استفسار:ماهي فرص العمل في قطر للسعودي؟

[sunlover2009]

السلام عليكم
حبيت امسي عليكم بالخير
سؤال لأعضاء المنتدى الكرام : ماهي الفرص الوظيفة المتاحة للسعودي في دولة قطر الشقيقة
بدءا من الشهادة الثانوية الى الجامعية؟
ماهي الشروط المطلوبة للعمل عندكم؟ القطاع الخاص او الحكومي؟
بالنسبة للراتب و المعشية؟

:nice:

[ريماس الغلا]

ما عليه يا اخوي سامحني

انت عندك دولتك ليش تشتغل بره بلادك ؟؟

[HAYA]

لي أقارب من المملكة الشقيقة و يعملون في قطـــر .

[الخير كله]

انت كنت ذا كفاءه فاعتقد مرحب بك...

[sunlover2009]

مازلت انتظر المزيد من الردود والآراء حول هذا الموضوع

[شويهينــه]

ابحكم شغلي في مؤسسه حمد

لاحظت عندنا في المبنى ممرض سعودي

[i.qatar]

مافي شي في قطر يزيد او يقلل من فرصة السعودي للعمل فيها كونه سعودي

[م. عبدالعزيز]

شباب السعوديه عندهم مشاكل بالوظايف .. الخريجين كثار والوظايف محدوده ...
أعرف واحد توه متخرج من جامعه أم القرى .. وتخصصه هندسه ومعدله جيد جدا .. صعب يلاقي وظيفه..

بالنسبة لفرص العمل هنا في قطر تعتمد على الشهاده وعلى الخبرات ... :)
وبالنسبة للراتب أكيد أعلى من رواتب السعوديه ،، لانه الحياه هنا مختلفه (أغلى) عن السعوديه

[بو نايف]

خبرة الشخص وكفائته مطلبة بشدة خاصة للسعودي في قطر

اعرف كذا سعودي موظفين ولكن زوجاتهم قطريات

زوج القطرية تحق له اولويه عن غيرة

[بنت الدوحه]

الله يرزق اخوانا السعوديين على الاقل هم اولى من الاجانب

لو يوظفون اهل قطر ويوظفون الخليجيين افضل من الهنود والامريكان اللي كل واحد راتبه دبل!

[بومحمد911]

الله يوفقك يا الغالي

[مستقلة]

في قطاع التعليم الوظايف متوفرة و بكثرة للإناث و الذكور

[ولد البدر]

أخوي شوف مدرسة مستقلة إذا كان مؤهلك يسمح لك

[روح الاطلس]

والله ياخوي اذا انت مستعد تجي لقطر وتشتغل وماعندك مشكله بتحصل وظايف كثيرة وفي كل مكان سواء في القطاع الخاص او الحكومي كل المجالات فيها وظايف بس طبعاً يعتمد على الشهادة اذا تخصصك طب او هندسة او مالية بتحصل شغل بالهبل .. واذا تخصصات اخرى فالمدارس المستقلة تطلب مدرسين ومشرفين وااداريين بالنسبة للمدرس اعتقد راتبه يبدأ من 19 ألف وطالع اذا كان متزوج طبعا اعلى .. وفي شركات البترول والغاز ورواتبها تبدأ ب 25 الف وطالع للجامعي و 13 ألف للثانوية ..ومثل ماذكرت في الاول يعتمد الراتب والفرص اكثر على التخصص وتقريباً مافي فرق في الراتب بين القطري والخليجي كثير بحرينيين وسعوديين وعمانيين يشتغلون بقطر .. وبالاخير الخليجي أولى به من العربي او الاجنبي

[فـــــواز]

اخوي مرحبا بك بين اخوانك واهلك وبلدك الثاني

تعال وجرب عل وعسى ماتدري التوفيق من وين والزين في موقع السعوديه انه متوسط دول الخليج يعني قريبه من قطر مابه بعد ولا بعد اذا من اهل الشرقيه ياسلام كنك رايح لرياض منا الي الدوحه


وماعليك من الناس الي في ردودهم ماله داعي صراحه كنهم بيشغلونك عندهم او بيعطونك من معاش الدوله شي الا تعال وتعال يامرحبا بك صدق انت وكل مواطن خليجي

انتم اولي من الاجنبي وغيره وبالتوفيق لك والله اني صادق

[i.qatar]

