من منكم يعرف محل يسكر بابة من أجل الصلاة

[صلاتي]

بسم الله الرحمن الرحيم

السلام عليكم ورحمة الله وبركاتة

من منكم يعرف محل يسكر بابة من أجل الصلاة :omg:

والجميل في الموضوع ان جميع المحلات تسكر ابوابها

من أجل صلاة الفجر :secret: :omg: :shy:


ولا تسكر من اجل باقي الصلوات

من منكم يعرف من يسكر محلة من اجل الصلاة؟

[الارض]

محل الذوق الرفيع في سوق العلي
يسكر وقت الصلاه(الله يجزيه خير)

[صلاتي]

محل الذوق الرفيع في سوق العلي
يسكر وقت الصلاه(الله يجزيه خير)


الحمدلله حصلنا محل يسكر من اجل الصلاة وفي أنتظار المزيد

[حـ ن ـيـ ن]

فيه كذا محل في سوق الجبر فوق يسكرون وقت الصلاة غالبا اشوفهم المغرب

[Ghost]

اظن في مطعم في الريان يسكر وكل شهر يضع حديث شريف
راعيه قطري ونعم الناس انا شخصيا كلمته وشكرته

[مضاد]

نعم

طال عمرك

في أكثر من محل في سوق العلي يسكر من أجل الصلاة .


واكيد في محلات غيرهم كثير في اسواق ثانية . عدا محلات المجمعات

التجارية ماعتقد يسكر .

[i.qatar]

كثير اللي يسكرون وقت الصلاه
خاصه الشركات والمكاتب

[@فهد@]

شفت كثير عجبني محل بقاله صغيره في احد احياء قطر وقت الصلاه شفته يسكر ويروح يصلي ويرجع وهالشي لانه يعبد ربه مب محتاج احد يقول له صلاه صلاه وفي الاخير يسكر ويجلس برا يدخن مثل دوله مجاوره

يسكرون ويجلسون داخل

الي في قلبه الصلاه ماتفوته

والله يهدي الجميع

[k.alkuwari]

انا عندي محليين

الحمد الله يسكرون اوقات الصلاه

[بو الجوري]

والله يا خوي .. وايد محلات تسكر وإن شاء الله الشباب مابيقصرون .. ..
لكن المحلات اللي فالمجمعات التجاريه .. إنسى إنها تسكر .. ..

واللي يسكر المحل وقت الصلاه تلاقيه إنسان دين ومحترم .. ويخاف ربه ..
وإنت أكيد عارف هالمحلات وين تلاقيها .. :)

الله يجزيكم خير لكن ليش السؤال .. !!!

[اسعاف]

آنه محلي في مدينة خليفة الجنوبية

آسكره قبل الصلاة

وآقول حق الزبون

قم صل معاي
وانكمل الكلام عن الفلوس بعد الصلاة

[اسعاف]

اذا جاني زبون وقت الصلاة

اقول في نفسي هذا رسول شيطان جاي يخرب علي الصلاة

ثم اقول له

إش رايك انصلي ونرجع ؟؟؟؟؟؟؟؟؟؟؟؟؟؟

[شموخ دائم]

,

,



الحمدالله والشكرمازل الناس بخير

شركه مقاولات في سوق مدينه الخور امر عليها وجنبها محل نوفوتيه

دائما اشوف لوحه على الباب مكتوب فيها

( الصلاة )

جزاهم الله كل خير

شكرا على الموضوع

,

,


اخوك


شموخ دائم

[eXpert*]

آنه محلي في مدينة خليفة الجنوبية

آسكره قبل الصلاة

وآقول حق الزبون

قم صل معاي
وانكمل الكلام عن الفلوس بعد الصلاة


محل وشو أخوي أسعاف بارك الله فيك .

خل نكتسب من أخلاقك ،، الله يرزقك من أوسع أبوابه .

[المركزي]

مجموعه خياطين للنساء في الريان القديم

[طين وعجين]

مجموعه خياطين للنساء في الريان القديم

خياطين الرجال وراعي الصيدلية في فريجنا وازيدك راعي السياكل

[اهل قطر]

صيدليه في المنتزة
رايت صاحها يخرج العاملين معه وقت صلاة المغرب ويغلقها بالمفتاح
ويصلون ويعودون
هذه الصيدليه عند بترول الاندلس
المنتزة

[العنود55]

محل في الشارع التجاري بالمطار القديم اسمه على مااعتقد اطايب

[hamoor4ever]

فيه محل بالمطار يبيع غتر يسكر وقت الصلاه

[جاكم الأعصار]

