حمود قطر
12-05-2009, 11:51 AM
أم جاسم: ها يمــّه .. شلونك اليوم ؟؟
جسوم المشموخ: الحمد لله بخير ..
أم جاسم: وينك يا ولدي .. أمس وايد تأخرت في الليل ؟؟
جسوم المشموخ: مثل ما تعرفين يا يمـّه .. سهر ووناسة مع الربع ..
أم جاسم: إلا باقولك .. لقيت لك خوش بنية حق الزواج .. تحطها على الجرح يبرى !!
جسوم المشموخ باندفاع: صج والله .. من زمان تدورين لي .. من هاذي البنية ؟؟
أم جاسم: حصة بنت الشيخ جمعه .. بنت الجيران ..
جسوم المشموخ: لا عاد يا يمـّه .. ليكون شايفتني مطوع ..
أم جاسم: شدعوة ؟؟!!
جسوم المشموخ: هاذي البنية يا يمّه معقدة .. وما تطلع من البيت كله مجابلة كتب الشريعة والفقه .. وما تسمع إلا قرآن .. وأنا ريال أحب الوناسة والفرفشة !!
أم جاسم: بالعكس .. هاذي البنية الصالحة والسنعة ..
جسوم المشموخ: لا يا يمّه .. هالبنية ما تطلع من البيت وكله معتكفة وما تشوف تلفزيون !! .. وما تبي إلا واحد لحيته عودة وثوبه قصير !!
أم جاسم: انزين كيفك .. باشوف لك وحدة ثانية ..
وبعد مرور أسبوع كامل واستمرار جسوم في السهرات والطلعات (الهياتة !!) .. عادت الأم إلى ابنها جسوم بعد رحلة البحث عن الزوجة ..
جسوم المشموخ: ها يمّه .. بشريني ؟؟ إن شاء الله لقيتي لي العروس ؟؟
أم جاسم: لقيت لك خوش بنية .. رزينة ومتعلمة ومثقفة ..
جسوم المشموخ باندفاع: من هاذي ؟؟ بسرعة قولي لي ..
أم جاسم: نادية بنت خال عم أبوك من الرضاعة !! نادية بنت الدكتور عبدالعزيز ..
جسوم المشموخ: الله يهديج .. ليكون هاذي اللي نظارتها الطبية متينة مثل قاعة (قرشة) البيبسي من كثر القراءة؟
أم جاسم بتعجب: أي شفيها .. شالسالفة ؟؟
جسوم المشموخ: لا عاد يا يمّه .. هاذي وحدة دايماً تتكلم عن النظريات العلمية والأحداث التاريخية والتحليلات المنطقية وعلوم الفلسفة والفلك .. !!
أم جاسم باستغراب: ما ظنتي !!؟؟
جسوم المشموخ: هاذي يا يمّه ما تروح إلا المكتبة أو مراكز الأبحاث العلمية بس .. بتعقدني وبتجنني ويمكن حتى تسوي فيني تجارب !!
أم جاسم: انزين .. انزين .. بعد باشوف لك وحدة ولا يهمك ..
وبعد مرور شهر كامل .. استمر جسوم في السهرات والوناسة والخربطة مع الشباب ..
جسوم المشموخ: ها يمّه .. إن شاء الله لقيتي لي وحدة عدلة تنسيني هموم الدنيا وينشد فيها الظهر ..
أم جاسم: والله شاقولك .. في بالي وحدة بس لازم أقولك عنها قبل ؟؟!!
جسوم المشموخ: أي معليه .. قولي ؟؟
أم جاسم: شيخة بنت بوسعد .. اللي كانت معاك في الروضة .. عرفتها ؟؟
جسوم المشموخ: حرام عليج يا يمّه .. شيخو هاذي تلعب كرة قدم مع الصبيان .. !!
أم جاسم باستغراب: ما أصدق ؟؟!!
جسوم المشموخ: هاذي تحب الموتر سيكل وتقحص بالسيارات السبورت .. وتتهاوش مع الصبيان بعد يعني شكلها بتكفخني إذا عاندتها !!
أم جاسم: ياربي .. تعبت معاك يا ولدي ومب عارفة العروس اللي بخاطرك ؟؟
جسوم المشموخ: أنا يا يمّه .. أبي وحدة ناعمة ورقيقة وحنونة وعطوفة ..
أم جاسم: وهاذي من وين نلاقيها ؟؟ في المريخ ؟؟
جسوم المشموخ: لازم تلاقينها .. أبيها تحبني بكل إحساسها .. وتحن عليّ بكل حنانها .. وتخليني أسكن في قلبها وروحها مثل الدم في عروقها .. وأبيها تكتب فيني شعر رومنسي وترسم ملامحي في كل مكان !!
أم جاسم: بسم الله على روحك .. وشدعوة هالبنية تبيك ؟؟
جسوم المشموخ: أي والله صدقتي يا يمّه .. هاذي المشكلة !!
