ابي .. حلولكم .. فزعتكم .. اللي هو.....

[الكايد احلى]

مساكم الله بالخير .. ومساكم مايليق الا بكم ..


ادري بتستغربون من العنوان بس انا في مشكلة وتعبت وانا اعاني منها ..


شهر سبعه بكمل لي سنتين وانا ادور لي وظيفة وبتصدقوون اني قطريه ومؤهلي جامعي ؟؟:secret:


ومافيه مكان ما رزيت فيسي فيه وقدمت فيه اوراقي كان جوابهم واحد روحي واحنا بندق لك

وهذا هو بكمل سنتين محد عطاني وجهه وكذلك قدمت اوراقي في المعرض المهني ولم يتصل

بي احد الى الان .. قمت اشك ان الخلل في تليفوني :weeping:

بس حرام والله على تعب هالسنين وحر الجااااااااااااامعة اللي ذبحنا والصيفي اللي هلكنا

منه وبالاخير مااشتغل .. طيب وبعدين ..:weeping:


اتمنى القى ردوود تطيب خاطري ..

[Sharshooooor]

وين المعرض المهني عند هذي المشكلة؟

[المرحب]

أختنـــــا


الكايد أحلى


الله يكون في عون الجميـــع !!!

ما هو التخصص ؟؟؟






تحيـــــــــــاتي ...

[هام السحاب]

انصحج بدل قعدتج فالبيت تدشين معاهد وتاخذين شهادات لي الله يفرجها
والله يوفقج ان شاء الله

[كيفـي]

قولي لنا تخصصك ويمكن نساعدك بأسامي جهات غابت عن بالك..

والله يوفقك وييسر لك وظيفة تناسبك يارب..

[مناحي السادس عشر]

كل ضيقه بعدها الفرج اختي
قدمي على الوزارات كلها وخلي املج بالله
وربج كريم

[سمو انسان]

الله يوفقج
<<<<< الحال سيم سيم

[المقهوره]

فيه كثيرات جامعيات في البيوت على شان التخصص مايكون مناسب

مثل الي تتخصص تاريخ وجغرافيا بالذات هالاثنين نادر مايحصلون؟

[الكايد احلى]

الله لايهينكم عالردرد الطيبة ..



واخوي سمو انسان قووووول امييييييييييييييييييين يارب يدقون لك بكرة :telephone: ويقولون لك تعال استلم وظيفتك طبعا وانا معك :tease:

انا تخصصي اعلام ..

[الأميره]

ايش تخصصكم انت وسمو انسان ؟؟؟ لأن التخصص مهم مب بس شهاده جامعيه اختي ..


والله يفرجها ان شاء الله ..

[book 1]

حتى علوم سياسيه من امريكا مو امحصل وظيفه عدله

[المقهوره]

غريبه اعلام ومافيه احد يدق عليك

مع ان الاعلام اوكي بالنسبه للوزارات والمؤسسات

خاصه في إدارة العلاقات العامه في اي وزاره ولا مؤسسه ولا هيئه



يبي لك واسطه بالراحه

[ALREEM]

ربج يفرجها ومثل ماقال اخوي اخذي لج كورسات في معاهد واخذي شهادات تنفعج ..

وارفعي الهمه وربج كريم ..

تقبلي مروووري ^_^

[هتـان قطر]

الوااااسطة..مافيه الا الواسطة..هذا هو الواقع

بنتي تلهت ..واخرتها ما توظفت الا بالواسطة


الله يفرجها عليتس

[>>> غــمـــوض <<<]

ما ضاقت الا فرجــت ان شاء الله
وان شاء الله تعبـج ماراح يضيـع
:)
اتمنـى لج التوفيق وان شاء الله قريب نسمع اخبــار حلوه ،.، بس لاتيئسيــن وكثري الدعاء

[doha2012]

الله يوفقك ان شاءالله واكثري من الاستغفار

[q6r2009]

الله يفرجها عليك ان شاءالله

[هدوء الصباح]

اختي شوفي الصحف ,او المؤسسات الجديدة الي تطلب موظفين في العلاقات العامة..

وربي يوفقج..

[لجين]

الحال من بعضه

بس انا 5 سنوااااات :(

[Only Me]

الله يعينج اختي

المشكله حتى الاعلانات بالجرايد مامنها فايده لازم خبره

احسن مكان الداخلية او الخارجيه
الي اخبره الداخلية مايبيلها واسطه

وشوفوا المدارس المستقله

[المرحب]

انا تخصصي اعلام

وين التقطير يا الاذاعه والتلفزيون ؟؟؟

اللي أعرفه ان تخصص اعلام مرغوب فيهم لدى الجرائد والجزيره والاذاعه والتلفزيون !!!

