مشاكلي ماتخلص مع البورش [الأرشيف] - منتديات شبكة الأسهم القطرية

مضاربه

19-05-2009, 09:09 AM

تقصدين تغيير الجير

مثلا السياره في جير 4 اذا دعستي يرجع للتبديل 3 فيعطي السياره باور انها تزيد السرعه وبعدها يغير للـ 4

اتمنى تكوني فهمتي قصدي والشباب بيوضحون لج اكثر

سيارتي اوتوماتتيك مب جير عادي بس احس انها نفس الجير العادي امس والحركات الي سوتها لي

Khaled Qatar

19-05-2009, 09:13 AM

سيارتي اوتوماتتيك مب جير عادي بس احس انها نفس الجير العادي امس والحركات الي سوتها لي

اذا انتي حاطه الموتر على السبورت مود بتحسين بهدا الشي واذا نورمل عادي مابتحسين بتغيير القير

بس شي طبيعي اذا كنتي مسرعه وعقب خخفتي فيصير هذا الشي لأنه يغير من جير 4 لين 3 لين 2 وجذي

HEART_LION

19-05-2009, 09:19 AM

سيارتي اوتوماتتيك مب جير عادي بس احس انها نفس الجير العادي امس والحركات الي سوتها لي

انا ادري انها توماتيك هذا تغيير الجير شي طبيعي لان الدعسه تكون قويه ادعسي شوي شوي

حطي السياره على الوضع كومفورت مراح تحسين بالتغييرات

مضاربه

19-05-2009, 09:29 AM

اذا انتي حاطه الموتر على السبورت مود بتحسين بهدا الشي واذا نورمل عادي مابتحسين بتغيير القير

بس شي طبيعي اذا كنتي مسرعه وعقب خخفتي فيصير هذا الشي لأنه يغير من جير 4 لين 3 لين 2 وجذي

انا حاطتها على النورمال كنت احس من قبل بس شي بسيط بس امس تخرعت كانت نقزاتها قويه الصراحه والله لوعت جبدي الصراحه

المحروومqtr

19-05-2009, 09:34 AM

بيعي الموتر احسن لج
وبالتوفيق

HEART_LION

19-05-2009, 09:38 AM

بيعي الموتر احسن لج
وبالتوفيق

اي والله بيعيه وريحي راسج

شلكم بالبورش مب حق بنات

مضاربه

19-05-2009, 09:49 AM

اي والله بيعيه وريحي راسج

شلكم بالبورش مب حق بنات

اصلا البورش بناتي اكثر منه رجالي بس انا ماعرف حق المواتر لاني توني جديده مب مثلكم من صغركم تسوقون بس انا احس ان سيارتي فيها شي بجربها اليوم اذا على نفس الحال بوديها الوكاله ادري بيقولون مافيها شي مثل كل مره

HEART_LION

19-05-2009, 09:55 AM

الوكاله مراح يفيدونج هذا شي طبيعي في كل السيارات

يعتمد على السواقه شلون لو تسوقين سبورت بيكون التغيير اقوى وواضح

Bo Khalid

19-05-2009, 10:05 AM

شباب بسالكم اذا كنت اسوق على سرعه معينه وجيت بسرع شوي قلنا شوي مب وايد الا السياره تنقز ومرات احسن كان مافيها عزم وبعد شوي الا اطير ممكن تفسرون لي هالحاله قبل لاروح الوكاله

إذا السيارة تنكز أو تقوم مرة وحدة بطريقة مب طبيعية ممكن تكون كراسي القير أو الماكينة خربانين يعني يعلقون لأنهم مكسورين والله أعلم

مضاربه

19-05-2009, 10:08 AM

إذا السيارة تنكز أو تقوم مرة وحدة بطريقة مب طبيعية ممكن تكون كراسي القير أو الماكينة خربانين يعني يعلقون لأنهم مكسورين والله أعلم

فعلا كلامك انا شاكه المكينه فيها شي حتى اسمع صوت مب طبيعي تسلم اخوي على المرور

مجنون قطر

19-05-2009, 11:04 AM

شيكي على زيت القير
بالتوفيق ان شاءالله

HEART_LION

19-05-2009, 11:13 AM

مستحيل تكون كراسي المكينه لانها جديده وثانيا هي مشيكه عليها والموتر ع الضمان

بعدين كراسي المكينه بتحس فيهم وبتسمع طقه ياخوي انا عندي بورش واعرف مشاكلها

vip8

19-05-2009, 11:57 AM

اختي اذا وديتي السياره الوكاله اخذي حد معاك من الاهل محرم وركبي اي عامل من الي راح يشتغل على السياره في الكراج وياااك وخذي لفه فيه وخليه يحسه فيها وهو بيعرف اما اذا قعدتي تشرحين مب الكل راح يفهمك مثل مابيجرب ويحس فيها .. هذا راااايي لك واشوفه اوفر من ان كل مره مايعرفون وشو العيب لان شرحك مايوصل لفهمهم ..

