بتسافرون ولا بتكنسلون السفر

[محمد2009]

بتسافرون ولا بتكنسلون السفر

--------------------------------------------------------------------------------

هلا بالجميع

بعد انتشار انفلونزا الخنازير ---------------------هل بتسافرون

ولا لقيتو ا الفكره ؟؟؟؟؟؟؟؟؟؟؟؟؟؟؟؟؟؟؟؟

[مافيا قطر]

مسافر والله كاتبه هو اللى يصير

[al.wajbah]

نو وي


وأنصح الكل يأجلون سفراتهم ،،



السالفة مب هينة :(

[umabdulla77]

مسافرين بإذن الله

[المقهوره]

مسافر والله كاتبه هو اللى يصير



اخوي لاتنسى
قوله تعالى: { ولا تلقوا بأيديكم إلى التهلكة }

[المقهوره]

عن نفسي عمري ماجيت هالدول

ولا ابي ا جيهم

[بنت سعادة السفير]

سبحان الله السنه مااحطيت في بالي اساافر ف الصيف وكارهه فكره السفر بالصيف من الزحمه اللي تصير
فأجلت السفر لين عطله الربيع ، وكنت دوم اقول ف نفسي ايش الخيره من اني مُصره إني أأجل السفر الكل مستغرب مني محد مصدق اني ماراح اساافر خخخخ شفيهاا >> من سمعها قال لفه العالم كله ، وبس سبحان الله الحين عرفة الخير والله يحفظ الجميع من كل شر .
وتسلمون على الموضوع

[ولد الغانم]

مب امسافر برع هالسنه

بس يمكن للدول المجاوره فقط

[VIP-QATAR]

مسافر بإذن الله

[بو يوسف1]

اذا بسافر بروح دول الخليج
ابعد من جذي صعبه

[محمد2009]

تصدقون ياخوان وياخوات ..انا احزن ان كثيرنا يسافر لدول الكفر والي يقهرك انهم يسافرون لدول استهزئت برسولنا صلى الله عليه وسلم ومنها المانيا او الدول القريبه منها ...وحتى ماطول الموضوع ياخوان ليش مافي بديل ..؟؟؟؟؟؟؟؟؟؟

[na9er]

اللي يريد يسافر , خل يسافر

المرض ما يخرع

شلون الانفلونزا العادية تصيدكم, ذيه نفس الشي

^_^

والله ييســر لي السـفــــر, ويحفظنـا جميــع ..

[المقهوره]

انا احن ابي اروح للعمره

خاطري بالعمره جدا والله بس الظروف ماساعدت

[المقهوره]

اللي يريد يسافر , خل يسافر

المرض ما يخرع

شلون الانفلونزا العادية تصيدكم, ذيه نفس الشي

^_^

والله ييســر لي السـفــــر, ويحفظنـا جميــع ..



صدق والله :)

[Q-tr]

طيب اللي عنده شغل مهم او مهمة تحتم علية انه يسافر هالدول؟ شل الحل يعني؟

[المقهوره]

إنفلونزا الخنازير (بالإنجليزية: Swine influenza) هو أحد أمراض الجهاز التنفسي التي يسببها فيروسات إنفلونزا تنتمي إلى أسرة أورثوميكسوفيريداي (بالإنجليزية: Orthomyxoviridae) التي تؤثر غالباً على الخنازير. هذا النوع من الفيروسات يتسبب بتفشي الانفلونزا في الخنازير بصورة دورية في عدد من الدول منها الولايات المتحدة و المكسيك و كندا و أمريكا الجنوبية و أوروبا و شرق آسيا [1] [2]. فيروسات انفلونزا الخنازير تؤدي إلى إصابات و مستويات مرتفعة من المرض ، لكنها تتميز بانخفاض معدلات الوفاة الناتجة عن المرض ضمن الخنازير[3]. تبقى فيروسات الانفلونزا منتشرة ضمن الخنازير على مدار العام ، إلا أن معظم حالات الانتشار الوبائية ضمن الخنازير تحدث في أواخر الخريف والشتاء كما هو الحال لدى البشر.[4].

انتقال فيروس إنفلونزا الخنازير للإنسان نادر نسبياً و خاصة أن طبخ لحم الخنزير قبل استهلاكه يؤدي إلى تعطيل الفيروس. كما أن الفيروس لا يسبب أعراض الإنفلونزا للإنسان في معظم الأحيان و يتم معرفة إصابة الشخص بالمرض فقط بتحليل تركيز الضد في الدم. و عادة ما تصيب العدوى الأشخاص العاملين في مجال تربية الخنازير فقط حيث يكون هناك اتصال مستمر مما يزيد من احتمالية انتقال الفيروس. منذ منتصف القرن العشرين تم تسجيل خمسين حالة بشرية مصابة بفيروس إنفلونزا الخنازير، و عادة تكون أعراض العدوى مشابهة لأعراض الإنفلونزا الشائعة كاحتقان البلعوم و ارتفاع حرارة الجسم و إرهاق و آلام في العضلات و سعال و صداع.


