير مباشر لهم للقراءه
واحنا عندنا الكوفي شوب بدون ذكر اسامي للبلوتوث وغيرها من الاشياء الي الواحد يستحي يتكلم فيها
لاكن انقول بصوت عالي اللـــــــــــــــــــــــــــــــــــه كريــــــــــــــــــــــــــــــم

كلامك اخوي قنبلة مسمار في لوح

بس بصراحه ما ادري كل ما اشوف اسمك اتخرع؟؟

[:: q6r ::]

هذا المشروع

http://www.skylib.com/arabic.htm

تقريبا بدا 2003

[Villagio]

ميزانيتنا مفتوحة حق التبرعات والشعب يلوعون جبده عشان جسر ينبني ولا شارع يتصلح
امكلفين فيهم احنا؟ نبني لهم ونييبهم ونوظفهم ! ما يسوى علينا هالحرب اللي صارتلهم
طلعت عليهم بفايدة هالحرب
بيقولون والله الحين امسوين لكم الحي الثقافي !
بيترسونه اجانب وبيسون لهم معارض وندوات والقطري خارج الحسبة وبتشوفون

[النائب]

شكرا قنبلة على الموضوع .
الله يسترعلى المكتبة من القصف .

[قـنـبـلـه]

مافهمت قصدك بتبطي ياعايش زمانه

[قـنـبـلـه]

شكرا لك q6r على الصوره ماقصرت
والله ياجماعه في جنسيات ماابي اذكرها صارو يلقون شغل ومنصب احسن من القطري
بس عادي مافي مشكله كلنا فرحانين صح

[قـنـبـلـه]

لاتتخرع ابن قطر
قو قلبك واهم شي قوة القلب في الصراحه بدون تجريح

وقوة القلب تزيد بالإيمان برب الكون والعباد
تقدم ولاتخاف

[:: q6r ::]

شكرا لك q6r على الصوره ماقصرت
والله ياجماعه في جنسيات ماابي اذكرها صارو يلقون شغل ومنصب احسن من القطري
بس عادي مافي مشكله كلنا فرحانين صح

جدا فرحانيين


الحمد الله عالنعمه
=(

[قـنـبـلـه]

حاس بفرحتك كبيره q6r

[ليث العرين]

من شاف شكل المكتبه اللي في الرابط

أشكره من شكلها انها ما بتستوي


قنبله

نعم ما نقدر أنعبر عن الفرحه ):

[:: q6r ::]

ما ابي طلع عن موضوعك يا اخوي
بس من الاحداث المفرحه جدا .. الي من الفرحه مب قادر اعبر عنها

في الشغل عندنا مدير لاحد الادارات .. الله يستر عليه

هذا اخذ نهج ثاني في التوظيف غير الجنسيات الي انت تقصدها .. يقال ان المدير قطري !! يقال طبعا

هذا بدا يوظف اهله ( عائله معينه ) جد والله لو جيت بشوف الاداره نصهم اهل (ولها طابع خاص)

والباقيين مطرش يجيبهم من السعوديه @@

عقب هالموقف اطيييير من الفرحه او لا

[ابن قطر]

:weeping::weeping:كلنا طايرين من الفرحه:weeping::weeping:

[قـنـبـلـه]

اهنيك على مكانك والله يعينك ويعينا لان الي وصلني هالظاهره مب بس عند مديرك عند وايد ناس
جوف عندي لك فكره
اول ماتطلع من الدوااااام اعتبر نفسك عاطل عن العمل وانسى كل شي يخص الدوام
نصيحه هذي في نفس الوقت عشان حياتك تستمر خارج الدوام بدون قهروامراض العصر بعيد الشر

[قـنـبـلـه]

ما ابي طلع عن موضوعك يا اخوي
بس من الاحداث المفرحه جدا .. الي من الفرحه مب قادر اعبر عنها

في الشغل عندنا مدير لاحد الادارات .. الله يستر عليه

هذا اخذ نهج ثاني في التوظيف غير الجنسيات الي انت تقصدها .. يقال ان المدير قطري !! يقال طبعا

هذا بدا يوظف اهله ( عائله معينه ) جد والله لو جيت بشوف الاداره نصهم اهل (ولها طابع خاص)

والباقيين مطرش يجيبهم من السعوديه @@

عقب هالموقف اطيييير من الفرحه او لا




:victory::victory::victory::victory:

[Darco]

مافهمت قصدك بتبطي ياعايش زمانه




يعنى بتبطي وأنت تتكلم.. شبعنا أخبار عن "كرم" حكومتنا للي يسوى واللي ما يسوى. المواطن أصابه احباط مع هذي السوالف وغسل يده من فايدة الكلام.. :) ..

