المساعد الشخصي الرقمي

مشاهدة النسخة كاملة : ابي المساعده من يقدر


الكواري 1972
10-05-2009, 09:13 PM
ابي اشتكي على وكالة الرنج روفر قسم الصيانه

الصراحه حاطين لنا ناس يرفعون لنا الضغط ويعاملونك كانك جاي اطر من عندهم

حسبي الله عليهم ناس اعزكم الله ماابي اقط خيط وخيط فيهم بس ابي رقم قسم الشكاوي غير اللي في قطر عندنا لان اتصلت وحاولت وكل واحد يحول على الثاني وفي الاخير قالو بناخذ رقمك وبنتصل فيك ولا حد حد اتصل واهتمو بعد

حاطين كم لبناني ويتكلمون معاك بنفس خايسه

ولكن المعامله في وكالة البي ام افضل بكثير منهم يحترمون الواحد ويقومون بالواجب واكثر

اللي عنده الرقم لا يبخل علينا

لا بكل وقاحه يقولك تبي اندخل سيارتك عندنا اول شئ تجيب لنا بطاقتك الشخصيه وانصورها وبعدها الملكيه للسياره وبعدها كتاب تعهد منك انك تدفع لنا افلوس التصليح عنا ابوه وين داش انا ليكون شايفيني اجنبي مكسر سيارة معزبه ويبي يشرد

واذا قلت له مافي غير هالكلام قال اذا بدك .. واذا مابدك روح صلح برع

ايش هذا الاسلوب ايش هذا التعامل الجاف لا ويكلم من طرف خشمه ولا يبالي فيك انت اتكلمه يسفه لك يقعد يتصل او مادري ايش ايسوي

عقب هذا وانت اتكلمه يقطع كلامك ويقولك ها ايش قلت

الصراحه طلعت من طوري عطيتته كم كلمه في العضل والله شوي ومد يدي عليه

ولكن تعوذت من ابليس وطلعت من عندهم حسبي الله عليهم

لاتقولون ليش مكلمت المدير حقهم الانجليزي مامن هذا الا ذاك كنت اتكلم معهم مره مع ذي ومره مع ذاك ولا في فايده رايح جاي كانك جالس اطر

والخافي كان اعظم

لا تبخلون علي يالربع
وحيد-الشوق
10-05-2009, 11:04 PM
الله يعينك ياخوي كان ودي افيدك :(

انت حاط الموضوع في مكان غلط حطه في قسم السيارات وان شاء الله الشباب هناك مابيقصرون معاك
الكواري 1972
10-05-2009, 11:08 PM
الله يعينك ياخوي كان ودي افيدك :(

انت حاط الموضوع في مكان غلط حطه في قسم السيارات وان شاء الله الشباب هناك مابيقصرون معاك


اممممممممممممم

تهقى يعني الحين بسوي له قص ولصق

بس اخاف 34 اللي ادخلو زعلانين علي محد رد فيهم

:weeping:

تسلم اخوي يعطيك العافيه
hamoor4ever
10-05-2009, 11:13 PM
قلنا لكم عبدالغني والمصريين ابرك من غيرهم ماصدقتو هاذي وكاله الرنج واللي اخس منها البورش ماسكينها شعب معين يحبون يكلمون القطريين من طرف خشوهم ولين بغيت منهم شي كأن انت طرار ومحتاج لهم

ياريال بيع هالرنج وافتك من مذلتهم وخدمتهم التعيسه لان الشكوى لغير الله مذله وصدقني ماراح يستوي شي ان اشتكيت لان كلهم لوبي مع بعض
سهم مديون
10-05-2009, 11:15 PM
بيعه واشتر لكزس ولا (في اكس ار) وفتك من وجعة الراس اسأل مجرب !
الكواري 1972
10-05-2009, 11:27 PM
قلنا لكم عبدالغني والمصريين ابرك من غيرهم ماصدقتو هاذي وكاله الرنج واللي اخس منها البورش ماسكينها شعب معين يحبون يكلمون القطريين من طرف خشوهم ولين بغيت منهم شي كأن انت طرار ومحتاج لهم

ياريال بيع هالرنج وافتك من مذلتهم وخدمتهم التعيسه لان الشكوى لغير الله مذله وصدقني ماراح يستوي شي ان اشتكيت لان كلهم لوبي مع بعض


صج لقالو ماتعرف اقديري الا لجربت غيري

:)

يعطيك العافيه
الكواري 1972
10-05-2009, 11:28 PM
بيعه واشتر لكزس ولا (في اكس ار) وفتك من وجعة الراس اسأل مجرب !


