من عمره ما تبخر ، تبخــــــــر ...................

[ولد البدر]

كنت ذات مرة في مكتب الخدم بشارع آل شافي بالريان لجلب سائق ، وبينما أنا أنتظر الموظف المختص فإذا بامرأة من دولة عربية جاءت لتطلب خادمة ، فقال لها صاحب المكتب : هل تريدين خادمة عمرها أربعين سنة ؟ فقالت المرأة : كلا إنها ستموت عندي أريدها صغيرة - وكأنها تعلم بالآجال وبعد أن لبوا طلبها فأعطوها العمر الذي تريده ، قالت : لكنني غير ملزمة بطعامها ولا شرابها ولن أعطيها شي من هذا القبيل فهل يوجد في العقد مادة تنص على إطعامها فقال الموظف :كلا ،ولكن هناك مادة تنص على السكن فقط ففرحت المرأة العربية ، ثم قالت هل لي أن أعطيها ما يقارب نصف الراتب أم أن هناك عقداً يلزمني بذلك أنا لا أريد أن أعطيها الراتب كاملاً ، فقال لها الموظف : عليك أن تكتبي العقد هنا كاملاً ثم تتفاهمين مع الخادمة في البيت إن استطعت إقناعها فأعطيها .
ففكرت في حالنا نحن أهل قطر في التعامل مع الخادمات كيف نوفر لهم الطعام الذي يزيد عن حاجتهم فالمطبخ تحت إمرتهم يجولون ويصولون فيه وكيف نعطيهم أحيانا بما تجود به أنفسنا من مال وكسوة وخاصة وقت المناسبات والأعياد والاحتفالات – رحم الله الوالدة – ذات القلب الحنون إذا قالت الخادمة اليوم أنا مريضة أعطتها إجازة طوال اليوم فتقول هي مبشر مثلنا نحن إذا مرضنا استرحنا والخادمة من حقها أن ترتاح أو إذا كان هناك حملا ثقيلا فلا تتركها تحمله ، حالها حال جميع أمهاتنا الحنونات 0
ولا نقول إلا من عمره ما تبخر ، تبخر واحترق:anger1:

[الخير كله]

هذيله الله يسلمك خداديمهم يعمرون لانهم يسوون كذيه فيهم مهب احنا 6 او 7 شهور وهات اللي بعده

[وطن]

والله حرام
بروحه راتبهم شي بسيط بالنسبة للكرف اللي يكرفونه وغربتهم

بعد ماتبي تأكلها !!
بعد تبي تقص نصه
لاحول ولا قوة الا بالله

[شيخ القبيلة]

اييييه وين أيام ميري ولاكشمي ام الدهن

[ALHAJAJI]

اييييه وين أيام ميري ولاكشمي ام الدهن



وفيه بعد فينون , الله يغربل ابليسك ذكرتني باللذي مضى

[بوخالد911]

اللي عمره ما تبخر تبخر واحتررق

[غناتي1]

اي والله احنا ندلعهم و---- على روسنا

اما اللي كارفينهم وصالبينهم تلقاهم ما يقولون عندهم برم

[هدهد سليمان]

جزاك الله خير وغفر لوالدتك واسكنها فسيح جناته وهذا هو التصرف السليم فكلكم راع وكلكم مسؤول عن رعيته وهذه الخادمه هي من البشر وتصرف المغفور لها والدتك هو التصرف الصحيح وفي ميزان حسناتها ان شاء الله .. اما من تحجر قلبه ويريد الخادم او الخادم كعبيد فهذا سيلقاها بإذن الله يوم الحساب والعقاب .. اتقوا الله حتى في الخدم!

[روضة]

النبي صلى الله عليه وسلم قال: «إنّ إخوانكم خولكم جعلهم الله تحت أيديكم، فمن كان أخوه تحت يده فليطعمه ممّا يأكل وليلبسه ممّا يلبس، ولا تكلفوهم ما يغلبهم فإن كلفتموهم ما يغلبهم فأعينوهم»
فالخدم بشر من لحم ودم ومشاعر وهم إخواننا وضيوفنا ويسكنون معنا، وما يأخذونه من مرتبات حق لا فضل فيه، ولا منّة، بل ينبغي مكافأتهم زيادة كلما بذلوا جهداً أكثر، أو تعبوا في وليمة أو مناسبة أو تجديد فرش البيت، فهم الذين يقومون بالعبء الأكبر ونحن فقط نصدر الأوامر، وما أسهل إصدار الأوامر وما أثقلها اذا تكاثرت (احمل هذا) (غيّر هذا) (اذهب إلى أقصى المدينة) (احضر كذا وكذا وكذا) أوامر متتالية تُدَوِّخ الرأس وتقطع الأنفاس مع غلظة وشدة "وبعض النساء أشد غلظة على الخدم من الرجال والمثل يقول: خادم الرجل يعيش مئة عام وخادم المرأة لا يعيش عشرة أعوام"، والأعمار بيد الله عزَّ وجلّ، ولكن المثل يرمز لشدة بعض النساء مع الخدم، والمرأة قد تهين الخادمة أو السائق بلسان طويل بل كلسان الحيّة الرقطاء، وتفرغ فيه ما لا تقدر على تفريغه في زوجها الذي يشكمها ويحكمها وقد يظلمها ولكن ما ذنب الخدم الأبرياء وهم يقومون بواجبهم المعلوم؟

الاستاذ الفاضل ولد البدر

كل الشكر لك .. يعطيك العافية.. جزاك الله خير

[abdulla999]

اخوي الله يرحم امك ويسكنها الجنة مع المسلمين بس ماعليك من الجنسيات الثانية هم بخلاء ولايدفعون ريال ويجمعون فلوس وعندهم ملايين واستثمارات ويحاسبون الخدامة على شئي بسيط مثل 500 يكاسرونها الين 450 ريال ويركبون سيارات قديمة وبيوتهم الله بلخير وعندهم ملايين ولاتغتر والله بيحاسبنا على ها الخدامة وحنا شعب كريم على كذا الله معطنا الخير والنعمة ومتغربنا نفسهم والحمد الله .

[بو الجوري]

شوف ياولد البدر .. أولاً لو أنا راعي المكتب و وحده قالتلي هالكلام .. الصراحه باقبضها الباب ..

صج ماعنده ضمير هالريال !!! شدعوه تقوله مب ملزومه تأكلها وتشربها .. ولا بعد نص راتب .. وهو عادي عنده !! :eek5:

والله حرام .. يعني من وين بتاكل .. من الزباله مثلاً :anger1:
وبخصوص الراتب .. ترا العقد فالسفاره 400 دولار للفلبينيه ..
لكن المكتب يسوي عقد ثاني مع الخدامه انه 200 دولار .. وهذي تبي النص .. :rolleyes2:

خاطري اشوفها واسمعها كلام .. .. .. مادري هي ليش ماخذتها عيل !!

وبخصوص المعامله .. شوف .. لا تشد عليهم .. ولا إدلعهم .. يعني خلك وسط ..


تحياتي لك .. :)

[طين وعجين]

صدقت في هالسالفة
الله يهدي بس النفوس القاسية

[إعادة توجيه]

أعتبره أحسان

[احلى دنيا]

هاذيل ماتهون عليهم البيزة
الاخت روضة قالت اللي كنت بقوله
بس لو هي تشتغل في مكان ويعطونها نص الراتب شتسوي ؟
اشلون بعد ماتأكلها ولا تلبسها ؟
غريبة

[ولد البدر]

مشكورين إخواني وأخواتي على مروركم وتفاعلكم مع الموضوع وجوزيتم خيرا

[شارع الأصمخ]

باختصار شديد
هذا يسمونه ظلم ومنافاه للعداله والطيبه البشريه

[هذلان]

الله يرحم الوالده و امهات المسلمين جميعا. مثل ماقالو بعض الاخوان و الخوات الخدم يعمرون مع هالناس لكن معانا بعد سنه او سنتين توصل للهدف المادي الي حطته في بالها .. طبعا لولا كرمنا معاهم كانو قعدو سنين اكثر يجمعون الراتب.
لكن لايصح الا الصحيح الخادمه بالاخص ولا الدريول هو بشر وله حق الراحه و لك حق خدمتك مقابل الراتب.
الله يسكنها الجنه و يرحم امواتنا جميعا

[جليســــة القــــرآن]

اللي اتسوي جذيه بتتحاسب
شوفوا الجراد اللي في بيتي وبعد يقولون هل من مزيد
ترى والله حرام هذول مده وبيروحون خلهم ياكلوا ويتمتعوا مسيرهم بيشبعوا وبيردوا لبلادهم جوع وحرمان
بعد نحرمهم عندنا وحنا بخير ونعمه
وبعدين الخادمه راتبها كامل عندها وأي شي تبغيه نجيبه لها
هاي راتب إعيالها
وثمن بعدها عنهم
ولو إحتاجت أي شي حنا ملزمين فيه
كلكم راع وكل راع مسؤول عن رعيته
طول ماهم في بيتنا أكلها ولبسها واللي في خاطرها لازم نعطيهم إياه

[بوالفاروق]

ففكرت في حالنا نحن أهل قطر في التعامل مع الخادمات كيف نوفر لهم الطعام الذي يزيد عن حاجتهم فالمطبخ تحت إمرتهم يجولون ويصولون فيه وكيف نعطيهم أحيانا بما تجود به أنفسنا من مال وكسوة وخاصة وقت المناسبات والأعياد والاحتفالات – رحم الله الوالدة – ذات القلب الحنون إذا قالت الخادمة اليوم أنا مريضة أعطتها إجازة طوال اليوم فتقول هي مبشر مثلنا نحن إذا مرضنا استرحنا والخادمة من حقها أن ترتاح أو إذا كان هناك حملا ثقيلا فلا تتركها تحمله ، حالها حال جميع أمهاتنا الحنونات


والله الوالدة ماتقصر معاهم بس بعد ما يعجبهم

انا امس امطرش الخدامة المطار وشايف ثلاث شنط
واهي لين جات عندنا بشنطة ..

والله يرحم امك ويغفر لها

[وتبقى الدنيا حلوه]

شدعوه أكل ما تبي تعطيها !!

[ولد البدر]

أخوي (شارع الأصمخ) فعلا مثل ما قلت ظلم ومنافاه للعداله والطيبه البشريه ، أخوي ( هذلان ) صح لسانك ورحم الله والديك وجزاك كل خير ، أختي ( قطرية ) لو كانت فعلا في قلبها إيمان لعرفت معنى الحديث الشريف (( كلكم راع وكل راع مسؤول عن رعيته ......... الحديث )) ، أخوي ( الفاروق) رحم الله والديك وجزاك الجنة ما قصرت ، (وتبقى الدنيا حلوة) شدعوه أكل ما تبي تعطيها !! بخل شديد والله يعين الخدامة لين وصلت .
أكرر شكري للجميع لمشاركتهم في الموضوع

[maha0]

احنا الي عندنا تجيك بهاند باق وتطلع بشنااط قوتشي ههه

بس بعد حرام مب لهدرجه !!!

[ولد البدر]

احنا الي عندنا تجيك بهاند باق وتطلع بشنااط قوتشي ههه

بس بعد حرام مب لهدرجه !!!
اتجينا بهاند باق وتطلع بويل باق شكرا maha0 على المرور والتعليق