.البطاقة الشخصية......!!!!!!!

[البدوي]

... موضوع مهم ... يا جماعة ليش كل ماروح الوزارات والدوائر الحكومية يطلبون صور مثلاً للبطاقة الشخصية ولا للجواز ولا لشهادات ولا ... يطلب منك من الجهه الفلانية شهاده مثل شهادة حسن سير وسلوك الى ما تعرف من وين اتيبها ؟

.. اليوم رايح اسجل في الصحة الوقائية اسم مولود جديد .... رغم انه مب الولود الاول ولا الثالث وأخذوا يطلبون منى صوره من كذا وصوره من كذا وصوره من كذا ....لدرجة شوى ويطلبون عقد الاجار ولا كم مديونيتك في البنك تعقيد في تعقيد .... ولا صورة الخدامة ....@@

... ليش ما يكون عندهم ارشيف الكترونى لكل شخص موجود على هذي البلد فيه كل الاوراق الشخصية والسيرة الذاتية وكل ما تحتاجة الوزارة من غير ما يطلبون منك اتحضرها كل مرة

... ليش كل مرة اذا الواحد يبي ايجدد رخصة ولا اوراق شخصية يطلبون منه ,,, ايجيب اورقه من الجهه الفلانية ان الشخص ما عنده كذا او لا يملك كذا ؟
او ما علية اي دعوه قضائية ؟

... الى متى هذا الروتين القاتل ؟؟؟؟؟

[أحلى وسيطه]

أخوي البدوي مبروك ماجاك

والله يجعله من الذريه الصالحه يارب


أما بخصوص التخلف الروتيني في أغلب الدوائر الحكوميه ندعي لهم بأن الله يمن عليهم ويتطورون ويتركون عنهم هالملل اللي هم فيه

[ليث العرين]

أجراءات حكوميه

والحمدلله مسهلين الأمور

ياخي شدعوه بعد تبغي كل شي يسير بروحه لازم تتعب شوي

[الوعد2016]

مبروك ماجاك
وهذي اجراءات متبعه لان هناك من يقوم بامور تحدث ؟؟؟؟؟

[ابن قطر]

اين الحكومة ا ل ك ت ر و ن يه

ومبروك ما جاك اخوي البدوي

[البدوي]

..... الله ايبارك فيكم ... وشكراً على المرور

... أمين ..... يا اختى أحلا وسيطة

... لكن .. اخوى ليث العرين ... لو على التعب بنتعب .... مب مشكلة,,, الى متى التخلف عندنا كل سبل الراحة..... والتقدم التكنلوجي .... ليش ما نوظفها ... في راحة المراجع
.... شكلك ما قد وقفت في طابور مراجعه ولا انتظار عند باب مكتب مسؤول .. مشغول مع التلفون ... يشرح لزوجتة . ... سبب السفر اخر الاسبوع ... وغيره وغيره.

... الوعد2016 .. الله ايبارك فيك .............. الى متى اخوى هذي الأجراءات ؟ اتذكرنى بالفنر والقاز


.. ابن قطر ...... تعجبنى ...... اين الحكومة هذي ... ينصرف عليها الملاين ؟
الله ايبارك فيك اخوى

[ليث العرين]

انا وياك في ان عندنا كل سبل الراحه والتقدم الألكتروني

بس الحقيقه الغالبه من وراء هالتقدم هو خلق صور للدوائر لا أكثر ولا أقل

والله يعينك أخوي

[قـنـبـلـه]

والله اخوي الله يعينك
بس بعد اخوي في وايد اشياء صارت اسهل من قبل وانشاءالله التعقيد الي انت عانيته قريب ويزول

ويتربى في عزك المولود والله يطرح به البركه

[Bu Rashid]

مبرووووك ما جاك ... ويتربى في عزك

[بو الجوري]

مبروك ماجاك .. :)

أنا معاك إن لازم يكون في أرشيف إلكتروني ..
لكن مابيعتمدون على كل شي .. لأن كل يوم ممكن تتغير معلوماتك ..
مثلاً عزوبي الى متزوج ..
أو عندك حسن سيره وسلوك .. وصرت راعي سوابق :)
أو مثلاً كنت قطري وسحبوا منك الجواز ..