[طين وعجين]

ميزانيتنا مفتوحة حق التبرعات والشعب يلوعون جبده عشان جسر ينبني ولا شارع يتصلح
امكلفين فيهم احنا؟ نبني لهم ونييبهم ونوظفهم ! ما يسوى علينا هالحرب اللي صارتلهم
طلعت عليهم بفايدة هالحرب
بيقولون والله الحين امسوين لكم الحي الثقافي !
بيترسونه اجانب وبيسون لهم معارض وندوات والقطري خارج الحسبة وبتشوفون

:weeping:

[Mansour_qa]

إحنـا فيـنا حـب الإيثـار ..

نـأثـر النـاس على أفنسنـا ..

وياريـت لـو يخلـون بطاقتهـا الخضـرة إلكترونيـة نقـدر نستأجر الكتـب أسـرع من الطريـقـة القديمـة ..

وكـلام إخـوي "Onichan" أشيـد عليـة نبغـي نقرا كتـب فـي أماكـن مخصــصـة ..

واللـه لو بإشتـراك شهـري ..

[Q_PG_S]

مشاركة سابقة نحو مكتبة وطنبة (http://qatarshares.com/vb/showthread.php?t=221339)

[كيفـي]

أي والله التطور اللى تسعى اليه البلاد ليس بالعمران فقط...

بل بالعلم والإهتمام به ونهضته.. وتحديث كل مايخصه..

بجد مره رحت مكتبة الوكرة العامة للكتب..

جاتني حساسية من الغبار.. ومكان كئيب..

كنت احس اني بسجن ابي اطلع بسرعة..

نتمنى الاهتمام بمكاتبنا التي تعتبر كنوز لنا..

ليس الكل لديه ميزانية تساعده للذهاب الى جرير..

وجرير ليس لديه الكثير من الكتب.. لذلك يرجى الاهتمام بمكاتبنا وكتبنا..

من حيث المكان والشكل والمحتوى.. فالكتب كما ذكرتي هي غذاء للعقل والنفس البشرية وتطويرها..

كم احب الكتب.. وبنفس الوقت كم أمقت الذهاب الى مثل هذه المكتبات القديمة..

وبالأخير : عين عذاري تسقي البعيد وتخلي القريب..!!

والله يعطيك العافيــة عزيزتي..

[وكر الذيب]

اشوف امس الحفل عالجزيرة وأتحســـر ..

اخوكم خريج جامعة قطر تخصص مكتبات .. بمعدل 3.28

اول مادخلنا التخصص عشمونا في المكتبة الخيالية الي بتصير صوب البريد .. رسمنا مستقبلنا عليها وشدينا حيلنا وتعبنا وكل واحد يفكر يكمل دراسات عليا .. وكل يوم داشين موقع هالمكتبة نشوف التصاميم ..

ولكن للأسف .. مادري شلي صار فيها .. وياحسافة هالتخصص الي هم افتحوه وتعبو نفسهم واخرتها تصكر وكنا اخر دفعة !!

والحمدلله عل كل حال

[طين وعجين]

يا اخي لا مكتبة وطنية
ولا مسرح وطني حديث
ولا جامعة وطنية فيها كليات عدلة ودراسات عليا
ولا متحف وطني موجود ومفتوح لثقافة البلد وهويته الوطنية
ولا .. ولا .. ولا ليش لانها (وطنية ) والتوجه خارجي

[ابن قطر]

:weeping::weeping::weeping:
اشوف امس الحفل عالجزيرة وأتحســـر ..

اخوكم خريج جامعة قطر تخصص مكتبات .. بمعدل 3.28

اول مادخلنا التخصص عشمونا في المكتبة الخيالية الي بتصير صوب البريد .. رسمنا مستقبلنا عليها وشدينا حيلنا وتعبنا وكل واحد يفكر يكمل دراسات عليا .. وكل يوم داشين موقع هالمكتبة نشوف التصاميم ..

ولكن للأسف .. مادري شلي صار فيها .. وياحسافة هالتخصص الي هم افتحوه وتعبو نفسهم واخرتها تصكر وكنا اخر دفعة !!

والحمدلله عل كل حال

[قـنـبـلـه]

مشكورين ياجماعه ماقصرتو على المرور وتفاعلكم مع الموضوع

وسماع آرائكم الطيبه
واللع يعين الجميع

[فرضه لشيوخ]

شباب كنت أبغي أنظم لكم في أولى مشاركاتي وأقولكم إني أنا بعد طاير من الفرحه بالخبر اللي قريته في الجرايد ..