لا وازيدك من الشعر بيت اللي عندي 2008

اصدق الحين تبي تبيع محد يعطيك سعر عليه

صج هذا اللي يسمون شيك بدون رصيد
:(

يعطيك العافيه
برنس قطر
10-05-2009, 11:48 PM
سلام عليك يا اخوي الفاضل
اخوي انا كان عندي رنج سبورت وبعده رنج فوج ومالقيت غير لاحترام وتقدير وكل ذووق في شركة الفردان يالغالي
حتى لو ماعندك سياره تحجز موعد السياره يعطونك تستخدمها لين تخلص سيارتك من صيانه .. الغالي على العموم يمكن الحال تغير بس هذا الكلام من فترة بسيطه اقل من 3شهور المهم ماابي اطول عليك في موقع في نت تخاطب شركة لام في المانيا تكتب الهم ايميل هم بخاطبون شركة المسؤاله في ميدل ايس اقصد الشرق لاوسط بتلقى مدير عام الفردان موتورز يتصلك ويترجى فيك علشاان تسحب شكوى انا مجرب بس معا شركة الكيدلك اسكاليد الوكيل في شرق لاوسط في دبي اتصلو لي وتخيل وخيرونني بين اكثر من 4سيارات استخدمها الين سيارتي متخلص كان فيها خلل من المصنع وهم يتماطلون علي ماايبون يصلحون المهم ماطولت معااهم دخلت نت اخذت الرقم من موقعهم في نت وبس كلمت المدير عام في دبي وكان يترجم بناني الجنسيه اعتقد وبس بعدها كان الكلام صباح اذاكر كان ساعه10 الساعه 3العصر بتصلين فيني وخذ الكلام معسول وخلافه ... المهم يالغالي انت تكلم معاهم وشوف ردهم وخذ رقم الوكيل في شرق لاوسط وكلمه لا تستهين انت شااري بفلوس ومبلغ وقدره والمفروض تاخذ خدمه مقابل المبلغ المدفوع السياره تمنى تاخذ على كلامي محمل الجديه وتتخذ قرار انك تاخذ حقك منهم مااعليكم من احد لك حق بتاخذه قصب عنهم بس بسلوب رااقي تمنى تبلغنا عن جديدك يالغالي والله يعينك .
تقبل مروري واسف على لاطاله .
جمال اليافعي
10-05-2009, 11:53 PM
انا سويت نفس الحركه في شركه الاسكودا مالت بن عجيان .. والله ان المصنع خلاهم يحافصون .. واستعدلوا .. بس خلاص عفت السيارة .. كنت بموت بسبب أهمال الوكاله .. بعتها وافتكيت وطحت بشركه أخس ههههههه السوبارو ..
Villagio
11-05-2009, 12:02 AM
كلم واحد اسمه حسن! مغربي بس يتكلم شامي وحليو يمكن يفيدك بشي
ومديرهم الانجليزي ترى مرة نفع واحد كان متلعوز مع الفلبن اللي يصلحون وزفهم وخلصوا شغل الريال
هالسالفة قريتها هني في منتدى السيارات
الفردان عاد ميزتهم السيرفس والمعاملة الحلوة
الله يعينك بس كلم المدير احسن او حسن المغربي فرع الصناعية
البدوي
11-05-2009, 12:13 AM
...... بصراحه كنت افكر اشتري الرنج ..... بس الحين ... هونت ولا مذلة الشامي


..... علوم ابو حوض .... شغل بنقال ابرك
الملكة الام
11-05-2009, 12:37 AM
اخي الكواري 1972




جبت لك معلومة مهمه فيها رقم مركز مجاني للزبائن...اتصل وجرب


If you are a Land Rover owner


Our Customer Relationship Centre would be delighted to talk to you about servicing, accessories, warranty and any questions or feedback.
08705 000 500

دوامهم ...

