قلة ااااااادب في احدى المدارس المستقله اليوم

[همي علي قدي]

السلام عليكم ورحمة الله وبركاته

اليوم شفت العجب في التسجيل في احدى المدارس المستقله
كان زحمه وحشره والحريم يدزون بعض كنهم يهال بالروضه و يتهاوشون عالمقصف ولا احترام ولا حاجه من الساعه 3 وهم يطقون البيبان على المدرسات ومكتوب لنا يبدأ التسجل الساعه 4 لدرجة انهم دزو وحده وطاحت في وسطهم اتقول لهم وخرو خلاص بطلع مب راضين يفتحون لها طريق تطلع

غير هذا يوم جات الساعه 4 وفتحو الابواب وزعو الارقام طبعا على الامهات تقريبا 70 رقم
ووقفو التسجيل دخلو اللي عندهم ارقامواعتذرت المديره للبقيه وقالت هناك مدارس فيها اماكن شاغره مثل مدرسة كذا وكذا تخيلو شنو صار

هجمت عليها وحده وتمت تصرخ في وجه المديره واتقول لها انتي دخلتي اللي تبين من باب خلفي
وانتي ماتسجلين الا اللي عندهم واسطه وبنات المدرسات وقرايبج
قالت لها المديره احترمي نفسج ردت وحده ثانيه قالت عطيني رقم حسابج وانا بدخل لج المبلغ كم تبين

زعلت المديره وسكتت عنهم ودخلت داخل

وكانو يسبونها بهمجيه ويتلفظون بالفاظ جارحه
ويقولون انتي كذابه ما وزعتي 70 رقم وانا كنت داخل وشفت وايد امهات يسجلون سألتهم من وين الارقام قالو من اول مافتحو الباب خذنا الارقام للعلم ان مب المديره اللي وزعت الارقام لا مشرفه من هيئه التعليم جايه تراقب التسجيل

شنو هالمهزله

انتو امهات عيب عليكم والله اذا الام كذي السانها عيل شلون لسان عيالها

والله شي محزن في الامهات القطريات

ليس الكل بل البعض

لان البعض احترم نفسه وخذ اوراق طفله وطلعو عادي
لكن البعض الاخر الله يعينهم على انفسهم

[بابا الضحية]

لا حول ولا قوة الا بالله !!!

[بنت ابوها 19]

كل وحده تمثل نفسها
وتمثل البيت الي جايه منه
وتمثل الطالبه الي جايه تسجلها

والله عيب
الأم لازم تكون شي يشرف للطالبه
انا لو بدال المديره اذا اشوف الأم جي ولسانها هل الطول
والله مافي امل أسجل بنتها لو تنقلب السما ع الأرض
اذا الام الله بالخير عيل البنت شراح تكون


ماكذبج والله في أمهات اعوذ بالله والله

[بوعلي2]

لاحول ولاقوة الا بالله

[pure]

يمكن من الضغط والزحمه حبوو انهم يبردون حرتهم بحد

وما حصلو الا المديره المسكينه لووول

بس لا صج

بعض الحريم والامهات فيهم توحش مب طبيعي :(

فلم رعب ما تقولين هاي ام و تقطر امومه وحنان

[doha2012]

الله المستعان ان شاء الله

[همي علي قدي]

لا في امهات احترمو نفسم واطلعو بحترام

وبعضهم الله وكيلج
ولا وانا واقفه انتظر برا الا وحده اتكلم الظاهر زوجها اتقول له تعال ادخل ماوزعو الا 5 ارقام والباقي مدخلينهم من باب سري ورا المبنى اتقول حق ريلها انزل يبيلهم رجال يسنعهم

تخيلي

[شمعة الدوحه]

بل :rolleyes2:

الله يعين المديره والله

شهالاسلوب :telephone:

[tajirqatari]

الله يعين الجميع يارب
ولاحول ولاقوة الا بالله

[pure]

لا في امهات احترمو نفسم واطلعو بحترام

وبعضهم الله وكيلج
ولا وانا واقفه انتظر برا الا وحده اتكلم الظاهر زوجها اتقول له تعال ادخل ماوزعو الا 5 ارقام والباقي مدخلينهم من باب سري ورا المبنى اتقول حق ريلها انزل يبيلهم رجال يسنعهم

تخيلي


ريال يسنعهم !

