المساعد الشخصي الرقمي

مشاهدة النسخة كاملة : طقة في اللكزس 2009


الخبــره
16-05-2009, 10:31 AM
هلا والله با خواني

انا عندي استفسار

بخصوص الطقه اللي في اللكزس هل هذا شي عادي ا شنو

لاني توني او من فتره خذت لي لكزس ولما امشي في الموتر مثلا واوصل عند مطبه او

اشاره راح اوقف طبعاً واوال ما تحرك اسمع صوت طقه من تحت الموتؤ لما امسك بريك

و أهد البريك مره وحده

قالوا لي طقه في الشفت وهذا لشي عادي

ودي اعرف رايكم

وراي الناس اللي مجربيين
ميت شعور
16-05-2009, 10:40 AM
اخوي عادي هذي طقت الشفت لانه دفع رباعي
الخبــره
16-05-2009, 10:42 AM
اخوي عادي هذي طقت الشفت لانه دفع رباعي

بس انا سألت الشركه وما قالوا لي عادي

قالي شحم الموتر واذا ما راحت الطقه ود الموتر الصناعية

هذا الكلام صار في الشركه فرع اللاندمارك

وشحمت وللحين الصوت موجود
فلفل حار
16-05-2009, 11:28 AM
يالغالي:)

موتر رفيجي vxr2008

قلنا لهم عن نفس المشكله لما كنا مودين موتره للسيرفز في الصناعيه

وغيرو له عمود الشفت وقيمته 2300 ريال وطبعا مادفعنا منها ولا ريال .... كله على الضمان:nice:

بس للامانه هالكلام من شهر وللحين رفيجي يشتكي من الطقه يقول ولا تغير شي:secret:

ولنا رجعه لهم قريبا:anger1:

الزبده:rolleyes2:

قط موترك الوكاله الصناعيه مع السيرفز الياي وخلهم يسوون لك هالطقه مره وحده

ويعطيك خيره ويكفيك شره ان شاء الله:)
làst çhàncè
16-05-2009, 12:03 PM
شحم الشفت اللي قدام واللي وارء , وترى فيه فتحات صغار في عمود الشفت اللي قدام واللي وارء خله يعبيها شحم ,, وخله يشحم الصليب اللي قدام واللي وارء ,, وايذء ماراح الصوت بدل الشفت ..,,
سعود
16-05-2009, 12:04 PM
مرحبا والله عندى هل المشكلة ومب عارف شاسوى ناس تقول عادى وناس تقول ودة الشركة وكلمهم صار صوت هل الطقة يغث ...
بوبندر
16-05-2009, 12:29 PM
بعد مايكمل 25 الف يروح الصوت نفس موتري ....لاتحاتي
zeknon
16-05-2009, 01:29 PM
اخوي مثل مايقولون اسئل مجرب ولا تسال طبيب
رووح حق التيسير وخلهم ايشحمون الشفت
وراح تروح باذن الله واذا ارجعت عقب فترة ارجع او شحمة عندهم وهكذا
الصوت طبيعي لان السيارة فور ويل على طوول عشان كذا يطلع صوت الشفت
ترى الموضوع طبيعي بس المشكلة الصوت لما يطلع تحس بامتغاث كان فية شي غلط
بالتوفيق جميعا
عضو دائم
16-05-2009, 01:52 PM
هلا والله با خواني

انا عندي استفسار

بخصوص الطقه اللي في اللكزس هل هذا شي عادي ا شنو

لاني توني او من فتره خذت لي لكزس ولما امشي في الموتر مثلا واوصل عند مطبه او

اشاره راح اوقف طبعاً واوال ما تحرك اسمع صوت طقه من تحت الموتؤ لما امسك بريك

و أهد البريك مره وحده

قالوا لي طقه في الشفت وهذا لشي عادي

ودي اعرف رايكم

وراي الناس اللي مجربيين

مساء الخير ... بخصوص الطقة ... او الصوت الا جيت مطب هذا بختصار صوت عمود الشفت
وحصلت معي في موتري وهو ماشي 1000 رحة للتشيك وبدلو لي عمود الشفت وكان على الضمان وترا يمكن يرد مرة ثانيه لانه حصل مع واحد من الربع موترة نفس موتري لكزس 2009 برضه غيره مرة ثانيه وعلى الضمان ... وهذا بصراحة العذروب الوحيد ... وسلامتك
بـــ ح ـــر
16-05-2009, 01:53 PM
هذي الله يسلمك فضاوه في القيرمومن الشفت ويصلحهاكراج الرميله ب150ريال بس انت حرام موترك على الضمان واذاماظبطوها الوكاله وده للرميله كلها شغلة ساعه ويخلصونك وبالتوفيق
هذلان
16-05-2009, 02:14 PM
هذي الله يسلمك فضاوه في القيرمومن الشفت ويصلحهاكراج الرميله ب150ريال بس انت حرام موترك على الضمان واذاماظبطوها الوكاله وده للرميله كلها شغلة ساعه ويخلصونك وبالتوفيق

السلام عليكم

ممكن وصف الكراج
الرايــق
16-05-2009, 02:21 PM
هالمشكلة تظهر في اغلب السيارات حتى لوكانت جديدة لو كان الشخص من اللي يداعس فالبريك وايد وبقو ..
بس شالحل مادري ؟
بالتوفيق ..
qatar28
16-05-2009, 02:24 PM
الشيخ الموضوع اللي قلته نفس اللي صار معاي بالضبط لاتسأل ولاشي
اخذ نصيحه مني روح الصناعيه وكالة اللكزس الرئيسية ولا عليك من اللي في الافرع
مثل اللي في المحطه المطار ولا للي جنب لاندمارك هذا قطعه شفت لازم تبدلها ومايبدلونها
الا اللي في الصناعيه واذا وديتها الافرع بيقولن لك بنحط لك قريز على الشفت تحمل تحط تشحيم
روح الصناعيه وقول لهم بدلوها لي كامله على الضمان لاتاخذ منك اكثر من نص ساعه اربع براغي
يبطلونها وتبدل روح حق واحد اردني في قسم اللكزس بدلها بترتاح من اللي كل ماتوقف طقه
خالد الخوري
16-05-2009, 03:36 PM
الوكالة يبدلون لك الشفت ع الضمان انا غيرولي قبل لا تطلع الطقة لان الشفت طلع فيه عيب مصنعي فكل موتر يروح التشييك يبدلونه من نفسهم بدون ما تقول
السد
16-05-2009, 03:46 PM
نصيحة وده الوكالة
بـــ ح ـــر
16-05-2009, 04:18 PM
اخوي هذلان كراج الرميله شارع 23
الوفي
17-05-2009, 12:46 AM
هاي اخوي عند التيسير غريز ويروح وكل سنه مرة هم يعرفون يحطون وين صوب عمود الشفت وهذي بكل اليداد
السعر
17-05-2009, 07:17 AM
وده الوكاله على الضمان يبدلون لك قطعه في الشفت انا مبدل القطعه على الضمان من شهرين نفس موترك

طبعا اول شي بيستعبطون ويقولون لك كل المواتر فيها طقه بس معليك منهم قط الموتر عندهم و غصب عنهم يبدلونها
stocker
17-05-2009, 09:20 AM
السلام عليكم ورحمة الله وبركاته

الشيخ هذي الطقه موجوده من اول ماانزلت الجيات واللكزس الفورويل سنة 1998 والى الان في غالبية المواتر الفور ويل درايف وبخصوص موترك ترى وده الشركه ويبدلونه لك على الضمان واعرف واحد من الربع ماشي موتره 15 الف ومبدل الشفت 5 مرات على الضمان
qatari1
17-05-2009, 09:45 AM
صحيح هذه المشكلة موجودة في اللكزس، وشحموا الموتر في صيانة الـ 5000 كم، لكن الصوت مازال موجوداً!

وعندي مشكلة في المكيف الخلفي(صف الكراسي الأوسط) الدفع فيه ضعيف، ونظفوا فلتر الهواء، ولا فائدة!

هل هناك من يعاني من مشكلة المكيف أيضاً؟
الخبــره
17-05-2009, 04:04 PM
يعطيكم العافية وما قصرتوا

والله لا يهينكم

وبيض الله وجيهكم
هذلان
17-05-2009, 04:30 PM
اخوي هذلان كراج الرميله شارع 23

بيض الله وجهك
على نياته
17-05-2009, 05:56 PM
هذي الله يسلمك فضاوه في القيرمومن الشفت ويصلحهاكراج الرميله ب150ريال بس انت حرام موترك على الضمان واذاماظبطوها الوكاله وده للرميله كلها شغلة ساعه ويخلصونك وبالتوفيق

نفس الكلام بس الظاهر الصوت هذا مو اللكزس بس الظاهر GX-r VXR يعني في ال V 8
الخيالي5200
18-05-2009, 03:13 PM
ياخوي نصيحتي تودي موترك عالضمان لان موتري كان فيه طقه لوعت جبدي
ومن سبوع موديه الوكاله ضبطوه وطلعته والحين الموتر ماشاء الله عليه مايحتاي ميه ميه
خيال شمر
02-06-2009, 06:32 AM
والله شكلها الشركة ماتبدل ولا شي كل سيارة بيخسر عليها شفت مستر عبدالغني ماااظن يترسونها شحم ثقيل لين اسبوع ولا اسبوعين وتردلك الطقه ... حسبي الله عليهم تشتري سيارة قيمتها 300 الف وشي وتروح هناك تقعد تلاحق المسؤل والبي ام لو عندك سيارة ( ألف وتسعميه وحطبة يشلونك من الارض ) والي بيقولي غالي سيرفسهم بقوله خلك عيل في الحر عند عبدالغني
همر
02-06-2009, 07:37 AM
والله شكلها الشركة ماتبدل ولا شي كل سيارة بيخسر عليها شفت مستر عبدالغني ماااظن يترسونها شحم ثقيل لين اسبوع ولا اسبوعين وتردلك الطقه ... حسبي الله عليهم تشتري سيارة قيمتها 300 الف وشي وتروح هناك تقعد تلاحق المسؤل والبي ام لو عندك سيارة ( ألف وتسعميه وحطبة يشلونك من الارض ) والي بيقولي غالي سيرفسهم بقوله خلك عيل في الحر عند عبدالغني


توني مدخل موتري الشركه سيرفس...

فرع مدينة خليفه...

قلت لهم التلفون مايشتغل... البطاريه خربانه...

ودوها لي الصناعيه...

قالوا لي بطارية جوال السياره مايشملها الضمان...

تدفع 300 اللى 400 ريال حق البطاريه ... عنبو بطارية سياره !!!

قلت لهم مب دافع... عندي ضمان ومش ملزوم ادفع ولا ريال...

5 دقايق متصلين علي... هالو سييييير ... وي شينج باتري فور يوووو فري...

قلت له غصب عنك مب بكيفك :nice:

ممكن تمر تاخذ سيارتك من الصناعيه ؟!!

لا رجعوها لي مدينة خليفه...

اوكي بكره استلمها من مدينة خليفه....

هالمفاوضات كلها في التلفون طبعا...


قال سرفس عبدالغني قال !!!
الخارجية
02-06-2009, 07:37 AM
الصراحة كنت ناوي أخذ لكزس بس عقب هذا الكلام خلاص .
بس باتوهقت ايش أخذ ؟