HEART_LION

19-05-2009, 12:00 PM

روحي الوكاله واطلبي تست درايف وشوفي الفرق

بتعرفين اذا الموتر طبيعي او لا

ANONYMOUS

19-05-2009, 12:39 PM

انا من رايي بيعي البورش وخذي لج كامري

ترى من كثر حنتج " مع ان موتري مافي اي شي" ببيعه وباخذ لي بيكم

WaSel

19-05-2009, 12:42 PM

اذا بتبعينها انا شراااااااااااااي

al.wafe

19-05-2009, 01:59 PM

:nice:سمعي الحل مني

بلا عوار راس بلا خرابيط هو مافي الا حل واحد انج اتبعين لي سيارتج وتفتكيف منها واخذيلج لكزس صالون ابركلج

وصدقيني بترتاحين

أشرايج فيني:nice:

QaTaR_OnE

19-05-2009, 02:00 PM

نصيحه بيعي الموتر .. تراه ماوراه الا عوار الراس
انا كان عندي واستخدامي كان بسيط وكل يوم طالعت لي سالفه
والوكاله تعبااااانه كل ماودي لهم الموتر يقولون مافيه شي يبون الفكه
والله يوفقج

مستثمر 999

19-05-2009, 02:07 PM

وديها شركة الخليج للسيارات

شارع 15 مقابل الملاحه

الوكاله القديمه للبورش ولكن الستاف مدربين وعندهم خبره

Small Investor

19-05-2009, 02:12 PM

السلام عليكم

اختي

انا عارف وافهم بالظبط شنهو الي تتكلمين عنه ... وعلى فكره انا ماعندي بورش بس في مره واحد من الربع كان يبي يطلع موتره من الصناعيه وانا كنت اسوق البورش ويوم جيت على دوار الصناعيه الي ورى دعست على اساس ابي اقوم الموتر بسرعه قبل ما يجيني الشخص الي في الدوار ... المهم دعس تقريبا نص ما صار شي ... يوم حطيت رجلي على الريس تحرك الموتر ... وانا قاعد اطالع الشخص جايني وخلاص بيدعمني والموتر ما يبي يتحكر ورجلي على الريس وفجاءه نقز علي ومشى عادي وكنت بادخل في الدوار بس الله ستر

المهم هذا تقريبا نفس الي قلتيه

ماشيه على سرعه معينه وقررتي تدعسين شوي وحطيتي رجلج على البترول لكن ما صار شي وبدى الموتر يقطع شوي وكانه ماشي على الهواء وفجاءه ينقز الموتر ويكمل المشي على دعستج

اعتقد هذه مشكله بالبورش ونادر ما تصير .... لانه عقب ما صارت لي وقفت رفيجي وقلت له يبه خذ البورش وانا باسوق الجي ابرك لي ... وقلت له شالي صار وقالي انه ولا مره صادته هالسالفه

