الموضوع اللي وعدت فيه بعض الاعضار بخصوص حادث الوزير

[Sharshooooor]

السلام عليكم ورحمة الله وبركاته

اكيد في ناس بيقولون ليش فتحت هالسالفة مع انها تسكرت ومايفيد الكلام فيه
الوزير الله يرحمة والشاب في السجن للحين

انا حبيت اولا اعتذر للشاب لاني وصفته بالمستهتر لاني سمعت مثلكم في البداية من الناس
وجيه دوركم بعد ماتقرون الموضوع وتعرفون الحقيقة كلها من ورى هالحاث اللي كان قضاء وقدر يعتذر ويوقف هالاشاعة اللي نشرتها الجرايد والناس وانتشرت بشكل فضيع

القصة بلسان الشاب نفسة
كان يسوق على طريق الوكرة في الشارع الثاني على سرعة 120 مثبت السرعة
وجات سيارة في طريقة تتجاوز من اليمين فقام بدورة فجأة بأخذ اخر سيد اللي عاليسار بدون مايخفف سرعته
واذا بسيارة صالون جاية مسرعة وعدمته من الخلف وبعدها فقد السيطرة على السيارة ودخلت للشارع الثاني المقابل وصار الحادث
لدرجة انه مايذكر انه دعم سيارة اصلا وهي سيارة الوزير
هذي كل السالفة

بخصوص الحوادث اللي مر عليها بحياته
الحادث الاول : سنه 2000 وهو طالع من المسجد صلاة الجمعة على سرعة 80 طلع هندي فجأة وهو يمشي في طريقة وصار الحادث وادى الى وفاة الهندي
الحادث الثاني : سنه 2006 كان هو ورفيجة بالسيارة وفجأة انفجر الاطار وانقلبت السيارة وتوفى رفيجة

معلومة عامة عن الشاب
عمرة 30 سنه ومتزوج وعنده ولد وبنت
وماشالله علية وبشهادة عيال فريجهم وربعة كل صلاتة بالمسجد حتى الفجر
والكل يشهد له بهالخصلة الطيب

هذا كل اللي كان بخاطري اقولة ومن واقع معرفة بالشخص والمعلومات اللي ذكرتها
بلسان الشاب وبلساني وبلسان كل ربعة وعيال فريجهم
عشان جذيه خذ مني وقت عشان اقدر اطرح الموضوع وتكون مصداقية بدون اي الاوان !!!

كلمة بس اقولها للاعضاء
اللي قال كلمة بحق الشاب تسيء له وفيها نوع من التزييف اتمنى يكون شجاع ويعتذر له مثل ماعتذرت في بداية الموضوع عن الكلمة اللي قلتها بحقة

تحياتي لكم والله يحفظم من كل شر والله يصبر اهل الفقيد ويرزقة الفردوس الاعلى

[..er..]

الله يرحم فهد :)


ويعين الرجال على مابتلاه


ولاهنت ياشرشور

[حـ ن ـيـ ن]

الله يرحم الوزير ويكون في عون الشاب

[alsenator]

الحادث قضاء وقدر

وقدر الله وما شاء فعل

انا للة وانا الية لراجعون

والله يرحم الشيخ فهد بواسع رحمتة ,,,,,,

[Sharshooooor]

الله يرحم فهد :)


ويعين الرجال على مابتلاه


ولاهنت ياشرشور


الله يرحم الوزير ويكون في عون الشاب

جزاكم الله الف خير وانشالله في ميزان حسناتكم

[الطيبة كلها]

هذا قضاء وقدر مكتوب - والله يعين اهل المتوفي واهل الشاب

[ROSE]