أم جاسم: أرجع حق البنات اللي قلت لك عنهم .. ترى كلهم يبونك ويتمنون واحد مثلك ؟؟
جسوم المشموخ: بس أنا ما أبيهم .. اللي أبيها غير .. غير عن كل البنات !!
أم جاسم: كيفك يا ولدي .. اللي يريحك ..
جسوم المشموخ: أنا بواصل في السهر والوناسة والضحك أحسن لي ..
وعلى قولة المثل: اللي يبينا عيت النفس تبغيه .. واللي نبيه عيا البخت لا يجيبه !!
بإختصااااااااااااااااااار :
مشكلة التعقيد والشروط المبالغ فيها من قبل بعض العائلات القطرية عندما يتقدم الرجل لأحدى بناتهم .. وهذا الأمر يؤدي إلى عدة نواحي سلبية منها اقتراب البنت من سن العنوسة مع تأخر زواجها .. وزواج الرجل من الأجنبيات أو انحرافه نحو دروب الضياع بعد الإستسلام واليأس ..
وفي هذا الموضوع .. أقدم لكم فكرة مشابهة للسابقة ولكن تتعاكس فيها الأدوار (علشان ما يزعلون علينا البنات !!) .. حيث يقوم الرجل بتعقيد الشروط الواجب توافرها في زوجة أحلامه .. ويتمنى الزواج بإنسانة غير عن كل البنات ولا يوجد لها مثيل على كوكب الأرض ويشترط فيها عدة أمور مبالغ فيها بل وقد تمتلكها العديد من البنات ولكنها لا تظهر إلا بعد الزواج ..
وقد يؤدي هذا التعقيد إلى عدة أمور سلبية .. مثل انحراف الرجل وقضاء أوقات فراغه في اللهو والسهر دون الإحساس بالمسئولية مع تأخره في الزواج .. كما أنه سيؤثر في شخصية البنت الصالحة وثقتها في نفسها عندما تتأخر في الزواج وتقترب من العنوسة بسبب شروط الرجال وأحلامهم المستحيلة !! .. والله يهدي الجميع إن شاء الله ..
والسؤال لكم .. ومنكم أنتظر الإجابة ..
لك يا أخي ..
ما هي الشروط التي تتمنى وجودها في زوجة أحلامك (أم عيالك)؟؟ وهل تتقبل العزوبية إذا لم تجدها ؟؟
لك يا أختي ..
هل يحق للرجل أن يشترط أموراً محددة في زوجة أحلامه ؟؟ وهل تستطيعين أن تتغيرين في الأطباع والسلوك والتصرفات من أجله ؟؟
شكراً .. وحياكم الله ..
جسوم المشموخ: الحمد لله بخير ..
أم جاسم: وينك يا ولدي .. أمس وايد تأخرت في الليل ؟؟
جسوم المشموخ: مثل ما تعرفين يا يمـّه .. سهر ووناسة مع الربع ..
أم جاسم: إلا باقولك .. لقيت لك خوش بنية حق الزواج .. تحطها على الجرح يبرى !!
جسوم المشموخ باندفاع: صج والله .. من زمان تدورين لي .. من هاذي البنية ؟؟
أم جاسم: حصة بنت الشيخ جمعه .. بنت الجيران ..
جسوم المشموخ: لا عاد يا يمـّه .. ليكون شايفتني مطوع ..
أم جاسم: شدعوة ؟؟!!
جسوم المشموخ: هاذي البنية يا يمّه معقدة .. وما تطلع من البيت كله مجابلة كتب الشريعة والفقه .. وما تسمع إلا قرآن .. وأنا ريال أحب الوناسة والفرفشة !!
أم جاسم: بالعكس .. هاذي البنية الصالحة والسنعة ..
جسوم المشموخ: لا يا يمّه .. هالبنية ما تطلع من البيت وكله معتكفة وما تشوف تلفزيون !! .. وما تبي إلا واحد لحيته عودة وثوبه قصير !!
أم جاسم: انزين كيفك .. باشوف لك وحدة ثانية ..
وبعد مرور أسبوع كامل واستمرار جسوم في السهرات والطلعات (الهياتة !!) .. عادت الأم إلى ابنها جسوم بعد رحلة البحث عن الزوجة ..
جسوم المشموخ: ها يمّه .. بشريني ؟؟ إن شاء الله لقيتي لي العروس ؟؟
أم جاسم: لقيت لك خوش بنية .. رزينة ومتعلمة ومثقفة ..
جسوم المشموخ باندفاع: من هاذي ؟؟ بسرعة قولي لي ..
أم جاسم: نادية بنت خال عم أبوك من الرضاعة !! نادية بنت الدكتور عبدالعزيز ..
جسوم المشموخ: الله يهديج .. ليكون هاذي اللي نظارتها الطبية متينة مثل قاعة (قرشة) البيبسي من كثر القراءة؟
أم جاسم بتعجب: أي شفيها .. شالسالفة ؟؟
جسوم المشموخ: لا عاد يا يمّه .. هاذي وحدة دايماً تتكلم عن النظريات العلمية والأحداث التاريخية والتحليلات المنطقية وعلوم الفلسفة والفلك .. !!