HEART_LION

19-05-2009, 02:52 PM

ياختي بيعيه وريحي راسج اكاه الشباب مشالله عليهم كلهم شرايين

خذي لكزس مناسبه حق البنات وبالتوفيق

حمد73

19-05-2009, 03:06 PM

البيع هو الحل

qablawi

19-05-2009, 03:26 PM

البيع هو الحل

Um Sultan

19-05-2009, 03:35 PM

سمو انسان

19-05-2009, 07:00 PM

بذمتج هذي مشكله

شي اكيد انه بصير معاج هذا الشي

يا بنت الحلال انتي تسوقين بورش يعني سياره مخصصه حق سرعه ما تسوقين كامري وله كروز

مضاربه

20-05-2009, 08:42 AM

مستحيل تكون كراسي المكينه لانها جديده وثانيا هي مشيكه عليها والموتر ع الضمان

بعدين كراسي المكينه بتحس فيهم وبتسمع طقه ياخوي انا عندي بورش واعرف مشاكلها

والله محد معطي سيارتي عين غيرك من كثر ماتقول جديده

مضاربه

20-05-2009, 08:44 AM

انا من رايي بيعي البورش وخذي لج كامري

ترى من كثر حنتج " مع ان موتري مافي اي شي" ببيعه وباخذ لي بيكم

الشيخ لو بعته باخذ بنتلي مب كامري

مضاربه

20-05-2009, 08:46 AM

وديها شركة الخليج للسيارات

شارع 15 مقابل الملاحه

الوكاله القديمه للبورش ولكن الستاف مدربين وعندهم خبره

فعلا اخوي انا سمعت ان شركه الخليج السيرفز عندهم افضل شكرا على مرورك

مضاربه

20-05-2009, 08:55 AM

[QUOTE=Small Investor;4170021]السلام عليكم

اختي

انا عارف وافهم بالظبط شنهو الي تتكلمين عنه ... وعلى فكره انا ماعندي بورش بس في مره واحد من الربع كان يبي يطلع موتره من الصناعيه وانا كنت اسوق البورش ويوم جيت على دوار الصناعيه الي ورى دعست على اساس ابي اقوم الموتر بسرعه قبل ما يجيني الشخص الي في الدوار ... المهم دعس تقريبا نص ما صار شي ... يوم حطيت رجلي على الريس تحرك الموتر ... وانا قاعد اطالع الشخص جايني وخلاص بيدعمني والموتر ما يبي يتحكر ورجلي على الريس وفجاءه نقز علي ومشى عادي وكنت بادخل في الدوار بس الله ستر

المهم هذا تقريبا نفس الي قلتيه

ماشيه على سرعه معينه وقررتي تدعسين شوي وحطيتي رجلج على البترول لكن ما صار شي وبدى الموتر يقطع شوي وكانه ماشي على الهواء وفجاءه ينقز الموتر ويكمل المشي على دعستج

اعتقد هذه مشكله بالبورش ونادر ما تصير .... لانه عقب ما صارت لي وقفت رفيجي وقلت له يبه خذ البورش وانا باسوق الجي ابرك لي ... وقلت له شالي صار وقالي انه ولا مره صادته هالسالفه[/QUOTE

ماشاءالله عليك شرحك احسن من شرحي ال قلته نفس الي صار معاي بالضبط بس مب يوميا من بين فتره والثانيه من جذي قلت بسالكم لاني لو وديتها الشركه ممكن يسوون تست ومايصير معاهم نفس الي صار معاي عموما اشكرك اخوي واخيرا حد فهمني هذا وانت ماعندك بورش والي مسوين نفسهم خبراء البورش الله بالخير

Khaled Qatar

20-05-2009, 09:17 AM

الشيخ لو بعته باخذ بنتلي مب كامري

خفي علينا :tease:

HEART_LION

20-05-2009, 09:55 AM

محد قال عن نفسه خبير بورش بيعيها وريحي راسج دام مشاكلها وايد شناطره؟

حطيتي الموضوع والشباب مشالله عليهم ماقصروا فيهم الخير بيساعدونج

لاكن العتب على اللي يرد على الموضوع مالوم صاحب الموضوع

ANONYMOUS

20-05-2009, 12:43 PM

الشيخ لو بعته باخذ بنتلي مب كامري

خلاص اخذي بوقاتي ولا تكدرين خاطرج

:)

al.wafe

20-05-2009, 12:56 PM

انا قتلج شراي وانتي ما رديتي

واتقولين بتاخذين بنتلي البورش وما عرفتي اتسوقينها عيل البنتلي شبتسوين فيها عادي اتصفينها فالبيت وما تطلعين فيها

