بشتري سياره بس محتاره!

[w.qatar]

السلام عليكم ... شلونكم يالربع ....

انا ابي اشتري سياره كنت خلاص مقرره اني اخذ كامري 2007 بس رفيجتي قالت ان الكامري وايد خفيفه و بتعبني في السواقه

الحين ابي ميني فورويل بليز رشحولي وحده زينه ؟

[أبو طلحه]

وين صلاة الاستخارة

[هام السحاب]

اختي يعتمد على ميزانيتج

[بن درويش]

لا اشترى كامرى او التيما ابرك لج من المينى بالف مره لانه المينى موب عمليه وقطع غيارها غاليه

[هام السحاب]

لا اشترى كامرى او التيما ابرك لج من المينى بالف مره لانه المينى موب عمليه وقطع غيارها غاليه

اخوي اهي تقصد فورويل صغيره مب ميني كوبر :omen2:

[راعي التويوتا]

انا توني ماخذ حق الوالده اللكزس اليديده مالت الحريم الي اسمها rx350 والصراحه انا اشوفها زينه واستعمالها حلو ولاتنسين انها من شركة تويوتا يعني تشترين الموتر وانتي بالج مرتاح وبالتوفيق انشالله

[opama]

انا انصحج في الكامري لانها زينة ولا تخترب وسعرها فيها يعني بكرا لابغيتي تبيعينها بتييب لج سعر
او سعرها مناسب مب غالية

[ريم قطر]

انا توني ماخذ حق الوالده اللكزس اليديده مالت الحريم الي اسمها rx350 والصراحه انا اشوفها زينه واستعمالها حلو ولاتنسين انها من شركة تويوتا يعني تشترين الموتر وانتي بالج مرتاح وبالتوفيق انشالله

:victory::victory::victory::victory:

[PoBox]

السلام عليكم ... شلونكم يالربع ....

انا ابي اشتري سياره كنت خلاص مقرره اني اخذ كامري 2007 بس رفيجتي قالت ان الكامري وايد خفيفه و بتعبني في السواقه

الحين ابي ميني فورويل بليز رشحولي وحده زينه ؟



*
*
*

يعتمد على الميزانية المرصوده

لكن بما انج قررتي الكامري
فراح اعتبر ان ميزانيتج بحدود 80 الف

عندج السيارات التالية

* الكامري جيده الصراحة تقدرين تجربين سواقتها للتاكد



* التيما 2.5 موديل 2009 ارخص من 80 ورائعة وفيها كل شي وخفيفة

http://www.automedia.com/2009-New-Car-Buyers-Guide/photos/2009/Nissan/Altima/Sedan/Exterior/1_Front_Left.jpg

http://z.about.com/d/cars/1/0/r/p/ag_07altima_interior.jpg




* ميني فورويل عندج الrav4 من تويوتا سعرها جديده اظن بحدود 100 زايد ناقص شوي

http://z.about.com/d/trucks/1/5/P/R/06_rav4_rearside.jpg

http://www.cerac.org.ar/blogautomotores/wp-content/uploads/2007/11/toyota-rav4-interior.jpg

[راعي التويوتا]

:victory::victory::victory::victory:

عيل حبتين هااا ؟؟؟
شكلج ماخذه نفس الموتر

[سهم طايح]

اكاديا

Acadia GMC

حلوه ونسائية وسعرها معقول جدا وخدمات الوكالة فوق الممتازة

شوفيها في النت واستخيري

http://www.americaneaglewheel.com/images/gallery/GMC-Acadia.jpg

http://2.bp.blogspot.com/_9XleV-uiLr0/SUqbyCQRnDI/AAAAAAAAAQk/8gvFADBVtDI/s400/2009-GMC-Acadiainterior.jpg

http://images115.fotki.com/v691/photos/9/9586/4261311/X07GM_AC019-vi.jpg

[حليتان*]