شي حلو ان الانسان يعترف بغلطته وبتسرعه في الحكم على اشخاص ثانيين

وهذي يعطينا درس ان عمرنا مانحكم من خلال الظواهر وكلام الناس

لان الكلمه ممكن تكون مثل الشرر تنتقل من شخص لشخص وكل واحد يزيد له كلمه ولا جمله

وتصير قضية باطله في حق المحكوم عليه

واحيي فيك هالاخلاق العالية والاعتراف بالخطأ اخوي شرشور

وبارك الله فيك والله يفك ازمه الشاب ان شاء الله

والله يرحم الشيخ وينزله منزلة الشهداء ان شاء الله

[Sharshooooor]

هذا قضاء وقدر مكتوب - والله يعين اهل المتوفي واهل الشاب

الله يجيركم من الشر انشالله يالطيبة


شي حلو ان الانسان يعترف بغلطته وبتسرعه في الحكم على اشخاص ثانيين

وهذي يعطينا درس ان عمرنا مانحكم من خلال الظواهر وكلام الناس

لان الكلمه ممكن تكون مثل الشرر تنتقل من شخص لشخص وكل واحد يزيد له كلمه ولا جمله

وتصير قضية باطله في حق المحكوم عليه

واحيي فيك هالاخلاق العالية والاعتراف بالخطأ اخوي شرشور

وبارك الله فيك والله يفك ازمه الشاب ان شاء الله

والله يرحم الشيخ وينزله منزلة الشهداء ان شاء الله

المشكلة اني اول ماسمعت بسالفة الحادث سمعته من شخص ذو منصب جدا كبير
ووثقة في مصدرة حتى تذكرت شكل الشاب ومع اني مومقتنع ان له هالسوالف والانسان جدا طيب
لكن طلع هالشخص الله يهدية قال كلام منقول من غير مايتأكد
مثل ماسويت انا ومثل ماسوو بعض الاعضاء وانا مالومهم بس هذي فرصة للاعتذار

التوفيق للجميع وانشالله نهاية الاحزان

[المهاجر]

الاعتراف بالحق فضيله وهذا نادر هاليومين.
لكنك يا اخي العزيز اثبت ان الدنيا ما زال فيها اناس يحترمون انفسهم ويرجعون عن الخطأ ويقدمون الاعتذار لمن اخطاوا في حقهم,,
الله يرحم المتوفى ويعين الشاب ويفرج عنه

لك مني كل التقدير والاحترام

[_بوشهاب_]

والله عن الوزير كان يوم سواء السياره كانت في خطه او الخط الثاني
كان يومه والحادث ماهو الا سبب
والله يستر على الشباب ويوفقه في حياته

[الرايــق]

قدر الله وما شاء فعل

والله يرحم الفقيد
ويعين الشاب

[ابن قطر]

اخوي العزيز انا على علاقة طيبة ومميزة مع شيوخ العبدالرحمن وتأكد ان الكل موجوع شيوخنا الكرام وحتى

الحكومة

ولكن تأكد انا هل قطر متسامحين واصحاب قلوب رحيمه وليس للانتقام محل بأذن الله بيننا وندعو العلي القدير

ان تحل الامور ويخرج المتسبب من السجن للحياه ولكن عليه ان يدرك ان ارواح البشر ليست برخيصة ابدا

ونأمل ان تعلم الدرس .....وشكرال لك على المعلومات

[Sharshooooor]

الاعتراف بالحق فضيله وهذا نادر هاليومين.
لكنك يا اخي العزيز اثبت ان الدنيا ما زال فيها اناس يحترمون انفسهم ويرجعون عن الخطأ ويقدمون الاعتذار لمن اخطاوا في حقهم,,
الله يرحم المتوفى ويعين الشاب ويفرج عنه

لك مني كل التقدير والاحترام

ماعليك زود يالمهاجر وتسلم ماقصرت


والله عن الوزير كان يوم سواء السياره كانت في خطه او الخط الثاني
كان يومه والحادث ماهو الا سبب
والله يستر على الشباب ويوفقه في حياته

قدر الله ماشاء فعل

[Sharshooooor]