اخوي مرحبا بك بين اخوانك واهلك وبلدك الثاني

تعال وجرب عل وعسى ماتدري التوفيق من وين والزين في موقع السعوديه انه متوسط دول الخليج يعني قريبه من قطر مابه بعد ولا بعد اذا من اهل الشرقيه ياسلام كنك رايح لرياض منا الي الدوحه


وماعليك من الناس الي في ردودهم ماله داعي صراحه كنهم بيشغلونك عندهم او بيعطونك من معاش الدوله شي الا تعال وتعال يامرحبا بك صدق انت وكل مواطن خليجي

انتم اولي من الاجنبي وغيره وبالتوفيق لك والله اني صادق

يالطيب . . بالعكس الكل رحب والكل يدعيله بالتوفيق
والاخوان ماقصرو بعد واقترحوا مؤسسات وجهات ممكن
ان اخونا السعودي يشتغل فيها
وماشوف الردود اللي تتكلم عنها !

[khalid1010]

ما عليه يا اخوي سامحني

انت عندك دولتك ليش تشتغل بره بلادك ؟؟

:weeping::weeping::secret::secret:

[مستجدة]

يا هلا فيك اخوي وان شاءالله تعالى يحقق لك طلبك
وانا اشوف انه افضل فرص عمل هو القطاع الخاص مثل البنوك والشركات
وطبعا وكل شخص بشهادته وبخبراته وتوفيق رب العامين

الله يرزقك الرزق الحلال واتمنى لك التوفيق .

[ولد قطــــــر]

ما عليه يا اخوي سامحني

انت عندك دولتك ليش تشتغل بره بلادك ؟؟

اول شي الرجال ما طلبك تشوفله وظيفة من جيبك ...
ولا من عادات اهل قطر انهم يردووون على الضيف بهالاسلوب ومايصير هالكلااام!!!!! الا اذا انك من اللي جاييين سباحه وماعرفت السنع للحين ...

الله يوفقك ياخووووي والمكان مكانك وانشالله تلاقي الوظيفة اللي تناسبك وانتو اولى من الغريب ومثل ما يقول المثل دهنا في مكبتنا

[حقيقه]

حياك وان شاءالله تحصل اللي يسرك

[ويلاه]

حسب الشهاده والخبره

واعتقد ان شركات ال بترول ماتفرق بين ماهوي قطري او خليجي حسب الخبره او التخصص

واللغه ال حين مطلوبه حيل


موفق ان شاء الله

[sunlover2009]

في البداية أحب أشكر كل من شارك من الأعضاء
اقول ماهي بغريبة على أهل قطر و الشعب القطري الطيب اشهد بالله انكم احرجتوني بكلامكم
أحس اني بين أخواني واهلي .

[center]يعطيكم العافية الله يحفظ سمو أمير البلاد المفدى
وولي العهد الأمين والشعب القطري الشقيق.

[ss26]

انا اكثر السعودين الي يجوني بحكم شغلي

كلهم قطاع خاص فااا . اذا كان حكومي الله وعلم

[ريماس الغلا]

اول شي الرجال ما طلبك تشوفله وظيفة من جيبك ...
ولا من عادات اهل قطر انهم يردووون على الضيف بهالاسلوب ومايصير هالكلااام!!!!! الا اذا انك من اللي جاييين سباحه وماعرفت السنع للحين ...

الله يوفقك ياخووووي والمكان مكانك وانشالله تلاقي الوظيفة اللي تناسبك وانتو اولى من الغريب ومثل ما يقول المثل دهنا في مكبتنا


انا ما قصدت اللي انت فهمته لان تفكيرك محدود

وصاحب الطلب فاهم انا ويش ارمي له واقصده ولا اشوفه رد على تعليقي لانه فهمه بمفهوم العقلاء .

انا قصدت ان السعوديه بلد كبيرة جدا بالمقارنه مع الدوحه وفيها شغل وايد وشركات ومؤسسات كبيرة وكثيرة ... ليش ما قدم فيها ؟؟

والشغل اللي هو جاي يسأل عنه ما انيب معطيه من جيبي ولا انت معطيه او معطي احد من جيبتك .