يعني مثلا يهاوشهم ولا ينزل ويطقهم ؟؟ ولا يلشطهم بعقاله ؟

ههههههههههههههههههههه عليهم تفكير

[سداوي&مدريدي]

خربطه عندنا في قطر

[miss-qatr]

للأسف هذا الإسلوب اللي يفتقر للإحترام والرقي


لي متى بيكون في المجتمع هالعينات !!!

[بوخالد911]

بالهداوة تنحل المشاكل

[السهم الحلال]

أنا أشوف الوضع طبيعي ومتوقع

والقادم أسوأ

وأكيد اذا ما لحقت تسجل اليوم راحت عليها

فمن المسؤوووووووووووول برايكم؟؟؟؟؟؟؟؟؟؟؟؟؟؟؟؟

[بومحمد911]

ماشاء الله امهات يضرب فيهم المثل

ما خلوا شيء حق اليهال ههههههههههههههههه

[بوحارب]

أذا لم تستح فأصنع ما شئت

[Northman]

لاتلومونهم ,,تخيلو ماتلقون كرسي لولدكم او بنتكم في المدرسه ,, و تلفون على كل المدارس و ماتحصلون ,, حزتها شللي راح تسوونه ..

انا مريت بمثل هذا الموقف من كم سنه ,, و حسيت بقهر و ظلم ,, لفيت كل المدارس المستقله المحيطه و الغير محيطه بمنطقتي ,, لا لقيت حد يقبل عيالي ,, و لهم يقولون لي المدراس فل

لوما الواسطه و حب الخشوم و الترجي ,, كان قعدت العيال عندي في البيت

[ام حبيبتي]

اهو اوكي انهم خايفين على بناتهم مايسجلونهم وتضيع سنه ,,,,,,,,, لكن ,, كل شي بأحترام ,,, وليش مايسوووون لاين ؟؟ يعني بالدور كل وحده تجي وتوقف ورى اللي قبلها ... سبحان الله ...حريم :).........

[ss26]

يمدحون الخيزرانه

[امل الحب]

:omg:

ليش اليوم التسجيل ؟؟؟؟

التسجيل بدا من الاسبوع الي طاف !! وكان الوضع مستتب !

[الوعد2016]

وليش ما يكون كلامهم صحيح وكيف يفتح التسجيل ب70 فقط ام ان كل يوم يكون 70 ياليت نعرف التفاصيل في كيفية التسجيل وكم عدد المسجلين ومتى كان اول يوم لتسجيل ومتى تم الاكتفاء حتى يتم الحكم على الموضوع بحق وعدم ظلم احد من الاطراف

[بنت^البحرين1]

بصراحه

ماقدر اقول عنهم شي ، تعرفين ليش اختي ؟؟

والله لاتلومينهم من حرة يوفهم

بصراحه نظامكم غرررررريب جدااااااا ، واليوم سولفت عنه في الدوام اقولهم تخيلوا في قطر، التسجيل مايكون تلقائي يعني من سبع سنوات دايركت بتكون مسجله في المدرسة حسب منطقة سكنها ، لا ، يروحون هم الاهل يسجلونها ويا يحصلون يا مايحصلون وعااااااادي تتسجل في مدرسة بعيده عن بيتهم تشاخط رايحه راده

استغربوا البنات معاي، يقولون في قطررررررر ؟؟ قلت له اي والله قارية في المنتدى

ليش ماتطالبون يرجعون لكم او هالنظام اللي كل واحد ينحط في المدرسة اللي في منطقته مب ارحم لكم من هالحالة ؟؟؟ تطرون ارقام عشان تسجلون اعيالكم ؟؟


طيب سؤال ، اذا كلكم قطريين واعيالكم مالهم مكان في هالمدارس؟؟ عيل من اللي قاعد يدرس في هالمدارس يعني ؟؟

[عبد الرحمن77]

بصراحه

ماقدر اقول عنهم شي ، تعرفين ليش اختي ؟؟

والله لاتلومينهم من حرة يوفهم

بصراحه نظامكم غرررررريب جدااااااا ، واليوم سولفت عنه في الدوام اقولهم تخيلوا في قطر، التسجيل مايكون تلقائي يعني من سبع سنوات دايركت بتكون مسجله في المدرسة حسب منطقة سكنها ، لا ، يروحون هم الاهل يسجلونها ويا يحصلون يا مايحصلون وعااااااادي تتسجل في مدرسة بعيده عن بيتهم تشاخط رايحه راده

استغربوا البنات معاي، يقولون في قطررررررر ؟؟ قلت له اي والله قارية في المنتدى

ليش ماتطالبون يرجعون لكم او هالنظام اللي كل واحد ينحط في المدرسة اللي في منطقته مب ارحم لكم من هالحالة ؟؟؟ تطرون ارقام عشان تسجلون اعيالكم ؟؟


طيب سؤال ، اذا كلكم قطريين واعيالكم مالهم مكان في هالمدارس؟؟ عيل من اللي قاعد يدرس في هالمدارس يعني ؟؟

:whistling: جاوبوا يا أهل قطر ...........