قدر الله وما شاء فعل

والله يرحم الفقيد
ويعين الشاب

والله يرحم والديك يالغالي


اخوي العزيز انا على علاقة طيبة ومميزة مع شيوخ العبدالرحمن وتأكد ان الكل موجوع شيوخنا الكرام وحتى

الحكومة

ولكن تأكد انا هل قطر متسامحين واصحاب قلوب رحيمه وليس للانتقام محل بأذن الله بيننا وندعو العلي القدير

ان تحل الامور ويخرج المتسبب من السجن للحياه ولكن عليه ان يدرك ان ارواح البشر ليست برخيصة ابدا

ونأمل ان تعلم الدرس .....وشكرال لك على المعلومات

هذا احنا اهل قطر وهذي طبايعنا
وادري يالغالي ان قدرة الله فوق كل شي ومحد يقدر يعترض على قدرته
الله يصبر اهل الفقيد واهل قطر كلهم
لان الفقيد له بصمته بهالدنيا والكل موجوع بفقدانه
الله يرحمة برحمته انشالله

[PathFinder]

اقترح على ادارة المرور تخفيض السرعة من 120 الى 100 على طريق الوكرة, 120 زمان اوكي ولكن الان صار الطريق زحمة وما عاد مثل أول خارجي لانه عمران الوكرة وصل الدوحة
واتمنى ان يلقى اقتراحي هذا القبول حيث اني استخدم هذا الشارع بشكل يومي تقريبا

[بابا الضحية]

اقترح على ادارة المرور تخفيض السرعة من 120 الى 100 على طريق الوكرة, 120 زمان اوكي ولكن الان صار الطريق زحمة وما عاد مثل أول خارجي لانه عمران الوكرة وصل الدوحة
واتمنى ان يلقى اقتراحي هذا القبول حيث اني استخدم هذا الشارع بشكل يومي تقريبا

:nice:

اقتراح ممتاز 80 بيكون احسن بوايد :nice:

انا اقترح وضع ردارات اكثر + رفع قيمة المخالفه :nice:

الله يرحم شيخنا يارب

ويعين الشاب واهله

وشكرا للتوضيح

[diab911]

الله يعين اهل المتوفي واهل الشاب

[Villagio]

انقول حسبي الله ونعم الوكيل على اشغال اللي الاف من البشر وبعمر الورد راحوا بسبة تخطيطهم السئ للشوارع
في ذمة رئيسهم وبيتحاسب عاجلا ام اجلا

[راعي البيرق]

الموت حق وهذي منية الشيخ الله يرحمه والولد الشاب واجبة عليه الدية شرعا وقانونا والله يصلح حاله

[بولينجر]

الله يرحم الشيخ فهد ويغفر للشاب وللجميع.... قدر الله وماشاء فعل.... وجزاك الله خير على التوضيح والاعتذار....

[بنت^البحرين1]

الموت حق

الله يرحم الشيخ

لكن لي تعقيب على الشاب، والله عور قلبي ، يعني بالعربي هذي رابع او ثالث حادث يكون هو طرف من اطرافه ويموت الطرف الآخر !!!!

أنتوا متخيلين معاي حجم المأساة اللي هو مسكين عايشها ؟؟؟؟؟؟؟؟
ساعات سبحان الله يا جماعة الواحد تصيبه بلاوي وان شاءالله كلها امتحان من رب العالمين له ،على قدرة صبره وتحمله ، يعني كل حادث اخشن من اللي قبله وكلهم يموتون ترى شي ابدا مب هين عليه وعلى نفسيته وحتى على هله انه يكون طرف من اطراف الحادث

ربي يجعلها آخر الأحزان ،، وان شاءالله خطاه الشر من هالحادث وان شاءالله تنفتح له صفحه جديدة في حياته وعفا الله عما سلف

[ولد الغانم]

الله يجزيك خير

:: الله يرحم الشيخ " فهد " ويجعل مثواه الجنة ::

:: الله يفرج هم هذا الشاب ::

[شاهيناز]

الله يرحم الشيخ فهد ويصبر والدته

الشاب ماعليه شر فتره وبتمر وبيروح لهله

[Sharshooooor]

الموت حق

الله يرحم الشيخ

لكن لي تعقيب على الشاب، والله عور قلبي ، يعني بالعربي هذي رابع او ثالث حادث يكون هو طرف من اطرافه ويموت الطرف الآخر !!!!