طاير من الفرحه طاير :weeping::weeping::weeping:

[قـنـبـلـه]

شباب كنت أبغي أنظم لكم في أولى مشاركاتي وأقولكم إني أنا بعد طاير من الفرحه بالخبر اللي قريته في الجرايد ..

طاير من الفرحه طاير :weeping::weeping::weeping:



واضح على تعبير وجهك اخوي وخاصه البعير الي في الصوره اعتقد انه يبتسم

[جير قطر]

وايد علينا دار الكتب القطرية أسأل اخوي قمبله كم مرة ونت رايح الشيشه مريت ووقفت لتستعير كتاب من دار الكتب القطرية ؟ للأسف شبابنا يهمه مزاجة ويبحث عنه وكم مره رحت خياط البحرين علشان تكشخ بثوب جديد ؟ وقفت عند دار الكتب القطريه تقرأ أمهات الكتب الموجوده هناك. بس شباب قطر همه الكشخة والسياره والجوال .
أما لو رحنا لبنان انحصل الكل يعرف تاريخ لبنان ويعرف مكاتب لبنان ودور النشر لانهم يهتمون بالثقافه والفنون والجمااااال وحتى الزبال عندهم يتكلم في الساسة ويعرف يحلل المواقف السياسيه. وعلى فكره اهل لبنان يستاهلون .

[جمال اليافعي]

وايد علينا دار الكتب القطرية أسأل اخوي قمبله كم مرة ونت رايح الشيشه مريت ووقفت لتستعير كتاب من دار الكتب القطرية ؟ للأسف شبابنا يهمه مزاجة ويبحث عنه وكم مره رحت خياط البحرين علشان تكشخ بثوب جديد ؟ وقفت عند دار الكتب القطريه تقرأ أمهات الكتب الموجوده هناك. بس شباب قطر همه الكشخة والسياره والجوال .
أما لو رحنا لبنان انحصل الكل يعرف تاريخ لبنان ويعرف مكاتب لبنان ودور النشر لانهم يهتمون بالثقافه والفنون والجمااااال وحتى الزبال عندهم يتكلم في الساسة ويعرف يحلل المواقف السياسيه. وعلى فكره اهل لبنان يستاهلون .

رجاءا لا تعمم , الكثير منا شباب مثقف ونبغى نتعلم ونقرأ اكثر . رجاءا لاتشوف الاقليه وتحكم على الجميع , ويتبين لي انك جاعد تتكلم عن الفئه العمريه من 17-24 سنه .. تراهم مايمثلون الشباب القطري ..

اما عم المكتبه أخوي انا ودي اجعد في مكان هادئ وواسع وأقرأ وأقرأ وأقرأ حتى أشبع والله لو أتم طوال عمري ما مليت ، القراءة ما تملل بالعكس تفتح افاق أخرى ما كنا نعتقد انها موجوده .. فرجائي ان يقوم أحد الاثرياء ببناء مكتبه للقراءه .. لان الدوله شكلها مهب مهتمه للأسف .

[Villagio]

وايد علينا دار الكتب القطرية أسأل اخوي قمبله كم مرة ونت رايح الشيشه مريت ووقفت لتستعير كتاب من دار الكتب القطرية ؟ للأسف شبابنا يهمه مزاجة ويبحث عنه وكم مره رحت خياط البحرين علشان تكشخ بثوب جديد ؟ وقفت عند دار الكتب القطريه تقرأ أمهات الكتب الموجوده هناك. بس شباب قطر همه الكشخة والسياره والجوال .
أما لو رحنا لبنان انحصل الكل يعرف تاريخ لبنان ويعرف مكاتب لبنان ودور النشر لانهم يهتمون بالثقافه والفنون والجمااااال وحتى الزبال عندهم يتكلم في الساسة ويعرف يحلل المواقف السياسيه. وعلى فكره اهل لبنان يستاهلون .