المحلات اللي صوب غزه يسكرون وقت الصلاه مخابز وسوبرماركات تدري ليه

المسجد مواجهم ابد خطوتين الا انت داش المسجد

يخلي الواحد يستحي يشوف الناس رايحه تصلي وهو مرتز بالدكان

[الطيبة كلها]

صراحه انا غيورة على الدين مثلكم بس اذا العمال مب مسلمين ليش يسكرون ويعطلون الناس مثل السعوديه مب حلو والله اعصاب في اعصاب لايخلون صيدلية ولا محطة ولا محلات الالعاب حتى الاكل اليهال يصيحون يبون ياكلون يسكرونه عنهم ويقعدون الحريم بالشارع حر ولا برد ما يهمهم انا احب الهيئه اللي عندهم بس بالاعتدال مب بالتعسف مثل اللي صار بعده حالات مثل سالفه الريال وزوجته

[جرح الزمان]

الحمد لله
اعرف 3 محلات في معيذر يسكرون

مطعم وصيدليه ومحل مواد بناء
وفي الصناعيه مركز البراغي والعدد

[انا حره]

لازم اتكون في رقابه على الاقل يوقفون الموسيقى بالمحلات التجاريه بالمجمعات وقت الصلالاه

[الهايم]

مطعم في شارع معيذر التجاري اعتقد اسمه مطعم فلسطين

[هدهد سليمان]

الدكان اللي عندنا ما شاء الله عليه اول بول الله يقويه

[وتبقى الدنيا حلوه]

بعض محلات سوق واقف و سوق الجبر و سوق العلي و سوق الديره

[Qtr Denver]

عليكم السلام ورحمة الله وبركاته

سوبرماركت الزهرة

[بنت سعادة السفير]

وعليكم السلاام ورحمة الله وبركاته
صرااحه شفت موووقف اوول مره اشووفه بحياااااااتي ومستحيل انسااه دخلت مصرف قطر الاسلاامي اللي بالغرافه قبل صلاة المغرب بدقاايق شوي الا اذن مااشااء الله تباركـ الله لوتشووفوون الشبااب وهم يصلووون والله العظيم حسيت نفسي بالحرام والله الله يثبتهم ان شااء الله ويصلح باالهــم .

[رأس بروق]

عنــــــــــــــد بنشـــــــــــــيري يــــــــــروح يصــــــــــــلي وومايسكـــــــــــــر بــــــــــابه ..

[عديـل الـروح]

طرح متميز .. وموضوع هادف يشكر الكاتب عليه ..

والاخوه ذاكرتهم قويه تبارك الرحمن في سرد هذه الاماكن ..

انا حبيت اشارك بأتجاهين :

الاول :

في مجالسنا : عند سماع الاذن نقوم للصلاه مع شيبانا خوفا من الله اولا واستحياءا من اهلنا مع عدم تعميم ذلك على كل المجالس .


ثانيا والاهم :


عند سماع الاذن : كم شخص الان ترك المنتدى وقام لآداء الصلاه ؟؟


ودمتـــم ..

[هدى ورحمه]

آنه محلي في مدينة خليفة الجنوبية

آسكره قبل الصلاة

وآقول حق الزبون

قم صل معاي
وانكمل الكلام عن الفلوس بعد الصلاة

في مدينه خليفه الجنوبيه اهاااااااااااااااااااااااااااااااااااااااااااااااا اااااااااااااااااا

سامعين يابنات في وين هههههههههههههههههههه

اخيرا بنصيدك :anger1: :anger1: :anger1:

[غزلان]

محل حامل المسك
رحت له مره وقت صلاة الظهر لقيته مسكر وكاتب على الباب مغلق للصلاه

[اسعاف]

محل وشو أخوي أسعاف بارك الله فيك .

خل نكتسب من أخلاقك ،، الله يرزقك من أوسع أبوابه .

:secret::secret:

المحل سكرته من سنتين

قبل ما اشترك معاكم في المنتدى:nice:

[اسعاف]

في مدينه خليفه الجنوبيه اهاااااااااااااااااااااااااااااااااااااااااااااااا اااااااااااااااااا

سامعين يابنات في وين هههههههههههههههههههه

اخيرا بنصيدك :anger1: :anger1: :anger1:

:omg:









:eek5:












escapeescapeescapeescapeescapeescape


بس آنه سكرت الدكان من سنتين:secret:

قبل ما اسجل معاكم في المنتدى

لأن المنتدى بصراحة أخذ وقتي عن البيع والشره

وحطيت افلوسي في الاسهم وطارت نصهه ولله الحمد والمنة

[الرايــق]

جان زين نفس السعودية وقت الصلاة كل المحلات تغلق ..