أنتوا متخيلين معاي حجم المأساة اللي هو مسكين عايشها ؟؟؟؟؟؟؟؟
ساعات سبحان الله يا جماعة الواحد تصيبه بلاوي وان شاءالله كلها امتحان من رب العالمين له ،على قدرة صبره وتحمله ، يعني كل حادث اخشن من اللي قبله وكلهم يموتون ترى شي ابدا مب هين عليه وعلى نفسيته وحتى على هله انه يكون طرف من اطراف الحادث

ربي يجعلها آخر الأحزان ،، وان شاءالله خطاه الشر من هالحادث وان شاءالله تنفتح له صفحه جديدة في حياته وعفا الله عما سلف


هذا اختبار من رب العالمين
يعني حادث من الحوادث رفيجة معاه اللي دوم يمشي معاه
بس الحمدلله الرجال مصلي وخمس فروضة في المسجد والحمدلله
هالشي اللي مقوية ومصبرة
بس اكيد واحشينه هله وعيالة وانشالله الله يفرج كربته وهمه

[مالك أمل]

الله يجيركم من الشر انشالله يالطيبة



المشكلة اني اول ماسمعت بسالفة الحادث سمعته من شخص ذو منصب جدا كبير
ووثقة في مصدرة حتى تذكرت شكل الشاب ومع اني مومقتنع ان له هالسوالف والانسان جدا طيب
لكن طلع هالشخص الله يهدية قال كلام منقول من غير مايتأكد
مثل ماسويت انا ومثل ماسوو بعض الاعضاء وانا مالومهم بس هذي فرصة للاعتذار

التوفيق للجميع وانشالله نهاية الاحزان



أخوي الإعتراف بالحق فضيلة

والشيخ توفى الله يرحمه ويجعل الجنان نًزله و مثواه

والشاب اللي يهديه ويكون في عونه

لكن لي مداخلة بسيطة بما إنك تقول حسب النص المقتبس

أنك نقلت الإساءة للشاب دون علم بذلك بل إستنادأ على

كلام آخرين ، فأذكرك ونفسي وجميع الإخوان بقول الله تعالى :

( يَا أَيُّهَا الَّذِينَ آمَنُوا إِنْ جَاءَكُمْ فَاسِقٌ بِنَبَإٍ فَتَبَيَّنُوا أَنْ تُصِيبُوا قَوْمًا

بِجَهَالَةٍ فَتُصْبِحُوا عَلَى مَا فَعَلْتُمْ نَادِمِينَ ) الحجرات آية 6

ومن المعروف بأن نقل الكلام من غير التثبت يعتبر من مزالق عدم التثبت

من أول مزالق عدم التثبت سوء الظن، ولذلك يقول الغزالي – رحمه الله -: ليس

لك أن تعتقد في غيرك سوءًا إلا إذا انكشف لك بعيان لا يقبل التأويل.

ثم ينحدر الظان إلى مزلق آخر، وهو إشاعة ظنه ذاك،

عليه

أحذركم ونفسي من نقل أخبار أو إشاعة دون التثبت من صحتها

[ام مبارك]

الله يعينه على ماابتلاه ربي..
ويرحم الشيخ فهد

[Sharshooooor]

أخوي الإعتراف بالحق فضيلة

والشيخ توفى الله يرحمه ويجعل الجنان نًزله و مثواه

والشاب اللي يهديه ويكون في عونه

لكن لي مداخلة بسيطة بما إنك تقول حسب النص المقتبس

أنك نقلت الإساءة للشاب دون علم بذلك بل إستنادأ على

كلام آخرين ، فأذكرك ونفسي وجميع الإخوان بقول الله تعالى :

