المساعد الشخصي الرقمي

مشاهدة النسخة كاملة : مساعدتكم يالربع مب عارف وشو اسوي


شارع الأصمخ
13-05-2009, 04:56 PM
السلام عليكم



شحالكم يالربع انشاءالله بخيير


اليوم وانا رايح الدوام الصبح واقف في الزحمه

كنت واقف وبجنبي شاحنه يوم حركت ضربتي صدامي الامامي

واصلا صدامي مضروب من قبل عشان جي اول ماضربت الصدام

طاح الصدام الامامي كامل

طبعا خذت رقمه ومشيته وبعدين رحت طريق سلوى اركب الصدام

قالي مايصير لازم واحد جديد قلت مب مشكله وانا رايح قالي لا مايصير الحديده اللي داخل مدعومه

ولازم تودي الموتر اي كراج في الصناعيه

بس يالربع المور عمره ماندعم الا مره وحده من 4 سنين

وشو الحل يالربع مب عارف وشو اسوي

المور جي اكس ار 98
بومحمد 00
13-05-2009, 05:09 PM
ياخوي مواتر جديده ادخلت كراجات

جات على موترك

يبه روح اي كراج محترم وبيضبط لك المشكله

وتراها بسيطه ولا بتاخذ منك وقت السالفه كلها في نفس اليوم
شارع الأصمخ
13-05-2009, 05:10 PM
اي ياخوي مب مشكله بس الموتر ماندعم وحتى لو مدعوم اشلون الصدام القديم كان مركب

شكلي بروح كراج ثاني بسال

وتسلم ياطويل العمر
بومحمد 00
13-05-2009, 05:12 PM
فك عمرك وروح الصناعيه

بس عليك بالكرااجات المحترمة مثل النورماندي في شارع 2
بن درويش
13-05-2009, 05:38 PM
اخوى بسيط اى كراج بيسويلك لانه صدام موضوع بسيط
شارع الأصمخ
13-05-2009, 06:13 PM
مشكورين ياشباب