relaax
07-01-2006, 08:35 PM
http://www.al-7b.com/u/files/vb-1086596635.gif
بوقت من البطا وبليل تتراقص شياطينة ..
بعد شفت الضيا ينزع من ثياب المسا ثلثين ..
تحايلت المنام اللي مثل بيتك تمرينه ..
وانا اللي من تفارقنا ماغمضت لي عين ..
غريبة كل حلم يمر برقادي تزورينه ..
والاغرب كيف احلم الحلم وارجع واحلمه بعدين ..
قبل يومين شفتك بالمنام وقمت من حينه ..
ونمت امس ورجع نفس المنام اللي قبل يومين ..
انا اللي قبل اسافر شلت قلبي من شرايينه ..
تركته في يدج مثل الأمانة واحفظيها زين ..
ترى حفظ الأمانة دين مجبورة تردينه ..
أجل مافي احد قالك حفظ الأمانة دين !!
مرد المقفي بيلفي ويستوفي وتوفينه ..
بعد ليلة ثلاث اربعه عشر شهر شهرين ..
اذا انتي منتي بقد الكلام اللي تقولينه ..
حرام استامنك حاجه واذا جيت اطلبك تنسين ..
تخونين وتبين ارضى واحد يرضى تخونينه ..
انا لاجيت اخونك مع حبيبة ثانية ترضين ؟؟
من أول مارجعت من السفر ماشفت لك بينه ..
وانا اللي كنت احسبك قبل ادوس ارض المطار تجين ..
تكونين انتي اول شخص عيني تحتضن عينه ..
وكنت اتخيلك من زود فرحة رجعتي تبكين ..
واشوف بدمعتك حكيك واعرفه قبل تحكينه ..
واجيب احلى من اللي بتحكينه ..
واتركك تحكين ..
تقولين : الوطـــ نور ــــــن ..
وأقول : بنـــــ مضوينه ـــــور ..
تقول لي : غديــــــ أحلى ــــــت ..
وأقول : عيونـــــــ الحلوين ـــــــــك ..
كلام نام بشفاهك وخفتي لا تصحينه ..
ذخرتيه الغرام اللي ينام ويتركك تصحين ..
تغانمتي غيابي لين رجحتي موازينه ..
تعلم من يدك لمس الكفوف وعلمك تجفين ..
وليتك لاقيه به شي فيني ماتلاقينه ..
ماهو بغرور لكن خابرك مالك أمل تلقين ..
تغافلك بغلا ولا الحلى ماهو بمن زينة ..
تزينة الصورة بس الصحيح ابن الحلال زوين ..
وانا ماني بناقص عنه يوم انك تبدينه ..
نصيبي هو نصيبي لو يسدده من الصوابين ..
قنوع بمظهري والسم مايذبح ثعابينه ..
على قول المثل ماني حلو لكن ماني شين ..
اذا اهداك الزهر مرة انا اهديتك بساتينه ..
واذا الهاك بفرح ليلة فانا تهت لبكاك سنين ..
واذا استضعفتك املاكة وشتتك ملايينه ..
انا حتى فتات الخبزة اقسمها معك نصين ..
طموحي بس اجي واظفر بشي تستحقينه ..
تدينته تسلفته سرقته مومهم منين ..
كاني من كثر ماارضى بكل اللي تمنينه ..
لو انك تطلبين الله يعين بقول امين ..
انا ماالعب على الحبلين وقت الطيش وسنينه ..
تبين اني يوم كبرت العب على الحبلين ..
ترى عند البدو بالذات عيب اللي تسوينه ..
حلاتك لا عشقتي تعشقين ليوم الدين ..
غرام نسكن ضلوعه حشيمه من مجانينه ..
جفا يجمع معزتنا ولا عشق يذل اثنين ..
كثار اللي تحدوني وقالولي تحبينه ..
امانة لا تخليني صغير بعينهم تكفين ..
لاني كل ماقالو تخون اقول مسكينة ..
عليك الله وأمانه علميهم من هو المسكين ..
أنا خايف لا طاح الجمل تكثر سكاكينة ..
وانا ماعادت ضلوعي تحمل طعنت السكين ..
مثل ماقالو المكتوب واضح من عناوينه ..
لو ارحل منك للغربة بسافر من ظلامك وين !!
كفاية كل حلم يمر برقادي تزورينه ..
كفاية من تفارقنا وانا ماغمضت لي عين ..
قبل يومين شفتك بالمنام وقمت من حينه ..