ولا عندهم شروط خاصه مثل العيون الزرق والخضر و و و و ؟؟؟ <<< ما استبعد هالشروط ! :weeping:

الله يرزق الجميع !!!






تحيـــــــــــــاتي ...

[الكايد احلى]

:victory:اختي لجين انا لقيت الحل ..


شرايك ناخذ الجنسية الاجنبية :tease: من ثاني يوم بيكلمونا حتى بدون تقديم اوراااااق :victory:

[الكايد احلى]

غريبه اعلام ومافيه احد يدق عليك

مع ان الاعلام اوكي بالنسبه للوزارات والمؤسسات

خاصه في إدارة العلاقات العامه في اي وزاره ولا مؤسسه ولا هيئه



يبي لك واسطه بالراحه



حرف الواو معقدني في حياتي :anger1:

تسلمين ياقلبي عالمرور

[الكايد احلى]

وين التقطير يا الاذاعه والتلفزيون ؟؟؟

اللي أعرفه ان تخصص اعلام مرغوب فيهم لدى الجرائد والجزيره والاذاعه والتلفزيون !!!

ولا عندهم شروط خاصه مثل العيون الزرق والخضر و و و و ؟؟؟ <<< ما استبعد هالشروط ! :weeping:

الله يرزق الجميع !!!






تحيـــــــــــــاتي ...


وازيدك من الشعر بيت حتى الجزيرة قدمت اوراقي ماعطوني فيس :shy:

والرزق عند الله .. لاهنت اخوووي

[الكايد احلى]

ما ضاقت الا فرجــت ان شاء الله
وان شاء الله تعبـج ماراح يضيـع
:)
اتمنـى لج التوفيق وان شاء الله قريب نسمع اخبــار حلوه ،.، بس لاتيئسيــن وكثري الدعاء

تسلمين ياقلبي على مرورك الطيب والعذب .. ومثل ماقلتي ماذاقت الا وتنفرج :victory:

[i.qatar]

هلا اختي

قدمتي اوراقج عند qatar foundation ?

[الكايد احلى]

هلا اختي

قدمتي اوراقج عند qatar foundation ?


قدمتها صار لي سنة ومن كلامهم لي يبون وحدة مش منقبه :omen2:

[حقيقه]

كله من الواسطه :anger1:

متى اصير واسطه :rolleyes:

[امل الحب]

هههههههههه كل يوم يزيد العدد

زين ضميني معااج للستة .. بس تخصصي هندسة كمبيوتر :rolleyes2:

[غير البشر]

وازيدك من الشعر بيت حتى الجزيرة قدمت اوراقي ماعطوني فيس :shy:

والرزق عند الله .. لاهنت اخوووي




اختي يعني قدمتي في الاذاعه والتلفزيون او لا ارجو الرد


وعندج وزاره الداخليه تكونين اداريه


توها وحده من اهلنا متوظفه هناك


الله يوفق لكم انتي وسموووو انسان

[سوق واقف]

اعلام ...

قدمي على قناة الكأس

[الكايد احلى]

اختي يعني قدمتي في الاذاعه والتلفزيون او لا ارجو الرد


وعندج وزاره الداخليه تكونين اداريه


توها وحده من اهلنا متوظفه هناك


الله يوفق لكم انتي وسموووو انسان


لا اخوووي ماقدمت وبسألك هل هو مختلط او تكون مكاتبهم خاصة بهم ؟

[مطـر]