[صلاتي]

جان زين نفس السعودية وقت الصلاة كل المحلات تغلق ..


بصراحة نحن نفضل ان يغلق المحل بدافع أيماني فقط

حتى غير المسلم يعرف قيمة حبنا الى اسلامنا

[دي دي]

مطعم عكاوي في المطار يسكر وقت اذان العشا
ريلي شافة امس مسكر وكاتب ورقة على باب المطعم وانتظر ريلي لحين عودتهم من الصلاة
وبيقول كانو مكس عرب وهنود

[بنتلي]

المحلات في الحساء كلهم

يسكرون وقت الصلاه(الله يجزيه خير)

[HEART_LION]

جان زين نفس السعودية وقت الصلاة كل المحلات تغلق ..

فيه وايد محلات يصكرون للصلاه حته النعيمي الي عليه زحمه يصكر

بس ماشوف انه ينجبر اصحاب المحلات لاغلاق محلاتهم غير الاجانب المسافرين؟

[عديـل الـروح]

فيه وايد محلات يصكرون للصلاه حته النعيمي الي عليه زحمه يصكر
بس ماشوف انه ينجبر اصحاب المحلات لاغلاق محلاتهم غير الاجانب المسافرين؟



اخوي اذا قصدي كرك النعيمي ببعض فروعه :

اللاند مارك - شارع الاتحاد - الخيسه

ما يسكّر للصلاه ابدا .

[Riku3]

خياط الدقة - شارع المطار التجاري .

:) .

[صلاتي]

والله يا خوي .. وايد محلات تسكر وإن شاء الله الشباب مابيقصرون .. ..
لكن المحلات اللي فالمجمعات التجاريه .. إنسى إنها تسكر .. ..

واللي يسكر المحل وقت الصلاه تلاقيه إنسان دين ومحترم .. ويخاف ربه ..
وإنت أكيد عارف هالمحلات وين تلاقيها .. :)

الله يجزيكم خير لكن ليش السؤال .. !!!

من الطبيعي ان المجتمع المبارك الذي فية أمثالك

يحب ان يرى الخير يعم نفعة في المجتمع

وخصوصآ المحافظة على الصلاة

والموضوع بصراحة يحتاج الى حملة

حتى نشجع باقي المحلات لتسكير ابوابها

من أجل الله سبحانة وتعالى

[بنت ابوها 19]

محلات المنتزا

ثلاث ترباعها تتسكر محلاتها
ماشااء الله عليهم
ماتوعى اله المحلات كلها مسكره

[بـايـع بـطـاقـة]

عبدالصمد القرشي فرع الاند مارك

الله يجزاه خير اللي ماسك المحل

[ام نواف$]

ابشرك الخياييط الي في الفريج يسكرون وقت الصلاة كلهم
الاحوال اطمن الحمدلله

[الصارم]

بصراحة نحن نفضل ان يغلق المحل بدافع أيماني فقط

حتى غير المسلم يعرف قيمة حبنا الى اسلامنا



جزاك الله خير


بس بعد أخوي لما ينفرض قانون بهالشي نفس السعوديه حتى لو العمال والبايعين ما صلوا بس تحس إن للدين هيبه في البلد ، ياخي والله ينشرح صدري إذا شفت المحلات اتسكر وقت الصلاه في مكه ، أحس إن الرزق يتبارك ، ماتشوف السعوديين الواحد راتبه ألفين ولا ثلاثه وفاتحله بيت ويسافر ويي ويا عياله ولله الحمد ، واحنا الواحد راتبه صاك ال15 يختفي في أول اسبوع

[المقهوره]

كذا محل يسكر في سوق الجبر ويفتح بعد الصلاه

[جرير]

موضوع جميل وانا عندي اقتراح لماذا لا يتم اغلاق المنتدى وقت الصلاه

لمده 10 الى 15 دقيقه وهذي لها تاثير كبير على كثير من الشباب والشابات

وتكون العباره فيها نوع من الترغيب وبا اسلوب تحفيزي . . وشكرا

[تاجر البواخر]

أنا صادني هالموقف من كم يوم في صيدلية تايولس في الغرافة

الله يجزاه خير الصيدلاني

[biz-qtr]

الدنيا بخير الحمدلله

بعد لو يسكرون الاغاني فالمجمعات وقت الاذان يسون خير

[صلاتي]

موضوع جميل وانا عندي اقتراح لماذا لا يتم اغلاق المنتدى وقت الصلاه

لمده 10 الى 15 دقيقه وهذي لها تاثير كبير على كثير من الشباب والشابات

وتكون العباره فيها نوع من الترغيب وبا اسلوب تحفيزي . . وشكرا

:nice: :nice: :nice: :nice:

[بوحارب]

اخوي اذا قصدي كرك النعيمي ببعض فروعه :

اللاند مارك - شارع الاتحاد - الخيسه

ما يسكّر للصلاه ابدا .

