عيدك مبارك يا قطر

[كش ملك!!]

عيدك سعيد ويا عسى العيد ينعاد
دام التهاني تفرح بشوف عيدك

يا تاج راس العز يا كل الامجاد
كلٍ تحنى تراب أرضك سعيدك

في ذمتي كان المجرات تنقاد
لا اجيب لك اعظم مجرّه في ايدك

ما شفت في طيبك ولا جودك بلاد
والخير كله ساريٍ في وريدك

شيخك ابو مشعل كما الضو وقّاد
ويكفي فخر لا صار شيخك رصيدك

شيخٍ رفع اسمك على رووس الاشهاد
نفديه بارواحٍ تبيه وتريدك

اجيال راحت والعزى بجيل الاحفاد
تاريخك الماضي فرح به جديدك

ويسعد لي عيدك يا بعد كل الاعياد
عامك سعيد وعيدي اليوم عيدك
9-1-2006

[abo rashid]

عيدك سعيد ويا عسى العيد ينعاد عليك اخوي

[شمعة الحب]

عيدك سعيد ويا عسى العيد ينعاد

على قطر وعليك,,, اخوي كش ملك ,,وصح لسانك على الابيات الجميله .

[شاهيناز]

شيخك ابو مشعل كما الضو وقّاد
ويكفي فخر لا صار شيخك رصيدك

شيخٍ رفع اسمك على رووس الاشهاد
نفديه بارواحٍ تبيه وتريدك

الله يطول لنا في عمر ابو مشعل

تسلم اخي كلمات حلوه
مشاءالله عليك

[relaax]

صح لسانك

كل عام وانتي بخير

[سهم طايش]

ما شفت في طيبك ولا جودك بلاد
والخير كله ساريٍ في وريدك

--------------------------

انشهد انك صادق و صح لسانك

[بدور]

ينعاد عليك

وتسلم كش ملك ويعطيك العافيه

[الرميحي]

السلام عليكم ورحمة الله وبركاته

كش ملك ...صح لسانك ...يالغالي

عز الله انك ماقصرت ورايتك بيضا وقصيدتك وافيه

ومثلك وشرواك نفرح بوجودهم في المنتدى

من غير قصور في الأعضاء الموجودين

ولاهنت يالغالي مره ثانيه

أخوك / الرميحي

[lule]

ويسعد لي عيدك يا بعد كل الاعياد ... عامك سعيد وعيدي اليوم عيدك

صح لسانك ... ينعاد عليكم العيد ان شاء الله وقطر بألف خير ونعمه ...

[جوكر البورصة]

:nice: صح لسانك اخوى :nice:

:app: كل عام وانت بخير :app:

[ROSE]

حبيت اختار بس ماقدرت كل بيت احلى واجمل من الثاني

صح لسانك كش ملك وينعاد عليك بالخير ان شاء الله

[مغروور قطر]

شيخك ابو مشعل كما الضو وقّاد
ويكفي فخر لا صار شيخك رصيدك

شيخٍ رفع اسمك على رووس الاشهاد
نفديه بارواحٍ تبيه وتريدك

اجيال راحت والعزى بجيل الاحفاد
تاريخك الماضي فرح به جديدك

صح لسانك وقصيدة رائعه ويستاهل بومشعل المدح والله يخليه لنا وللوطن

[Qa6ar]

عيدك مبارك كش ملك ويعل ايامك كلها اعياد

[سعود بن سنيد]

كش ملك


صح لسانك ويسلم بنانك


قصيده شامخه
سجل اعجابي