الكامري زينه وعملية أكثر من الميني فورويل

بس لو بغيتي الميني فورويل عندج المورانو راح ينزلونها بتشكيله جديده

هذا هو رابط موقع نيسان الشرق الأوسط
http://www.nissan-me.com/Arabic/Pages/vehicles/murano/index.htm


الله يوفقج

[Abu Abboud]

أنصحج بل انفنتي الفور ويل حلوه وسعرها مناسب

[musel999]

والله انصحج بالافلون الشكل الجديد احسن من الكامري وتحصلين وحده مستعلمه استعمال بسيط
بسعر كامري وكاله قويه تستحمل مريحه وساعه عائليه 6 سلندر وموب خفيفه مثل الكامري وكشخه

[قطراوي للأبد]

والله يــآآآ اختي ..

احنا خذنا كامري .. وماتمت عندنا شهرين ! ..

الصراحه نازله وايد .. وعلى اي مطب تحك ! ..

هو يعتمد على ميزانيتج الصراحه ! ..

وعلى حسب تبين شي جديد .. ولا مستعمل ..


يعني ممكن تحصلين الـ بي ام الفئه السابعه .. 2005 .. 2006 .. بسعر حلو .. وحوول الـ 100 ..

بس طبعا شكلها تغير ..

وعندج الأفالون .. حلوه .. أو اللكزس .. كلهم حلوين .. Gs .. Es .. Is ..

عندج الألتيما . . < ماحبها انا .. أحس انها مب مريحه فالسواقه

أو جوفي الإنفنتي الفورويل .. حليوه ! ..

الجمس أكاديا .. حليوه بعد ..

الكادلك ! ..

طبعا كل شي بسعره "^_^ .. يعني حددي ميزانيتج .. وشلون استعمالج .. هل هي لج انتي شخصيا .. او حق الدريول !

[الزيبق]

نصيحه خلك حول التويوتا لان شكلك ايحب التغير واذا بغيتي الراف فور ترى استعملنها 3 سنوات ولا فيها عيب واحد وبعدي عن الاكاديا ترى وهقه

[راعي الأدهم]

انا انصحج فال ار اكس الي قالها اخوي راعي التيوتا حلوة وملمومة على بعض

[الخارجية]

كامري بدون تردد وهذي نصيحة أختي

[فلفل حار]

الكامري زينه وعملية أكثر من الميني فورويل

بس لو بغيتي الميني فورويل عندج المورانو راح ينزلونها بتشكيله جديده

هذا هو رابط موقع نيسان الشرق الأوسط
http://www.nissan-me.com/Arabic/Pages/vehicles/murano/index.htm


الله يوفقج

ماقصرو الشباب وياج:nice:

بس الله يعينج احس راسج افتر بكثرة الاسأله

عموما نصيحتي لج بشكل عام ....:)

Rav 4 تويوتا

[Fahad77]

انصحج بالـ BMW - X3

http://www.trustmymechanic.com/auto-repair/wp-content/uploads/2007/07/2007bmwx3frontview.jpg

http://www.trustmymechanic.com/auto-repair/wp-content/uploads/2007/07/2007bmwx3backsideview.jpg

http://www.bmw.com/com/en/newvehicles/x3/x3/2006/allfacts/_shared/img/design_interior.jpg

[w.qatar]

:omg: صراحه افتر راسي موب عارفه وش اختار !!

تدرون ليش ابي ميني فورويل لان البنت قالت لي السيارات الصغيره (الصالون ) اذا سقتيها ما بتشوفين الرصيف و المطبات عدل وبتدعمين وايد !!