[&شهد&]

حزات اقول ان هالنوعية من الناس فيهم قلة أدب وهمجية ماصااااارت
وبعدينأرد وأقول ماينلامون خاصة اللي بيتها ورى المدرسة وقالوا لها مااااااااافي انسي!! شتسوي المسكينه

[clouds]

مادري متى بنتغير ونتعلم..يعني ليش ناخذ من الغرب الشي الشين ونخلي الزين؟؟ليش عندهم نوقف في طابور وهني كل وحده تدز الثانيه مو بس في المدارس الا في كل مكان!!!انصدم من الحريم متى بيتغيرون ويصيرون نظاميين؟؟؟لو كل واحد دخل بالدور ماصار هاي حالهم ..واصلا هالمستقله الفاشله لو يسكرونها احسن لهم ويخلونا على النظام القديم احسن...
على فكره اكاديميه قطر السنه النس واقف من الساعه 3 الفجر عشان يسجلون عيالهم في الروضه!!!مب المدارس لاحظو لان لو مالقو لهم كرسي من عمر 3 سنين خلاص راحت عليهم

[شـعـشـبـونـه]

الله يسامحهم ويهديهم ..

[بو الجوري]

والله هل النوع من الحريم .. وايد مع الأسف .. وبحكم شغلي السابق فالبنك .. كنت أتعامل معاهم ..
والله إنهم قليلات أدب .. وصارت مواقف .. كنت أقول إشدعوه .. المفروض إنج قطريه .. ومتعلمه ..
لكن للأسف .. .. إسلوب مافي .. .. .. البعض طبعاً ..

وبخصوص المدارس .. لازم يشوفون لهم حل .. صج الامهات غلطانين لكن بعد مب عدله اللي قالوه ..
وفنفس الوقت العتب على المجلس الاعلى .. وقلة المدارس ..
يعني الواحد من القهر يعصب .. وين يحط ولده أو بنته ..

[be.happy]

والله انا اعتقد انه شي طبيعي ان الواحد او الوحده يطلعون من طورهم في بعض المواقف .... بس موب معناتها

انهم قليلات ادب , ، ، ،

[سوق واقف]

يوجد حل وسهل يكون التسجيل عن طريق المجلس الأعلى للتعليم ومش عن طريق المدارس ...
المجلس يسجل ويوزع الكشوفات على المدارس هذي أفضل طريقة

[بوخالد2]

لاحول ولاقوةلاابالله

[Only Me]

والله لو انا مكانها لو عرفت شلون ارد عليهم

[همي علي قدي]

وليش ما يكون كلامهم صحيح وكيف يفتح التسجيل ب70 فقط ام ان كل يوم يكون 70 ياليت نعرف التفاصيل في كيفية التسجيل وكم عدد المسجلين ومتى كان اول يوم لتسجيل ومتى تم الاكتفاء حتى يتم الحكم على الموضوع بحق وعدم ظلم احد من الاطراف

اخوي التسجيل بدأ من الاحد تاريخ3-5-2009
ولمدة ثلاث ايام للي عندهم خوات في نفس المدرسه يعني اللي عندها اخت في اول في ثاني او في ثالث المهم ان عندها اخت في نفس المبنى والاسبوع هذا تاريخ 10-5-2009
للي ماعندهم خوات وبس تسجيل للروضه فقط لان طبيعي اللي عندهم بينتقلون اول وبنات اول بينتقلون ثاني وهكذا

فا تقريبا كل مدرسه تاخذ 150 او 200 طالبه

واتكون الاولويه للي عندهم خوات فا اللي بقى من الارقام 70 رقم للجدد
اللي عندهم خوات خذو ثلاث ارباع الارقام

فهمت اخوي

[مليونيره]

الحمدلله والشكر

[بواردي]

في امهات مع احترامي للبعض
جايات من الشارع
ومكانهم في الشارع هم وعيالهم لانه كل اناء بما فيه ينضح
لان مثل هالعينات ما نتشرف انهم يدرسون اعيالهم مع اعيالنا
حوش ودبش
ولو انا مكان هالمديرة
لافصخ دلاغي واحطه في خشمه