[زقرتي ومزاجي]

ماعندي فكره ... الله يوفقك ان شاء الله

[بوعلي2]

يامرحبا بك في بلادك الثانيه قطر

وتعال وجرب كل شي جايز


والله يوفقك ويوفق الكل يارب

[هام السحاب]

الرازق فالسماء و الحاسد فالارض
حياك الله ياخوي والله يوفقك
ع الاقل يوظفون اخوانا الخليجيين ابرك من الهنود و الامريكان و غيرهم

[QatarLady]

سمعت ان فيه سعوديات جو البلاد مخصوص من السعودية

ويشتغلون مدرسات لأن ما عندهم وظايف والرواتب أعلى من السعودية

نصيحتي دور لك خارج الدوحة يعني الشمال مسيعيد دخان

وان شاء الله تلاقي وبيعطونك سكن بعد

[ابوسعود]

قانون الموارد البشريه

في نص الماده

مادة ( ١٤)
يشترط فيمن يعين في إحدى الوظائف:
١-أن يكون قطري الجنسية، فإن لم يوجد فتكون الأولوية لأبناء القطرية
المتزوجة من غير قطري، ثم الزوج غير القطري المتزوج من قطرية أو قطري، ثم
مواطني دول مجلس التعاون لدول الخليج العربية، ثم مواطني الدول العربية،
ثم الجنسيات الأخرى.
٢-ألا يقل عمره عن ثماني عشرة سنة.
٣-أن تتوافر لديه المؤهلات والشروط المطلوبة لشغل الوظيفة.
٤-أن يجتاز الاختبارات والمسابقات وبرامج التأهيل التي تقررها الجهة
الحكومية.
٥-أن يكون محمود السيرة حسن السمعة.
٦-أن تثبت لياقته طبياً لأداء أعباء الوظيفة المرشح لها، بشهادة من الجهة
الطبية المختصة.
٧-ألا يكون قد سبق الحكم عليه نهائياً بالحبس في جريمة مخلة بالشرف أو
الأمانة ما لم يكن قد رد إليه اعتباره.
ومع ذلك فإذا كان الحكم مشمولاً بوقف تنفيذ العقوبة، جاز تعيين الموظف
بموافقة السلطة المختصة بالتعيين.
وإذا كان قد حكم عليه لمرة واحدة، فلا يحول ذلك دون التعيين ما لم تقرر
الإدارة بقرار مسبب من واقع أسباب الحكم وظروف الواقعة أن تعيين الموظف
يتعارض مع مقتضيات الوظيفة أو طبيعة العمل.
٨-ألا يكون قد سبق فصله من الخدمة بحكم أو قرار تأديبي نهائي، ما لم
يمض على صدوره سنة على الأقل

شروط العمل في القطاع العام

وانت اخوي قدم اوراقك في وزارة العمل

وان شاء الله تتوفق

[حقيقه]

قانون الموارد البشريه

في نص الماده

مادة ( ١٤)
يشترط فيمن يعين في إحدى الوظائف:
١-أن يكون قطري الجنسية، فإن لم يوجد فتكون الأولوية لأبناء القطرية
المتزوجة من غير قطري، ثم الزوج غير القطري المتزوج من قطرية أو قطري، ثم
مواطني دول مجلس التعاون لدول الخليج العربية، ثم مواطني الدول العربية،
ثم الجنسيات الأخرى.
٢-ألا يقل عمره عن ثماني عشرة سنة.
٣-أن تتوافر لديه المؤهلات والشروط المطلوبة لشغل الوظيفة.
٤-أن يجتاز الاختبارات والمسابقات وبرامج التأهيل التي تقررها الجهة
الحكومية.
٥-أن يكون محمود السيرة حسن السمعة.
٦-أن تثبت لياقته طبياً لأداء أعباء الوظيفة المرشح لها، بشهادة من الجهة
الطبية المختصة.
٧-ألا يكون قد سبق الحكم عليه نهائياً بالحبس في جريمة مخلة بالشرف أو
الأمانة ما لم يكن قد رد إليه اعتباره.
ومع ذلك فإذا كان الحكم مشمولاً بوقف تنفيذ العقوبة، جاز تعيين الموظف
بموافقة السلطة المختصة بالتعيين.
وإذا كان قد حكم عليه لمرة واحدة، فلا يحول ذلك دون التعيين ما لم تقرر
الإدارة بقرار مسبب من واقع أسباب الحكم وظروف الواقعة أن تعيين الموظف
يتعارض مع مقتضيات الوظيفة أو طبيعة العمل.
٨-ألا يكون قد سبق فصله من الخدمة بحكم أو قرار تأديبي نهائي، ما لم
يمض على صدوره سنة على الأقل

شروط العمل في القطاع العام

وانت اخوي قدم اوراقك في وزارة العمل

وان شاء الله تتوفق



وهل طبقو هالقانون ؟؟؟

لا طبعاً .

