عندي دبلوم وأبغي اكمل دراستي

[التاجرالصغير]

من يقدر ينصحني..والله يجزيه كل خير

عندي دبلوم حاسب آلي من 10 سنوات بتقدير مقبول والحين انا ابغي اكمل دراستي
أو ادرس دراسه جامعيه من الاول لكن كل ما رحت مكان قالوا لي ما نقدر نسجلك..انت عندك دبلوم ومقبول..
ياليت تخبروني اذا كانت هناك جامعه تقبلني ادرس من السنة الاولى لأني ابغي ادرس ادارة اعمال في اي دولة

وجزاكم الله خير

[المستقل]

الله يوفقك والله يعينك

وترى الجامعات تارسه الخليج والعالم

[الدكتور عزوز]

مرحبا بك الشيخ

ياليت تقول لنا الدبلوم من وين ماخذه؟ عشان نحاول نفيدك

[الرسام]

السلام عليكم

اذا 10 سنوات ما فية الا التكنولوجية الله يذكرها بالخير

اذا تبي بريطانيا قدم عن طريق
http://www.ucas.ac.uk/

طبعا لازم يكون عندك IELTS واغلب الجامعات تبي اقل شي 6.0

بالنسبة للمعدل اذا مقبول يعطون سنة اولى واذا جيد جدا أو امتياز فيه امل سنة ثانية. طبعا مدة الدراسة ثلاث سنوات.

تقدر تاخذ ماجستيير دايركت اذا عندك سنوات خبرة في الشغل مساوية للتخصص يعني مثلا في الكمبيوتر ولازم بعد والله اعلم تثبت ان سنوات الدراسة اكثر من سنتيين للدبلوم.

المكان الثاني جامعة عمان للعلوم والتكنولوجيا في الاردن انتظام وليس انتساب.

جامعة قوية واعتقد المجلس الاعلى يعترف فيها بس موب متأكد.

طبعا الكلام ينطبق على شمال الاطلنطي

الله يوفقك

[التاجرالصغير]

الدبلوم خذيته من الكلية التكنلوجيه..

[غلا قطر]

والله اخوي انا ماخذه دبلوم حاسب آلي من التكنلوجيه والمعدل جيد ،، السبب هو النظري ،، لأن كنت اجيب في العملي 100 من 100 لكن اجي على النظري واجيب العيد وازفت فيه ولله الحمد تخرجت بمعدل جيد

جينا نبي نكمل انا ورفيجاتي حتى جامعة قطر ماتبينا ،،، هذا واحنا تابعين لجامعة قطر

انا ورفيجاتي تخرجنا 2005 وكنا آخر دفعه

قلنا لجامعة قطر بندرس بفلوسنا ،، قالوا لا لازم تعيدون من الاول وتبدأون من الصفر ،،، وبفلوووس بعد

نطرنا الجامعات الموجوده عندنا في قطر كلها محد يبينا إلى اليوم وانا ادور


لكن لقيت في البحرين جامعه اسمها جامعة العلوم التطبيقيه وفيه جامعة نيويورك وفيه جامعة البحرين ممكن ياخذونا يخلونا نكمل

لكن بالنسبه لي صعبه اني اروح اكمل دراستي في البحرين ،،،، ماقدر اروح بروحي


فيه جامعه من الجامعات اللي في البحرين نقدر نداوم عندهم يوم واحد في الاسبوع ،، تقدر تراسل هالجامعات وهم بيفيدونك

انا ودي لكن لين الحين ما اقدر ظروفي ما تسمح لي اسافر البحرين اسبوعيا


انت اخوي راسلهم ورد علينا انشاءالله تقدر تفيدني انا ورفيجاتي لأن احنا كلنا نفس المشكله


اما عن الجامعات اللي في قطر وجامعة قطر نفسها اغسل يدك منهم

[eXpert*]

السلام عليكم

اذا 10 سنوات ما فية الا التكنولوجية الله يذكرها بالخير

اذا تبي بريطانيا قدم عن طريق
http://www.ucas.ac.uk/

طبعا لازم يكون عندك ielts واغلب الجامعات تبي اقل شي 6.0

بالنسبة للمعدل اذا مقبول يعطون سنة اولى واذا جيد جدا أو امتياز فيه امل سنة ثانية. طبعا مدة الدراسة ثلاث سنوات.

تقدر تاخذ ماجستيير دايركت اذا عندك سنوات خبرة في الشغل مساوية للتخصص يعني مثلا في الكمبيوتر ولازم بعد والله اعلم تثبت ان سنوات الدراسة اكثر من سنتيين للدبلوم.

المكان الثاني جامعة عمان للعلوم والتكنولوجيا في الاردن انتظام وليس انتساب.

جامعة قوية واعتقد المجلس الاعلى يعترف فيها بس موب متأكد.