الوقاية من انتقال العدوى بين البشر

مسافرو القطار في المكسيك يلبسون أقنعة واقيةتحد الإجرآت التالية من احتمالية انتقال العدوى بين البشر:

غسل الأيدي بالماء والصابون عدة مرات في اليوم.
تجنب الاقتراب من الشخص المصاب بالمرض.
ضرورة تغطية الأنف والفم بمناديل ورق عند السعال.
أهمية استخدام كمامات على الأنف والفم لمنع انتشار الفيروس.
تجنب لمس العين أو الأنف في حالة تلوث اليدين منعا لانتشار الجراثيم.
إذا كنت تعاني أنت أو أحد أفراد أسرتك من أعراض تشبه أعراض الأنفلونزا أبلغ الطبيب المعالج بأنك مخالط لخنازير، فقد تكون مريضة بالأنفلونزا.
يجب تشخيص الإصابة سريعاً بأخذ عينة من الأنف أو الحلق لتحديد ما إذا كنت مصاباً بفيروس أنفلونزا الخنازير.

[المقهوره]

طيب اللي عنده شغل مهم او مهمة تحتم علية انه يسافر هالدول؟ شل الحل يعني؟



يسافر وهو متوكل على الله وليس متواكل

والفرق بينهم:

أن هناك فرقاً بين التوكل والتواكل. فالتوكل هو الأخذ بالأسباب والاجتهاد فيها ثم تفويض الأمر لله بعد ذلك، أما التواكل فهو ترك الأخذ بالأسباب وإهمالها بدعوى التوكل على الله

[بوعبدالله77]

تم تحويل الوجهة من :
جنيف - انترلاكن - زيلامسي إلى الحسا - الدمام - الخبر

[hxamad]

لا دول أوربية ولا دول يأكلون الخنازير خلنا فى مجلس التعاون أحسلنا

[المقهوره]

تم تحويل الوجهة من :
جنيف - انترلاكن - زيلامسي إلى الحسا - الدمام - الخبر


ابها بارده وخضراء وحلوه خاصه في منطقه سودا

بس حاسب من القرود على الشارع

[المقهوره]

احلى رحله رحتها بحياتي كانت

سنة 2006

مكه (عمره ) وعقب جده يومين رحنا جنقل لاند اما الكورنيش حدث ولا حرج يخرع وعقب ابها قعدنا فيها 5 ايام ورجعنا

[شيزكيك]

من قبل الانلفونزا ما عندنا نيه للسفر

[ماجد البدر]

ترى السفر لاي بلد عادي ما اعتقد فيه مشكله ولكن الى المكسيك و البلدان الي فيها الوباء بذات صعبه واي دول ارخى عادي ترى هذا الانفلونزا لم يقتل الا القليل وهناك امراض تفتك بناس ولكن ليس عليها تركيز لو مجرد بحث صغير عن الانفلونزا العاديه كم تقتل في السنة من الامريكان او اوربا بتستغربون من الارقام
هذا غير الكوليرا وامراض كثيره
ما اعتقد يعيقني سفر حاجة او سياحة خوف من مرض قد ينتشر من زكام حد
الا ان يكون فعلا منتشر بشكل كبير مثل المكسيك

[عين سنان]

تكنسلت سفره اوربا :( والسبب المرض ذي

[تفوق الوصف]

حتى احنا تكنسلت سفرتنا

[لوردغاليري]

يااااااااااااااااااااااااااااامه

لا صراحه كنسلت التذاكر ونقصوا مبلغ منها

الله يخلي ديرة العز ديرة بومشعل بنقزر فيها شاليهات ومطاعم وتمشي

[حـ ن ـيـ ن]

:weeping:ليه تخوفيني انا عندي سفر لـ لندن (( علاج ))

[ام لولوه]

كنسلنا

[الراقية]

والله انا حاجزة ع سويسرا بشهر 7

ولحد الحين ما حولي تكنسل حتى يعلن عن المرض كوباء

تقبلوا تحياتي

[فهد الخاطر]

يا اخوي الغالي
العالم طابين عدل على لبنان
وهذا كلام مكتب السفريات الي اعرفهم وقالوا اذا بتكنسل ترى ما تقدر تحجز مره ثانيه
والحين60% ما راح اسافر و40% بسافر
كنت قاعد مع واحد متزوج ثنتين يوم قلت له بتسافر
قالي ازمة اقتصاديه
وحتى اذا بسافر بسفر وحده والثانيه خلها في بيت ابوها لين ارد
لما يتعدل الوضع الاقتصادي
:)

[..er..]