[مافيا قطر]

ههههههههههههه فى المشمش يتطبق

[ابوسعود]

وهل طبقو هالقانون ؟؟؟

لا طبعاً .

:telephone::telephone::telephone:

القانون يسري من تاريخ 1/4/2009

[جاكم الأعصار]

السلام عليكم
حبيت امسي عليكم بالخير
سؤال لأعضاء المنتدى الكرام : ماهي الفرص الوظيفة المتاحة للسعودي في دولة قطر الشقيقة
بدءا من الشهادة الثانوية الى الجامعية؟
ماهي الشروط المطلوبة للعمل عندكم؟ القطاع الخاص او الحكومي؟
بالنسبة للراتب و المعشية؟

:nice:

شوف يا بو الشباب عندك الله يسلمك كجامعي ممكن يتوجه لسلك التدريس لانه نااادر تحصل فيمدرسه مستقله مدرس قطري ..فالباب مفتوح للخليجي وعقب العربي وثم الاجنبي

وعندك ياطويل العمر في بنوك وشركات القطاع الخاص يبون ترى مثل بنك الخليجي ومصرف قطر الاسلامي وبنك الدوحه
وعندك شركات البترول مثل ميرسك وناقلت راح تفتح افرع جديده والقطريين فيهم ينعدزن عالاصابع..
والله يوفقك

[ابو عادل]

ما عليه يا اخوي سامحني

انت عندك دولتك ليش تشتغل بره بلادك ؟؟

والله العظيم بعض الناس مادري شلون طاح الكيبورد في يدهم يفشلون !!!!!!!!!


اخوي الغالي حياك الله في ديرتك الثانيه :)
وان بغيت واسطه لا يردك الا الخاص :victory:

[الرميله]

:nice:
والله العظيم بعض الناس مادري شلون طاح الكيبورد في يدهم يفشلون !!!!!!!!!


اخوي الغالي حياك الله في ديرتك الثانيه :)
وان بغيت واسطه لا يردك الا الخاص :victory:

يا هلا ومرحبا بكم
دام انك راح تفيد

[عديـل الـروح]

والله العظيم بعض الناس مادري شلون طاح الكيبورد في يدهم يفشلون !!!!!!!!!


اخوي الغالي حياك الله في ديرتك الثانيه :)
وان بغيت واسطه لا يردك الا الخاص :victory:


يا خوي في للاخت رد آخر اتمنى مشاهدته قبل التعليق
وعسى ربي يحفظك

وهذا ردها :


انا ما قصدت اللي انت فهمته لان تفكيرك محدود

وصاحب الطلب فاهم انا ويش ارمي له واقصده ولا اشوفه رد على تعليقي لانه فهمه بمفهوم العقلاء .

انا قصدت ان السعوديه بلد كبيرة جدا بالمقارنه مع الدوحه وفيها شغل وايد وشركات ومؤسسات كبيرة وكثيرة ... ليش ما قدم فيها ؟؟

والشغل اللي هو جاي يسأل عنه ما انيب معطيه من جيبي ولا انت معطيه او معطي احد من جيبتك .

[ابو عادل]

يا خوي في للاخت رد آخر اتمنى مشاهدته قبل التعليق
وعسى ربي يحفظك

وهذا ردها :

احنا اهل قطر اهل الشيمه والكرامة والجود :)
ماعمرنا سألنا ضيفنا ليش جاي وليش ماتروح عند غيرنا
بالعكس نفزع لهم و فاتحين بيوتنا للكل وقبل لا يصيرون الخليجيين جيراننا تراهم اهلنا وعيال عمنا ويشرفوننا بأي وقت :victory:

[عديـل الـروح]

احنا اهل قطر اهل الشيمه والكرامة والجود :)
ماعمرنا سألنا ضيفنا ليش جاي وليش ماتروح عند غيرنا
بالعكس نفزع لهم و فاتحين بيوتنا للكل وقبل لا يصيرون الخليجيين جيراننا تراهم اهلنا وعيال عمنا ويشرفوننا بأي وقت :victory:

يا بو عادل .. ايش فيك يا خوي ..

المرأه ما غلطت .. كانت تبي تستفسر عن شئ

ليش اخذت الموضوع بحساسيه بهذهالطريقه ؟؟

وهي قدمت وجهه نظرها ؟؟

وبعدين هي ما اغالطت على احد وكلنا اهل شيمه وكرامه والجميع على العين والراس ..

وربي يوفقك ويحفظك اخوي بو عادل

[سهم مديون]

انا ما قصدت اللي انت فهمته لان تفكيرك محدود

وصاحب الطلب فاهم انا ويش ارمي له واقصده ولا اشوفه رد على تعليقي لانه فهمه بمفهوم العقلاء .

انا قصدت ان السعوديه بلد كبيرة جدا بالمقارنه مع الدوحه وفيها شغل وايد وشركات ومؤسسات كبيرة وكثيرة ... ليش ما قدم فيها ؟؟

والشغل اللي هو جاي يسأل عنه ما انيب معطيه من جيبي ولا انت معطيه او معطي احد من جيبتك .
ايه انتي وهو فشلتونا في الضيف الله يبارك فيكم خلوكم ارقى شوي من هذه الردود !

[@فهد@]

احنا اهل قطر اهل الشيمه والكرامة والجود :)
ماعمرنا سألنا ضيفنا ليش جاي وليش ماتروح عند غيرنا
بالعكس نفزع لهم و فاتحين بيوتنا للكل وقبل لا يصيرون الخليجيين جيراننا تراهم اهلنا وعيال عمنا ويشرفوننا بأي وقت :victory:

اخوي ابوعادل :victory: بيض الله وجهك وكثر الله من امثالك اعجبني كلامك وماقدرت امر مرور الكرام

[مخباط]

ايه انتي وهو فشلتونا في الضيف الله يبارك فيكم خلوكم ارقى شوي من هذه الردود !


افهم النقطه الي تكبمت فيها ريماس الغلا وكانت تسأل العضو ليش بتخلي ديرتك وتجي تشتغل في الدوحه كانت المرأه تبي جواب مثل ما هي كاتبه

وانا شايف ان اغلب الردود طالعه عن الموضوع وكلن يبي يجرح في الثاني !!


لا احنا استفدنا ولا القارئ استفاد ولا صاحب الموضوع استفاد !!!

عسى ما شر ؟؟؟



خلني اروح قسن السيارات ابرك لي !!









الحين بعلّق احد الاعضاء على كلامي ويتهمني بأنني عميــل واستقراطي :omg::omg:

[قدام]

ما عليه يا اخوي سامحني

انت عندك دولتك ليش تشتغل بره بلادك ؟؟

ليش ......
الرزق علي الله و الخليج كله واااحد اسعى يا خوي والله معاك

[ريماس الغلا]

اول مره وهذا اول منتدى اشوف حقد وتصيّد اخطاء بهذه الطريقه


شسالفه ؟؟؟

[ريماس الغلا]

:weeping::weeping::secret::secret:



اول شي الرجال ما طلبك تشوفله وظيفة من جيبك ...
ولا من عادات اهل قطر انهم يردووون على الضيف بهالاسلوب ومايصير هالكلااام!!!!! الا اذا انك من اللي جاييين سباحه وماعرفت السنع للحين ...




والله العظيم بعض الناس مادري شلون طاح الكيبورد في يدهم يفشلون !!!!!!!!!

:victory:


ايه انتي وهو فشلتونا في الضيف الله يبارك فيكم خلوكم ارقى شوي من هذه الردود !


ليش ......
الرزق علي الله و الخليج كله واااحد اسعى يا خوي والله معاك




لا حول ولا قوة الا بالله ..

اتقوا الله فيني وفي ردودكم ..

وأتأسف اسف شخصي لكاتب الموضوع مع اني واثقه تمام الثقه انه فهم ما وراء كلامي لانه واعي وراقي بتفكيره

[ابو عادل]

اخوي ابوعادل :victory: بيض الله وجهك وكثر الله من امثالك اعجبني كلامك وماقدرت امر مرور الكرام

ووجهك ابيض الغالي واسعدني مرورك :)

[ريماس الغلا]

سلمت اخوي مخباط


سلمت اخوي عديل الروح


والله انكم كفو وبيض الله وجيهكم

[sunlover2009]

أقول لجميع الأعضاء الكرام ترى الموضوع ما يستاهل أكبر من حجمه
ترى بديت أشوف تصير خلافات بين الأعضاء والله ماله داعي ياجماعة
وبالنسبة لرد ريماس الغلا
أقول من الطبيعي جدا أن تكون هنالك وجهات نظر مختلفة فأصابعك ماهي بسوى
وبالعكس من الجميل جدا أن لاتكون الرود جميعها موافقة أو مؤيدة للموضوع وانما حبيت اعرف بعض الفرص المتاحة للعمل في دولة قطر الشقيقة .
أشكر ريماس الغلا و أبوعادل و........................ وكل من شارك.

[ابن مانع]

الله يوفقك
وفرص العمل صعبه شوي الا بالواسطه كل شي يهون

[ريماس الغلا]

أقول لجميع الأعضاء الكرام ترى الموضوع ما يستاهل أكبر من حجمه
ترى بديت أشوف تصير خلافات بين الأعضاء والله ماله داعي ياجماعة
وبالنسبة لرد ريماس الغلا
أقول من الطبيعي جدا أن تكون هنالك وجهات نظر مختلفة فأصابعك ماهي بسوى
وبالعكس من الجميل جدا أن لاتكون الرود جميعها موافقة أو مؤيدة للموضوع وانما حبيت اعرف بعض الفرص المتاحة للعمل في دولة قطر الشقيقة .
أشكر ريماس الغلا و أبوعادل و........................ وكل من شارك.


سلمت يا خوي على ردك الطيب وتأكد ما كان في بالي هذا الرأي اللي جالسين الحاقدين يفسرونه على هواءهم ..

علما انني بديت املّ من هذا المنتدى ومن ردود بعض اعضاءه

[صوت الضمير]

انا من أشد المؤيدين لفتح باب التوظيف للسعودين والسعوديات

هم اولى من الاجانب اللي تارسين البلاد

على الاقل هم منا وفينا

وحياكم الله مدري انا سمعت عن توظيف السعودين والسعوديات في المدارس

[سحابة]

اعتقد شباب الخليج اولى بالوظائف بقطر من اي احد ثاني وقصدي سواء عربي غير خليجي او اجنبي مدام شهادته ومؤهله العلمي كويس..
اخوي .. تقدم لطلب الوظيفه مدام معاك مؤهل كفو وقدرات لان الكل يعرف ان في اشخاص اجانب لا شهاده ولا شي وماكلين الاخضر واليابس بقطر واتمنى التوفيق للجميع ..

[بنت سلمان]

موفق أخوي ..
وقطر أهل الكرم والضيافة ..
والخليجيين بالقانون أولى من الأجانب وتجي أولويتهم من بعد القطريين

في عندك
قطاع التدريس
والبنوك
والشركات
وقطر فاونديشن
منطمة الخليج للاستشارات الصناعية - منظمة دبلومساية فيها نسبة لتواجد الخليجيين كما تعامل وكأنك مواطن في بلدك

وطبعاً كل ماكان مؤهلك التعليمي أعلى كل ماكان أفضل
وكل مازادت خبرتك كل ماكان أحسن

ياليت لو نقدر نخدمك بأي شي أخوي
وتبقى أكيد أولى من الأجنبي

[اسرار العناد]

موفق يا خووي انشالله ....

[sunlover2009]

طبعا انا جامعي وصديقي ثانوي وقررنا نزور قطر وبالأخص الدوحة عن قريب ان شاء الله
بس ممكن تدلونا عن الاماكن اللي ممكن نحصل فيها وظايف.

[sunlover2009]

انتظر المزيد من المعلومات .................................................. ..

[sunlover2009]

:omg:؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[بوخليفة3]

سلمت يا خوي على ردك الطيب وتأكد ما كان في بالي هذا الرأي اللي جالسين الحاقدين يفسرونه على هواءهم ..

علما انني بديت املّ من هذا المنتدى ومن ردود بعض اعضاءه

الله يعينج بيمرون عليج وايد من اللي يقرا اول صفحتين من الرودود ويترك الباقي اعتقد انج وضحتي وجهة نظرج فالرد الثاني ويعطيج العافيه

ويالتوفيق ياكاتب الموضوع

[sunlover2009]

:nice: