تجاربكم . هل من قدم أمتحان وأجتازة هل هو أكيد موظف . [الأرشيف]

مشاهدة النسخة كاملة : تجاربكم . هل من قدم أمتحان وأجتازة هل هو أكيد موظف .

العين مليانة

14-05-2009, 09:17 AM

نريد رأيكم ...

تجاربكم . هل من قدم أمتحان ومقابلة وأجتازة هل هو أكيد بيوظفونة ونتكلم عن قطر للبترول وقطر غاز ودولفين وراس غاز .

نريد تجاربكم ...

hamoor4ever

14-05-2009, 10:01 AM

مب شرط اللي اعرفه كل شي بالواسطه اكيد لكن غير ذلك احتمال اي او احتمال لا
بالتوفيق

book 1

14-05-2009, 10:35 AM

لا موب شرط بس انا استغربت من شي واحد من شركه قالتلي مانقدر انوظفك شهاتك اتخرع و مانبي انجيب العيون حولنى ..بس عشان تخصصي من امريكا و شهاتي علوم سياسيه ليش الخوف انا مادري هههههه

بنت^البحرين1

14-05-2009, 11:06 AM

انا تدربت ثلاث شهور تقريبا ويوم تخرجت من الجامعة ، الحمدلله تثبت عندهم

الحاصل اخوي ، ان في وحده تدربت لمدة سنه كاملة وبصراحه انا كنت اشوفها تكرف كرف العمى لكن محد معطها ويه خاصه انها كانت تحاول عشان تتثبت بس في النهاية ماعندها واسطة !! يوم طلبت منهم قالها المدير عندي لج وظيفة فني مكتبة وهي عندها بكالوريوس وطبعا الراتب ضعيف جدا جدا، وهالحركة يستخدمونها للكل عشان بس يقولون احنا قدمنا الوظيفة وهم رفضوا ونفس الشي سووا لي

في النهاية في معظم الوظايف، مافي توظيف بالكفاءة او الخبرة، كلللللللله شغل واسطات

كانت أمنيتي أشتغل لأني عندي شهادة ولأني دارسة وكنت ابي هالشي، بس عرفت اني لو تميت عشر سنوات قاعده ادور شغل بهالطريقة محد بيعطيني ويه، فالواحد يضطر للواسطة لان مغصوب عليها

هل هو أكيد موظف ؟؟

لا طبعا مو الكل ، انا وحده منهم ،بس كل ماصارت فرصه اطالعهم شلون يشتغلون واخذ منهم ، لان مب الكل متعاون ويبي يعلم اللي معاه بعضهم يتهربون كله يخافون احد ينافسهم !

الله يوفقك اخوي في الوظيفة اللي ترضيك

وتبقى الدنيا حلوه

14-05-2009, 11:50 AM

مب شرط

العين مليانة

14-05-2009, 12:31 PM

مشكورين ع المرور وننتظر مزيد الآراء من باقي الأعضاء

إعادة توجيه

14-05-2009, 07:22 PM

والله انا شخصياً عطوني عرض بس ماعجبني من راس غاز.

دلوليانوز

14-05-2009, 07:51 PM

واسطه..قبل الامتحان

واسطه..قبل الامتحان
واسطه..قبل الامتحان
واسطه..قبل الامتحان
واسطه..قبل الامتحان
واسطه..قبل الامتحان
واسطه..قبل الامتحان
واسطه..قبل الامتحان
واسطه..قبل الامتحان
واسطه..قبل الامتحان
واسطه..قبل الامتحان

وطن

14-05-2009, 07:56 PM

لا طبعا مب شرط

المسا

14-05-2009, 07:57 PM

لا والدليل اني قدمت قبل سنتين على ميرسك اويل بالتحديد وسو لي امتحان ورقي مادري شنو الغرض منه كل اسئلته نفس اختبارات الشخصية اللي بالمجلات اسئله عبيطه وبنفس الوقت سخيفه بس مو الكل يقدر يجاوب عليها لأن المتقدم ممكن يستهتر بنوعيتها قياس قدرات ذكاء اشياء ثانيه المهم قدمت حليت كل الاسئله وتركت المسائل حليتهم بالاخيرعشان استغل الوقت لأنه كان لها زمن محدد ولما ظهرت النتيجه قالوا لي وبالحرف الواحد انتي حصلتي على اعلى درجة من بين كل اللي سبق وحلو هالامتحان استانست قلت بتمسكون فيني
واعصروني مقابلات ماخلو اجنبي ما قابلته وفي الاخير سألتني الاخت القطريه اللي كانت ماسكه ادارة الموارد البشرية كم راتبج الحالي السؤال اللي ما ادانيه وتحسينهم دايم يساومونج عليه وقلت لها راتبي بالضبط
قالت لي راح تاخذين نفسه عندنا بالضبط طبعا فهمت انها تقول لي من غير مطرود بس بكرامتي وبنفس اليوم فهمت من تليفوناتها مع وحده كانت محددها لها موعد مقابله انها بتوظفها لأنها من معارفها
هذا كل اللي صار ......... واضيف مو بس اللي يقدم اختبار يساومونه ترا حتى بعض الوسايط مالها اي كلمه
والتوفيق من الله وكل من سعى لابد يوصل لأني تعرضت لكل انواع الحواجز عشان ما اتوظف بس عمري مايئست مازلت احاول اسوي كل شي وما اضيع اي فرصة ... وبالتوفيق للجميع يا رب

العين مليانة

16-05-2009, 12:29 AM

شاهين

16-05-2009, 12:43 AM

نريد رأيكم ...

تجاربكم . هل من قدم أمتحان ومقابلة وأجتازة هل هو أكيد بيوظفونة ونتكلم عن قطر للبترول وقطر غاز ودولفين وراس غاز .

نريد تجاربكم ...

بخصوص أحد الشركات اللي ذكرتها
نعم فيه
اختبار لغة بعد المقابلة الاولى ...
وبعد الاختبار يتم قبول أو شبه قبول الاعلى درجات
وأقل درجه للقبول 60%
وبعدين المقابلة الثانيه .. أسئله مالها معنى
ليش تبي الوظيفة وين كنت تشتغل عندك أستعداد تشتغل في هالمكان
على فكرة المقابلة مع قطريين واجانب ويكلمونك عربي وأنجليزي
وبعد المقابلة تنتظر شهور لين يتصلون علشان
كتاب حسن سيرة وسلوك ... الله يعين
وأخر شي توقيع العقد
يعني من 3 الى 8 شهور لين تتوظف ..... تطلع روحك :rolleyes2:

والاجنبي ينزل من المطار عقده بارز
يوقع العقد ثاني يوم يداااوم
والفيلا وسيارة البرادو في أنتظاره :weeping:

والله يوفقك أن شاءالله

العين مليانة

17-05-2009, 08:07 AM

مشكور أخوي شاهين على المرور

ويعطيك العافية يطلعون حسن سيرة سلوك قبل الموافقة

قطر love

17-05-2009, 08:23 AM

اصعب الشركات في التوظيف حتى لو كانو مهندسين قطريين ولا بخبره بعد انا اتفق مع الاخوان فوق لازم واسطه قبل كل شي

مبرمج QA

17-05-2009, 08:29 AM

مب شرط ....

الواسطه ... اتسوي كل شي ... ممكن تأخذ 100 من 100 بدون حل الامتحان !!

حمود قطر

17-05-2009, 12:47 PM

انا اتصلوا فيني قطر للبترول من حوالي شهر تقريبا ..

وقدمت امتحان انجليزي ونجحت فيه ..

وعقبها بأسبوعين قدمت امتحان في الكمبيوتر ..

بس الظاهر ما حالفني الحظ ..

العين مليانة

19-05-2009, 10:50 AM

الله المستعان لوف قطر مبرمج حمود قطر

مشكورين وماقصرتو