و ما ابي سياره خفيفه في السواقه لاني تونتي خذت الليسن .. صراحه انا من بديت اتدرب كنت اتدرب على سياره اخوي في اكس ار وكنت اسوق عدل بس ما جربتها في الشارع :secret:

و انا اهم شي عندي تكون قطع غيار السياره رخيصه لاني اكيد بحتاج تغيير قطع غيار يمكن ادعم ولا شي :shy:

يعني الالتيما كانت خيار وارد بعد الكامري بس الحين مادري شكلي بأجل شراء السياره لين اقتنع بسياره عشان ما اندم بعدين ! :(

[بعيوني/حكايه]

نصيحتي لج اختي اول شئء لاتستعجليـن .. و2 شئ بصراحه الكامري سياره عمليه .. وحلوه .. وومريحه من داخل لانها وسيعه .. ، وسعرها وايد حلـو .. ومثل ماقالولج الاخوان اذا بعد سنين جيتي تبيعينها سعرها فيها ومطلوبه .

والسموحه ع القصور .. والله يوفقج ان شاءالله

(ولاتنسين الاستخاره اذا انج محتاره جذي)

[حواي الفريج]

هوندا أكورد عمليه ويابانيه 100%
وضمان مدى الحياه وضمان أعادة الشراء
وحتى مركز الخدمه مافي زحمه نص ساعه وخالص

[A bin M]

هوندا أكورد عمليه ويابانيه 100%
وضمان مدى الحياه وضمان أعادة الشراء
وحتى مركز الخدمه مافي زحمه نص ساعه وخالص

:nice:

[Only Me]

اختي بعطيج حل حلو
روحي وكاله عبدالغني قسم السيارات المسترجعه وبتحصلين لج اكثر من كامري والسيارات الي هناك نظيفه
وعندج افالون ترى زين
وانا توني ماخذ حق زوجتي لكزس es350 ترى زينه وعمليه وفيها مواصفات حلوه وممتازه
وحصلت بعد كامري 2007 اصفار على 66 الف يعني انتي اول وحده بسوقين هالسياره من وكالة عبدالغني

وانتي اختاري

[skyjacker]

اذا لج خاطر بسياره مستعمله موديل 2006 شوفي هالسياره ماشيه شي بسيط ونظيفه

وراعيها اجنبي وسعرها مناسب اعتقد



http://www11.0zz0.com/2009/05/12/07/132869764.jpg (http://www.0zz0.com)

[منكم نستفيد]

موضوع علشان تختار سيارة 3 صفحات والله دلع

انا اشوف تاخذين سيكل بو ثلاث تواير احسن عن الحوادث وما يحتاج قطع غيار

[مستثمر 999]

كامري وبس

ارخص سياره عمليه وقطع الغيار برخص التراب

الصدام 700 والرفارف على 700 وما شاء الله

لا صيانه ولا عوار راس

[_QTR_]

اذا بتاخذين لج صالون عليج الهوندا اكورد

والله سيارة احسن من الكامري بمليون مرة

واذا على سيارة فورويل

عليج يا بالراف فور
او اللكسز 350
او المورانو
او الانفنيتي الصغيرة 35

[مسك قطر]

سياره ام جهاز وايد عمليه هههههههه

[the wisher]

اذا لج خاطر بسياره مستعمله موديل 2006 شوفي هالسياره ماشيه شي بسيط ونظيفه

وراعيها اجنبي وسعرها مناسب اعتقد



http://www11.0zz0.com/2009/05/12/07/132869764.jpg (http://www.0zz0.com)

على كم هالبي ام ؟؟؟

[إعادة توجيه]

والله وايد حلوه ما شاء الله السيارة، بكم يبونها؟؟

[w.qatar]

اللي يستخفون دمهم اتمنى ما يردون على مواضيعي لاني موب فاضيه لهم و لسخافتهم !!

و اخوي skyjacker بكم ببيبيع البي ام؟؟؟؟؟؟

[skyjacker]

السياره حق واحد من الموظفين عرضها عندنا في الدوام وطالب فيها 85 بس اعتقد بينزل

وانا اشوف انه سعرها مناسب
اختي توحه شيكي الخاص
تحياتي

[فلفل حار]

اللي يستخفون دمهم اتمنى ما يردون على مواضيعي لاني موب فاضيه لهم و لسخافتهم !!