ونمت امس ورجع نفس المنام اللي قبل يومين ..
http://www.al-7b.com/u/files/vb-1086596635.gif
حامد زيـــد
بوقت من البطا وبليل تتراقص شياطينة ..
بعد شفت الضيا ينزع من ثياب المسا ثلثين ..
تحايلت المنام اللي مثل بيتك تمرينه ..
وانا اللي من تفارقنا ماغمضت لي عين ..
غريبة كل حلم يمر برقادي تزورينه ..
والاغرب كيف احلم الحلم وارجع واحلمه بعدين ..
قبل يومين شفتك بالمنام وقمت من حينه ..
ونمت امس ورجع نفس المنام اللي قبل يومين ..
انا اللي قبل اسافر شلت قلبي من شرايينه ..
تركته في يدج مثل الأمانة واحفظيها زين ..
ترى حفظ الأمانة دين مجبورة تردينه ..
أجل مافي احد قالك حفظ الأمانة دين !!
مرد المقفي بيلفي ويستوفي وتوفينه ..
بعد ليلة ثلاث اربعه عشر شهر شهرين ..
اذا انتي منتي بقد الكلام اللي تقولينه ..
حرام استامنك حاجه واذا جيت اطلبك تنسين ..
تخونين وتبين ارضى واحد يرضى تخونينه ..
انا لاجيت اخونك مع حبيبة ثانية ترضين ؟؟
من أول مارجعت من السفر ماشفت لك بينه ..
وانا اللي كنت احسبك قبل ادوس ارض المطار تجين ..
تكونين انتي اول شخص عيني تحتضن عينه ..
وكنت اتخيلك من زود فرحة رجعتي تبكين ..
واشوف بدمعتك حكيك واعرفه قبل تحكينه ..
واجيب احلى من اللي بتحكينه ..
واتركك تحكين ..
تقولين : الوطـــ نور ــــــن ..
وأقول : بنـــــ مضوينه ـــــور ..
تقول لي : غديــــــ أحلى ــــــت ..
وأقول : عيونـــــــ الحلوين ـــــــــك ..
كلام نام بشفاهك وخفتي لا تصحينه ..
ذخرتيه الغرام اللي ينام ويتركك تصحين ..
تغانمتي غيابي لين رجحتي موازينه ..
تعلم من يدك لمس الكفوف وعلمك تجفين ..
وليتك لاقيه به شي فيني ماتلاقينه ..
ماهو بغرور لكن خابرك مالك أمل تلقين ..
تغافلك بغلا ولا الحلى ماهو بمن زينة ..
تزينة الصورة بس الصحيح ابن الحلال زوين ..
وانا ماني بناقص عنه يوم انك تبدينه ..
نصيبي هو نصيبي لو يسدده من الصوابين ..
قنوع بمظهري والسم مايذبح ثعابينه ..
على قول المثل ماني حلو لكن ماني شين ..
اذا اهداك الزهر مرة انا اهديتك بساتينه ..
واذا الهاك بفرح ليلة فانا تهت لبكاك سنين ..
واذا استضعفتك املاكة وشتتك ملايينه ..
انا حتى فتات الخبزة اقسمها معك نصين ..
طموحي بس اجي واظفر بشي تستحقينه ..
تدينته تسلفته سرقته مومهم منين ..
كاني من كثر ماارضى بكل اللي تمنينه ..
لو انك تطلبين الله يعين بقول امين ..
انا ماالعب على الحبلين وقت الطيش وسنينه ..
تبين اني يوم كبرت العب على الحبلين ..
ترى عند البدو بالذات عيب اللي تسوينه ..
حلاتك لا عشقتي تعشقين ليوم الدين ..
غرام نسكن ضلوعه حشيمه من مجانينه ..
جفا يجمع معزتنا ولا عشق يذل اثنين ..
كثار اللي تحدوني وقالولي تحبينه ..
امانة لا تخليني صغير بعينهم تكفين ..
لاني كل ماقالو تخون اقول مسكينة ..
عليك الله وأمانه علميهم من هو المسكين ..
أنا خايف لا طاح الجمل تكثر سكاكينة ..
وانا ماعادت ضلوعي تحمل طعنت السكين ..
مثل ماقالو المكتوب واضح من عناوينه ..
لو ارحل منك للغربة بسافر من ظلامك وين !!
كفاية كل حلم يمر برقادي تزورينه ..
كفاية من تفارقنا وانا ماغمضت لي عين ..
قبل يومين شفتك بالمنام وقمت من حينه ..
ونمت امس ورجع نفس المنام اللي قبل يومين ..
http://www.al-7b.com/u/files/vb-1086596635.gif
حامد زيـــد