أم جاسم باستغراب: ما ظنتي !!؟؟
جسوم المشموخ: هاذي يا يمّه ما تروح إلا المكتبة أو مراكز الأبحاث العلمية بس .. بتعقدني وبتجنني ويمكن حتى تسوي فيني تجارب !!
أم جاسم: انزين .. انزين .. بعد باشوف لك وحدة ولا يهمك ..
وبعد مرور شهر كامل .. استمر جسوم في السهرات والوناسة والخربطة مع الشباب ..
جسوم المشموخ: ها يمّه .. إن شاء الله لقيتي لي وحدة عدلة تنسيني هموم الدنيا وينشد فيها الظهر ..
أم جاسم: والله شاقولك .. في بالي وحدة بس لازم أقولك عنها قبل ؟؟!!
جسوم المشموخ: أي معليه .. قولي ؟؟
أم جاسم: شيخة بنت بوسعد .. اللي كانت معاك في الروضة .. عرفتها ؟؟
جسوم المشموخ: حرام عليج يا يمّه .. شيخو هاذي تلعب كرة قدم مع الصبيان .. !!
أم جاسم باستغراب: ما أصدق ؟؟!!
جسوم المشموخ: هاذي تحب الموتر سيكل وتقحص بالسيارات السبورت .. وتتهاوش مع الصبيان بعد يعني شكلها بتكفخني إذا عاندتها !!
أم جاسم: ياربي .. تعبت معاك يا ولدي ومب عارفة العروس اللي بخاطرك ؟؟
جسوم المشموخ: أنا يا يمّه .. أبي وحدة ناعمة ورقيقة وحنونة وعطوفة ..
أم جاسم: وهاذي من وين نلاقيها ؟؟ في المريخ ؟؟
جسوم المشموخ: لازم تلاقينها .. أبيها تحبني بكل إحساسها .. وتحن عليّ بكل حنانها .. وتخليني أسكن في قلبها وروحها مثل الدم في عروقها .. وأبيها تكتب فيني شعر رومنسي وترسم ملامحي في كل مكان !!
أم جاسم: بسم الله على روحك .. وشدعوة هالبنية تبيك ؟؟
جسوم المشموخ: أي والله صدقتي يا يمّه .. هاذي المشكلة !!
أم جاسم: أرجع حق البنات اللي قلت لك عنهم .. ترى كلهم يبونك ويتمنون واحد مثلك ؟؟
جسوم المشموخ: بس أنا ما أبيهم .. اللي أبيها غير .. غير عن كل البنات !!
أم جاسم: كيفك يا ولدي .. اللي يريحك ..
جسوم المشموخ: أنا بواصل في السهر والوناسة والضحك أحسن لي ..
وعلى قولة المثل: اللي يبينا عيت النفس تبغيه .. واللي نبيه عيا البخت لا يجيبه !!
بإختصااااااااااااااااااار :
مشكلة التعقيد والشروط المبالغ فيها من قبل بعض العائلات القطرية عندما يتقدم الرجل لأحدى بناتهم .. وهذا الأمر يؤدي إلى عدة نواحي سلبية منها اقتراب البنت من سن العنوسة مع تأخر زواجها .. وزواج الرجل من الأجنبيات أو انحرافه نحو دروب الضياع بعد الإستسلام واليأس ..
وفي هذا الموضوع .. أقدم لكم فكرة مشابهة للسابقة ولكن تتعاكس فيها الأدوار (علشان ما يزعلون علينا البنات !!) .. حيث يقوم الرجل بتعقيد الشروط الواجب توافرها في زوجة أحلامه .. ويتمنى الزواج بإنسانة غير عن كل البنات ولا يوجد لها مثيل على كوكب الأرض ويشترط فيها عدة أمور مبالغ فيها بل وقد تمتلكها العديد من البنات ولكنها لا تظهر إلا بعد الزواج ..
وقد يؤدي هذا التعقيد إلى عدة أمور سلبية .. مثل انحراف الرجل وقضاء أوقات فراغه في اللهو والسهر دون الإحساس بالمسئولية مع تأخره في الزواج .. كما أنه سيؤثر في شخصية البنت الصالحة وثقتها في نفسها عندما تتأخر في الزواج وتقترب من العنوسة بسبب شروط الرجال وأحلامهم المستحيلة !! .. والله يهدي الجميع إن شاء الله ..
والسؤال لكم .. ومنكم أنتظر الإجابة ..
لك يا أخي ..
ما هي الشروط التي تتمنى وجودها في زوجة أحلامك (أم عيالك)؟؟ وهل تتقبل العزوبية إذا لم تجدها ؟؟
لك يا أختي ..
هل يحق للرجل أن يشترط أموراً محددة في زوجة أحلامه ؟؟ وهل تستطيعين أن تتغيرين في الأطباع والسلوك والتصرفات من أجله ؟؟
شكراً .. وحياكم الله ..