على اي اساس اتعمم على الشباب القطري انهم شيشة وكشخة وبس ؟
اذا انت عايش في هالدائرة الضيقة وماتشوف الا هالانماط
انصحك تطلع من هالدائرة
قطري وهذا كلامك عن اهل ديرتك؟ شخليت حق الغرب ؟ بتقولي واقع بقولك الليت تتكلم عنه يشكل نسبة ضئيلة
وحتى لو كانت اغلبية ! عشان اتحث الشباب على العلم والثقافة شجعهم! مب حاطلهم دار الكتب خراااابة صارلها الف سنة وتبني حق غيرك بره بالملايين
بعدين حبيبي اشوف فادت لبنان ثقافتهم اللي تتكلم عنها
دايما في تنازع ونييبهم عندنا الدوحة ندفعلهم ملايين عشان يتصالحون اي ثقافة هذي؟
الا مايدرون وين الله حاطهم !
ليش ماتبي الدوحة تكون عاصمة الثقافة والفنون والجماااااااااال على قولتك ؟ وين غيرتك على بلدك وشبابنا وفلوووووووووسنا اللي اتخر في كل مكان والمواطن محتاج

[استغفرالله]

باحجز لبنان عشان اقرا كتب

[جير قطر]

رجاءا لا تعمم , الكثير منا شباب مثقف ونبغى نتعلم ونقرأ اكثر . رجاءا لاتشوف الاقليه وتحكم على الجميع , ويتبين لي انك جاعد تتكلم عن الفئه العمريه من 17-24 سنه .. تراهم مايمثلون الشباب القطري ..

اما عم المكتبه أخوي انا ودي اجعد في مكان هادئ وواسع وأقرأ وأقرأ وأقرأ حتى أشبع والله لو أتم طوال عمري ما مليت ، القراءة ما تملل بالعكس تفتح افاق أخرى ما كنا نعتقد انها موجوده .. فرجائي ان يقوم أحد الاثرياء ببناء مكتبه للقراءه .. لان الدوله شكلها مهب مهتمه للأسف .


الشباب القطري هم كل الفئات العمريه يا طويل العمر.
بس أنا اعني القنبله الذي كتب الموضوع وأنا من محبين القراءه ولا نحتاج أحد من الأغنياء يبني لنا مكتبه الله يخلي بو مشعل مثل ما سوى لنا متحف أسلامي وملاعب رياضيه وغيره يتكلم عنها القاصي والداني يبني لنا المكتبة بس اتمنى من الكل ان يشارك في المكتبه وأقصد "كل شباب قطر" و تدخل عبر هذه المكتبه من خلال الأنترنت ونعمل ابحاثنا بكل يسر.

[Scorpion]

.
.
.



شكراً اخي قنبلة على الموضوع، ولكن فعلاً كم هم عدد مرتادي المكتبة سواءً قطريين او غيره ؟! بدون حساسيات مااتوقع العدد يكون قريب لمكتبة لبنان صح او لا:)

انا كنت اروح مكتبة الريان صدقني ياقنبلة الكتب عليها غبار 2سم ونادراً ماكنت اشوف رواد ..

وبعدين عزيزي لاتنسى ان لبنان بلد الثقافة وماحد ينكر هالشي .. وشوف كل الكتب مطبوعه وين وشوف الكُتّاب .. وطبعاً ماننسى الكُتّاب القطريين اللي للأسف لم يعد معُظم الشباب يلقون بالاً للقراءة ..

[هجمة مرتدة]

سمعت من مصدر شبه موثوق أنه تم انشاء مبنى لمكتبة كبيرة في الحي الثقافي الي مقابل فندق الأنتركونتينينتال ..

يا خبر اليوم بفلوس .. بكرة ببلاش .. ننطر ونشوف :)

[جير قطر]

على اي اساس اتعمم على الشباب القطري انهم شيشة وكشخة وبس ؟
اذا انت عايش في هالدائرة الضيقة وماتشوف الا هالانماط
انصحك تطلع من هالدائرة
قطري وهذا كلامك عن اهل ديرتك؟ شخليت حق الغرب ؟ بتقولي واقع بقولك الليت تتكلم عنه يشكل نسبة ضئيلة
وحتى لو كانت اغلبية ! عشان اتحث الشباب على العلم والثقافة شجعهم! مب حاطلهم دار الكتب خراااابة صارلها الف سنة وتبني حق غيرك بره بالملايين
بعدين حبيبي اشوف فادت لبنان ثقافتهم اللي تتكلم عنها
دايما في تنازع ونييبهم عندنا الدوحة ندفعلهم ملايين عشان يتصالحون اي ثقافة هذي؟
الا مايدرون وين الله حاطهم !
ليش ماتبي الدوحة تكون عاصمة الثقافة والفنون والجماااااااااال على قولتك ؟ وين غيرتك على بلدك وشبابنا وفلوووووووووسنا اللي اتخر في كل مكان والمواطن محتاج