B-GMC

10-06-2009, 01:32 AM

خذيلج صالون فخم وفكي روحج

&شهد&

10-06-2009, 01:56 AM

سمو انسان

10-06-2009, 02:01 AM

الشيخ لو بعته باخذ بنتلي مب كامري

عندي بنتلي سبيدو 12 سلندر وعليها تونات موديل 2008 تاخذينها

بس فيها مشكله ومالقيت لها حل ان اذا دعستي ريس تلصقين فالكرسي

وغير انه في مشكله ثانيه طول الوقت صوتها عالي انا اتوقع ان هذي مشكلة تصنيع

اسير الصمت

10-06-2009, 02:18 AM

يمكن مافي ماي في المشاش ^_^

خيال شمر

10-06-2009, 02:47 AM

أختي إذا تحسين أنه مع الدعسه الموتر يكتم وعقب مره وحده يفز ... أعتقد ... سنسر الهواء ... أو يمكن يكون حدا السنسرات إلي في المكينه ... خليهم يفحصون الموتر كامل ع الكمبيوتر ... ولاتسوين تست درايف ولا شي ... عاد كلش الفلبينين الي هناك حدهم هوندا سيفك ... :)

البيت بيتك

10-06-2009, 06:58 AM

اذا بتبيعينها طرشي الموصفات مع رقم الجوال للتواصل
وفالك طيب

ANONYMOUS

10-06-2009, 07:00 AM

مشكلة والله!!!!

آنا عندي مشكلة توني مكتشفتها مع البورش...كل ماادوس ع الريس يطلع لي صوت قوي ...مثل الطقة...مادري هذا طبيعي ولا السيارة فيها شي!!!!
لتقولون لي بيعيها ....ماألقى أحسن من البورش مرتاحه ماشاءالله معاها ماغير هالصوت اللي مضايقني هاليومين!!!

وانا بعد عندي مشكله

اذا وصل البترول تحت الربع.. يطلع لي صوت وتطلع علامة التعجب

ولا حد يقول لي بعها.. شكلي ببدل الصبغ..

:rolleyes2:

شاعر اللحظات

14-06-2009, 10:26 AM

اذا بتبيعين الموتر الشراي موجود ....وبيدفع لج نص القيمه والباقي اقساط على 12 شهر
هاه انشالله موفقة قبل اهون
وبعدين السيارة مافيها شي بس تستعبط عليج ....احس فيها تقول تكفييييييين اسرعي فيني

فلفل حار

17-06-2009, 02:36 PM

بخصوص التعليقات ...! :eek5:

خفووا على البنت يا جماعه وخلوها تستانس بحلالها .... :)

موترج نسائي وحلو وماعليه كلام ما شاء الله عليه

والمشكله ألي ذكرتيها وألي شرحها أخونا Small Investor

صارت لي لما في بي أم سبورت جديده 2008 واستغربت فعلا من هالشي ...!

بس ماهتميت لأنه الموتر ماكان موتري :shy:

كان فعلا يضايق وتحسين الموتر فيه عيب وخلل .... ولو تتكسر عليج المكينه ماعندج اي مشكله .... عيل شفايدة الضمان ...! :)

أفضل حــل

أنسى الاصوات والمشاكل وطولي على المسجل وأستمتعي بالسياره .... :)

ووقت السيرفز وديها للشركه واكتبي لهم المشاكل بالتفصيل الملل وأطلبي منهم فحص وحل جميع المشاكل ألي واجهتج

وأذا ماطيبوا خاطرج أرجعي للمنتدي والشباب ألي يعرفون مب مقصرين معاج .... أيميل واحد للشركه الأم وبتشوفين وكالة البورش جاييينج البيت يحبون راسج ويغيرون لج السياره بكبرها .... :)

وعليــج بالعافيـــه ....

3beed

18-06-2009, 12:47 AM

يمكن مافي ماي في المشاش ^_^

لا وانت الصاج الماي اللي حاطينه اكيد ماي (ولف) ولازم يتبدل الى evian

واتوقع بتنحل كل مشاكلها

ســـهم

18-06-2009, 01:16 AM

اختي في زر في السكان اللي لونه فضي .. عليه موجب وسالب ..

موجود على طرفين السكان .. اذا حركتي واحد منهم تتحول السياره جير عادي

15 ثانيه اذا ماحركتيه مره ثانيه بترد اوتوماتيك ..

هل الشي صار معاي ويتغير صوت المكينه وكل شي

رحت الوكاله قالوا لي هل الشي ..

انا مراات كنت اصف على جنب اصكر السياره وافتحها

بس قالوا لي عادي ..

ههههههههههههههههههههههههههههههههههههههههههه

أختي إذا تحسين أنه مع الدعسه الموتر يكتم وعقب مره وحده يفز ... أعتقد ... سنسر الهواء ... أو يمكن يكون حدا السنسرات إلي في المكينه ... خليهم يفحصون الموتر كامل ع الكمبيوتر ... ولاتسوين تست درايف ولا شي ... عاد كلش الفلبينين الي هناك حدهم هوندا سيفك ... :)

حصلت معاي وغيروا الفلتر في تانكي البترول فقط ..

عبدالرحمن بن محمد

18-06-2009, 01:42 AM

روحي الوكالة واهم بيفيدونج ان شاءالله

وطن

18-06-2009, 02:11 AM

هالمشكله طلعت لي في سنة 2003 مع المرسيدس
وبدلوا لي كم قطعه لين ضبطت معاهم وماصارت تقطع معاي

الله يكون بعونج اختي

حقيقه

18-06-2009, 02:50 AM

يمكن والعلم عند الله انه حاطتها على القير العادي :shy:
انا موتري مرات بالغلط احطه على العادي ويطلع صوت وتصير فيه اشياء غريبه وفجاه احصله على العادي :shy:

eclipse

18-06-2009, 02:55 PM

السلام عليكم يا المضاربه
اول شي السياره اللي عندج احسن سياره فورويل لانها قويه وثابته ومافيها مشاكل
وبعدين سيارتج جيرها تب ترونيك يعني اتوماتيك وعادي
بس العادي بدون كلتش
ماتشوفين لما تحطين القير في الدي فيه فتحه على اليسار تدخلين القير فيها ويصير عادي
فتحركينه فوق يبدل للغيارات الكبيره وعلى تحت يصغر النمره
المشكلة اللي عندج هي انج ضغطتي زر sport
هذا الزر يحول suspension او الجامبيلات الي الوضع الرياضي فا تصير مضغوطه ويابسه على السياره وهذا مسوينه للسرعات العاليه:
علشان يزيد ثبات الموتر في المنحنيات خاصه
وفي نفس الوقت تغييرات القير تتغير
فلما تدوسين للموتر مايبدل الا لما يوصل ال RPM او الامبير اللي حق ضغط المكينه الى قريب الحمر
انا عندي بورش وهذي ثالث وحده عندي الصراحه السياره ما عليها كلام
موتر بمعنى الكلمه وحده منهم رحت فيها العديد مرتين:thumbup: :cool:
الصراحه جباره بلا نيسان بلا تويوتا

الرايــق

18-06-2009, 04:04 PM

يمدحون التويوتا
:(

قطري123

19-06-2009, 12:15 AM

واحد من الاخوان عنده التارغا(كريرا) ويعاني من نفس المشكلة

جربي أختي مع الوكالة وحيني عليهم لانهم مايجون الا بالعين الحمرة

والله ييسر امرك

وحيد-الشوق

19-06-2009, 12:38 AM

بذمتج هذي مشكله

شي اكيد انه بصير معاج هذا الشي

يا بنت الحلال انتي تسوقين بورش يعني سياره مخصصه حق سرعه ما تسوقين كامري وله كروز

هههههه

اختي صدقيني هاذي مب مشكله هاي اكيد من قوة فزه الموتر :victory:

Um Sultan

19-06-2009, 02:35 PM

اللي يعرف ايميل الشركه الام للبورش يطرشه لي

لاني الصراحه خلاص زهقت من الوكاله ومشاكلهم اللي ماتخلص

Mody

19-06-2009, 06:15 PM

أهم شي ما ذكرتيه موترج 6 ولا 8 سلندر ؟؟!!

ترى الحركه هذي تبين في السته بس موب في الثمانيه

انا عندي الثمانيه ولا عمرها صارت معاي مع انها موديل 2006

alawy

20-06-2009, 12:42 PM

هههههههههه

بنتلي عيل هااا :)

مب زين اجوفين نفسج وايد فوق

الله يوفقج وتنحل مشكلتج :)

فلفل حار

28-06-2009, 11:45 AM

شصــار على مسلسل البــورش ...!:eek5:

:tease:

مضاربه

28-06-2009, 01:38 PM

الموضوع قديم شوي عموما ماسويت شي\وديتها كذا مره لهم شيك عليها المدير الانجليزي قال هذا عادي المهم اني قررت ماحرق قلبي ولا شي على قوله اخوي فلفل طولي المسجل واستمتعي فيها وهذا الي سويته واذا صار فيها شي هم المسؤلين عنها وشكرا لكم يا اخواني