Our Customer Relationship Centre is open:
Monday to Friday 8:30am - 5:30pm



اختك العوده


الملكة الام
الكواري 1972
11-05-2009, 10:21 PM
سلام عليك يا اخوي الفاضل
اخوي انا كان عندي رنج سبورت وبعده رنج فوج ومالقيت غير لاحترام وتقدير وكل ذووق في شركة الفردان يالغالي
حتى لو ماعندك سياره تحجز موعد السياره يعطونك تستخدمها لين تخلص سيارتك من صيانه .. الغالي على العموم يمكن الحال تغير بس هذا الكلام من فترة بسيطه اقل من 3شهور المهم ماابي اطول عليك في موقع في نت تخاطب شركة لام في المانيا تكتب الهم ايميل هم بخاطبون شركة المسؤاله في ميدل ايس اقصد الشرق لاوسط بتلقى مدير عام الفردان موتورز يتصلك ويترجى فيك علشاان تسحب شكوى انا مجرب بس معا شركة الكيدلك اسكاليد الوكيل في شرق لاوسط في دبي اتصلو لي وتخيل وخيرونني بين اكثر من 4سيارات استخدمها الين سيارتي متخلص كان فيها خلل من المصنع وهم يتماطلون علي ماايبون يصلحون المهم ماطولت معااهم دخلت نت اخذت الرقم من موقعهم في نت وبس كلمت المدير عام في دبي وكان يترجم بناني الجنسيه اعتقد وبس بعدها كان الكلام صباح اذاكر كان ساعه10 الساعه 3العصر بتصلين فيني وخذ الكلام معسول وخلافه ... المهم يالغالي انت تكلم معاهم وشوف ردهم وخذ رقم الوكيل في شرق لاوسط وكلمه لا تستهين انت شااري بفلوس ومبلغ وقدره والمفروض تاخذ خدمه مقابل المبلغ المدفوع السياره تمنى تاخذ على كلامي محمل الجديه وتتخذ قرار انك تاخذ حقك منهم مااعليكم من احد لك حق بتاخذه قصب عنهم بس بسلوب رااقي تمنى تبلغنا عن جديدك يالغالي والله يعينك .
تقبل مروري واسف على لاطاله .

ناس تتوفق وناس ماتتوفق الحمدالله انا مع شركة ال بي ام متوفق معاهم من تدخل عندهم اتحصل الابتسامه في وجيهم كلهم

تسلم على المرور والنصيحه

يعطيك العافيه


انا سويت نفس الحركه في شركه الاسكودا مالت بن عجيان .. والله ان المصنع خلاهم يحافصون .. واستعدلوا .. بس خلاص عفت السيارة .. كنت بموت بسبب أهمال الوكاله .. بعتها وافتكيت وطحت بشركه أخس ههههههه السوبارو ..
:)

الله يعينك بس زين سويت فيهم

يعطيك العافيه
تسلم على المرور



كلم واحد اسمه حسن! مغربي بس يتكلم شامي وحليو يمكن يفيدك بشي
ومديرهم الانجليزي ترى مرة نفع واحد كان متلعوز مع الفلبن اللي يصلحون وزفهم وخلصوا شغل الريال
هالسالفة قريتها هني في منتدى السيارات
الفردان عاد ميزتهم السيرفس والمعاملة الحلوة
الله يعينك بس كلم المدير احسن او حسن المغربي فرع الصناعية

سمعت عن حسن بس ولا شفته ومديرهم حدث ولا حرج اهبل بيد لبنانيين

يعطيك العافيه
تسلم على المرور


...... بصراحه كنت افكر اشتري الرنج ..... بس الحين ... هونت ولا مذلة الشامي
..... علوم ابو حوض .... شغل بنقال ابرك

لا بالله هون من قلب وانسى بعد

يود مجنونك ابرك لك

يعطيك العافيه
تسلم على المرور



اخي الكواري 1972




جبت لك معلومة مهمه فيها رقم مركز مجاني للزبائن...اتصل وجرب


if you are a land rover owner


our customer relationship centre would be delighted to talk to you about servicing, accessories, warranty and any questions or feedback.
08705 000 500

دوامهم ...

Our customer relationship centre is open:
Monday to friday 8:30am - 5:30pm



اختك العوده


الملكة الام

يعطيج العافيه اختي الكبيره

دام انا 72 يعني انتي 69
:)

بس هم يعرفون عربي والا انقليش بس

اذا مايعرفون عربي مشكله عندي

على العموم مشكوره

يعطيج العافيه
تسلمين على المرور