( يَا أَيُّهَا الَّذِينَ آمَنُوا إِنْ جَاءَكُمْ فَاسِقٌ بِنَبَإٍ فَتَبَيَّنُوا أَنْ تُصِيبُوا قَوْمًا

بِجَهَالَةٍ فَتُصْبِحُوا عَلَى مَا فَعَلْتُمْ نَادِمِينَ ) الحجرات آية 6

ومن المعروف بأن نقل الكلام من غير التثبت يعتبر من مزالق عدم التثبت

من أول مزالق عدم التثبت سوء الظن، ولذلك يقول الغزالي – رحمه الله -: ليس

لك أن تعتقد في غيرك سوءًا إلا إذا انكشف لك بعيان لا يقبل التأويل.

ثم ينحدر الظان إلى مزلق آخر، وهو إشاعة ظنه ذاك،

عليه

أحذركم ونفسي من نقل أخبار أو إشاعة دون التثبت من صحتها

جزاك الله الف خير
وانا بدوري وتربيتي عدلت الامور باللي الله يرضى فيه
واللي سمعت منه الاخبار مثل ماقلت ذو شأن كبيرة وبدرجة دكتور
وفي بداية الحادث محد كان يقدر يوصل للشاب ويعرف منه اي شي
والحمدلله انا الحين مرتاح وبريت ذمتي قدام رب العالمين وقدام الرجال
وصدقني محد ضغط علي بالموضوع انا اللي سعيت له وعملت اتصالات كثيرة وكلمت الشاب نفسة

[وطن]

وقالوا عمره 25 ومستهتر وله سوابق ويتسابقون

لاحول ولا قوة الا بالله

الله يجزيك خير ع التوضيح اخوي
والله يكون بعون الشاب واهله
والله يرحم الشيخ فهد

[hxamad]

هاى الناس مالهم ألا اللظاهر لاكن يتحققون من الشى لا
تسلم اخوى واحى على أهتمامك باموضوع للرد على الأعضاء والاستفسارات

[N7eEeS]

الله يرحم الشيخ فهد والله يصبر هله.
بخصوص الشاب مابي اكذب روايتك بس التحقيق والشهود والشاب نفسه يقولون غير الكلام اللي انت تقوله وهذا من محضر التحقيق نفسه والله على ما اقول شهيد والله يفرج عليه ويصلح حاله وحال جميع الشباب.

[المستشار1]

تعليق بسيط

انه رفيجه المتوفي معاه على كلام الاخ انه الاطار انفجر كلام فاضي رفيجه متوفي سنه 2002 وكان طالع من الدوار الي في الخور وكان يلعب بسياره يعني قاعد يربع وانقلب وترقد رفيجه في المستشفى تقريبا شهر وعقب توفا والشخص الي سوا الحادث هو من سكان الخور

وكل واحد ويومه الله يرحمهم كلهم محد ياخذ الى نصيبه

[بوخالد911]

مشكور جدا اخووي:nice:


لا هنت

وانا بدوووري أعتذر عن اللي ذكرته عن الشباب:secret::secret::secret:

I am so sorry Wallah



والله يرحم الشيخ / فهد ؛ اللي عررفته من زمان


وكان مثالاً للتواضع والتفاني في خدمة الموظفين والعملاء

وكاان دووم يقوول لي وهو معي بالمصعد : الله يوفقك يا بوخالد


:weeping:


الله يرحمك ويتجاوز عن سيئاتك




مسيوو / بوخالد911

[على العهد]

الله يرحم الوزير


ويارب ايسر امور الشاب ويعفون عنه يارب

[امل الحب]

الله يرحمه ويغفر له .. والله يفرج كربة الريال ..