صح كلامك :) وللأسف الأذان يأذن وتقام الصلاة وبعض الشباب للحين يشربون هالكرك

باع من الجنه اجل قلاص كرك ولاحول ولا قوةالا بالله:weeping:

[صلاتي]

جزاك الله خير


بس بعد أخوي لما ينفرض قانون بهالشي نفس السعوديه حتى لو العمال والبايعين ما صلوا بس تحس إن للدين هيبه في البلد ، ياخي والله ينشرح صدري إذا شفت المحلات اتسكر وقت الصلاه في مكه ، أحس إن الرزق يتبارك ، ماتشوف السعوديين الواحد راتبه ألفين ولا ثلاثه وفاتحله بيت ويسافر ويي ويا عياله ولله الحمد ، واحنا الواحد راتبه صاك ال15 يختفي في أول اسبوع


واذا القانون ما طلع ماذا نفعل وما الخطوات التالية

هل نقف متفرجين ام نسعى ونحاول في طرق بديلة

[مزايين]

أمس كنت في سوق واقف والمحل اللي كنت فيه سكر حزة صلاة المغرب

[صلاتي]

أمس كنت في سوق واقف والمحل اللي كنت فيه سكر حزة صلاة المغرب


والفال لباقي المحلات أمين

[صلاتي]

يوجد في دولة قطر أكثر من 300 الف محل تجاري

كم محل منهم يغلق بابة من اجل الصلاة

ما ذكروة الاخوان 35 محل فقط :shy:

كيف نشجع باقي المحلات التجارية :nice:

[بوحارب]

فيه دكان في الدحيل يسكر وقت الصلاة

جزاه الله خير راعي الدكان

[بو الجوري]

دكان عبدالله فالجنوبيه .. يسكر وقت الصلاه ..
الله يجزيهم خير .. ..

[صلاتي]

فيه دكان في الدحيل يسكر وقت الصلاة

جزاه الله خير راعي الدكان

نحن بحاجة الى حملة حقيقية فيها متطوعين

يصورن المحلات التي تغلق من اجل الصلاة

ويتم الاعلان عنها ثم سيتجاوب الجميع

بعد خمس سنوات تدريجيآ ستغلق جميع المحلات

[عنابي 2010]

بقه سهله في الغرافه صاحبها هندي يصك وقت الصلاه

[وسيط !]

ماعتقد انه في في قطر

[صلاتي]

ماعتقد انه في في قطر


:shy: :omg: :shy::omg:

[سهم متردد]

3 محلات لنا في ال شافي كلهاتسكر مع الزام جميع العاملين للصلاة في جامع الشافي

[صلاتي]

3 محلات لنا في ال شافي كلهاتسكر مع الزام جميع العاملين للصلاة في جامع الشافي


الله يكثر من أمثالكم أمين

[صلاتي]

اظن في مطعم في الريان يسكر وكل شهر يضع حديث شريف
راعيه قطري ونعم الناس انا شخصيا كلمته وشكرته


نعم يستحق الشكر

والله يكثر من أمثالة

[قناص قطر]

معصرة دار السلام اللي بسوق واقف

راعي العسكريم

[الغلاااا]

الحمد الله في محلات تسكر من يقوول الموووذن الله اكبر

واللي يبي يصلي يصلي لنفسة و لغيرة

ولو تم تطبيق قانون اقفال المحل عند الاذان مثل السعودية مارااح احد يصلي لان الاغلبية هناك يسكروون المحل وهم بالداخل ..وهذا صااار قدامممم عيني

[صلاتي]

الحمد الله في محلات تسكر من يقوول الموووذن الله اكبر

واللي يبي يصلي يصلي لنفسة و لغيرة

ولو تم تطبيق قانون اقفال المحل عند الاذان مثل السعودية مارااح احد يصلي لان الاغلبية هناك يسكروون المحل وهم بالداخل ..وهذا صااار قدامممم عيني

لا نريد قانون مثل السعودية

نريد نشجيع وتحفيز الناس لذالك

حتى يقبلو على الله بصدق واخلاص

[qatar.up]

بيت الكمبيوتر في المنتزة

[صلاتي]

بيت الكمبيوتر في المنتزة


الله يزيد ويبارك يارب

[انا حره]

لقيت لكم محل يصك وقت الصلاه اسمه فلافل عكاوي بشارع معيذر
رايحين له مع صلاه العشا كاتب مغلق للصلاه

جزاه الله خير