شهر سبعه بكمل لي سنتين وانا ادور لي وظيفة وبتصدقوون اني قطريه ومؤهلي جامعي ؟؟


ومافيه مكان ما رزيت فيسي فيه وقدمت فيه اوراقي كان جوابهم واحد روحي واحنا بندق لك

وهذا هو بكمل سنتين محد عطاني وجهه وكذلك قدمت اوراقي في المعرض المهني ولم يتصل
لاحول ولاقوة الابالله :(
اعلام وهندسه ومومحصلين وظايف
وين الجرايد الي مواضيعها فارغه وفاضيه
تيي تشوف وتكتب عنكم
وين هالاعلام :secret:
يكتب عنوان بالبند العريض )))))حلوه بالبنداسمعهم يقولون جذيه :shy:
خريجين قطريين وتخصصات مطلوبه وجالسين في البيت لاشغله ولامشغله
وينهم
يسمعون هالطلبه الي راحت اعمارهم وضاعت بالدراسه وماادراك مالدراسه وكله في سبيل ان الواحد يتخرج ويكون في شغل محترم
ونهايتها لاشغل ولاشي وجالسين في البيت
قهر والله
لو كان يحسون بالتعب الي يتعبه الشخص في الجامعه كان عرفو انها معاناه واي معاناة :weeping:
وين هالصحفيين نبي نشوف مواضيع مثل هاي بالصحافه القطريه
مشاكل الناس وكيف الحل
لازم يوصلون اصوات الناس للمسئولين
لكن وش اقول ويش اخلي
الصحافه صارت مسرح للحرب بين الكتاب :secret:
واذا حبو يغيرون
كتبو عن حقوق اليهود المهضومه :eek5:
ااااااااااااه يالقهر
خلاص مااقدر اكمل احس بيجيني القولون :(
الله كريم

[مطـر]

اسف اختي نسيت اقول
الله يوفقج يارب من غير واسطه ولاهم يحزنون
خلي ربنا واسطتج وهو اكبر من كل واسطه

[بوالفاروق]

حاولي اختي تشوفين الداخلية
كإدارية او موظفة عندهم .. واعتقد عادي عندهم النقاب
لانه دوم نشوف المنقبات على الكاونتر في المرور والاماكن الثانية
وسمعت انه دوامهم مريح من الصبح لين الظهر


وربي ان شاء الله يوفقج ويرج عليج وعلي

تحياتي

[eXpert*]

جربي تعيدين صياغة السيرة الذاتية بطريقة أخرى لـربما تكون احدى السبل .

وحاولي تشتغلين اي مكان وبأي راتب على الاقل تكتسبين خبرة ،، حتى لو كان كـ تدريب صيفي على الاقل تأخذين على بيئة العمل وما تضيع عليج الايام والسنين .

[q6ri_vip]

الله يوفقكم أن شاء الله

جربو تقدمون في وكالة الأعلام الخارجي مقرها السد .

مع ان التوظيف صعب بس الله الرازق

[qrt_trading]

الله يعينج لو تخصصج شي ثاني كنت قلتلج عن مدرسة مستقلة تبي مدرسات المتخرجات جديد الراتب يبدأ على ما أعتقد ب 9000 والمدرسات الخبرة راتبهم أعلى، لكن إذا تبين بعطيج إسم المدرسة وشوفي بالنسبة لوظائف الإداريات إذا كانوا محتاجين.

راسليني على الخاص إذا تبين الرقم

[دلوليانوز]

اللي مثلك..كثير

انتظرين لين الله يفرج لك

[اروع سهم]

محد بفيدج الا الاخوان الي معانا ولهم علاقة بالتوظيف واعتقد ان الموضوع وصلهم والله يكون بعينج

[غير البشر]

لا اخوووي ماقدمت وبسألك هل هو مختلط او تكون مكاتبهم خاصة بهم ؟



بعض الاماكن مختلط


وبعضها لا مكاتب نسائيه مغلقه


والحين تغير مسماها صارت المؤسسه القطريه للاعلام

[ابوعبدالعزيز]

فالج طيب .. إذا انتي اقطرية ابشري بالوظيفة .

برزي " السي في " وإنشاء الله ما يصير خاطرج إلا طيب .

عطيني خبر لين برزتيه عشان ادلج وين اتروحين .

تحياتي .

[اروع سهم]

اختي اكتبي مشكلتج في منتدى العمل وان شاء الله راح يفيدونج

[عابرة سبيل]

قدمي على وزارة العمل خدمة الجمهور الطابق الأرضي وانشاء الله تحصلين طلبج
موفقة

[الكايد احلى]

فالج طيب .. إذا انتي اقطرية ابشري بالوظيفة .

برزي " السي في " وإنشاء الله ما يصير خاطرج إلا طيب .

عطيني خبر لين برزتيه عشان ادلج وين اتروحين .

تحياتي .

السي في جااااااهز وعندي ..:shy:

[الكايد احلى]

قدمي على وزارة العمل خدمة الجمهور الطابق الأرضي وانشاء الله تحصلين طلبج
موفقة

اختي حافظتهم واحد واحد .. وكل مااجيهم قالوا اوراقك وروحي البيت وبندق لك .. طيب وبعدين .؟؟

بصرااااااااااااااااااااااااحة شي يقهررررررر :anger1: