الي تعاملت مع امستي لتجهيز الافراح تدخل

[الغلا81]

السلام عليكم ورحمة الله وبركاته
حبيت أسأل اذا احد فيكم تعامل مع امسيتي لتجهيز الافراح يعني شغلهم حلو في تجهيز الكووش والطاولات والاضائه وتنسيقهم حلو ولا لا ويتأخرون يوم العرس في شغلهم ولا يخلصونه بسرعه الصراحه انا حجزت عندهم و وااايد متخوفه لاني ماشفت شغلهم من قبل بس بالصور
ولكم جزيل الشكر

[مشتاقة لقطر]

الله تمم لج على خير
ماعرف عنهم شي الصراحة

[لوردغاليري]

صراحه سوو حق رفيجتي تجهيز مأساه
ولا
تدرين لين الساعه8 وهم داخلين طلعين يركبون الكوشه

روحي ماسيس او ماجيستك
احسن لج نصيحه

[ليدي قطر]

ترتيبهم حلوووو في االصور وأفكارهم حلوة بسسسسسسسسسسسسسسسس

روحي الغي الحجز ... يوم عرس أخوي جننونا

لا ومسوين الورد نص الطاولات ورد بنفسجي مثل ماتفقنا والنص الثاني برتقالي على كيفهم ليش؟؟؟؟ و
والللللللله البنفسجي مخلص!!!!! العرس كان مضحكه ونشاااااااااز ... والعروس انهارت :(

صراحة كان العرس متعــــــــ[ ب] وراح صوتي مع الهنود شي غير طبيعي كانواااااا

[sara_qatar]

بالعكس انا مسويه عرسي كامل عنده الطاولات والكوشه والستاير والمدخل والبطايق
وسويته وكان الفرق بين امسيتي وماسيس فرق نص السعر


كنت مسويه كله ابيض في ابيض والاضاءات الصغييره الزرقه


بالعكس شغله حلو - وماذكر انه تأ خر

[crying freeman]

تشوفين بالصور تقولين واوو بس لما ينفذونه تقولين وع صراحه جننوني في عرس اختي والاغراض ناسينها او يقولون لج في العرس ما عندنه خلص ويسووون لج عكس ماتبينه

[moon-99]

حبيبتي انصحححج انصحححج تروحين عند ( رافي ) ماسيس
شغله حلوووووو ومرتتتتتتتتتب ورااااااااااااقي
ويسوي لج اللي تبينه
و بترتاحين واااااااااايد بالتعامل معاه واهو يحرص ان يطلع شغله مرتب مو اي كلام
وعلى فكره كان محل المناسبات (اوكيشن) ياخذ الكوش من عنده
روحي المناسبات و ماسيس بتحصلين نفس الكوش موجوده

والله يووووفقج ياااااااااارب

واسعار ماسيس حلوووه

[شيزكيك]

ذيلين وايد عليهم تجهيز غرف الولاده وبعد مب شي

[شمسة]

ربي ايوفقكم

[PARIS]

لاحول ولا قوة الا بالله .......... انصدمت

[shaikha ma]

انا بعد انصحج تروحين ماسيس عند رافي
واذا تبين رقمه بعطيج ياه .. لازم تاخذين موعد قبل لاتروحين عنده

انا سويت عرسي كااااااااااامل من عنده ،، بس من غير التصوير والاضاءه ..
وشغله حلووو ومرررررتب ويوم العرس يخلص لج كل شي بسرعه

[الغلا81]

مشكورييييييييييييين على ردودكم حبيباتي بس انصدمت وايد لانه عرسي باقي عليه اسبوعين ومادري شسوي وماسيس اسعاره مبالغ فيها انصحوني شسوي اتفاهم مع من بالضبط في امسيتي لانه الي اسمها موهجه هناك مفهيه وفاجه

[الخير كله]

توكلي على الله واعزمينا
رافي يعجب بس لانه هونيييييييييييييييييييييييك

[sos_store]

تجهيز العرس رووووووووعه بسب يتاخرون ومش كل شي يوفرونه يعني لازم حد يقعد على راسهم الغي حجزج احسن

[الغلا81]

مشكوره توته -قطر
مافي وقت الغي الحجز باقي على العرس اسبوعين ودفعت لهم عربون واتصل حق موهجه الي اتفقت معاها من يومين ماترد الله يستر

[سحر الليالي]

نصيحة ابتعدي عنهم انا حجزت عندهم حق عرس اخوي ومب شي جابين اشياء ناقصه وايدد عن الصورة اللي شفناها... تركيب الكوشه قدام المعازيم لين الساعه9....تخيلي؟؟

ومهجت تبي تشفط فلوس وبس تتفقين مع كلاي ع شي اما هي لا بتقولج ادفعي زيادة

ماساااااااااااااااه الصراحه ...ماسيس احلا وارقى بمليوووون مرة

[صافي اسهم]

هلا حبيبتي أنا تعاملت معاهم يوم خطوبتي ورياريت ماسويت عندهم فشلوني والله العظيم في الفندق في الصور كل شي راقي وحلو بس في الحقيقة مأساة الكرسي اللي اتفقت عليه ما حطو ورد عليه ونص الكوشة الورد ميت والفشيلة العودددة اني اتفقت معاهم على الشاي والقهوة والسويت على الطاولة ماجابوه وانا ع الكوشة مقهههورة بس اختي ماقصرت فيهم اليوم الثاني بهدلتهم ورجعوا لنا نص المبلغ لانهم غلطانين وانصحج تروحين( المناسبات )حق عرسي روووعة بس غالي

[صقر بلادي]

احسن شي وروهم العين الحمرا وقولي لهم اذا العرس ماطلع مثل مابي برفع عليكم قضية بخافون

والله يتمم لكم على خير

[وطن]

اختي اسمحي لي بس سؤالج وايد متأخر
المفروض تستفسير عنهم قبل لا تتفقين معاهم

أو ما تسألين قبل العرس باسبوعين عشان ما تتوترين وتتعبين اعصابج وانتي ما باقي شي على عرسج

اذا قدرتي تتفقين مع غيرهم خير وبركه

واذا ما قدرتي خلي حد من اهلج يوقف على راسهم يوم العرس ويتابع
وتأكدي ان يكون عندج عقد
وفيه كل تفاصيل الأشياء المطلوبه وتقولين لهم لو ما سوو نفس اللي في العقد بتقاضين محلهم
عشان يصطلبون ويخافون ويسوون اللي تبينه


وبالتوفيق ان شاء الله
وبالمبارك مقدما

[الغلا81]

شكرا للجميع على ردردكم ونصايحكم وادري انه سؤالي عن المحل متأخر وانا شفت الصور عندهم انبهرت بس انصدمت انه من يومين اتصل ماترد واتصل المحل يقولون لي عندها معرض والمشكله ماترجع تتصل بالرغم اني حارقه تلفونها ...الله يبارك فيكم والفال حق الي ماتزوج

[فهد111]

اذا كان قصدج الي في الغرافه هذيلا عليهم قضايا اشكثر وايد مشتكين عليهم مخربين اعراس شكثر واولهم اهلي مشتكين عليهم يتأخرون على العرس ومايابو المصوره وبكل بساطه يقولون مشغوله معا عرس ثاني وخذو الفلوس مقدم تحملي منهم الغي الحجز احسن لج ولا لاتعطينهم لين بعد العرس

[الغلا81]

شكرا اخوي فهد وانا شكلي بسوي نفس ماقلت مب ماعطتهم الفلوس كامله لانه مافي وقت اغير المحل

[الغلااا]

حبيبتي شغل الغردينيا ماعليه كلام واسعاره معقولة
بالنسبة حق غيره جربي كلميهم اذا في مجال ...

[limited]

ترتيبهم حلوووو في االصور وأفكارهم حلوة بسسسسسسسسسسسسسسسس

روحي الغي الحجز ... يوم عرس أخوي جننونا

لا ومسوين الورد نص الطاولات ورد بنفسجي مثل ماتفقنا والنص الثاني برتقالي على كيفهم ليش؟؟؟؟ و
والللللللله البنفسجي مخلص!!!!! العرس كان مضحكه ونشاااااااااز ... والعروس انهارت :(

صراحة كان العرس متعــــــــ[ ب] وراح صوتي مع الهنود شي غير طبيعي كانواااااا



مثل ماقالت الاخت انابعد زوجتي اختارتهم ولوعوا بكبدي

[اناقه]

اول شي الف الف الف مبروك

والله يتمم لج على خير

احنا سوينا تجهيزات خطوبة اختي عد فلورنسا

شغلهم واااايد حلو و مرتب و اسعارهم مناسبه

واذا في شي ما عجبج على طوووووول يبدلونه

لكن امسيتي خليناهم يسوون لنا العرس

وععععععع فعلا الصور شي و الواقع شي ثاني

انا كنت برتكتب جريمة فيهم ذاك اليوم

يمكن اذا اخترتي انتي و قلتي لهم الاشياء اللي تبينها و وايد احسن من اختيار الصور

[الغلا81]

شكرا على نصايحكم ... المشكلة الحين ما اقدر اغير شي بس ادعو لي انه عرسي يعدي على خير وبعد العرس بقولكم ايش صار

[ام شهد قطر]

صراحه أحسن محل تعاملنا معاه ماسيس ما يهمه شنو دفعتي المهم عنده أن الشغل يطلع حلو والله أنه في عرس أخوي ما قصروا حتى في أشياء ما طلبناها لكن ضافها من عنده لان المهم عنده سمعته و أن القاعه تطلع حلوه غير أنه شغله مرتب وطاولاته تبين أنها جديده

[شجرة الدر]

اختي توكلي على الله كل مكان فيه الزين والشين وانا اعرف ناس جهزوا من عندهم او وايد ناس عجبهم التجهيز توه من فترة بسيطة ونصيحة ماسيس لاتقربينه ترى فاكر انج قاعدة على كنز قاص على البنات مقصة
كلها ساعتين وبيعدون

[shaikha ma]

شكرا للجميع على ردردكم ونصايحكم وادري انه سؤالي عن المحل متأخر وانا شفت الصور عندهم انبهرت بس انصدمت انه من يومين اتصل ماترد واتصل المحل يقولون لي عندها معرض والمشكله ماترجع تتصل بالرغم اني حارقه تلفونها ...الله يبارك فيكم والفال حق الي ماتزوج

خلاص حبيبتي توكلي على الله
وخلي يوم العرس اخوج ولا ابوج (( المهم حد ريال )) يوقف على راسهم من الساعه 9 الصبح
ومايقوم عنهم ويقول لهم يخلصونه لهم الساعه 5 المغرب يعني يخلصونه

يوم عرس اختي سوينا جيييي مافي الا هالحل ،،،

والله يعينج وان شاء الله كل شي يطلع حلو ومرتب لاتحاتين فديتج ..

[aljuri]

مرفقه اختي الغالا81 انا حجز عرسي النكبه كان عندهم صج الشغل كان راقي لكن مو هو اللي طلبته الكوشه شبيه بشكل بسيط والكرسي كلش غييير والطاولات اللي حاجزينها كانت كبيرة مع جيبون واللي وفروه لنا طاولات بتلبيسة غير ومن غير جيبون وتلوع الكبد ولا كله كوم والمسكة بكوم ورده ذابل ولما جينا نكلم اللي حجزنا عندها كانت مستعده لنا وعلى طول بلا مقدمات ردت علينا بكل وقاحة وطولت السان واسلوب مش محترم لانه طيبة الذكر متعوده على ها الاسلوب مع الكل لانها ناكبه ناس كثير وللاسف عرفت متاخر ولين اليوم قلبي محترق على لفلوس اللي دفعتها وما حللتها (نصيحه لاتدفعين لهم فلوسهم كاملة ) الا بعد مايجهزون لج كل شي

[ليل وتعاليل]

انا كانت تجربتي معاهم ع مستوى اقل ,, توزيعات وياليتيني ما رحت ,,

مايدرون وين الله قاطهم ,, وماسوو الشغل ولما دقيت عليهم ع املوعد قالوا ماسوينها المديره ما رضت ..!!!!!!!



زين قولوا اتصلوا وتوهقت يومها ,,


ماتمت كلمه حلوه ماسمعتهم اياها

[الدستور]

الف مبروووووووك

ربي يتمم لج على الف خـــير وان شاء يحالفج الحظ معاهم ويطلع عرسج مثل ما تبينه واحسن بعد


نصيح من قلبي لا تحجزين عندهم تصووووير ،، احجرزي من مكان معروف اظمن لج

مراح تتذكرين العرس إلا بالصور ..

وشكلها راحت عليج تغير المكان ،، بس قبل العرس روحي المحل مر ثانيه

وودي معاج واحد من اخوانج وراويه اللي انتي تبينه بالضبط وخليه يفتح عينه عدل

بالصور وخليه يوقف على راسهم يوم عرسج

واذا قدرتي اخذي صور الطاولات والكوشه ،، ولا تنسين تاخذين الفاتوره منهم ومكتوب عليها اللي تبينه

ولا تعطينهم الفلوس كامله

آسف طولت عليج ،، بس توني معرس بشهر 4 وواجته مشاكل كثيره من ورا هالعرس

وربي يسعدج ويوفقج ويتمم لج على الف خير

[الغلا81]

اشكركم على ردودكم ونصايحكم والله يبارك فيكم انا رحت لها وقلت لها كل الكلام الي قلتوه لي قالت لي انت مب اول وحده تجي وتقول سمعت عن محلكم وانكم خربتو عرس الناسواحكمي علينا بعد العرس وانا بجيب لكم الاخبار بعد اسبوعين انا حاجزه الكوشه والطاولات فقط من عندهم حتى الاكل الي على الطاوله انا باجيبه لانه ماعجبني الي عندهم وان شاء الله الي مقبلين على الزواج استفادو من الموضوع على الاقل خذو فكره :)