الله يخلي غرفتي والمكيف :)

[البعد الخامس]

يا اخوي الغالي
العالم طابين عدل على لبنان
وهذا كلام مكتب السفريات الي اعرفهم وقالوا اذا بتكنسل ترى ما تقدر تحجز مره ثانيه
والحين60% ما راح اسافر و40% بسافر
كنت قاعد مع واحد متزوج ثنتين يوم قلت له بتسافر
قالي ازمة اقتصاديه
وحتى اذا بسافر بسفر وحده والثانيه خلها في بيت ابوها لين ارد
لما يتعدل الوضع الاقتصادي
:)


حجزت على بلجيكا والحين افكر اكنسل السفر واروح لبنان بس يا خوفي من الدول العربية

[Qa10]

ماحب اسافر الصيف

[ام لولوه]

تشتت الصراحه الناس يقولون لي شحقه حاجزه للبنان زحمه وموت وحررررررر

شسوي قولوا لي انبطت جبدي مو قادره أرسى على برا أنجنيت وقعدت

[النهار]

بنصيف في قطر مو ناقصين بلاوي خساره فلوس على الفاضي

[* صيد]

سبحان الله من شهر ٣ وزوجي يقول بحجز وانا رافضه السفر هالسنه ما ادري ليش،،

وصارت الطامه واعلنوا عن وجود مرض الانفلونزا ،،،وبصراحه ما اايد السفر حتى لو للدول العربيه يكفي الزحمه والقرف ،،اقعد ابرك لي

[سحر الليالي]

الاعلام مضخم الامور بلا انفلونزا بلا بطيخ ويبون يخرعونا بس

[راعي القالات]

انا كنلست نهااااااااااائيا السفر هالصيف عشان هالمرض المنتشر
ولو بسافر دول خليجية بسافر في سيارتي الخاصة وليس بالمطارات والطائرات

كلها شهرين لكن اشتري صحتي و عافيتي ولا أوهق نفسي وأعكنن على عمري الله يحفظنا ويحفظكم

[VIPLady]

انشالله بنسافر..والله الحافظ
ولين شهر 7 يمكن يطلعون لنا تطعيم او شي ضد هالامراض على شان محد يخاف و تكون السفره مريحه اكثر

[وتبقى الدنيا حلوه]

انا اقول نهون

بيروحون الاهل

سوريا او الامارات

[Scorpion]

الله الحافظ ولازم الواحد ياخذ بالاسباب ..

[miss-qatr]

ياجماعة الحين وش الحل؟؟


يعني الواحد يحجز ويدفع لهم لحجوزات اوربا وبعدها يقدر يغير حق لبنان ولا مصر لو ثبت المرض ؟؟


أخاف حزه الحزه لين لاقدر الله كنسلنا ونبغي لبنان اتكون الحجوزات فل وانتوهق :( وخصوصاً لبنان في فنادق معينة الواحد يبغيها واهي دايم فل



شورو علينا شنسوي يعني !!

[هلاقطر]

لحد الان مسافرين بإذن الله

[بوخليفة3]

يالربع لندن فيها شي
لاني مضطر اسافر للعلاج

[6611]

بو خليفه تعال ياخوك والحافظ ربك


انا موجود في لندن من 5 شهور والامور كلها طبيعيه وفالسليم

بس احذ من التجمعات

والله يشفيك ان شاء الله وتجي وترجع وانت سالم غانم

واي شي تبيه ولا حاجه لا يردك الا الكيبورد =)

[وطن]

انشالله بنسافر..والله الحافظ
ولين شهر 7 يمكن يطلعون لنا تطعيم او شي ضد هالامراض على شان محد يخاف و تكون السفره مريحه اكثر

هذا القصد من التضخيم الاعلامي للمرض

عشان يربحون شركة الادوية مالت رامسفيلد
مثل ما قال الدكتور خبير الجينات البكتيريه
مادري شسمه
اللي حطوه ع الجزيره من كم يوم

[بوخليفة3]

بو خليفه تعال ياخوك والحافظ ربك


انا موجود في لندن من 5 شهور والامور كلها طبيعيه وفالسليم

بس احذ من التجمعات

والله يشفيك ان شاء الله وتجي وترجع وانت سالم غانم

واي شي تبيه ولا حاجه لا يردك الا الكيبورد =)

ماتقصر طال عمرك
بس انا مرافق :)
والله يحفظك يالشيخ:)

[الوجيه]

يمدحون منتجع العز في الحسا يقولووون روعه ؟

هههههههههههههه

[فهد الخاطر]

تم تغيير الحجز على دبي في شهر 7

[سحر الليالي]

انا مسافرة باذن الله عقب ماتكدت من الناس اللي برا ان الاجواء جدا طبيعيه عندهم

[RJ83]

مسافر ان شاء الله.. حجوزاتي خالصه

[إعادة توجيه]

والله انا انصح ان هالايام الواحد يوفر فلوسه ابرك لان في فرص ممتازة حق الاستثمار، والوناسة لحقين عليها، عاد هاكلام حق محدودين الدخل.

[FJQATAR]

مسافر باذن الله وان شاء الله الامور طيبه في جميع الدول

[قطر77]

والله مسافر والي ربي كاتبه بسير