طبعا الكلام ينطبق على شمال الاطلنطي

الله يوفقك

هل معترف فيها !!

[الرسام]

هل معترف فيها !!

نعم معترف فيها

وهذا نظام في اغلب الجامعات في بريطانيا

وبالنسبة لقطاع البترول والغاز في الدولة يعترفون بأغلب جامعات بريطانيا والكثيير في امريكا

على عكس المجلس الاعلى للتعليم

[الرسام]

بالنسبة لطلاب التكنولوجيا إلي حابين يكملون دراستهم

المطلوب
1- صورة مصدقة من تفاصيل المواد إلي درسها
2- الشهادة الجامعية وتفاصيل الدرجات الحاصل عليها
3- شهادة IELTS 6.5 او مايعادلها مثل التوفل
4- مقابلة ممكن تكون عن طريق التلفون لبعض الجامعات
5- ادخل موقع يوكاس http://www.ucas.ac.uk
عب الفورم واختار الجامعات الاتية أو إلي تبيه اذا تبي جرب حظك لان اغلب الجامعات معندهم مشكلة اذا درسوا تفاصيل المواد إلي خذتها واللغه عندك اوكي

هذي لسته بالجامعات إلي انصح فيها
University of Leeds
University Of Kent
Coventry University
University of East Anglia
Oxford Brookes University

طبعا الجامعات يبيلها شغل موب سهل ولا زم writing يكون اوكي وبعض الجامعات معندهم مشكلة في IELTS 6.0

الله يوفقكم

[بوجاسم 11]

السلام عليكم اخواني الاعزاء
اخوي التاجر الصغير واختي غلا قطر
انتم في قطر ماعندكم شيء اسمه التعليم العالي
اذا عندكم يجب اخذ موافقتهم وشنهو الجامعات اللي
معترف فيها عندهم هذا اول شيء تعملونه وبعدين
كل شيء سهل وانا عندي الطريقه اللي ابي اعلمكم
اياها اذا بقيتم انتساب او انتظام والشهاده سهله مو
صعبه بس انا ماادري عن نظام الدوله عندكم
انا كان عندي دبلوم وبفضل الله اخذت الشهاده الجامعيه
بعد اخذ موافقة التعليم العالي وتصديق الشهاده والجواز
وكانت دراستي بالقاهره ادراره اعمال والمده كانت ثلاث سنوات
هذه طبعا تبون تسألوني انت من اي دوله ابي اقولكم هذا القانون
موجود في دول الخليج اجمع. والسلام

[وحش قطر]

اخوي الرسام هل اجراءاتك نفس المطلوب من المجلس الاعلى

ولا بعدين يوقفون لك عظمة في البلعوم

[ABM.R.E.I]

والله لو عندي خبر كان افدتك

[الرسام]

اخوي الرسام هل اجراءاتك نفس المطلوب من المجلس الاعلى

ولا بعدين يوقفون لك عظمة في البلعوم


السلام عليكم أخوي

أنا موب قاعد أسوق للعملية, قصدي أنفع خريجي الدبلوم من شمال الاطلنطي والكلية التكنولوجية القطريين

العملية بسيطة ولا تحتاج مكتب ولا شي. للاسف فيه ناس تستغل هالنقطة وتاخذ منك فلوس و في الاعلى هذا كل إلي يسونه

بالنسبة للمجلس الاعلى اذا استوفييت الشروط ما لهم حق يعقدون الاجراءات بس الواسطة هم بعد لها دور

سمعت من واحد من الشباب مخلص ثانوية بس أكثر من 5 سنوات طبعا في هذي الحالة على حسب المجلس الاعلى لازم تخلص السنة الاولى على حسابك مدري ليش هالقانون والشخص جايب 6 في الانجليزي ومقبول من جامعة معترف بها على حسب اللستة إلي عندهم.

طبعا هالقانون مش مطبق في قطر للبترول. أرجوا من المجلس الاعلى للتعليم اعادة النظر في هذه النقطة لانها تعتبر عقبة في حق القطري إلي حاب يكمل دراستة وللعلم أن الجامعات ما تعارض هذا الشي.

الله يوفقك

[وحش قطر]

السلام عليكم أخوي

أنا موب قاعد أسوق للعملية, قصدي أنفع خريجي الدبلوم من شمال الاطلنطي والكلية التكنولوجية القطريين

العملية بسيطة ولا تحتاج مكتب ولا شي. للاسف فيه ناس تستغل هالنقطة وتاخذ منك فلوس و في الاعلى هذا كل إلي يسونه

الله يوفقك

جزاك اللة خير

[الرسام]

جزاك اللة خير

وياك جزاك الله خير

شوف التعديل على الموظوع

[برستيج305]

السلام عليكم

الغالي اسال عن الاردن تراها اوكي كل ربعي هناك

[بـو هـمـيـان]

عليك بجامعة العلوم التطبيقية بالأردن