و اخوي skyjacker بكم ببيبيع البي ام؟؟؟؟؟؟

ياكثرهـــم خفاف الدم:) .... وسعــي الخاطـــر اختـــي

يبيلــــه مراقـــــــب .... :telephone:




عمومـــاً ....:omen2:

ألي فهمته من موضوعج أنه تبين سياره قطع غيارها متوفر ورخيص تحسبا لأي حادث لاسمح الله ..؟؟

اممممممممم

مافي غير التويوتا ( مع انها ماعادت رخيصه :weeping:)

بس حق التركيب والترقيع .... الله مكثر الكراجات وفي كل المناطق

وسواء خذتي فور ويل او صالون شي طبيعي أنج بتحافظين عليها وبتنتبهين للطريج عشان ماتصعدين ارصفه:)

والله انصحج في الافالون اللمتد .... وايد فخمه وراقيه:nice:

بس تأكدي من الشركه اذا مابيقطعونها عن السوق .... لانه سمعت انه موديل 2009 هو أخر موديل لها ..!!

والله العالم ....:omen2:

بالتوفيق ان شاء الله :)

[srs]

خوي ممكن المواصفات للبيم مع الرقم

[Alpinestars]

موضوع علشان تختار سيارة 3 صفحات والله دلع

انا اشوف تاخذين سيكل بو ثلاث تواير احسن عن الحوادث وما يحتاج قطع غيار


هههههههههههههههههههههههههههههههههههههههههههااااااا ااااااااااااي

سلامي عليك والله .:victory:

[Alpinestars]

سياره ام جهاز وايد عمليه هههههههه


صدقت وممكن يكون تصليحها بعد في البيت لاكراج ولاغيره هههههههههههههههه

[عبدالرحمن]

خذيلج جمس 85 بيكم

[Drift King]

الشيخه عندي انفينتي fx35 2008واهي وايد عمليه وسياره حلوه حق الحريم اذا لج خاطر طرشي لي على الخاص

نفس الصوره

http://www.classyauto.com/image_large.php?image_id=329055

[fahad487]

والله يا حظج اختي

كتبت اكثر من عشرين موضوع في هالمنتدى

اذا كثروا ثلاث ردود بالتوفيق مب عشان ويهي طبعاً زيادة مشاركات بس

بس انتي لو تبين عراوي بديه جدام الغماره بييبونه لج

[w.qatar]

مااااااااالت صج صج سخافه و الشرهه موب عليكم علي انا اللي احط موضوع استشيركم فيه صج يهالووه جنكم في الابتدائيه الحمدلله والشكر!!

[w.qatar]

ياليت يتسكر الموضوع مابي حد يرد مشكورين

[عذاب]

والله تبين السيااره الفخمه والكشخه هي افالون ,,,,

[Alpinestars]

عندي لج موتر حلو عراوي الوالده موديل 1999 غمارتين لونه ابيض :nice:

الموتر نظيف بس في دعمه في الباب الخلفي والصدام الخلفي اذا تبيينه باشوف لج سعر حلو فيه


تحياتي :victory:

[سوووووووير]

يقولون قل خيراً او اصمت
والبنت تبي اقتراحات مب سخافات
الله ايهديكم بس

[مسك قطر]

عندي لج موتر حلو عراوي الوالده موديل 1999 غمارتين لونه ابيض :nice:

الموتر نظيف بس في دعمه في الباب الخلفي والصدام الخلفي اذا تبيينه باشوف لج سعر حلو فيه


تحياتي :victory:

زززززززززززززقرررررررررررت والله

[الحلال فقط]

بما انك ماخذة الرخصة جديد فانصحك بان لا تسوقي سيارة جديدة مباشرة
خذي سيارة قديمة وسوقي عليها سنة سنتين لين تتمكنين في السواقة وبعدين اشتري وحدة جديدة

[نسيم الجنوبي]

اختى على حسب الميزانيه ياريت تقولين ميزانيتج تسمح لج فوووووق ولا تحت

وبفيدج ان شاء الله وموفقه..