أنا غيور على ديرتي واتمنى الخير لكل ابناء قطر وأتمنى دائما الحرية والديمقراطية وتكون قطر بلد الثقافه والفن,,,,,,,,,,,الخ والمنتدى دليل على الديمقراطيه بين الأعضاء . ولاكن الكل يشهد لقطر ولحكومة قطر مواقفها السياسيه والانسانيه من لبنان والسودان وغيره وغيره ومايهمنا لو دفعنا الملايين احنا في عز بو مشعل الله يخليه لنا

[قـنـبـلـه]

والله ياجماعه كل واحد منكم في جزء من الصح في كلامه

بس انا قصدي من الموضوع الدوحه اهم يتم بناء مكتبه فيها قبل اي مكان

بعدين إذا تتكلمون عن مثقفين لبنان كم عدد شعبها وكم في الميه منهم خربان مااقولك روح شوف شوارعهم
بس شوف شوارعنا وهم يتمشون فيها وإذا تتكلمون عن الشيشه هي ظاهره سيئه نعم
بس مب كل مرتاديها سيئين بعدين المكتبه الي عندنا شكلها مايشوق انك تدخلها واصلا مافي حث على القراءه
ولبنان الي تتكلم عنها وتمدح شعبها انا معاك فيهم الصالح والطالح وكم منهم بهدل القطري وجننه اغلبهم مو كلهم يجونك وعينهم على قرشك تدري في منهم ينقهر لما يدري ان القطري اول مايخلص الثانويه ياخذله موتر
جديد ومتى يبغي يبدله يبدله
لان احنا عايشين في خير حكومتنا مامقصره غير عنهم
وانا اعطيك نصيحه خاف من الطماع لاتأمن له
وإذا على الثقافه الله يخلي عيالنا شباب الدوحه فيهم المثقفين بس متواضعين محد يحاول يبرز نفسه ويقول انا
ابو العريف

[ابن قطر]

والله ياجماعه كل واحد منكم في جزء من الصح في كلامه

بس انا قصدي من الموضوع الدوحه اهم يتم بناء مكتبه فيها قبل اي مكان

بعدين إذا تتكلمون عن مثقفين لبنان كم عدد شعبها وكم في الميه منهم خربان مااقولك روح شوف شوارعهم
بس شوف شوارعنا وهم يتمشون فيها وإذا تتكلمون عن الشيشه هي ظاهره سيئه نعم
بس مب كل مرتاديها سيئين بعدين المكتبه الي عندنا شكلها مايشوق انك تدخلها واصلا مافي حث على القراءه
ولبنان الي تتكلم عنها وتمدح شعبها انا معاك فيهم الصالح والطالح وكم منهم بهدل القطري وجننه اغلبهم مو كلهم يجونك وعينهم على قرشك تدري في منهم ينقهر لما يدري ان القطري اول مايخلص الثانويه ياخذله موتر
جديد ومتى يبغي يبدله يبدله
لان احنا عايشين في خير حكومتنا مامقصره غير عنهم
وانا اعطيك نصيحه خاف من الطماع لاتأمن له
وإذا على الثقافه الله يخلي عيالنا شباب الدوحه فيهم المثقفين بس متواضعين محد يحاول يبرز نفسه ويقول انا
ابو العريف

اخوي القنبله طلعت مب هين

واكلت الجؤ علينا


ما دخلنا المنتدى العام الا شفنا

قنابلك

بس كلامك على فكره ولا احلى

[قـنـبـلـه]

عزيز وغالي ياابن قطر
وانا سعيد جدا بهذا المنتدى وعلى هاالاساس انا شاركت فيه
وانشاءالله مااخذ باند بس
الله لايقول ولايجيبه لحد

[ابن قطر]

عزيز وغالي ياابن قطر
وانا سعيد جدا بهذا المنتدى وعلى هاالاساس انا شاركت فيه
وانشاءالله مااخذ باند بس
الله لايقول ولايجيبه لحد

المثل يقول امشي عدل يحتار المشرقين فيك

[ليث العرين]

لبنان بلاد ثقافه بلا شك


بس لا تنسون ان المكاتب فلبنان ترس وفكل "ضيعه" تحصلك مكتبتين ثلاث


وصاج يالقنبله بخصوص الشاب القطري, ما شاء الله وااااايد متثقف بس ماتقولي متثقف في شنو؟؟؟؟

هاي متثقف تلغيم مواتر والثاني بطابط...

بس ما نبغي أنعمم



و انا بعد أضم صوتي معاكم بأنه نحتاج مكاتب في البلاد

والقراءه في قطر لو ركزو عليها بيحلون وايد قضاياه

مب قادرين يحلونها الحيين



وأحييك يالقنبله عالموضوع