مساعده لاهنتوا

[_بوشهاب_]

السلام عليكم ورحمه الله وبركاته

مثل ماتعرفون اللغه مهمه هالايام وانا اللغه الي عندي جيده لكن ابي اجيب التوفل
بغيت استاذ ممتاز للتوفل والايلز بس استاذ يفهم لاني جرب 2 وبصراحه مانفعوا واسعارهم خرافيه بس لو حد يدلني او يعطيني رقم مدرس يدرس بذمه وضمير واسعاره جيده
واكون شاكر لكم

اخوكم _بوشهاب_

[عاشق الشهادة]

يستاهل بوشهاب ان ارفع له موضوعه علشان تساعدونه يـ اعضاء :)

[قطر دزاين]

انصحك تشوف لك شخص من احد مركز تعليم ولو فلوسك واجد شف اللي بالكليات او الجامعه:)

[شارع الأصمخ]

لاتفكر وتغلط نفس غلطتي
مدرسين التوفل هاي كله كلام فاضي

احسن شيء روووح ادرس لغه برع لمده كم شهر وتجيب احلى رقم انت تبيه في التوفل

[الرسام]

وعليكم السلام

شوف britishcouncil عندهم دورات مكثفة حق IELTS لمدة شهر على ما اذكر وما يكلف بس على ما اذكر يومين او ثلاثة في الاسبوع.

ما أدري اذا تغيير النظام انا خذت الدورة عندهم بس من زمان

الله يوفقك وهذا موقعهم

تاريخ الامتحانات
http://www.britishcouncil.org/me-qatar-ielts.htm

الكورس التحظييري
http://www.britishcouncil.org/me-qatar-english-courses-details.htm

التكلفة 1950 ريال.

اذكر ايام ما خذته عندهم كان المبلغ 1250 ريال على ما اذكر

الله يوفقك

[دبلوماسية]

المدرسين ماينفعون ..
انا درست حق التوفل بروحي..
اخذلك سيدي وكتاب من جرير .. وايد نفعني انا .. وجبته من اول مره
لان يعطيك امثلة .. واتدرب على نفس نوعية الاسئلة اللي بتجيك ..
وبعدها تقدر اتقدم على امتحانات تدريبية على الانترنت ..
قبل لاتقدم الامتحان ..

[بو يوسف1]

اخوي في معهد جريب من اللاندمارك اسمه (TrioLearn Training Center)
يقيمونك و يدرسونك و تقدم الاختبار عندهم
رقم تلفونهم: 4874701

بالتوفيق

[VIP-QATAR]

اخوي عندك معهد بيل الدوحه جنب سوق العلي

عندهم مدرسين متخصصين في تدريس IELTS

وانصحك في مدرسه عندهم اسمها ليسلي الصراحة فنانة
http://www.belldoha.com/exam-preperation-courses.php

والله يوفقك

[م. عبدالعزيز]

طرشت لك رساله خاصه ، ما أدري اذا وصلت لك ولا لا ... موفق يالغالي ..

[QatarLady]

الله يوفقك يارب

تقريباً نفس حالتي

[_بوشهاب_]

مشكوووورين ماقصرتوا ياجماعه الخير ان شاء الله ببدا يوم الاحد امر على المعاهد المذموره وان شاء الله خير ومشكووورين وماقصرتوا