عرفت قصدي الشيخ .. إن في أشياء لازم يطلبون الجديد منها ..

يمكن أكون صح ويمكن أكون غلط ..

تحياتي ..

[jo0ory.56]

مبروك ماجاك .. :)

أنا معاك إن لازم يكون في أرشيف إلكتروني ..
لكن مابيعتمدون على كل شي .. لأن كل يوم ممكن تتغير معلوماتك ..
مثلاً عزوبي الى متزوج ..
أو عندك حسن سيره وسلوك .. وصرت راعي سوابق :)
أو مثلاً كنت قطري وسحبوا منك الجواز ..

عرفت قصدي الشيخ .. إن في أشياء لازم يطلبون الجديد منها ..

يمكن أكون صح ويمكن أكون غلط ..

تحياتي ..


كل هذه المعلومات .. ممكن اخذها من الارشيف الالكتروني ... وهذه المعلومات المفروض تتجدد

مع المستجدات .. ففي الحكومة الالكترونية .. تكون كل الدوائر الخدمية المتعلقة بالجمهور

مرتبطة ببعضها .. فكل معلومة أو تجديد يضاف الى سجل الشخص الاساسي ..

وبالتالي يتاح لكل الدوائر الخدمية المرتبط بالحكومة الالكترونية .. هنا لا يضطر الشخص

الى احضار كل هذه المستندات عند كل اجراء أو قضاء مصلحة ..

ومبروك ما جاك ..

[بو الجوري]

كل هذه المعلومات .. ممكن اخذها من الارشيف الالكتروني ... وهذه المعلومات المفروض تتجدد

مع المستجدات .. ففي الحكومة الالكترونية .. تكون كل الدوائر الخدمية المتعلقة بالجمهور

مرتبطة ببعضها .. فكل معلومة أو تجديد يضاف الى سجل الشخص الاساسي ..

وبالتالي يتاح لكل الدوائر الخدمية المرتبط بالحكومة الالكترونية .. هنا لا يضطر الشخص

الى احضار كل هذه المستندات عند كل اجراء أو قضاء مصلحة ..

ومبروك ما جاك ..

يعني طلع كلامي غلط .. :omg: يعطيج العافيه عالمعلومه :)

[كيفـي]

مبروووك ماجاك.. ويتربى بعزكم..

بس لازم الروتين.. عشان يحسسونك انك بقطر وليس بريطانيا اللى يطمحون للوصول اليها..
فقط بالتقليد في امور غير مهمة.. وترك الأهم والأفضل..

والله يعينك..

[الياقوت99]

بصراحه انا بعد دووووووووم يبهدلوني-- الله المستعان

[ALREEM]

جعله مبارك ماجاك ..

وفي كل شي وف كل مكان تقريبا فيه روتين قاتل .. والله يعينّا عليه

[البدوي]

... الله ايبارك فيكم ... جميعاً

... اشكركم على المرور

[الواعد]

ألف مبرووووووك أخوي

ويتربى في عزك


ممكن اعرف ايش يطلبون بخصوص المولود الأول ؟؟؟

بعدين أنت تقول الصحة الوقائية مب الصح تسجيل المولود في

الهئية العامة للصحة ( اللي جنب اللولو في شارع الريان )

[البدوي]

ألف مبرووووووك أخوي

ويتربى في عزك


ممكن اعرف ايش يطلبون بخصوص المولود الأول ؟؟؟

بعدين أنت تقول الصحة الوقائية مب الصح تسجيل المولود في

الهئية العامة للصحة ( اللي جنب اللولو في شارع الريان )

... الله ايبارك فيك اخوى

... والله الطلب يختلف من شخص الى اخر ... حسب الجنسيه

.. المهم للقطرين البطاقة الشخصيه للاب والام اذا كانا قطريين وعقد الزواج والكرت الاخضر للتطعيم

... الى اعرفه انها اسمها الصحه الوقائية ..... نعم هي الى عند اللولو

ومبروك مقدماً

[جير قطر]

اخوي البدوي مبروك ماجاك ويتربى في عزك
ولاكن في الامان هذي دايمن فيها تعقيد
والله يعينك