بس بخصوص خط الوكرة


اقترح على ادارة المرور تخفيض السرعة من 120 الى 100 على طريق الوكرة, 120 زمان اوكي ولكن الان صار الطريق زحمة وما عاد مثل أول خارجي لانه عمران الوكرة وصل الدوحة
واتمنى ان يلقى اقتراحي هذا القبول حيث اني استخدم هذا الشارع بشكل يومي تقريبا


:nice:

اقتراح ممتاز 80 بيكون احسن بوايد :nice:

انا اقترح وضع ردارات اكثر + رفع قيمة المخالفه :nice:

الله يرحم شيخنا يارب

ويعين الشاب واهله

وشكرا للتوضيح


لحد يقترح رادارات ولاتخفيف السرعة الخط طويل ولايطاق .. خلوه مثل ماهو وكفاية الرادار الثابت :weeping:

[بوسنافي]

الله يرحم فهد ان شاء الله ,, بس اخوي حبيت اتاكد من شي ,, هل كان في وفاه غير الشيخ ؟؟؟ لان قالو الاي داعمه يا هو او العبري الاي معاه توفى ؟؟؟؟ صحيح هالكلام او لا ؟

[Sharshooooor]

الله يرحم الشيخ فهد والله يصبر هله.
بخصوص الشاب مابي اكذب روايتك بس التحقيق والشهود والشاب نفسه يقولون غير الكلام اللي انت تقوله وهذا من محضر التحقيق نفسه والله على ما اقول شهيد والله يفرج عليه ويصلح حاله وحال جميع الشباب.

خل التحقيق وخل الشهود على صوب
قولي الشاب نفسه ايش يقول؟ ممكن؟
انا قلت لك الشاب قال لي الرواية بنفسة وانت تقول غير هالكلام من نفس الشاب
ممكن توضح مصدرك اكثر؟

[Sharshooooor]

تعليق بسيط

انه رفيجه المتوفي معاه على كلام الاخ انه الاطار انفجر كلام فاضي رفيجه متوفي سنه 2002 وكان طالع من الدوار الي في الخور وكان يلعب بسياره يعني قاعد يربع وانقلب وترقد رفيجه في المستشفى تقريبا شهر وعقب توفا والشخص الي سوا الحادث هو من سكان الخور

وكل واحد ويومه الله يرحمهم كلهم محد ياخذ الى نصيبه

صح هو من سكان الخور بس الحادث اللي صار مع الشاب اللي سوى الحادث مع الوزير
كانت بسنة 2006 مو 2002
يمكن تقصد شخص ثاني اخوي تأكد من معلوماتك
ومافي داعي تقول لي كلام فاضي ,,, لوسمحت جيب عالاقل شهود وتكلم براحتك وبلاش ثرثرة

[Sharshooooor]

الله يرحم فهد ان شاء الله ,, بس اخوي حبيت اتاكد من شي ,, هل كان في وفاه غير الشيخ ؟؟؟ لان قالو الاي داعمه يا هو او العبري الاي معاه توفى ؟؟؟؟ صحيح هالكلام او لا ؟


اللي توفى الشيخ فهد بس

[شاهين]

عجااايب بعض ردود الأعضاء
واللي طالبوا بعقاب شديد ضد الشاب
وماعرفوا تفاصيل الحادث

ولا مع الخيل ياشقرا




Sharshooooor
جزاك الله خير

[سهم مديون]

الله يرحم الميت ويتجاوز عن الحي

[بنت ابوها 19]

الحادث مجرد سبب
الشيخ فهد كان يومه
خل يكون ايمانا بالقدر كبير
وكل شخص ويومه
اذا مب هل الشخص يمكن يكون غيره


الله يرحمه ويغفرله
ويهدي شبابنا ويصلحهم ويكون هذا الشي لهم عبره وعظه

[Sharshooooor]

مشكور جدا اخووي:nice:


لا هنت

وانا بدوووري أعتذر عن اللي ذكرته عن الشباب:secret::secret::secret:

i am so sorry wallah



والله يرحم الشيخ / فهد ؛ اللي عررفته من زمان


وكان مثالاً للتواضع والتفاني في خدمة الموظفين والعملاء

وكاان دووم يقوول لي وهو معي بالمصعد : الله يوفقك يا بوخالد


:weeping:


الله يرحمك ويتجاوز عن سيئاتك




مسيوو / بوخالد911



تسلم يابوخالد على مرورك
وانت مثل اعلى للطيبة والاخلاق الحميدة

[Sharshooooor]

عجااايب بعض ردود الأعضاء
واللي طالبوا بعقاب شديد ضد الشاب
وماعرفوا تفاصيل الحادث

ولا مع الخيل ياشقرا




sharshooooor
جزاك الله خير

الله يهديهم
المشكلة مصريين يمشون بنفس الاسلوب

[aminasalam]

السلام عليكم ورحمة الله وبركاته

اكيد في ناس بيقولون ليش فتحت هالسالفة مع انها تسكرت ومايفيد الكلام فيه
الوزير الله يرحمة والشاب في السجن للحين

انا حبيت اولا اعتذر للشاب لاني وصفته بالمستهتر لاني سمعت مثلكم في البداية من الناس
وجيه دوركم بعد ماتقرون الموضوع وتعرفون الحقيقة كلها من ورى هالحاث اللي كان قضاء وقدر يعتذر ويوقف هالاشاعة اللي نشرتها الجرايد والناس وانتشرت بشكل فضيع

القصة بلسان الشاب نفسة
كان يسوق على طريق الوكرة في الشارع الثاني على سرعة 120 مثبت السرعة
وجات سيارة في طريقة تتجاوز من اليمين فقام بدورة فجأة بأخذ اخر سيد اللي عاليسار بدون مايخفف سرعته
واذا بسيارة صالون جاية مسرعة وعدمته من الخلف وبعدها فقد السيطرة على السيارة ودخلت للشارع الثاني المقابل وصار الحادث
لدرجة انه مايذكر انه دعم سيارة اصلا وهي سيارة الوزير
هذي كل السالفة

بخصوص الحوادث اللي مر عليها بحياته
الحادث الاول : سنه 2000 وهو طالع من المسجد صلاة الجمعة على سرعة 80 طلع هندي فجأة وهو يمشي في طريقة وصار الحادث وادى الى وفاة الهندي
الحادث الثاني : سنه 2006 كان هو ورفيجة بالسيارة وفجأة انفجر الاطار وانقلبت السيارة وتوفى رفيجة

معلومة عامة عن الشاب
عمرة 30 سنه ومتزوج وعنده ولد وبنت
وماشالله علية وبشهادة عيال فريجهم وربعة كل صلاتة بالمسجد حتى الفجر
والكل يشهد له بهالخصلة الطيب

هذا كل اللي كان بخاطري اقولة ومن واقع معرفة بالشخص والمعلومات اللي ذكرتها
بلسان الشاب وبلساني وبلسان كل ربعة وعيال فريجهم
عشان جذيه خذ مني وقت عشان اقدر اطرح الموضوع وتكون مصداقية بدون اي الاوان !!!

كلمة بس اقولها للاعضاء
اللي قال كلمة بحق الشاب تسيء له وفيها نوع من التزييف اتمنى يكون شجاع ويعتذر له مثل ماعتذرت في بداية الموضوع عن الكلمة اللي قلتها بحقة

تحياتي لكم والله يحفظم من كل شر والله يصبر اهل الفقيد ويرزقة الفردوس الاعلى


احييك اخوي على المقالة والتي تنم على اخلاقك الكريمة -- رحم الله كل المسلمين -- والله يصبر هذا الشاب على مابتلاه0

[سهم عتيج]

يعطيك العافية اخونا شرشور,, ونكتفي بهذه الردود ونفضل أن لا نخوض أكثر في هذا الموضوع لأنه شخصي ويجب مراعاة مشاعر جميع الأطراف..